丼吉日式吉列豬排專門店 (世貿中心)

营业中

休息中

同兩位好友聚舊，選址銅鑼環。打開openrice 就見到呢間喺頭三位，又見仲未試過吉列專門店，咁就揀呢間。因為太遲揀定，加上當晚喺星期五，星期四朝早打去訂位已經話full booking，要walk-in。好喇，咁就walk-in 喇，但勢估唔到一等，就等咗90 分鐘，好在因為同兩位好友實在太耐無見，先至可以一邊吹90分鐘水，一邊乖乖咁等。如果要嚟，我都係會建議大家訂定檯，真係要walk-in 二人檯會快好多。終於輪到我地，睇嚟睇去都係好似叫個mix set 最啱我哋，因為佢係個三人份量嘅餐，最好嘅係呢個set 樣樣有啲，可以試晒啲嘢。除咗呢個set，我哋仲叫咗個炸軟腳蟹。點完餐，侍應姐姐拎咗啲芝麻嚟，跟住問使唔使介紹返啲汁，我哋話好，但其實個侍應姐姐係例牌式問下我哋，因為佢介紹嗰時勁細聲又「lur」，完全聽唔到佢噏咩。之後啲嘢食到喇，先嚟軟殼蟹，唔知點解啲蟹嘅蟹身有啲羔狀嘅嘢，搞到好似食緊炸蠔咁，有啲怪。跟住就到個mix set，份量都ok，每人都可以試到四款：蠔，蝦，豬柳，豬扒。個蠔同蝦都唔錯，蠔夠大隻，蝦唔會霉。豬柳就好過豬扒，因為豬扒好乾。呢個set 跟三碗飯，三碗味噌湯同生菜

今日大年初二，突然間好想食吉烈豬，即刻打比銅鑼tonkichi，點知有位，好開心!食過好多間吉烈專門店，都係覺得呢間最好食，它取勝的地方是各樣炸物，環境都好!由於瞓到好晏，一點半鐘左右我地先到達餐廳。我點番我最愛的炸蠔,炸豬柳，老公就叫左炸蠔,豬排set!! 椰菜及珍珠米水準沒有下跌，豬柳仍然很美味，唯獨炸蠔份量比上次細左少少!老公同我仍然覺得呢間係全港最美味的吉烈專門店!!

吉列拼盆有: 豬扒, 豬柳, 蝦, 蠔, 雞 豬扒無乜味但好咬啲~ 豬柳夠淋有豬味啲, 正~ 蝦好爽正~ 蠔好好好大隻, 好鮮(我覺得唔腥), 勁想食多隻, 正呀~ 雞就好普通, 無味囉~ 所有嘢都炸得好脆, 食到最尾都仲係脆架, 正~伴底0既椰菜好好味架, 枱有柚子汁同紫菜酸汁點, 好正~ 仲要無限量添加 GOOD~~~

專登揀星期六下晝去，費事夜MAMA食吉烈個肚頂住，好彩唔駛點等位就有得坐！兩個人食，叫左「吉烈豬扒+吉烈蝦」同埋「吉烈豬扒+吉烈蠔」一直都好鍾意呢度既吉烈，唔厚，好鬆化，擺左成個鐘都咁正，感動~~ 至於肉呢，各有千秋：蝦：彈牙，大大隻，啖啖肉豬扒：肉厚，又係啖啖肉之選，好在唔會死實實；連埋少少肥肉，鬆軟度爆燈蠔：炸粉厚左啲，但大大隻，好香，好肥美菜：幫助消費，鍾意佢夠新鮮，配埋沙律汁，非常之咁醒胃橙汁：特價$10杯，見咁抵試下，原來鮮窄GA，甜甜地，中和返個吉烈的「豐厚度」，好抵飲西瓜：飯後果，起沙㗎！好甜！唯有要彈既，就係碗飯唔係熱辣辣，放一陣就凍晒，話晒天寒地凍，無碗熱飯真係爭少少HA服務：都OK既，起碼肯主動加菜，夠大方。唔似其他咁孤寒，主動叫先俾少少你。不過可能人手唔太多，加飯同叫野飲都叫左兩次先有人均消費成 $240，貴過人地多多聲，不過個吉烈真係令人回味再回味，都值既！

聽人講呢間舖d吉豬達到神級水準, 仲係蔡sen推介, 所以慕名黎try try!我地2個人點左一個吉列日本蠔拼吉列豬柳定食同埋帆立貝沙律, 落order之後, 侍應好耐心咁介紹d醬汁, 仲教我地點磨d芝麻黎溝醬汁(用黎伴豬扒食), 服務態度值得一讚!磨呀磨呀磨呀磨爛d芝麻, 好好玩, 磨果時仲聞到陣陣芝麻香前菜: 帆立貝沙律個沙律係配wasabi汁既, 帆立貝好新鮮, 無渣, 好大粒好好味, 食落有口感主菜: 吉列日本蠔拼吉列豬柳定食黎之前做過下research話呢2樣野係必食既, 蠔同豬柳都炸得好好, 炸粉唔厚, 外脆但裡面依然juicy, 又唔油膩 ,吉列蠔好飽滿肥美, 保持到原有既鮮味, 每咬一啖件蠔都好似係個口爆發咁, 厚切豬柳唔韌, 有肉汁流出黎, 一啖咬落去好滿足, ,好鬆化, 好震撼, 令人回味無窮我朋友係飯桶, 佢係咁話個飯好正, 係珍珠米黎我地最欣賞佢d無限供應既椰菜絲, 點柚子汁或紫菜汁黎食都好好味, 好甜, 好清新, 食多d感覺可以中和返炸野既熱氣, 而且可以清走肥膩感覺, 食野期間侍應仲好主動咁幫我地添菜飯後甜品係附送既西瓜, 之後侍應奉上2杯熱茶, 好細心,

都有好一段日子沒有去食豬扖飯。前陣子不斷有人跟我說現在的「吉」很難訂位, 好些跨張到話要訂三個月。令到我都唔敢上去。今天真是即興，朋友和我都想起豬扖飯，差不多2:20沖上去搏一搏。由於2:30 last order 和3:00 休息, 所以只有兩人在外面等待。時間緊迫，我們先把定食落單，大約等五分鐘有位。炸豬扖飯大約八分鐘送到。大細和外觀完全跟以前沒有改變。伴菜和白飯是無限加添，店員也相當主動。汁醬有西柚和紫菜，配合椰菜很開胃。主角炸豬扖仍是頂級好味，厚身肉質鬆爽，又有豬肉香味。太捧了！$155一份定食實在是物有所值！

Tonkichi use to be my favorite Tonkatsu restaurant in HK but recently, its gotten alot worst. I dont know what happened but the quality of the food dropped yet the price went up. Other than the food quality everything is about the same and nothing has changed, especially the wait line.The pork cutlet use to be tender and juicy, but the last couple times i went the meat happened to have alot more fat in it but even with that extra fat the pork was very dry (bbq pork dry ''cha siu''). Worst of all

同朋友慶祝生日, 聽聞呢度好食, BOOKING勁FULL, 要排成個鐘先得。之前0個日咁岩經過，問個RECEPTION, 佢話"聽日BOOKING FULL哂啦WOR, 如果你要黎就6:30前到啦" -_-, 咁早食飯, 香港有邊個打工仔可以咁早放工仲要衝到去銅鑼灣?結果為左個FRIEND, 我一放工就標去霸位，6:50到, 好彩冇人排隊, 直接入去坐卡位。其實係唔係真係咁FULL架? COMMENT如下:食物質素: (1) 炸肉扖, 豬柳, 炸蝦: 炸物炸得好鬆化, 唔係話脆咁簡單, 入口唔會成啖油, 而入面既肉仲好JUICY。 (2): 生蠔: 超過我想像咁好, 因為呢度出名炸物, 但其實我唔LIKE食炸野, 所以先叫個生蠔, 真係冇諗過生蠔咁好味, 佢係細隻既, 但好新鮮, 佢有幾款醬俾你點, 我就覺得都係檸檬最襯。唔記得幾錢, 都係圍番$30一隻左右服務:超好!! 我地等左成個鐘, 個壽星女先黎, 個WAITER冇話催你叫野(就算出面有人等), 得閒仲入黎斟茶。之後D野食到左, 仲同我地介紹每款醬配咩食物。最緊要係最後我地食唔哂, 要打包, 佢勁有心機咁包,

今日心血來潮，突然好掛住tonkichi gei炸野arrrr...所以決定寫我人生第一篇食評！7月30號，我第一次去銅鑼灣世貿中心gei tonkichi ar...我同男朋友7點就去到喇。但係行黎行去都搵唔到！所以就去左2樓customer service到問，順帶一題，d姐姐好好人嫁可能我同佢好早就去到，等左唔夠10分鐘就入左去喇。。原來呢個海景真係好靚嫁，最衰我唔係坐卡位啦，影唔到靚相我地點左吉烈豬柳同埋吉烈炸蝦，仲有限定gei高生蠔！order左無幾耐就黎左個生蠔就黎左。超級超級超級新鮮ar....我男朋友話覺得好味過上次係九龍酒店食個d。之後就黎左d調味漿料，因為我第一次食，一開頭好似大鄉里咁唔知點整，d waitress好好人ar,好熱心咁教我地=)主角黎喇！先講豬柳啦，好好味，好juicy，同出面gei完全唔同，少少覺得好氵留gei感覺都無然後d炸蝦，又係好好味，d炸物同蝦gei味道好融洽！仲有d椰菜，係免費refill嫁，食得多炸野中和返下都幾好嫁！寫完呢篇食評後，我真係好想快d再去世貿中心食ar!!!!

踏入公司高峰期加上遷舖關係，終於安定下來，出來鑽鑽。這店自己很想試，難得有人陪。我們只鍾情豚肉，左思右想，終於叫了二人豬扒、豬柳套餐。入座了無極維景，陽光燦爛的日子，心情也份外寫意，嘆著茶，閒聊片刻，做點事前功夫，就是要把白芝麻磨碎加上醬汁，定食便送到眼前，向侍者查詢，原來柚子汁加在椰菜上，餐桌鹽可加上吉列上提升鮮味……真是要細心聆聽才能記上（畢竟鄉下婆一名）。豬扒厚切，全不肥膩，吃下去又沒有太硬，十分美味；豬柳鬆軟恰到好處，個人喜歡蘸上幼鹽，很能帶出豬肉的鮮味，在坊間能吃到這種高質素的豬肉，實在很少，今次印象不錯，愛豬一族一定喜愛。日本米很軟糯，配香脆吉列配搭不錯，如果略嫌太乾，呷口麵豉湯就是絕佳的配搭。

眾多分店之中，只吃過恆隆中心和世貿兩家，水準都差不多夜晚六時多完全不須排隊，兩個鐘後步出餐廳就會見到門外有很多人，誇張吧這位吉列始祖，最成功之處就是自製醬汁和自磨芝麻的 gimmick柚子汁和紫菜汁伴爽幼的椰菜真的不俗橫豎是二百元 1 set ，想添加椰菜就不要怕開口吧，老公當晚也添了三次，相當滿足但珍珠米就很差，煮得十分削口，要完美的話飯一定要改進兩次都是吃吉列蠔，因為覺得她的炸蠔真的比其他餐廳出色至於豬扒，較乾身，也不夠淋，絕對不值百多元 1 set所以加多少少錢要豬柳比較划算炸物加珍珠米再加無限添加的椰菜，小小一個 Set，絕對夠飽的，餐後有兩片小西瓜價錢確實不便宜，二百元吃一餐甚至是奢侈，抵唔抵食，視乎閣下有幾鍾意食了

前日LUNCH同事請食飯，佢話不如食呢間，我未食過，以前好想同老公去食，但係好貴一直唔捨得食，今次好同事請，有機會試吓，好興奮！12點半，一行3人，好好彩有位，侍應安排我哋坐最近門口嘅6人卡位，同事話佢仔仔最鍾意食呢間豬扒，叫咗個3人餐，先嚟上茶，好快上湯同漬物，侍應仲細心介紹醬汁，開始磨芝麻，好好玩！好耐冇飲麵豉湯，好好味！主菜好快到，3人餐包括豬扒／豬柳／蠔／蝦，先試豬扒，一D都唔油膩，冇豬肉常有嘅臭味，外脆內軟，點D豬扒汁，幾惹味。再試豬柳，冇豬扒咁肥美，較厚身。跟住食蝦，好新鮮，麵包糠啱啱好，點TARTAR醬好好食，最後食炸蠔，好JUICY，同TARTAR醬最夾！飯唔大碗，但因為係珍珠米，所以好包肚，D飯好好味呀！成餐最鍾意嘅係D椰菜，好新鮮好幼細，配柚子汁或紫菜芝麻汁都好食，個人鍾意柚子汁多D，比較清爽，中和炸物嘅熱氣同肥膩感。我地3個人都食唔晒，打包返公司。叫埋單仲有西瓜，好甜，但係唔明點解個甜品碟係暖嘅?!其實D侍應都好好服務，我地食到一半，有一GROUP人WALK IN 有兩個媽媽推住架BB車，我地聽住個侍應話只有一檯卡位淨，可以安排佢哋入坐，但係BB車放唔落，個媽媽一

炎炎夏日好多人想盡辨法去消暑，户外最常見運動是必到海灘、泳池游水降温，然後來罐可樂及雪條更大快人心！我有已好幾位朋友因酷熱天氣更每逢周日出海減壓免在家沉悶避暑！亦會減少進食煎炸食物和平日在家中亦會煲菊花茶、冰糖雪耳糖水等清熱氣飲料解除身體燥火，不過對熱捧吉列風的眾位粉絲在任何情況下絕對不會受影響，今天我便當了吉列風粉絲的角色！晚上六時多在銅鑼灣世貿中心人流不算非常多，我嘗試在沒有訂座下進入丼吉碰碰運氣，幸好當時食客也不算多我們可以入座用餐，可說今天運氣真好因以往要來丼吉晚飯定必提早二天訂座才有位，始終是人氣の店免不了客人多要提早訂位的須要！在帶位員引領我們進入餐廳穿過一條走廊進入大廳時，會看見走廊旁邊所有卡位放著《留座》牌在枱上，這幾張極具日本風格卡位是用了布簾遮蓋著，事實上我也非常喜歡這種具有私人空間的座位位置！基本程序點菜後附上芝麻等大家都好清楚所以我不用多說！我們點的是Mixed(SET)～吉列大蝦豬扒定食及吉列生蠔豬柳定食共兩份，當食物奉上時感到吉列非常澎湃原因我選擇吉列放在一起，看見肥嘟嘟的大蝦和生蠔已經垂涎三尺，還有大大塊豬扒和厚身豬柳看得我目瞪口呆，炸至金黃色脆口吉列大蝦

是日晚餐日式吉列豬排。8時左右到，門外人頭湧湧。結果等了差不多1小時才有位。我們要了一份前菜魷魚毛瓜冷盤，主菜要了一份炸豬柳拼炸蝦，和一份炸豬柳拼炸蠔。前菜很清涼，毛瓜黏黏的，我們都喜歡食。主菜無論豬柳，蝦或蠔都炸得很好，外脆但不油，內裡的肉也不會乾。炸粉不厚。好好食！！各款炸物中，我們還是最愛豬柳。跟足日本傳統，這裡的飯和椰菜任添。椰菜切得不夠幼細，如可以改善一下，會更好食。飯，還可以，雖然不是正宗日本米（一分錢一分貨嘛）。以香港水準來說，這裡的tonkatsu做得很好。我們都吃得很滿意。

是日於銅鑼灣做完一個早facial 後心血來潮想吃頓好的~search了一下~見open rice 第一位竟然還未試~就是它了吧~!!!!!時間大約1330在門口等了一會才有人帶去入坐等的時候發現有免費雜誌可拿~~就拿了一本看看~~由於在門口已決定吃什麼~因此一進到去就點了餐影了幾張照片、雜誌還未看完食物就上了~~~先看桌上的擺設茶杯、茶壺、醬油瓶全都很賞心悅目~~茶亦都很香~~~滑蛋吉列豬柳飯由於是第一次試這間亦未曾去過日本因此只能與我過去吃過的作比較這碗飯的豬柳有6大件每件也好像炸蠔一樣大肉厚多汁、口感鬆化絕對是我吃過最好吃的吉列豬配上滑蛋~減了一點熱氣、多了一點香滑口感~~但豬柳外面仍是脆脆的~~正~~好想講一句~~just right~~!!!!!!!!!定食還包了一大碟椰菜絲榔菜切得很幼很幼吃下去清新爽甜配上桌面的黑醋 + 檻欖油~絕配亦是我吃過最好吃的椰菜絲~~~這和飯都是有refill的~~但是一大碟夠了~~!!!另外還有漬蘿蔔及麵鼓湯這兩樣就沒什麼驚喜一個人吃這個餐真的超級飽.....難得的吃剩了少許飯及麵鼓湯最最後還有生果~~!!!!!看樣子都知道是清甜消暑~~~極度