久十五 (已結業)

同朋友叫咗一個清酒煮蜆，本身就諗住食完啲蜆就算，冇諗過飲啲湯。之後店員同我哋講個湯係特別調製嘅，個湯可以飲埋嘅。之後本住都係飲幾啖就算嘅想法啦，因為我同朋友對個湯冇咩興趣。第一啖飲落去嘅時候酒味好重，個蜆就冇咁大嘅酒味。到飲第二啖嘅時候就好有驚喜😂啱啱好重嘅酒味消失咗變成好鮮甜好重蜆味。到後來同朋友都飲曬碗湯，真係好多謝個店員嘅建議😂好難得可以係大水坑食到間水準唔錯嘅餐廳，加上店員態度唔錯，我同朋友傾得太開心坐咗兩個鐘都每次經過見到我哋飲完水就加。希望下次去食嘅時候都會有小驚喜畀到我😂

第一次黎食，份量都幾大，服務都ok，環境都舒服嘅！不過中午人比較多，侍應先見到你食完就收走啲嘢！所以想坐耐啲就慢慢食！要收加一！有時先見到你隻杯冇水，會主動加水依點幾好！

平日下午叫外賣午餐，估唔到仲有9折優惠叫咗個滑蛋吉列豬扒蓋飯再加一件油甘魚壽司同一件帆立貝壽司總共$100吉列豬扒扎實厚肉，超多飯壽司係較蓋飯impressive食得出魚生幾新鮮，而且小店好用心，送埋個冰包係壽司盒上面，防止壽司變壞

平時去大水坑，都係食茶記為主。今次行行吓，見到有間餐廳裝潢非常日式，就lunch入去試一試啦。位置唔算多，但係間局上非常有心思，特登有間小房係有榻榻米坐。我哋叫咗一份豚肉生薑燒烏冬，另外加咗$18要一份豬軟骨，熱飲$5, 凍飲$8。烏冬同餸係分開上，唔怕啲餸浸耐咗口感變差，豚肉同豬軟骨都炆得夠林，同埋餐廳非常大方，$18嘅豬軟骨係有兩大舊，大過一隻手掌，所以好抵食。留意餐廳晚市提供唔少酒，定期會轉吓是日精選串燒，都吸引，希望有機會嚟試吓晚市。

本身打算一試聞名已久的泰國餐廳已經搬遷，路過見到一間裝修精緻的日式餐廳，有個小型木平台，親切既店員拿餐牌出來介紹餐廳，於是跟友人入內一試，裡面裝修簡單但也不失和風，更有小包廂，問過店員，需要在限聚令之後才可以訂房，目測可以坐6-8人。午餐選擇不算很多，但勝在精要簡單，價錢大眾化($48-68)。屬是常見的日式菜式定食、拉麵或烏冬，朋友的點的午餐先上菜，豬軟骨定食，份量很多，豬軟骨的骨跟肉都煮得鬆化，而珍珠米還加飯素，是值得加分的地方，而筆者吃的，是吉列蝦及豬扒定食，但卻沒有朋友的「壯觀」。炸蝦比想像中細及似交貨貨色，豬扒質算為不錯，日式咖哩味道也是正常(友人應為比吉豚屋好吃)，飯量很足，另一欣賞配菜也不馬虎，整個定食都是即點即造的溫度。另外也留意到佢裝上可以散點的東西，燒物及壽喜燒，下次可以再來試拉麵或者晚餐，因為不遠有足夠車位，又可以坐馬鐵來。

前幾日中午同朋友去食lunch, 成間舖得1個男侍應！見佢又收錢，又落order, 又要攞餐比客人，仲要做外賣，走嚟走去真係好辛苦，但態度仲好好， 好心老闆就請人啦！而家咁多人失業冇嘢做。嘢食就唔錯，小店料理好好食個牛肉定食好味但見個侍應咁辛苦，都唔知再去唔去好希望下次去會多番幾個人招呼。努力呵四眼哥哥

係馬鞍山黎講算貴，但價錢平過中環銅鑼灣，食物質素及餐廳環境可相提，可以打卡，服務態度優良，行高檔路線👍🏻👍🏻👍🏻希望多啲人支持，令佢捱得過武漢肺炎風波🙏🏻🙏🏻

疫情開始之後 好耐冇試過出街食晚飯今日屋企係無飯家庭 所以就一齊去試新開既小店了😀小店同村屋形成好大既對比因為店外同店內既裝修都好日式 用既碟仔都係富士山🗻圖案架😍睇得出係好用心咁呈現一間居酒屋🏮出黎講下三個人食左咩先😛 前菜方面 叫左👇🏽牛蒡潰 ($28)酸酸地 幾開胃 一分錢一分貨 份量唔多💁🏽‍♀️肉類方面 叫左👇🏽燒一口羊架 ($38）本身羊架質素應該麻麻 而且燒得比較乾 所以可一不可再🙅🏽‍♀️串燒方面 叫左👇🏽豚肉蘆筍 ($28)幼幼既蘆筍口感幾好 豚肉片肥肉較多~玉子燒 ($18)睇相就知道有幾嫩滑😆 不過我覺得味道偏甜免治雞肉棒燒($28)咬咬下發現有少少雞軟骨 所以口感都ok!海鮮方面叫左👇🏽烈焰原隻小龍蝦🦞 ($48)真係好「小」😛 肉質ok!另外 仲有點左👇🏽鰻魚炒飯（二人份）（$98）如果鰻魚粒再多少少就好啦~~豆腐牛肉壽喜燒鍋 （$98）入面有福袋、鳴門卷、芋絲、冬菇、金菇、豆腐、娃娃菜、牛肉 每款有一兩舊牛肉卷埋左一舊舊 以為內有乾坤😛 點知無 應該係因為個鍋太細 卷埋可以方便放其他配料湯底太濃了 好䶢都好甜🙈btw, 記住留意埋牆上面同埋水吧前既餐牌 上面有

壽喜燒既味同大家樂/吉x家一樣。服務態度很差，入去坐低等左好耐都冇發覺我地冇menu（店內只有三台客人），問佢拎menu先俾，問佢拎枝筆先俾，問佢斟茶先斟。另外問店員白色湯底既食物係咩，佢指住嗰menu話係豚肉/牛肉是但一個，但個鍋一到嘅時候又唔同色，問番先知原來有個魚嘅壽喜燒，但店員完全冇提及過。入面個經理都好串，有另一家人入咗黎食，睇左一陣發覺唔啱食，所以係咁同店員講Sorry之後話唔啱食唔好意思，之後就起身走。人都未行到出去，就串人話：想點啫，想入黎食個麵就走呀？呢啲咁嘅服務態度，真係茶餐廳嘅十分一都冇。

初開業時晚市試過一次，食物雖然不便宜，但以居酒屋來說可以接受，老闆也挺熱情。今次點的喜之次牛乳鍋水準依然不錯，但所謂二人份鰻魚飯（$98）太令人失望了。所謂二人份只有一位男生正常一餐的份量，而且整碗炒飯中鰻魚只有六、七粒。詳情可見圖，我吃了大約七成後，照片中只看到一粒鰻魚！我不介意你收$98，但應該每一羮飯都要吃到鰻魚才對。請問鰻魚價格很貴嗎？還是我食一百蚊一碗飯只配有六、七粒鰻魚？這次太令人失望！牛乳鍋加配的肥牛不過不失。

哇不得不贊，山長水遠入去食，甘嘅水準好食過去日本，真心勁；而且老闆落場招呼，服務同食物都一流，特別推薦帶子，同喜之次魚湯鍋，三個字，冇得頂👍👍👍👍啲串燒都如此好味，仲有海鮮粥，哇，食幾都想繼續冇停

大水坑新開既日式餐廳，主打日式串燒經過門口，日式鳥居風格，店內裝修舒服今日下午就試Set lunch，叫左個～汁燒牛肉便當店員態度殷勤，服務態度好，我地一行6人好快就揀好食咩，就算滿座都好有效率咁為我地奉上熱茶同落單，抵讚👍🏼等左大約10分鐘左右啦，店員就送便當到枱上，係爆場情況下都算好有效率了👍🏼到食物方面，定食內容份量足，牛肉量多而味道幾好，加$5有個麵豉湯，可能本人比較重口味啦，覺得個麵豉湯略為偏淡，希望以後廚師可以改良下，但以$48既價錢，可以再黎BTW 見佢happy hour 時段有買啤酒會送串燒一串，有機會黎啤啤佢先