丼造

营业中

休息中

🍱丼造 Don Jo🍱丼造顧名思義選用新鮮當造食材做丼為店名，收工經過即管外賣2個丼返屋企慢慢品嚐有幾新鮮～🍱極上粒粒魚生丼$158海膽、蟹籽、三文魚籽、魚生切粒食到有吞拿魚／三文魚／魷魚粒，多到飯都見唔到😆海膽鮮甜、三文魚籽和蟹籽增加口感，魚生粒粒新鮮，玉子燒印上「丼造」相當吸睛，份量十足。🍱極尚赤火丼$183🔥炙燒三文魚腩、炙燒魷魚、三文魚籽、蟹膏、蟹肉、牛油果🥑、玉子燒，相當豐富。牛油果滑嫩，蟹膏蟹肉鮮甜無比。三文魚籽增加口感。魷魚🦑𠝹花再炙燒，保持爽脆，三文魚腩肥美，油脂滿滿，炙燒後少少焦香，增添風味。食完相當🈵足。🍱附送前菜，湯或汽水🥤擇左中華沙律同螺肉，正正常常飲品就擇左罐裝可樂，湯攞返屋企驚打瀉😅舖頭有少量座位，下次可以試吓堂食今餐$341，平均每人$170

店舖細細地，入面有少少堂食嘅位置，不過主要見到都係外賣多為主 。今次就叫咗佢哋個七色魚生丼 。特別值得一提係大蝦非常鮮甜；帆立貝大大隻同埋好好味嘅海膽。另外要值得講嘅就係佢哋嘅鰻魚飯，鰻魚嘅份量條鰻魚好大條，唔使驚食晒啲飯都唔夠鰻魚，啲汁有少少太甜，如果擔心太多嘅話其實可以同佢哋講少啲汁。但係整體嚟講都係正嘅。另外今次仲叫咗一個三文魚頭，三文魚頭煎得幾香唔會有腥味，而且好厚肉。最後竟然要提嘅就係免費嘅鯛魚湯，個鯛魚湯同出面平時送嘅麵豉湯好唔同，個湯熱辣辣，而且飲落去唔會有腥味，但有少少薑味，呢一個湯真係叫做有驚喜。

今日星期五想拿拿林回家休息，經過上環丼造就買左d外賣回家🍣🍙特選刺身盛🍱：剌身賣相好靚，入面有五種剌身😻岩曬我樣樣都想食少少🤣三文魚係厚切既，好肥美，入口即溶😻油甘魚食落啖啖甘甜，肉質好彈牙😻赤蝦勁大隻，好爽口！全部刺身都勁新鮮，魚生專門店係唔同d😎牛肉他他：呢個牛肉他他同西餐個d係唔同，佢係燒過牛肉既皮，食落勁重牛味😻呢個真係有驚喜，佢中間keep到牛肉既鮮味，一啲都唔會韌！總括嚟講，呢間係高質嘅日本外賣店，下次會試埋佢地串燒🍢

餐廳可以堂食或者外賣，地點在大街，藍色嘅裝潢好容易認！紙盒承載嘅丼飯，賣相很有日式feel～丼造牛（Gyudon）一打開就見到薄切燒牛肉放面，撒上一些青蔥和白芝麻，牛肉柔嫩，邊位有一點脆脆的，淋有醇厚嘅醬汁，底下鋪著白米飯，米飯吸收了汁料，帶有一些洋蔥般嘅甘甜，中間放咗溫泉蛋，拌勻一起吃，入口濃郁又juicy。燒雞扒丼（Yakitori Don）雞扒丼色澤金黃，肉質都唔錯，表皮微脆，味道香甜，帶有點燒烤煙熏味。套餐會跟一個沙律，拌上少少芝麻醬，另外仲可以加$15配搭魚湯

丼造上環禧利街27號富輝商業中心地下D號舖好友推薦丼造，認為物有所值。今日路過，即本食下。我食左個是日精選丼，有海膽、蟹籽，魚生、青瓜等，材料豐富及新鮮，套餐配沙律及魚湯，魚湯好鮮味又好飲。

. 📍#丼造 每逢出糧都想食好D🥳 見到公司附近有呢間日本丼專門店，唔單止健康，味道仲好好架，一試就愛上啦！💕✧極上粒粒魚生飯貪心既我叫左呢個粒粒魚生飯，有好多款魚生~ 有三文魚、吞拿魚、蟹子、魚子同八瓜魚。睇落顏色鮮艷，食落的確好新鮮。多種魚生令到口感豐富，啖啖魚生，而且魚生份量絕對唔比飯少架，唔洗食淨好多白飯，米飯係粒粒分明，口感唔錯，當然仲有滑滑既玉子燒啦，食完呢個魚生飯，滿足感GET！😁✧牛丼唔食連鎖店既你，絕對要試下呢到既牛丼，唔係劣質肥牛，牛肉味濃 似安格斯級數，特製醬汁香濃而且唔膩，沾上溫泉蛋蛋漿，鮮嫩多汁，絕配！👀✧另外加錢換購魚湯，清澈鮮甜，湯頭奶白色,似以用新鮮魚骨熬製，唔似味精湯，好有水準，推介大家試下😆୨୧┈┈┈┈┈┈┈┈┈┈┈┈┈┈┈┈┈┈୨୧📍 丼造🏠 上環禧利街27號富輝商業中心地下D號舖#hkfoodstep#hkfoodstep上環#hkfoodstep外賣#hkfoodstep日式 #hkfood #hkfoodie #hkcouple#上環美食

喺上環放工經過一間小店，見到佢哋嘅丼飯好似幾靚，決定獎勵下自己。雖然係外賣，但係擺盤靚靚好吸引，而且呢間舖主打即叫即制，食嘅時候魚生仲係好新鮮，串燒仲係熱辣辣。 ✦ 七色魚生丼顏色好鮮艷令胃口大好。材料有三文魚、吞拿魚、油甘魚、帆立貝、牡丹蝦、海膽、左口魚，仲有玉子蛋。 特別想提及海膽係完全唔腥唔臭，非常鮮甜味道濃郁，幾件海膽足以證明魚生有幾新鮮。 ✦ 特選壽司拼盤壽司拼盤亦有三文魚、吞拿魚，同埋帆立貝等等，同樣新鮮，而且份量唔細，唔係呃秤薄切type。 ✦ 串燒盛C 材料有雞翼、雞軟骨、免治雞、牛柳粒，同埋玉子，調味調得啱啱好。特別推介雞翼同埋雞軟骨，雞翼外脆內軟香噴噴，雞軟骨卜卜脆，好食。 呢間餐廳細細間完全唔起眼，但係食物無論味道同份量都相當好，啱曬喺附近返工嘅人獎勵自己。

今晚經過嚟咗上環呢間日式餐廳叫外賣返屋企食 呢間日式小店主打外賣 店內環境唔大 但係都有堂食服務 可以方便客人喺入邊坐低食用 而且都幾多選擇 今日經過就入嚟買個外賣試吓拖羅蓉三文魚籽丼飯🍚 - 丼飯份量都算好多 而且非常豐富 滿滿嘅拖羅蓉佔咗三份二嘅飯盒 旁邊除咗有三文魚籽 仲有青瓜同日本薑 淨係睇過擺盤就已經非常吸引 拖羅蓉同三文魚籽到非常新鮮 而且淡淡飯都可以配到魚生 真係好滿足燒三文魚頭 - 三文魚頭燒得非常香口 再配上埋特製嘅醬汁同檸檬汁 更加鮮味配菜：魚湯&沙律 🥗- 魚湯非常之鮮甜 雖然係外賣🥡 但係都好大碗 沙律份量唔少 新鮮爽脆

上環有間小店主打多款性價比高嘅丼飯，外賣為主，亦有少量堂食位置，估唔到平日晚上都Full。食物方面有刺身、壽司、手卷、卷物、另附上前菜同湯品，口痕食吓都唔錯。極上粒粒魚生丼，有齊多款經典嘅食材，海膽、三文魚、吞拿魚、三文魚子同蟹子。海膽入口即化，鮮甜濃郁，有大海嘅味道、三文魚同吞拿魚切成一粒粒，前者有油花，入口軟嫩、後者帶咬口，無腥味，搭配爆漿嘅粒粒三文魚子同蟹子，撈埋飯粒，正呀！如果唔食得生冷嘢，呢度都有啲熟食可以揀。私心推介牛丼，一片片長條形，鮮嫩多汁，值得一讚係個醬汁，完美地撈勻成碗白飯，味道香濃而不膩，上邊仲有個溫泉蛋，整體搭配好夾，性價比高，絕對值得一試呀。

📍 丼造 {上環} ❣️拎到返屋企仲係熱辣辣❣️估唔到上環都會有咁高質日本外賣店🇯🇵店內嘅主要都係做外賣為主～所以都好方便附近嘅打工仔過嚟買外賣再返公司食！呢度嘅食材日日新鮮，而家係日本當做三文魚嘅季節，我哋就揀咗兩個專係三文魚嘅飯。不得不讚，依一度嘅湯特別好飲🐟飲完之後更加暖笠笠！✨ 燒三文魚扒呢個三文魚扒煎得唔錯 三文魚皮仲脆脆地肉質幾鮮嫩 仲有啲肉汁 唔會太乾🐟味道甜甜地 仲落咗啲柚子同埋檸檬 食落幾清新好味🥰✨ 牛油果燒三文魚带子丼新鮮牛油果可以解除三文魚嘅魚脂油膩感🐟帶子大大粒，仲有六隻，份量已經好驚嚇🥄而且好鮮甜😍仲加埋啲蟹籽，令到成個飯好豐富🩷

‘收工真係唔會想煮飯 緊係外賣翻屋企啦😬鋪頭位置唔多, 雖然係即叫即做 但好快就拎得!lunch拎翻公司食都唔錯😛*丼飯份量都幾多, 帆立貝新鮮又夠甜~拖羅蓉,三文魚籽同飯撈埋一齊 每一啖都係幸福嘅味道🥹 *灸燒過之後好香, 左口魚裙邊有油香 撈埋蟹膏蟹肉好好食🥲*叫Set的的話會有埋魚湯同沙律🥗📍 丼造 (上環)上環禧利街27號富輝商業中心地下D號舖環境🤍🤍🤍🤍🩶 味道🤍🤍🤍🤍🤍 打卡🤍🤍🤍🤍🤍抵食🤍🤍🤍🤍🤍

心血來潮，突然想食壽司，所以就去左丼造食飯雖然依間餐廳主要買丼飯，但其實叫佢嘅壽司都好正，所以我哋就叫咗佢唔同種類嘅壽司。其中包括新鮮的三文魚、海膽壽司和帶子壽司等。佢嘅三文魚，色澤鮮艷，入口即化。海膽壽司鮮味濃郁，帶有淡淡的海洋氣息。而帶子壽司則是軟腍好食。配埋佢嘅壽司飯就更加夾。當然我哋都試咗佢嘅牛丼飯，我嘅牛肉配埋牛汁係非常之好食，仲會有溫泉蛋添，二汁嘅份量都好夠，可以撈到成個飯食。雖然係一間細店，但佢用料絕對新鮮又好食。

今日放假，我約同好友去行香港仔水塘至香港大學，落山後，我地經過上環禧利街 27號富輝商業中心地下D號舖的《丼造》，我想食其美味的魚生丼，剛巧今日是星期六，我地可以堂食（平日只有外賣的）。午市套餐附送前菜沙律，汽水轉為鯛魚湯 $15。我點左個 火炙之選丼 $158，配前菜沙律及鯛魚湯 $15；好友點左個 是日精選丼 $158，都是配前菜沙律及鯛魚湯 $15。火炙之選丼其實係《是日之選》，師傅知我喜愛新鮮魚生，特意製作的，有拖羅蓉、三文魚2片、凡立貝2隻、油甘魚2片、三文魚籽及牛油果；所有的魚生都十分新鮮好味👍。是日精選丼又是師傅的傑作，有青瓜伴海膽、粒粒魚生、蟹籽及三文魚籽。海膽好鮮味👍，粒粒魚生份量不少，撈著飯來吃，十分好味。沙律菜新鮮好食，鯛魚湯濃郁好飲。

經常想喺港島區搵到外賣嘅餐廳一啲都唔容易，今日喺上環搵到一間日式料理外賣店，有好多款唔同嘅刺身都可以選擇。店面唔算好大，但係裝修好精緻，而且除咗刺身丼之外其實都有熱食可以選擇。七色魚生丼 $168佢呢個七色魚生丼刺身，非常豐富，有甜蝦、三文魚、油甘魚、海膽等等，內容物超豐富，而且佢嘅魚生非常新鮮，仲要全部都係厚切，食完一嚿真係唔夠喉🥹。去每一個套餐都會有沙律同汽水，對於想要有成個完整外賣體驗嘅朋友，呢間餐廳就非常合適。炙燒雜錦魚生丼轉赤醋 $164另外就叫咗個炙燒嘅魚生丼，佢嘅刺身種類都係好多，海膽都有，而且佢嘅灼燒醬汁加埋個刺身令到成個飯非常有層次，轉左赤醋飯之後味道更加出色，令人一試難忘。

餐廳：丼造地點：上環禧利街菜式：丼飯餐牌：是日之選，火炙之選，和風丼，刺身丼，特選壽司，特選刺身盛，壽司，手卷，卷物，串燒，燒物，小食，沙律等。飯用大大個紙盒裝好，賣相不馬虎。七色魚生丼 $168七色魚生包括連頭連殼大蝦一隻、帆立貝一隻、赤身一件、油甘魚一件、三文魚一件、左口魚裙邊、印有餐廳名既玉子一件、同海膽。特別值得一提係連頭連殼大蝦非常鮮甜粘口；帆立貝大大隻，新鮮肉厚；海膽又滑溜又鮮味。飯底味道口感都唔錯，酸度同濕潤度都夠，份量好足，面頭加上少少紫菜絲，加添味道。伴有酸薑。丼造牛 $98丼造牛即係牛肉飯，伴有溫泉玉子一隻同紫菜絲、京蔥加蘿蔔片。牛肉片有好幾片，味道唔錯，溫泉玉子撈飯好正！盒飯返到屋企都係暖既。而家送前菜同汽水。前菜係中華沙律。汽水係罐裝汽水。總括而言，兩盒飯質素唔錯，魚生質素不俗，材料豐富，包裝衛生，配有獨立包裝日式芥末同豉油。