影片
食记 (24)
一直都有去开这间茶餐厅食早餐， 因为个煎蛋实在太好食，而且个出前一丁煮得啱啱好，唔会太林或者太硬，我真心觉得唔系好多人识煮好味嘅出前一丁。换左老板之后， 都系第一次去食。我系绝对绝对绝对唔会再帮衬，一入去茶餐厅入面，已经充斥著一阵怪味，加上嘢食难食左都算，竟然仲有半只曱甴喺碗面入面，系半只呀！我唔知另一半系比我食左定系喺房已经比人处理左。对呢间餐厅都有情意结，因为有屋企人个名，所以成日去食，希望间铺唔会比个新老板搞到结业啦！
继续阅读
如标题，冇下次🤮🤮🤮🤮🤮🤮🤮🤮朝早入到去间餐厅有阵古怪气味。唔计只茶杯崩到一忽一忽，你睇啱啱一端上来，杯边已有好多杂质。如你假设话系啲茶叶屑hi咗落去都算，但系摸下成只杯嘅质感系有啲千年油渍嘅肥沐沐😱😱😱😱😱😱😱骇人！！一碗面、双蛋、多士、奶茶才$28，都算系抵食。但我建议餐厅应改名为「厉姐西餐厅」，因为有西面待应。就算有几抵食，但坐得唔安乐嘅话，倒不如在家吃包算吧！
继续阅读
有人话茶餐厅系港式文化嘅代表。但茶餐厅都有唔同style嘅。所谓咸鱼青菜，各有所好，个人就对一啲旧旧的、地踎感浓嘅港式食肆比较偏爱。由佢门面未装修，就已经行过丽姐无数次，但偏偏次次唔系已食饱就系赶时间，一直无机会坐入去。今日lunch hour行过，啱哂，嚟个佬饭先！有A、B、C、D、E、F、G咁多款午餐，由蒸鲩鱼，到凉瓜排骨到印尼炒饭都有，值得留意系是日午餐仲可以做B、C双拼-即系凉瓜排骨拼滑蛋牛肉，变咗两𩠌饭，都只系加两蚊啫！佬饭少见嘅玩法，但都唔错㖞！焗嘢系列，往往令人无可抗拒。今日拣咗焗肉酱意粉，加杯热饮都系43大洋，仲送一大碗合掌瓜汤。有时食焗嘢，等十年都唔嚟，嚟到一食又发现外热内冷，令人好沮丧⋯⋯但喺呢度完全无呢个问题，焗意粉比想像中嚟得快，面头嘅芝味香喷喷，肉碎都十分足料，叉到入核心内围都系热辣辣的。赞！喺呢个时候，厨房部stereo传嚟汪阿姐〈万水千山总是情〉嘅歌声。虽然舖仔细细，但𠮶种地道风味，街坊街里情怀，满载。
继续阅读
平凡不过嘅茶记早餐。味道不过不失, 但胜在就脚, 价钱还可以。今日打八号, 做完早市佢都休息噜~早餐$27(外卖)牛肉少少韧, 但唔重苏打粉味。通粉系烚极唔烂𠮶种质地。沙嗲今日比较淡。最近煎奄列煎得几"工整"入面仲有少少流汁冇以前咁油腻~好彩嘅会系厚包, 唔好彩就2块薄, 好软熟架, 但而家唔会烘, 要加钱外卖会帮你落埋糖, 通常都太甜, 所以记得叫少甜/走甜总结: 唔想谂食乜就拣佢啦~~*可以打电话叫定, 去到外卖自取
继续阅读
这天下午我在筲箕湾, 突然下著雨, 加上又肚子饿, 所以好就脚地便进入了呢间名叫丽姐的荼餐厅. 呢间荼餐厅地方唔大, 都坐满一半人. 我选了一个下午茶炒粉面饭餐. 下午茶都几抵食, 有埋饮品, 都只是$32. 我叫了干炒泰式河粉, 一杯热奶茶多奶.等左5-10分钟 , 干炒泰式河粉终于有得吃啦. 哗, 碟野热辣辣 , 香喷喷, 好有获气, 亦都几好味! 原本以为是泰式炒法应该是辣的, 但一点也不辣 . 配菜以牙菜, 虾仁, 肉片为主, 肉片几冧几好味, 河粉炒得也不太油. 热奶茶的茶也冲得好有茶味, 闻到茶香, 好滑. 虽然餐厅环境一般, 不过呢个$32的茶餐, 却不算一般呢. 埋单时服务也不错, 一句 “下次见” 令人顿时感到很亲切的感觉呢.
继续阅读