乜嘜雞蛋仔 (已搬遷) 新店位置

試左隻左朱古力雞蛋仔，門口有唔少人等候，所以件件都係即叫即整。食落外面脆口，內裡厚實有咬口，仲有少少流心效果，就好似係脆皮流心蛋糕，製作起來難度高好多，味道亦都比起某d得個外層脆口，內裡空洞既雞蛋仔，層次感豐富，好食得多！另外仲試埋腸粉魚蛋燒賣,腸粉同魚蛋都夠彈牙,燒賣唔似平時”公式味道”伙記俾好足芝麻,加埋一齊食非常香,隻甜醬應該係鋪頭自己調較過,因為出面果d靜係得個甜字,佢地甜醬除左甜味仲有梅子味

香港地道小食世界聞名,魚蛋呀,燒賣呀,牛雜呀,奶茶呀等等等等,連好多外國黎香港嘅旅客反而唔係走去食最貴最高級嘅餐廳,係走去油尖旺街頭掃街嘆小食!其中有一款小食雞蛋仔,幾乎係每個人童年扭計叫呀爸呀媽買嘅就係雞蛋仔喇!.講到雞蛋仔,早排喺佐敦附近行街,路過一間小食店,聞到好香雞蛋仔味,咁就吸引左我去試下。試完之後真心推薦!.我就試左底芝麻味(雞蛋仔唔止原味,仲有其他味道選擇)同好多鋪頭都預先整定嘅唔同,依間鋪頭即叫即整,夠新鮮夠熱。依隻芝麻味雞蛋仔唔同出面其他嘅得個香味,食落口係好夠芝麻味!混合埋雞蛋味,認真唔錯!鍾意掃街嘅朋友一定要試下!

喺佐敦附近番新工,番工成日流流長咁緊係要八下附近有咩好野食啦!同事推介話有間乜嘜雞蛋仔好食,LUNCH就走左去即刻試下!原來靜係雞蛋仔都有4隻味道可以揀,有原味,朱古力,榛子朱古力,花生醬煉奶同芝麻!我今次就揀左份榛子朱古力味,雞蛋仔即叫即做,到手熱辣辣一陣香味傳過黎,榛子朱古力香再加埋蛋香 真係好聞又好食!食落口外面嗰層好脆,入面就軟綿綿,榛子朱古力香同雞蛋香冇互相搶味,好好食！除左食仲有好多野飲,叫左杯波霸珍珠奶茶,珍珠有咬口又唔太甜,奶茶唔會得個甜字,同珍珠好夾,食雞蛋仔趁奶茶都係一種絕配呀!

今日去完朋友屋企之後經過呢間雞蛋仔舖，真係一試難忘好多款食品都係新鮮每日造! 香濃珍珠咖啡平時珍珠奶茶就飲得多，咖啡真係第一次，第一啖令我驚訝既唔係咖啡，而係佢每粒珍珠都係好彈牙，直情好似芋圓咁彈同煙韌，加埋佢本身個咖啡底都好好飲，啡味好夠唔會太稀，就係飲完呢杯先令我決定要再食多少少野!抹茶紅豆格仔餅叫完之後老闆仲會問係咪砂糖牛油花生醬煉奶都要哂，先知原來仲有咁多醬料唔單單係抹茶紅豆餡，所以可以想像得到成個格仔餅係勁多醬料，但出奇地唔會有一種味特別出，全部都好平均咁食得出個種味又唔會蓋過其他配料。格仔餅時間都掌握得好好，外脆內軟同埋紅豆加抹茶既衝擊，基本上都未停過口好快就食哂。咖啡榛子朱古力雞蛋仔咖啡實在太出色所以我地諗住再食多少少咖啡既口味，印象中好似得呢間係會一個雞蛋仔有齊呢3種味道，老闆對於份量既調配好準確，唔會有一種味道特別突出，好似3種配料融為一體，好值得試。咖哩魚蛋食完甜野我地仲叫咗少少咸食。第一樣就係辣魚蛋，因為一路食既時候都有好多街坊叫所以我地都忍唔住食，咖哩再加埋沙嗲既口感好正，醬料應該係老闆自己整，辣得嚟又唔油，魚蛋亦都好彈牙好味! 牛肉球牛肉球係我既另一最愛，第一

放工有點肚餓 到佐敦試一試網站介紹no 1的乜嘜雞蛋仔。叫了綠茶紅豆格仔餅靜待一會，熱騰騰的格仔餅終於做好了。試了第一口，滿滿的花生醬 ，煉奶，紗糖口感豐富，味道一流，餅底有2cm 厚 質感厚實，很香，回味冇窮 ，會推介朋友來試但略嫌綠茶味較淡，進口像原味格仔餅牛丸都不錯

要講香港小食 雞蛋仔格仔餅絕對係香港嘅小食代表近呢幾年開始雞蛋仔同埋格仔餅除咗原味之外仲有好多創新嘅款式同埋味道 喺朋友介紹之下今日我哋嚟咗佐敦嘅呢間雞蛋仔舖頭嚐一嚐乜嘜雞蛋仔 除咗賣雞蛋仔同埋格仔餅之外仲有其他小食同埋飲品 種類多元化我哋 每人各叫一底雞蛋仔同埋格仔餅 在加多一份魚蛋黎食雞蛋仔除左右傳統原味之外亦都有鹹同甜嘅款式咖啡榛子格仔餅 $25呢款格仔餅同傳統嘅有啲唔同佢係用咖啡嚟做餅底再配上煉奶砂糖同埋榛子等材料 一出爐已經畀佢嘅外表吸引住 顏色呈現咖啡色 厚度十足 第一啖咬落去非常脆 而且食落層次好豐富 因為佢加咗好多好多榛子喺入面每一啖都會食到 另外可以叫老闆落少啲糖咁就可以更加突出咖啡嗰個濃度 食落就好似飲緊一杯expresso咁 呢款有驚喜！粒粒芝士雞蛋仔 $25呢款雞蛋仔顏色金黃 內涵十足 每一粒入面都有芝士同蛋漿 比例做到半涵半空心 食落外脆內煙韌 有雞蛋香味同埋芝士嘅鹹香 咖哩魚蛋 $10/8粒老闆話咖哩魚蛋嘅辣醬係自家整成 佢哋嘅辣醬好香 惹味十足 十蚊嘅價錢可以有八粒非常抵食 冰鎮咖啡 $16另外再叫咗杯咖啡 呢杯冰鎮咖啡 第一啖飲落去係好香滑 而且咖啡濃度

渡船角小食店由年輕人開設的雞蛋仔小店， 以雞蛋仔及格仔餅做主打，另有不少街頭小食如撈麵、腸粉、魚蛋等。 雞蛋仔系列也相當受歡迎，傳統以外不乏新派口味，如抹茶紅豆、抹茶朱古力、熔心芝士、榛子咖啡朱古力等選擇。今次就揀左榛子咖啡朱古力雞蛋仔，焙得香噴噴，賣相很吸引人。外層夠脆，有點像蛋餅，放多一陣都不會變淋！ 調味恰當，不算太甜。而且有原粒榛子，咖啡味濃，一次過食到三個味道！推介！街頭小食揀左牛肉燒賣，加上秘制沙爹醬，吾辣岩我！ 熱食之選！飲品不少得飲波霸奶茶，雖然質素比不上台式飲品店，但也不錯！

離對上一次嚟食乜嘜雞蛋仔已經好一段時間，呢日同朋友心血來潮想食雞蛋仔，突然諗起佢，由佐敦行咗陣過去醫肚😋價錢實惠又高質，性價比一絕💫值得一提嘅係老闆店員都好好客，會主動介紹食物。呢次試嘅就係老闆推介嘅，又的確冇介紹錯喎☺️咖啡朱古力雞蛋仔（$23）我係一個雞蛋仔迷，依我睇，香港冇咩幾間嘅雞蛋仔整得好食，就算幾出名都係咁講。個人口味鍾意食外脆內軟嘅雞蛋仔，最好就有埋蛋香啦！講下乜嘜嘅雞蛋仔，佢有超過十款口味，任君選擇。平時多食原味或朱古力味，老闆就介紹我哋食咖啡朱古力味，咖啡有中和作用，唔使淨係食朱古力嘅死甜。攞上手，熱辣辣，即刻試下先。雞蛋仔比較韌，唔係好易搣得出嚟。外層比較厚，但依然係脆嘅。入面嘅饀好豐富，充滿成粒雞蛋仔，咬落去有質感👍所以整體texture係我喜歡嘅外脆內軟🥰，如果外層冇咁厚/韌會更加好食！味道方面，咖啡味同朱古力味都喺到，又的確咖啡味會出啲，輕輕蓋住咗朱古力味喎，幾有層次，幾特別。噹噹烏冬（$12）深海章魚丸（$10/3粒）撈烏冬可選以咖喱撈、沙嗲撈或蠔油豉油撈。我哋揀咗辣嘅咖喱撈，的確好辣，仲有啲攻鼻添🔥，不過好過癮🤣烏冬軟身，唔算係彈牙嗰隻。章魚丸好彈牙，好食！

在佐敦附近用膳後，未算太飽，所以就想買雞蛋仔作甜品。上次吃過綠茶紅豆味不錯，雞蛋仔我揀咗榛子🌰朱古力味，好香，入面係有朱古力餡，冇空心，即叫即整熱辣辣，真係好好食我本身是為雞蛋仔及格仔餅的忠實粉絲，尤其熱愛花生醬、煉奶、牛油及砂糖的無敵組合，而這款雞蛋仔則將雞蛋仔與格仔餅二合為一，把格仔餅當中花生醬和煉奶的元素融入雞蛋仔之中。冰鎮奶茶香滑嘅奶茶佢既味道有種特別嘅淡淡的茶香有興趣朋友可以試一試呢一款奶茶同市面上其他嘅奶茶有咩分別

一直都好鐘意食雞蛋仔嘅我，係唔會放過任何機會去搜羅唔同嘅雞蛋仔咖！黎到哩度哩間見近日都有幾多好評嘅雞蛋仔舖，當然唔可以錯過啦！本身黎到淨係諗住試雞蛋仔，不過因為佢哩度嘅雞蛋仔係即叫即整嘅，所以喺等待嘅途中，俾店員大力推介牛肉燒賣，所以又嗌黎試下。熱辣辣之餘，仲要好煙韌，好軟熟，好有咬口得黎，配埋酸酸地嘅醬汁，真係加倍好味。等左無耐，雞蛋仔終於到，係朱古力味，佢哩度嘅雞蛋仔每粒都有好香嘅朱古力餡，皮脆之餘，個餡亦好厚好軟熟，亦有蛋香真係無得頂！加埋靚仔嘅整雞蛋仔師夫，真係一流！

今日去柯士甸做嘢，經過呢間乜嘜雞蛋仔 聞到好香，為食嘅我即刻停低腳步😂😂😂😂都幾多明星幫襯過~~我本身淨係想買雞蛋仔架啫，但店員推薦我哋試下牛肉球，話同出面嗰啲唔同，見佢盛意拳拳，咁我都試下啦，$11 有三大粒，食落果然好好食，係比較爽口彈牙，唔同酒樓嗰種，真係值得一試！！雞蛋仔我揀咗榛子🌰朱古力味，好香，入面係有朱古力餡，冇空心，即叫即整熱辣辣，真係好好食😍😍下次一定會再嚟，試埋個格仔餅同埋魚蛋！

之前試過呢間食店既雞蛋仔，一試難忘，呢次買啲小食作為下午茶。呢次我哋試左幾款嘅食品，分別係乜嘜牛肉燒賣（$10/7粒 or $20/16粒)，大同香油腸粉拼魚蛋及燒賣各三粒（$16），冰鎮奶茶（$16）。用餐方式：提供堂食 或 外賣自取。輪候時間：平時約5-10分鐘；食品方面：乜嘜牛肉燒賣：牛肉餡嘅燒賣，相對係比較少見，味道同埋賣相都唔錯，值得一試。大同香油腸粉拼魚蛋及燒賣各三粒：利用大同油製作嘅腸粉，相比起市面其他嘅腸粉更加煙韌、爽口！充滿着油香嘅腸粉，配上魚蛋嘅辣汁，加上甜醬同埋麻醬嘅配合，味道簡直係一絕！喜愛食辣嘅朋友絕對要試，亦都可以向店主要求加咖喱醬，但要留意自己食唔食到咁辣。必食之選！超級推薦👍👍👍👍👍飲品方面：冰鎮奶茶：香滑嘅奶茶，佢既味道，有種特別嘅淡淡的茶香，有興趣朋友可以試一試，呢一款奶茶同市面上其他嘅奶茶有咩分別。價錢唔貴，人均消費：15-30蚊左右。總括而言，呢間係店唔止係雞蛋仔出色，腸粉餐亦相當出色，識飲識食嘅你一定要試下👍👍

乜嘜雞蛋仔係一間區內出名嘅小食店識飲識食嘅你絕對唔會錯過！呢一間食店嘅雞蛋仔有好多種唔同嘅口味提供比顧客選擇話可以因應自己嘅口味去選擇唔同嘅味道同埋配料值得一讚👍呢間店舖嘅雞蛋仔同埋格仔餅都非常之咁出名呢次我哋食左幾款嘅食品1. 分別係黑炭溶心芝士雞蛋仔（$28）2. 乜嘜牛肉燒賣（$10/7粒 or $20/16粒)3. 大同香油腸粉拼魚蛋及燒賣各三粒（$16）4. 冰鎮奶茶（$16）黑炭溶心芝士雞蛋仔煙韌嘅雞蛋仔配上濃郁嘅芝士味道非常之好值得推介！推薦👍👍 乜嘜牛肉燒賣牛肉餡嘅燒賣相對係比較少見味道同埋賣相都唔錯，值得一試大同香油腸粉拼魚蛋及燒賣各三粒利用大同油製作嘅腸粉相比起市面其他嘅腸粉更加煙韌、爽口！充滿着油香嘅腸粉配上魚蛋嘅辣汁加上甜醬同埋麻醬嘅配合味道簡直係一絕！喜愛食辣嘅朋友絕對要試亦都可以向店主要求加咖喱醬但要留意自己食唔食到咁辣必食之選！超級推薦👍👍👍👍👍 冰鎮奶茶香滑嘅奶茶佢既味道有種特別嘅淡淡的茶香有興趣朋友可以試一試呢一款奶茶同市面上其他嘅奶茶有咩分別

乜嘜雞蛋仔係一間區內出名嘅小食店。識飲識食嘅你絕對唔會錯過！呢一間食店嘅雞蛋仔有好多種唔同嘅口味提供比顧客選擇，話可以因應自己嘅口味去選擇唔同嘅味道同埋配料。值得一讚👍呢間店舖嘅雞蛋仔同埋格仔餅都非常之咁出名，呢次我哋有幸試到雞蛋仔。呢次我哋試左嘅食品係黑炭溶心芝士雞蛋仔（$28）。黑炭溶心芝士雞蛋仔：煙韌嘅雞蛋仔，配上濃郁嘅芝士，味道非常之好。值得推介！推薦👍👍其實仲有好多唔同嘅口味我都好想試，下次一定會再去呢間食店！

牛肉球(必試)極力推介牛肉球好有牛肉味，比起平時街食到既小食店既味道好唔同，肉質唔會似出面有落鬆肉粉咁。黑炭溶心芝士雞蛋仔(必試)雞蛋仔係有依依銀銀口感，同炭味同雞蛋味同芝士味三種味都食得到，師傅係有用心調教個味道，而且雞蛋仔不是空心，所以等待時間都要多少少。係平時出面雞蛋仔較少有黑炭味，佢係新鮮整所以要等10-15分鐘。咖哩撈麵加牛肉燒賣咖哩味係農，比個麵吸晒令個麵更好食，但留意有少少辣。牛肉燒賣都好好食，都係同出面味道不一樣。老闆有禮會逐一介紹下有咩好食。你唔知想食咩都可以問佢