樂天冰室 (長利商業大廈)

营业中

休息中

樂天冰室 (尖沙咀)📍：尖沙咀金巴利道25號長利商業大廈地舖🚗：尖沙咀B1地鐵出口 步行4分鐘📞：+852 9062-8338💲：~HKD70/head for dinnerFood quality✔️：芝士安格斯漢堡拼薯條、焗芝士咖哩豬扒飯、焗咖哩雞扒飯👌🏼：焗咖哩牛俐意粉、焗芝士鮮茄牛俐意粉總結：😋個人覺得呢間好食過紅茶 同埋大碟份量多價錢都算合理 佢招牌咖哩飯真係好食🤤😋佢啲焗飯都唔錯 至少好食過幾間龍頭快餐店 佢最出色一定係咖哩🍛系列 濃郁又夠香😋牛俐份量好多又厚切 飽肚之選😋芝士安格斯漢堡拼薯條🍟一上枱已經夠滿足 $70冇投訴又大份又抵食🤔意粉🍝都麻麻地 用嘅係超市賣嗰款包裝意粉 而且焗得唔透 食落硬身又唔夾😨衛生要講一樣嘢 喺尖沙咀分店食嗰陣 突然有隻黑影行過 但閃得極快 懷疑係老鼠 但又揾唔到佢去咗邊 最尾驚到全程Q腳坐 最尾頂唔順我哋自行轉位🫨

我去到等位佢話未齊人要等齊人先入得，跟住佢哋話搭枱我都冇問題，剛剛座底就問我做嘜仲唔落單勁吹我，我覺得佢哋真係好煩，我話睇下先然後個帶位呀姐話你可以唔好係到食架，嘩我真係好嬲，咩事先食個飯姐使唔使咁chur呀？我以後都唔會再幫襯呢間樂天餐廳，完全不知所謂，又唔係得你一間餐廳，今時今日競爭咁大生意難做，你哋啲服務仲咁差睇吓幾時執笠

我以前都算係長期顧客，過去對出品及服務態度一直覺得滿意。然而近期發現員工調動（據悉部分資深員工調職至新店）後，無論是服務品質同嘢食都大幅下降，令人失望到唔會再幫襯今朝點咗個「C餐雪菜肉絲麵」，當碗麵上枱後，發現碗入面只有雪菜同公仔麵，經仔細翻找確認並無任何肉絲。隨即舉手示意想問吓侍應，點知未問完問題，該名員工即轉身離去，過程中都無任何解釋或者唔好意啦，態度極其敷衍。邊到有肉絲我地決定唔會再俾機會佢

食物質素還可，但係食完即刻收碟趕客。我以後都唔會幫襯😡坐低叫餸到走共15分鐘，個侍應問我係咪食完，我話係等我send埋個message好快，跟住立即叫個客喺我面前等，又係我面前整呢樣整個樣．．火滾😤以後都唔黎幫襯🤬

樂天冰室 (尖沙咀)見到好多遊客食菠蘿包同蛋撻，仲有紅豆冰，都係地道既香港美食。今次食佢既歐陸早餐，口痕嗌多左個蛋撻😋😋🍳歐陸早餐 $45（凍飲+$3）吉列魚柳大大塊，熱辣辣，點沙津醬好邪惡👿仲有長法蘭克福腸配嫩滑炒蛋，蛋好滑。丹麥酥鬆脆加埋牛油，份量好足。🧁蛋撻 $8少少失望，蛋撻上枱既時候已經凍曬，餅皮蛋撻，重牛奶味。早餐黎講，魚柳咁大塊已經加左好多分。係蛋撻溫度爭少少，同埋餐廳只收Cash Alipay同WeChat pay，無八達通同其他支付工具爭少少。🏠尖沙咀金巴利道25號長利商業大廈地舖☎️ 90628338

🐷焗芝士鮮茄豬扒 ($65)即叫即焗，拎到出嚟啲醬汁仲滾緊，視覺上令我好開心😍好大兜，豬扒普遍都係一整塊肉，得一嚿骨仔。肉質都幾嫩滑，好厚嘅，入面係配炒飯（我係焗豬炒飯底支持黨😆）炒飯香口👍🏻平時食焗豬食到一大半已經生無可戀，但今日唔算好餓，但食完都唔覺好dry/好漏但係芝士🧀拉絲同埋味道都唔太有存在感🫘招牌紅豆冰 (焗飯加配$9)特飲嚟講算比其他地方大杯，好足料🫘撈埋唔至個樣似，連味道都有少少似oreo嘅味🤏🏻 Creamy嘅Dai C的話💭個飯同埋服務態度係對得住個價錢嘅，但未到超越出準✨ 但如果有機會，會想試埋佢啲小炒😆

今日自己去咗樂天冰室尖沙咀分店食個下午茶，係一個快食嘅選擇。樂天冰室喺尖沙咀呢度，位置幾方便，環境唔算大，但好乾淨，坐得幾好，對於一個人嚟食嘅我嚟講，真係好適合。我點咗個咸魚雞粒炒飯，價錢$47，再加一杯熱奶茶。首先講炒飯，味道上來講，算係中規中矩，咸魚味唔算好突出，但又唔係無味，雞粒煮得幾嫩滑，飯粒炒得幾香，但整體來講，無特別驚喜。份量夠飽，對於我一個人食剛剛好。至於熱奶茶，味道普通，茶味唔算好濃，但夠熱，喝落去好暖胃。如果你對奶茶有特別要求，可能會覺得唔夠味，但作為一個配飯嘅飲品，係可以接受嘅。服務方面，樂天冰室員工態度友善，雖然無特別熱情，但都會有禮貌地服務你。整體環境好清靜，適合需要一個地方休息或工作嘅人。總評來講，樂天冰室作為一個快食選擇，雖然食物無特別驚喜，但環境舒適，服務OK，價錢合理，係一個可以再次考慮嘅地方。**食品星級評分：⭐⭐⭐**總體星級評分：⭐⭐⭐⭐會再去試試其他嘢，但唔會對食物有太大期望。

講到下午茶，我一定係會揀樂天冰室，因為佢個魚柳包嗰塊魚柳真係手掌咁大，嗰個沙律又正，係薯仔蛋沙律打溶晒，超級好味😂👍🏻👍🏻👍🏻唔好睇佢個包面頭好似燶燶哋，查實係勁脆～份量超級大～尖沙咀有呢個質素，嘅下午茶，都係$45 ，真係超級抵🤣極力推介

事緣喺度嗌一個外賣攞咗三包辣椒油，一個瘦長頭髮嘅女人就即刻行過嚟同我講話你一個外賣攞兩包辣椒油就夠啦，跟住我唯有哦，都唔知仲可以講咩好,就走咗啦今時今日仲有咁嘅服務態度香港，多謝你

選了很久才去呢間餐室，諗住無咁多大6人。見網民投稿此店服務態度非常劣，我也冒險一試。下單時要求野飲後叫，因為唔想放涼，侍女同我講: 繁忙時間野飲無後上，我回道: 咁d野飲咪放涼晒 (去咁多餐廳從未有人同我講唔可以咁做)? 於是乎佢行開咗幾分鐘，又走過來問飲乜野呀? 我們只好迫於無奈地下單。到結帳時見到有電子支付為Alipay & Wechat Pay以及現金，我說: 收八達通? 四眼肥肥地的收銀阿姐回: 不，因要收6%手續費，我道: 那麼你們只做大6人生意? 佢仲話全部餐廳都係咁。我道: 你地新蒲崗分店是只有現金的，那麼對我們香港人好唔公平，沒有一視同仁，加上鄰近既大紅茶咁好生意咪又照樣只收現金，人地只見龍頭不見龍尾。之後佢仲要呴度囉唆不斷，當時我已經走出餐廳都廢事同佢講。所以此間餐廳應要進行嚴格的員工訓導，並要接客一視同仁!!!食物水準又唔係特別好食，比錢仲要受氣!!

此店極為不專重客人，服務態度極度惡劣😡原因1：我同朋友兩人入座，一位男侍應為我們下單，過程中（立即）想加錢轉麵，但遭到拒絕！他說因為下單後不能更改⋯！出了一秒改也不能⋯！原因2:我朋友叫了一個常餐，蕃茄（湯）通心粉，但來的時候，竟然冇湯看似撈通心粉，所以請了一位女侍應來查詢，她的態度言語極之惡劣無禮，跟我們說廚房不嬲都係咁樣煮嘅！碟碟都係咁樣㗎啦⋯⋯！甚麼⋯不嬲都係咁煮？很奇怪！我要求無理嗎⋯⋯？我只希望要湯通粉，不是撈通粉⋯！一間如此無視顧客、極之無禮貌的茶餐廳，請我也不會到⋯⋯！永不再次幫襯！

樂天荔枝角店完全係我哋飯堂…除咗呢幾年成日都食… 最近大半年, 晚餐幾乎都係食佢… 有時候 連早午餐都係佢… 近嘛 夜晚啲同事特別 nice!!!叫咗常餐同埋晚餐~ 今次稍稍偏咸, 所以只係飲咗半碗~ 肉夠厚 熟透唔柴, 無骨食落方便, 可以呀~本身餐跟炒滑蛋, 但係我一向鍾意轉熟蛋~鍾意佢茄味啱啱好, 唔會伏伏茄膏感濃濃~係幾年, 都會飲曬嘅湯底~ 可能夜喇, 無荔枝角分店咁爆客, 材料準備好之後放耐咗啲, 通粉質感稍軟, 但仲係响合格線入面嘅~ 牛肉片質感正常, 可以的~ 但都係掛住之前荔枝角店嘅牛尾…btw,凍檸茶 (基本上, 我地每日最少 2餐都係咁叫)一杯少甜 vs 一杯少甜少冰極少有餐廳好似我地遇到嘅姐姐咁好咁認真, 小心放低 講清咗邊打邊杯, 好貼心呢!

星期日嘅5:30試做完facial 經過見到有間茶餐廳有菠蘿飽賣即刻醒起自己晏晝都未食，望落有位即入。樓面姐姐介紹有兩個菠蘿包餐，菠蘿油配紅豆冰$30，有煎蛋、煙肉、蕃茄菠蘿包餐就$39，一陣返屋企仲要食飯，咁就揀個$30啦！呢度人手落完單，覆一覆WhatsApp杯紅豆冰就到，睇埋其他餐牌，菠蘿油都嚟埋，🫘冰叫咗少冰，好香帶雲呢拿奶味，🫘軟糯😋，好快飲剩得番半杯嗱嗱臨食飽先，不過菠蘿包唔熱，好在食落皮脆不易散，夾埋牛油食，正！如果個包熱辣辣仲正！$30超值！見佢鮑魚煲同其他小菜🥘 都好多選擇有機會再嚟試🥢呢度唔收八達通，但可以用Alipay WeChat後記：唔嚟睇都唔知原來咁多負評，但我覺得地方乾淨，有空間感，不停聽到客人走時夥計有講‘多謝！再見！’

工作後離朋友飯聚還有兩小時，就先找地方下午茶，坐下打發下時間。餐廳在諾士佛臺下面，入座後才發現是樂天冰室，這一間分店第一次光顧。不是很餓，待會又吃晚飯就打算簡單點個奶醬多士。奶醬多，真的超多奶醬。因為很便宜，另外又點了個吞拿魚包。充料吞拿魚內饀🤌

今日午餐嚟到樂天冰室食午餐，有時食午餐最緊要快靚正，但係呢度除咗快之外啲嘢食其實真係唔差，今日叫咗精選午餐A餐瑞典式烤雞扒意粉，個雞扒真係好好味，最重要係咬得落口，同埋最緊要個價錢唔貴，一般尖沙咀60幾蚊一個午餐已經係算係好平，大家不妨可以試吓！