影片
周末下午茶时间，路过被外面放著的巨型炸鸡髀餐牌吸引进去。想不到这间会是盆菜店，店子很细，但可以坐在店外的巷子。这里有下午茶餐，鸡髀可以配薯条或沙律，不吃炸髀还可以吃瑞士鸡髀。午饭时段还可以配饭和不同酱汁。餐牌其实还有不少茶餐厅的选择，但见来这里的人每台都是吃炸髀。鸡髀很快送上，不是即叫即炸。不知是炸好等客还是有客点就翻炸一下。鸡髀覆盖大半只碟，很巨大。吃下去仍是很热的，炸得啱火喉，皮脆肉嫩，可惜腌得未够入味，但如果用刀叉享受，点些茄酱吃就会十分满意的了。
继续阅读
不是因为网友疯传有特大炸鸡比都不知道这里有间小店, 因为是在一条小巷里面.今日一早大约八点舖头还是刚刚开门, 厨房还未准备好我们便入座, 老板叫我们等一等.我点了一个很吸引我的早餐价钱只是$25不要看只是几粒粉其实底部全是粉, 十分十分足料, 蕃茄差不多有一个, 薯仔只煲得很稔, 而家确实真的有排骨, 因面头有两旧朋, 汤底十分热辣辣而家真是煲出来的但当然会有茄膏加入, 我差不多把整碗汤都喝清~~~炒蛋还可以只是我觉得可以再滑多一点而家蛋份量比较少,,但脆猪已补会所有分数, 奶油十足,,,脆猪极之松化...........令我喜出望外十分惊喜.连热饮只是$25大元真是极度超值, 我必会再来的!!!加油呀小店)))))))))))))))
继续阅读
日期：2015-05-10一场入到元朗，试完成记，接住就系见识乐团园特大生炸鸡脾嘅时间。上次到访，揾佢揾咗好耐，兜圈又兜圈，绵羊仔又带错路，4:30pm左右，以为好好彩只等位等咗10分钟，点知坐低老板话：无xx，无沙律。我听唔清楚问老板娘，佢话：有呀，有沙律啦。我问：有无炸脾？老板娘笑笑口：鸡脾卖哂啦，3点钟就无啦。我好失望，亦无谓浪费quota，讲句“唔好意思“，起身走人。今次3点到达，再碰碰运气。。。正！有位有脾！乐团园喺小巷内，舖仔细细，但干净企理。只得一张8人长枱同后面一张二人枱。因在堀头巷内，有时会开两张折枱帮补吓或供客人等外卖坐。今次迟来的鸟更碰著下午茶时间，应该悭到几蚊。鸡脾明显即叫即炸，等待需时约10-15分钟。但真值得㗎！鸡脾上枱热辣辣，曲曲薯条脆卜卜。期待已久嘅鸡脾绝对无令人失望，外皮松脆香口，肉质结实新鲜，非常juicy，绝对系少有嘅生炸出品！而且真系非常大只，令人饱足！巨形鸡脾。内里肉汁丰富，炸得恰到好处，一丁点干硬感都无。小插曲：我坐8人长枱最出面，另一边系一家4口（一爸2女1子，小朋友），我哋中哂仲有两个位，佢哋4人只叫2餐share，嚟咗一个鸡脾餐，老细话：唔好意思，另一只要再等等，因炸起好细只，唔好睇，我炸过只大嘅先俾你。到我哋差唔多食完，有5人出面等位，那爸爸同老细讲，我哋仲有两个人未到㗎。老细话：ok无问题。那爸话：我怕你俾5位坐（因我哋走），老细绝无黑面且笑住：无问题，慢慢坐。之后仲送咗只鸡脾俾个小朋友，话：呢只细嘅唔好睇，反正炸咗，送俾你食。（我感觉𠮶家人似街坊，但并唔系熟客。而且佢所谓“细“，其实系外面餐厅嘅正常size）最怕小店食物受欢迎后变脸，变得食物质素差，更易变质嘅系服务态度。但乐团园老板值得一赞系服务态度一流且坚持食物水准。
继续阅读
话说朋友推介呢间新开张既食店…睇真d…原来牌头系盆菜店黎…点都估唔到会有平常茶餐厅既野食…呢度其实都几隐蔽…唔讲真系唔知有食间店…地方细细…有时仲会偷鸡系门口开多张枱添…不过有埋太阳伞…都唔驶怕会日晒雨淋…0730就开…连早餐都有得食…而且仲有学生午餐添…餐牌虽然款式唔多…但包埋餐饮…热柠蜜都唔驶加$$…柠檬有3块…一d都唔涩…主菜点左一个饭一个意粉…炒意好有镬气…有点鼓油王炒面既感觉…咸甜适中…但略嫌意粉有点碎湿湿…猪扒已切开一旧旧…无骨方便食…但有点薄…至于炆猪肉系厨师推介黎…似系整盘菜果d炆猪腩肉…好肥好入味…比多d汁捞饭就更加好…伴碟仲有几条生菜添…整体野食都几ok...见隔离枱果碟咕噜肉仲好得咁…下次一定要记得试下…既有镬气又无味噌…都几健康…
继续阅读
今日终于试左乐团圆啦!叫左谷友推介0既出名大只0既鸡脾黎试,谂住试下咖哩汁同黑椒汁，但系同外甥女去食关系吾叫得辣;所以叫左茄汁!等左约15分钟终于到有得食啦~哗…真系好大只鸡脾丫😍!正~睇落好似㶶㶶地但食落一d都吾㶶，外脆内嫩☺!!!老板都好好人吹下水话点解要等甘耐，原来是个师傅坚持即叫即炸!👍👍👍等是值得的!
继续阅读