九份茶舍 (已結業)

食完午餐經過金魚街又想買返杯野飲消下暑🥵 今次想叫啲fresh嘅飲品解下滯我就叫左杯細嘅桃四季春果茶🤭 叫左半糖 飲落岩岩好 唔會太甜 茶味幾香濃 反而桃味就冇咁出 不過整體都幾抵飲 夏天飲夠哂解渴 而且又可以食下水果😬

因為近排好想食芋圓，行葵涌廣場行到口渴，見到呢間有芋圓，即時整翻杯飲！我order咗杯台灣古早味珍珠奶茶，加咗芋圓。奶茶味道偏甜咗d，同埋芋圓煮得唔夠軟，半硬軟咁，如果再煮軟身d就好。

喺香港, 台式手搖奶茶店開到成行成市, 有時都唔知邊一間先真係好飲, 而且每一間嘅味道都唔係相差太遠我今日經過旺角, 見到一間好有良心嘅珍珠奶茶店, 咁岩又口渴, 唔使諗啦, 叫咗杯凍嘅古早味珍珠奶茶本身都諗住只係支持良心店， 無乜要求，但一飲之下發現佢真係好好飲， 甜度適中，奶味香濃，茶味夠，珍珠甜而不膩， 而且珍珠好彈牙，飲極都仲有，好滿足不過試咗咁多古早味嘅食物，我都係食唔出古早味究竟係咩味😝😝😝喺炎熱嘅旺角街頭上可以嘆番杯咁正嘅珍珠奶茶，最緊要係喺有良心嘅店舖度消費，真係好爽，佢仲有印仔卡，買滿幾杯就送一杯，真係好抵飲

九份茶舍係想試左好耐既黃店💛，揀左好耐，最後叫左黑糖瀑布珍珠鮮奶（加芋頭珍珠）解渴。一般啦，未到好飲，但又未到好難飲。不過個人覺得黑糖味唔夠，珍珠又唔夠X圓圓好食，芋頭珍珠就無味，後悔加左錢叫芋頭珍珠🤭今次體驗一般般，仲要total都要成$31 ，都唔算平，所以大多唔會再幫襯，除非有朋友推介到佢其他items la🤣

💛 #黃色經濟圈 前幾日巿去花墟買啲野經過呢間之前好多人排隊主打正宗手工芋圓嘅台式茶飲店~好耐冇飲廢水所以就去試下😋🍴格雷伯爵珍珠鮮奶茶-半糖($35/大杯)今次揀左呢款伯爵鮮奶茶~一般茶飲店都比較少見😋伯爵茶嘅味道好香~但奶味就唔係好夠出🥺珍珠有兩款可以揀分別係黑糖珍珠同地瓜珍珠~今次就揀左特別啲嘅地瓜珍珠😋都幾煙韌有少少嘅地瓜味比平時嘅珍珠會冇咁甜👍🏻除左飲品之外店鋪仲有賣芋圓甜品~疫情影響嚴重大家要去支持下啦💛🎗📍 九份茶舍 (旺角)旺角弼街84號地下A號舖

行過旺角轉左呢間真係支持下😛買咗細杯台灣古早味珍珠奶茶拎上手都幾大杯🥤珍珠揀咗黑糖味珍珠比較軟身有口感揀咗微糖但都係比較甜不過見佢咁有心思都值得一試☺️佢連張印花卡都整得好靚😍依間舖頭好支持醫護 疫情期間免費請醫護飲任何一杯飲品🤩

行旺角東見到有醫護優惠，就試左九份茶舍既黑鑽瀑布珍珠鮮奶，平日下午去鋪面人流唔多，唔洗排隊等！鋪面有好多文宣，黃店認證！而且除左醫護優惠，亦有好多其他優惠，非常抵飲！店員好有禮貌，等到野飲到手，見到賣相非常吸睛，上面有金箔，打卡一流！！粒粒珍珠都又甜又大又煙韌，大大杯，兩個人一齊飲！極力推介！就算冇優惠，都會繼續幫襯，野飲選擇多，最重要係好飲！好飲！好好飲！支持黃色經濟圈！下次應該會再試奶蓋系列，都非常吸引！

呢間台飲好早期就支持運動，14/6開始黑衣顧客享 $5 折扣😌 舖頭有大量文宣💛 我去嗰時都大排長龍，不過依家受疫情影響就未必啦😣 店員都超有禮貌，令到成個購買過程就算要排隊都好愉快😄😄/🍹奶蓋黑糖珍珠古早味紅茶 (配海鹽芝士奶蓋) $25(細)😗呢間嘅芝士奶蓋味唔算好濃郁，所以唔係好飲得出芝士味🧀，而且我唔太慣珍珠同奶蓋一齊飲🥵 所以下次我都係飲番普通奶茶或者鮮奶茶😙 見佢仲有其他分店，下次行經去買☺️

平時經過都會有少少人流，今次經過無客人等緊，就去幫襯下😛叫左個3色仙草芋圓（$37），價錢唔平，但都算大碗，啲芋圓大大舊，有芋味，但唔算好濃。芋圓質地偏硬，唔夠Q，整體味道一般。

係旺角朋友介紹既手搖飲品一睇間鋪就知黃到金好多文宣本身諗住叫杯黑糖瀑布珍珠鮮奶因為我極中意食珍珠同埋見到有兩隻連豬應該會幾好飲點知太夜無哂珍珠店員推介其他我就揀左仙草起碼有一隻連豬黑糖瀑布仙草鮮奶 細杯 $25整體黎講都幾好飲夠哂奶味 仙草好大塊黑糖味都夠雖然話係細杯 但其實都幾似中杯份量都幾多 幾抵飲同埋我比較中意呢d杯有個細蓋可以吸住個開口位想用飲管果陣又有位篤 讚下次會再試佢個黑糖瀑布珍珠鮮奶希望有啦!

行旺角又口渴可以去😋高！質！ 今次叫左三重抹茶鮮奶（大） 有抹茶奶蓋、抹茶、抹茶珍珠🍵但我哋去嘅時候，抹茶奶蓋已經賣唒lu😔但佢地個抹茶珍珠好煙靱，身為煙靱好滿足😍佢地仲有好多其他款式，全部都好吸引🤩🤩🤩📍：九份茶舍 (旺角)旺角弼街84號地下A號舖

終於完晒韓國篇啦～慢慢將個重心去返香港！🔥依家普遍出去都只會揀啲黃店幫襯🥰呢間九份茶舍就係其中一間，店舖好多文宣手幅🤗👉🏿✨熱香芋珍珠鮮奶 hkd 32 💸📌芋頭味幾濃郁既！珍珠煮得夠q彈！如果有埋真芋頭係到咁就完美啦👉🏿✨碳焙烏龍珍珠奶茶 hkd 25 💸📌茶味幾香濃～烏龍加埋珍珠又幾好飲喎🤨住係附近既大家多啲幫襯喔

係金魚街行過一定要幫襯黃店，當日橋上仲有👮🏼‍♀️周圍走但當時既人士無理會過繼續排隊買同等飲品。係人都知深黃店鋪。裡面既pepe同圖片都吸引到你睇佢寫啲咩！最特別既收據🧾每次都吾同，中意既朋友拎番家草🙆🏻‍♀️每杯飲品都吾算貴，而且老闆見你同路中人都會減$5優惠比你👍🏻👍🏻👍🏻良心小店。香港人加油！百香果四季春鮮果茶 $29大大杯裡面既餡料足而且吾算太甜，飲一杯已經好飽。⭐⭐⭐⭐⭐⭐⭐⭐⭐⭐⭐⭐⭐味道 : 8.5/10價錢 : 8.9/10環境 : 8.7/10回頭度 : 9.7/10人均消費：$16-29⭐⭐⭐⭐⭐⭐⭐⭐⭐⭐⭐⭐⭐九份。茶舍旺角弼街84號地下A號鋪

手足同心 , 其利斷金 .... 這家 "九份茶舍" 黃得很囂張，筆者每一次行過都要去懲罰佢 , 買杯仙草凍茶來飲 ~單是看 Pepe 這個既傷感又無奈的可憐表情 , 就叫人心傷 , 同舟人又豈能不放下銅板買杯飲料 , 而拂袖而去呢 ~台灣古早味紅茶+仙草 (大) : 飲第一口就感覺茶味清香 , 味道輕甜 ; 加上味道甘香 , 口感特別的仙草 , 實在是清甜可口 , 台灣味滿滿 , 又好飲的一杯飲料 ~ 對筆者來說 , 味道不是重點 , 最重要是這份有良💛的人情味，飲得心涼 , 飲得安樂 ~本篇完 ~

喺附近食完lunch經過呢間門口全部都係Pepe、支持香港人的小店就二話不說去支持下　買左兩碗糖水外賣－三色仙草芋圓同椰汁西米三色芋圓。每碗糖水都因為五大訴求而比左$5折扣我地~  先講下三色仙草芋圓: 好足料 有仙草、紅豆同3隻味既芋圓，芋圓好煙韌、軟熟！唔錯　至於另一碗椰汁西米三色芋圓，都係足料，3隻味既芋圓加上西米，不過椰汁味道偏淡，都係鐘意三色仙草芋圓多d...