影片
因为地点方便，买过几次呢间嘅芋圆，质素稳定，次次味道都唔错。芋圆分量足够，烟韧有芋味；配料有凉粉、红豆、啫喱。个啫喱几有咬口，食落几开心。如果路过想食芋圆，可以试下呢间。
继续阅读
原本打算买个饮料，路过九份芋圆时见到有爱玉芋圆，便买咗一碗试一试。份量系好足，芋圆软糯得来又好好咬，完全估唔到芋圆配好似jelly嘅爱玉很清新，罪恶感倍减地饱肚
继续阅读
店员首先俾零分！行到埋去叫嘅时候十问九唔应，企喺佢前面都挂住玩电话，问佢芋头珍珠同芋圆有咩分别，就求其答我31蚊，九唔搭八！其实唔想做生意咪出声啰，唔洗敷衍个客。后尾食嘅时候知道，原来芋头珍珠＝冇味嘅珍珠，想揾啲芋味都难，又冇口感，勉强叫佢做“冇味冇𡁻口嘅珍珠“啦，估唔到鲜奶茶都系伏，味道好似奶水咁，冇奶味，冇茶味，唔知自己饮咗啲乜，唔知呢间嘢因咩出名。总结所有嘢都系伏伏伏，唔洗再帮衬，饮品质素绝对唔得。
继续阅读
之前系第二个区见到呢间铺头好多人排队，一路都想试下佢嘅芋圆，但未有机会。今日系旺角见到冇人排队，即刻买外卖试下先仙草芋圆，一开出黎已经好足料，好大碗。有2款芋圆，红豆，仙草。 芋圆口感烟韧 ，qq的，就算雪冻咗都唔会变硬，比较出色。因为好多时其他芋圆雪涷左，口感变硬，难以咬开。仙草味比较淡，滑嘟嘟 ，但配合埋其他食材一齐食，味道啱啱好。 糖水甜度适中，几好。可惜店员服务较差，落order时keep住黑面，不屑做生意咁样，问多2句仲要敷衍回答。
继续阅读
🤤 超解渴嘅水蜜桃🍑四季春Geo条👅评分：⭐️⭐️⭐️⭐️ (5⭐️最高）水蜜桃四季春鲜果茶 - 大 $28除咗拎靓靓杯之外，当然要帮衬吓啦，叫咗杯水蜜桃四季春鲜果茶！虽然呢杯四季春冇得微糖，只有半糖，但都唔会太过甜，水蜜桃嘅甜加上四季春淡淡嘅茶味，好饮同埋超解渴！平时都有饮九份，因为佢有啲新鲜生果喺入面，我次次都会打开个盖食埋，唔知你哋会唔会😂又有得饮又有得食苹果同橙，所以我平时都会买九份嚟饮😛
继续阅读