久十五 (已結業)

每次去都差不多坐滿，所以要早少少訂位，我通常食早啲6點左右，所以次次都咁岩有位。職員服務態度非常好，價錢合理，食材新鮮。我最愛既幾款食物：❤️大大粒既三文魚籽壽司❤️月見雞軟骨棒❤️梨酒❤️燒蘆筍豚肉串❤️水母刺身配柚子醬油好清新❤️石垣貝刺身次次都有新野！因為每個星期都會有新貨返，次次都有驚喜！上次食咗水母刺身👍🏻仲有石垣貝👍🏻唯一唔好既地方就係難等咪標位泊車，不過搭馬鐵由大水坑站行5至10分鐘就到，所以都好方便既。

Open rice 下沙田有咩好食，無意中發現係大水坑村有間相片感覺不錯既日本菜，要 Google 下先知係邊不妨一試下啦諗住父親節所以有訂左位一入去坐位與坐位之間相隔得遠，幾好黑版上寫晒今日有咩魚，海膽，蠔Menu 用 IPad 要比贊前菜 牛蒡同紅酒蕎頭超好食啲蠔超巨型海膽炒飯夠新鮮叫左幾寸串燒，燒膳同牛舌一流叫左條魚 Sashimi，雖然魚既質感唔鐘意但個魚頭魚骨整 Miso soup 就好正炸雞好 juicy野飲方面叫一杯 Soda 都係 $20，梅酒 $50，好合理

去馬鞍山揾朋友就順便喺附近食埋dinner，估唔到係水坑村呢度會有咁親民價錢嘅日本菜，食材用料都好新鮮🤩，性價比好高💯，真係平過市區😛餐廳面積唔大，容納到10枱客左右，所以都座無虛席，好彩我地早入座咋～🦪第一次食日本獨眼竜生蠔，淨係舊肉都已經手掌心咁大😍，好鮮甜爽口！印象中都只係＄78咋🤩！仲叫咗魴鮄刺身🐟、毛蟹🦀同龍蝦2食🦞，魴鮄鮮味又有口感；毛蟹睇頭十足，全隻蟹以至蟹腳都拆哂肉💯；龍蝦食完刺身之後仲將剩餘嘅地方用黎煲湯😋🍢燒物方面選擇好多，牛舌、鱔、月見棒、雞翼、雞腎、雞軟骨、雞皮、魷魚筒 等等都好出色😋款款都係即叫即燒，火候控制得好好，調味亦都到位。🍣最後仲叫埋左口魚壽司、海膽壽司、帆立貝刺身、水母刺身，真係好滿足，飽到郁唔到🙈呢度店員服務態度都好好，做野爽快又好傾～

上一次到久十五用餐已經係大半年前金，今日經過附近，特地前來光顧，但今次給我的印象實在太差了，落完單等待食物時，聽到隔離枱的顧客想點酒，但服務員說沒有晚市的關係，不能開酒以免浪費，聽到我都眼突，跟着又將我的便當送我到隔離枱，一放低就行開，要隔離枱的夫婦出聲佢先知道送錯餐再給我，現在疫情關係10張枱都唔夠，咁都送錯餐真係唔太Make sense。落單時問女侍應凍咖啡加幾錢佢話三蚊，最後是收$8。no take two了。為左呢間餐廳第一次寫食評

呢排公司成日好忙, 個個同事都搏命OT, 今餐係老細請食飯慰勞員工既。第一次黎到大水坑呢個地方，初頭都會諗周圍都冇咩野食咁…去到門口見到裝修就知道係居酒屋啦，入到去原來一早留左房仔俾我地，員工都好友善，好好招呼。我地掛住傾計，都冇留意上菜既先後次序啦，淨係知道每次上菜全枱都嘩嘩聲，因為好真係好靚好正好吸引🤤🤤🤤 我地先食哂所有刺新類，原來今晚老細預留左秋刀魚同白子刺身，要岩季節先有得食咖🤤🤤🤤仲有安康魚魚肝，海膽，生蠔，水母刺身。每樣都係超級好食，好新鮮好鮮甜。跟住就到熟食，有炸雞，清酒煮蜆, 串燒等等。串燒牛舌同炸雞係必食👍🏻👍🏻👍🏻👍🏻 老細仲諗住叫鰻魚炒飯但個個都飽到食唔落啦。其實一開頭仲有前菜但個個都掛住食都冇影到相😂😂😂總括黎講呢餐真係好正好正好正！員工招呼又好好，不斷主動幫我地refill茶，又好主動幫我地收碟。大家都好滿意呢餐🤤🤤🤤

假日偶爾行入大水坑村，發現村內地舖有唔少食肆，見到呢間門面幾有日本特色，決定試一試。環境唔大，keep住有人流，好在到嘅時候有bar台剩唔洗等位。假日有午市套餐（夏）壽司拼盤包烏冬同茶碗蒸：食落新鮮，壽司夠厚身。個人覺得油甘魚最肥美，油脂豐厚，入口甘香，拖羅肉質軟腍，入口即化。茶碗蒸稍為稀，可以更濃味。海膽三色丼：海膽十分鮮甜，份量亦多，口感一流。拖羅蓉軟腍，油脂肥美香滑。日式凍咖啡：上嘅時候咖啡粉未溶晒，搞溶晒之後冇晒冰，味道一般巨峰提子梳打：呢杯係驚喜，好好飲，甜度適中，下面深色係jelly，飲落超級有口感

工作關係久不久就會來到這裏午膳， 餐廳環境不錯，裝修雅致。有日式房，日式傳統feel, 人多可選竹， 衛生環境十分理想，感覺不錯。今次壽司定食午餐（春），連蒸蛋及烏冬，壽司款多新鮮，但粉量不是很多，只夠一人。蒸蛋很滑，但欠了些蛋味。烏冬除湯底稍濃，感覺非常鹹外，麵質彈牙，粉量剛好。餐廳用玄米茶，茶香不俗，價格$88，都算合理。大水坑村及富安花園唯一有門面的日式餐廳，值得一試。壽司（春）烏冬（湯）蒸蛋（杯）環境價錢

馬鞍山小店，係村屋地下，幾有日本居酒屋feel 。壽司🍣八爪魚$16三文魚籽$22海膽$38吞拿魚腩蓉$24，壽司料幾新鮮，美中不足係紫菜淋左🧐刺身： 帆立貝$38、甘蝦$42: 兩款都好鮮芝心年糕$38:兩塊切成四件，芝士拉絲，年糕軟糯，滋味🤩特大吉列蠔$38伏左，唔好話特大，普通大都稱唔上，$38兩小粒，貴左d喇蟹膏味增甲羅燒$58 蟹膏配蟹肉冇得輸🥰燒明太子$58:以青瓜伴燒過既明太子，咸香又唔會太膩😋帆立貝牛油燒$58四大隻又厚肉既帆立貝，牛油煮到勁香，yummy😚燒白鱔$58雖然細細串，只有4小粒，但燒得香脆帶油脂，好好味👍醬燒大菇$18又黎大菇⋯⋯兩小片豚肉蘆筍卷$28 豚肉燒到香脆似煙肉，香口

一間用心❤️❤️❤️製作的小店，生蠔🐚🐚🐚同燒鱔必食之選😋😋😋，海膽夠鮮味，原條飛機魚款式多🐟🐟🐟，豬肉棒好彈牙🐖🐖🐖，老闆介紹咗枝甘口嘅清酒🍶🍶🍶，又唔錯喎！

在大水坑的平房村屋有很多自家小店，就在崔醫師的跌打館旁出了一間久十五日式餐館，今天在假期中的周日便來嚐一口，點了一個海膽拖䍦茸丼及一份八點壽司，整體環境及服務質素十分不錯，舒適亦有日式餐館應有的氣氛，論到食材及味道，雖然未達高端，但算是合格及製作認真，性價比突出！兩份餐分别有蒸蛋及麵豉湯配搭，可惜是蒸蛋在奉上的時候欠了合適的温度！期待下次再來試一下晩上的餐牌，也希望可以有新的發現，及見到餐館再進步的地方。

呢日黎到大水坑呢邊行山，特登揾下有咩好食，雖然住係同區，但都好少黎呢度覓食，一search發現原來都幾多小店，本身想食另一間點知星期三休息，跟住就黎左呢間食啦。位置算近，就係巴士總站對住，唔需要過馬路行去OK個邊，比較近MTR站。一去到係lunch時間，12點幾，有幾個人係門口等緊，店內位子不算多，不過都等得好快就入得。然後發現好似未有人影過lunchmenu，於是我今次特登影晒XDlunch menu價錢中等，小店價錢，唔算好貴的豚肉角煮便當 $58 便當個樣唔錯，角煮豚肉個汁好味，肉唔算鞋，都還好中華沙律幾好味吉列豬扒烏冬(配久十五秘製鰹魚湯) $58本身已經好喜歡烏冬，再加上係鰹魚湯，令人十分期待湯底唔算好濃鰹魚味，淡淡的，還可以烏冬唔錯，偏幼身，唔會好淋，尚有口感吉列豬扒比較多肥膏同筋跟餐需要加錢才有飲品凍水蜜桃茶，加$8幾濃味，比想像中大杯

今日中午叫咗個午市雜錦魚生丼食，打開非常有驚喜，啲魚生好多，有幾款，三文魚，吞拿魚，油甘魚，八爪魚，甜蛋。好豐富，全部都好好味，希望水準會一直keep到!另外加咗個梅子梳打，以為係甜嘅，點知係一粒鹹嘅梅子加梳打水 雖然都OK，但係下次都係揀番啲甜嘅😂

馬鞍山幾間日式料理，雖然味道不差，但𣎴像這間的好。最初我是叫外賣回家吃，雖然價錢比馬鞍山其他的貴，食了第一次後，發現食物水準是值這價錢，也比巿區同質素的便宜。其後我想食好一點，我多是叫這餐廳的美食回家，每次我食得飽足。我知炸物是即場食較好食，而且又是這餐廳名菜之一，我上星期約了朋友去店裡吃。我朋友是第一次吃這店的東西，不論魚生飯或炸物，這一次，我們點了幾款食物，她都不停讚。加上這店的裝修，食物與環境配合，難得馬鞍山有這麼好的食店，讚。

今日去食個便當，順便試堆個炸雞聽就聽得多朋友講好食，今日一試真係難忘好少有食到外脆內軟，而且外面個皮又炸到好酥脆，真係必食今次食到好飽，下次再試埋佢地既魚生食品

呢度之前係間西式cafe，大半年前轉左手做日本餐廳，踩單車經過呢頭就試試佢💛今次試左lunch set - 吉列豬扒烏冬烏冬都幾彈牙，不過湯底真係太淡，無乜味(淡到我落鹽 唔通係稻庭特色？😅)。豬扒炸得幾好，香脆，肉質唔錯，不過火，set仲有埋蔴醬沙律菜添。(Lunch Set唔包野飲，要另外加幾蚊先有。)大水坑附近無乜日本野選擇，價錢唔算話好吸引(普通街坊落街食lunch唔會俾六十蚊掛)， 但勝在格局靚，整體感覺乾淨，同朋友食飯/踩開單車黎呢頭算係一個好選擇。 題外話：店員服務好好，見我地踩單車來，車可以停泊在店外，服務員先主動遞上一杯水俾我地降下温先再進店內，店內清潔亦做得足。cyclist friendly ，會再黎幫襯☺️