影片
开饭介绍
走中式华丽风的火锅店，非常有气派，座位空间宽敞舒适，适合一大班朋友聚会。主打中式火锅混合泰式元素，必吃招牌冬荫功汤底，酸辣惹味，火锅配料用料上乘。
继续阅读
营业时间
今日营业
17:00 - 07:00
星期一至日
17:00 - 07:00
以上资料只供参考，请与餐厅确认详情
有关奖赏计划
相关文章
前阵子同成班同事去咗尖沙咀嘅「九五至尊火锅狗毛」打边炉。餐厅入面环境超大，唔止可以开心打边炉，居然仲有唱K同打麻雀嘅设施，好适合同朋友同事嚟玩乐聚会。我哋叫咗花胶螺头老鸡锅汤底，个汤色金黄，一睇就知好浓郁。忍唔住先饮咗啖汤，哇，鲜甜滋味瞬间喺口腔散开，真系超好喝。花胶吸收咗汤底精华，咬落去入味又爽弹。小食方面选择好多。鸡泡鱼干烤得香口，带住微微焦香；椒盐鲜鱿同椒盐墨鱼咀炸得金黄酥脆，外层香口，入面嘅肉质鲜嫩多汁；鸡软骨口感爽脆，咸香适中。每款都新鲜热辣🫶🏻至于牛肉，纹理好靓，色泽鲜红。落锅轻烫几下，入口软嫩多汁，肉香四溢，真系好好食。最惊喜嘅系佢哋嘅手打柠檬茶，茶底清香，柠檬味清新，甜度啱啱好，饮落好清爽，好适合搭配打边炉，解腻一流。总括嚟讲，呢间餐厅好值得再嚟！
继续阅读
呢间都算系隐世顶级嘅火锅店，佢位置系尖沙咀巷仔嘅地下舖，𠮶日早收工突然好想食火锅，见之前个朋友介绍就去咗试，个场都好大下，好彩早去走𠮶阵好多人😓餐厅而家做紧推广，满足简单条件就可以免费鸳鸯锅我哋今次试咗胡椒猪肚加麻辣鸭血😋好欣赏佢个汤底除咗够浓之外，啲料都好足，猪肚鸭血起码食咗十几旧😂打边炉啤啤佢😏仲要买一送一鸭血系任食😋癫左呢碟只可以话神奇、顶级、超卓！呢个价钱嚟讲好大碟下，手切牛肉 每块切到手掌咁大块。食落好有口感同埋好有牛味，呢个必试👍牛胸爽又系好值得试，咁大块渌熟完会缩水，但好爽口羊肉片羊膻味唔会太重，好适合接受唔到阵味既朋友try try 手打墨鱼丸好大粒，第二最值得试呢间餐厅有啲特别，除咗打边炉之外其实本身有泰国嘅元素喺入边。呢个椰子鸡汤又系好足料，食完好饱好饱😂
继续阅读
今次帮朋友庆祝生日～ 觉得呢间火锅店要比人知道！ 食野价钱同其他火锅店差唔多，但比出面大碟同足料；环境空间感好足够，同埋啲staff 好nice! 最重要系！ 攞蛋糕唔收切饼费～啲职员仲会主动帮你执晒张枱，整到个蛋糕靓靓攞出嚟俾你！ 100个like👍🏻👍🏻
继续阅读
喂喂喂！又系我呀！今次又同班friend去咗「九五至尊火锅」打边炉啦！🔥🍲 上次食完个胡椒猪肚汤锅之后，真系念念不忘，所以今次又encore！😋一坐低就叫咗个**胡椒猪肚汤锅**做汤底，阵胡椒香扑鼻而来，真系令人食欲大增！🤤 个汤底又浓又香，饮完暖笠笠，真系好舒服！😌 猪肚又爽又入味，正！👍肉方面，我哋叫咗**美国精选封门柳**，牛味浓郁，肉质鲜嫩，渌一渌就食得！🥩 好味到停唔到口！😋其他配料方面，我哋叫咗**珊瑚蚌**、**蜂巢豆腐**、**特级毛肚**、**花枝片**、**手打虾丸**、同埋**自家韭菜饺**。🦪🥢🥟 **珊瑚蚌**爽脆弹牙，**蜂巢豆腐**索晒汤汁，**特级毛肚**七上八落就食得，**花枝片**鲜甜爽口，**手打虾丸**啖啖虾肉，**自家韭菜饺**皮薄馅靓！全部都好高质！🤤蔬菜方面，我哋叫咗**皇帝菜**同**莴荀片**。🥬 渌完之后索晒啲汤汁，好清甜！仲叫咗**烧鸡肉串**同**烧猪肉串**做小食。🍢🍗 烧得好香，肉质又嫩，好惹味！饮品方面，梗系要叫返支冰冻嘅**Sapporo**啦！🍻 同打边炉真系绝配！总之，呢餐火锅又系好满足！🥳🎉 食到个个都捧住个肚走！🤰🫃 下次要再嚟试下其他嘢食！你哋都快啲去试下啦！咪走鸡呀！🐔
继续阅读
路过尖沙咀见到「九五至尊」个名够霸气，而且而家follow ig免汤底，即刻拉埋朋友入去试吓晚市火锅！装修确系靓，枱面用左云石，用左好多红色灯光营造到好高级嘅效果汤底可以拣鸳鸯锅，今次食左古法沙嗲同蕃茄汤底。打边炉最紧要系汤底同食材新鲜度，呢到两样都做到！汤底劲浓郁仲有少少稠劲入味，特别系蕃茄汤真系有蕃茄同薯仔系入面。野食方面叫左猪腩肉同牛舌片，油脂分布均匀，肉质松化值得encore，而且价钱好贴地桶蚝同鲩鱼片呢啲海鲜类好新鲜，一啲雪味同腥味都冇虾滑腐皮卷系呢到特色，其他地方都见唔到，中间落足虾肉同真系打到起胶，腐皮仲要预先煎过食落好香口另外一提系入座可以任食麻辣鸭血同蜂巢豆腐，唔知呢个系限时优惠定系以后都会有比较惊喜既系呢度竟然仲有cocktail可以饮，天气咁冻叫返杯热红酒，上面仲有成条肉桂劲有心机，饮落唔会好涩，好快上头Signature cocktail，虽然饮唔出佢成份，但酸酸甜甜唔会好重酒精味，好易入口几好味自助酱料区有齐蒜蓉芫茜炸蒜，不过以佢既汤底装左我都无点过夜晚入座暂时都唔需要等位，不过我临走嘅时候都见到好多人入嚟，想试嘅预约咗先一定无问题
继续阅读