丸十あぶり牧場 (已結業)

上星期食左朗豪坊個間丸十壽司，覺得好好味今日同朋友行MOKO，見到同集團嘅另一間餐廳，諗都唔諗就入去試啦😋呢間餐廳可以食燒肉/和食，因為唔想太熱氣，就無揀到食燒肉但和食都有好多唔同種類揀😁🥢燒牛舌丼一黎到數一數有成十塊牛舌😋😋😋牛舌唔算太薄切，食落好有口感因為燒到岩岩好，所以爽口唔會韌👍🏻啲飯都有少少汁，唔會太乾同過咸🥢和牛漢堡唔似一般嘅漢堡包咁，呢個包烘到好脆好脆和牛漢堡大約8成熟，都keep到入面有肉汁🤤比較欣賞係漢堡包個sauce，令個包嘅味提升左唔少👍🏻🥢雞之饗宴串燒雞皮 - 好好食！燒到好脆！好重雞油味，中意食香口野嘅人要試下！✌🏻雞胸軟骨 - 都好正，軟骨唔會太難咬，更上痴住少少肉咁幾好食雞翼 - 睇個皮就知燒得唔錯，岩岩好熟好juicy🥢海鮮之箱串燒帆立貝 - 都算大粒，啲汁同佢好夾，一定要試活鰻 - 唔算好肥美，但肉質唔錯幾彈牙😄鯖魚 - 個皮好香脆，而且餐廳用左唔多骨嘅部位大蝦 - 蝦肉算爽口，調味適中，落左少少鹽更加帶出到啲蝦味☺️

新年多數食中餐，今日揀左日本野調劑一下，去左太子moko，環境都幾好。先點了沙律，牛油果蟹籽沙律$58，牛油果不夠熟，有點硬，另外有些青瓜和蟹籽，清清地。食串燒，最配生啤，Draft Beer Sopporo 大杯 $68，爽耶！叫左個海洋之盒$148 ，係海鮮既串燒，有大蝦、生蠔、鯖魚、活鰻同帆立貝，除左生蠔有啲腥，其他海鮮都正常，味道同外貌都ok，鯖魚燒到個皮脆脆。另外仲散叫左啲串燒，手羽先有兩串 $42 、雞皮$28 同雞軟骨 $28，好有串燒既風味，香噴噴，雞翼咬落仲有汁，不會太乾。燒牛舌丼 $118，有好多片牛舌，吃到有燒過的牛香味，有咬口不錯！再加了醬油，提升味蕾。飯同牛舌份量好多，飽！

去完宮崎食宮崎牛肉丼，一直念念不忘，今日終於一嘗小小願。 餐廳好大，有燒肉，又有general點餐。一心食丼的我，當然係點餐，所以被安排寬趟卡位，店員服務也不錯，時刻為客倒熱茶。 是日用餐： 燒和牛肉丼連溫泉玉子$158燒到剛剛好，肉質嫩滑，分量for女仔剛剛好。日本飯好滿，粒粒飯香。 鹽燒豚肉丼連溫泉玉子$108豚肉的脂肪&肉身比例平均，唔錯。 海洋之盒$148呢款係串燒拼盤，共有五種海鮮 - 大蝦/生蠔/帆立貝/活鰻/鯖魚，賣相唔錯。當中鰻魚相對突出，而帆立貝好大粒又夠味。

這晚來到旺角新世紀覓食，最近天氣凍想搵熱野食，所以揀了這間和食店「丸十あぶり牧場」。這餐廳有前菜、燒肉、刺身、丼飯、燒物等等，很多元化。「丸十あぶり牧場」裝修有格調，擺設都很充滿和風，配搭著棕色木系為主調，給人很自在及舒服感。燒肉選了牛板腱，一共5塊，油花均勻，非常吸睛。食落肉汁豐富，結實軟嫩，入口啖啖滋味，而且熱辣辣非常暖胃。而調味方面我選了鹽麴，簡單地吊出牛肉的鮮味，已經很滋味。餐廳都很貼心，有圍巾提供，可以保護自己的衣物。和牛漢堡飽小食叫了和牛漢堡飽，伴碟有脆著角和沙律，非常抵食。漢堡飽夠熱夠脆，而和牛漢堡厚肉多汁，​肉質鮮嫩。脆著角炸得香脆可口，食落鹹香，實在是畫龍點睛。燒牛舌丼燒牛舌丼擺盤都相當吸引，總共有九塊燒牛舌，每塊牛舌圍著飯碗。牛舌不算是厚切，但也不薄，質地彈牙，爽口有嚼，一口咬下，牛油脂香味四溢，令人食指大動！咖哩和牛漢堡飯日式咖哩汁味道偏甜，很而入口，一點都不辣。和牛漢堡扒份量都很足，非常厚身，牛肉juicy，肉汁在嘴裡爆發，略厭牛肉味不夠濃。總結來說，「丸十あぶり牧場」的價錢合理，環境舒服，食物都不錯，可以再來幫襯。

如果大家咁岩有留意過我前排啲食評嘅話 相信對於呢間餐廳嘅名 好似有啲似曾相識🧐冇錯 又係丸十阿！😂因為之前喺朗豪坊食過佢哋旗下另一間餐廳 咁啱今日行過新世紀 又唔知食咩好 就一於試埋你嘅分店啦！🙈餐廳喺商場3樓 行完街攰攰地就可以入去 好方便😂呢到都有幾多種類 如果唔想食牛嘅話都有刺身定食嗰啲👍🏻因為套餐有啲嘢朋友唔食嘅 所以我就同朋友決定散叫 好似抵啲🧐欣賞完餐廳環境 嘢食都好快到啦！•汁燒牛肉烏冬🍜•-呢個烏冬嘅份量都幾多 而且仲係分開上 唔會俾啲牛汁搶曬烏冬嘅味 幾貼心☺️撈埋個溫泉蛋一齊食 仲惹味！另外嘅汁燒牛肉嘅牛味都好重 又唔會俾啲汁搶曬味🤤•雞之盛宴🐥•-呢個set都幾豐富 雞 全部都係雞！全部都係雞唔同部位嘅串燒#燒雞皮而我個人就最欣賞燒雞皮 佢地燒到脆卜卜 但又唔會好硬👍🏻•極上海鮮丼🐟•-之後個刺身飯都到啦🙈呢到嘅刺身都幾新鮮 而個飯主要有海膽,吞拿魚,三文魚同虎蝦🤤我最鍾意就係呢個吞拿魚腩同平時食嘅唔同 呢塊充滿油脂 唔會食落好多筋 仲入口即溶 充滿魚油味 勁香濃🥰🥰🥰另外個海膽都讚 有淡淡海水味 仲好鮮甜👍🏻最後又點少得甜品阿🙈•宇治抹茶紅豆白玉雪糕🍨•-最後我就

旺角新世紀一向都好多野食，今日行過food court隔離有間日本餐廳，門面已經好吸引，好有日本feel,睇睇餐牌價錢都唔太貴，所以入去試吓。首先叫咗個雞之盛宴，全部係雞嘅串燒，包括有雞翼、雞腿肉、雞胸肉、雞軟骨、雞皮，鍾意食雞嘅人都應該勁鍾意食，全部串燒都燒得好香口，由其是燒雞皮，燒到脆卜卜，完全唔油膩，雞骨骨都好出色，唔係一粒粒果d雞軟骨，係近雞尾果條骨連埋d雞肉，燒得好惹味，幾好食。而雞翼、雞腿肉同雞胸肉都非常好食，好嫩滑，唔會燒到乾晒。炸餃子都炸到非常脆卜卜，入面d肉仲好juice,唔會炸乾晒，點埋個有少少辣辣地嘅餃子汁，幾好食。炸雞軟骨都炸得好乾身，完全唔油，點埋個沙律醬一齊食，送酒一流。特上海鮮丼，呢個海鮮丼有好多款刺身，包括有三文魚、三文魚子、吞拿魚、帶子、油金魚、海膽同蝦，每樣刺身都非常新鮮鮮甜，完全冇腥味，d刺身都係厚切，非常抵食。鹽燒豚腩丼拌溫泉玉子，有3片厚切豚腩，用醬汁燒得好香好惹味，d豚肉腩肥瘦適中，充滿油香，而溫泉蛋撈埋d飯一齊食，勁正。

老公生日想食燒肉，因夜晚有飯局，所以食午餐慶祝，因我要2:00先放工，但我想食既燒肉店大部分午市至到3:30之後就休息到晚市，去得黎，食既時間1個鐘都無，最後睇openrice呢間係於旺角moko既燒肉店，無午休，又多正評，就去試下啦雖然有午市套餐，但因為想食和牛，就叫左個2人餐前菜味道正常，刺身都切得厚，但唔算好新鮮一見呢碟和牛既拼盤黎到，有d失望，牛既油脂唔多，切得又唔靚，根本同普通出面食燒肉既牛無咩大分別，食落鞋口，油脂少，無入口溶既口感，根本唔可以叫做和牛，最差係條和牛肉腸，粉味重，名不符實最好味反而係我地額外叫既豬頸肉，有口感、爽口、入味。如果以$800呢個價錢，我可以係出面食到更加好食既牛！！

發現一間新餐廳😍😍丸十餐廳分左2類，一係日本和食 另一係燒肉 我中意食日食 又唔想淨食肉 當然揀和食🍱meun花多眼亂 最後揀左2個主食同2個小食串燒併盤*海洋之盒* $148🍢呢個真係抵食 大蝦🦐生蠔 鯖魚🐟活鰻 帆立貝 各一串 我見淨係一串活鰻都50幾蚊 所以呢個落係必叫 而且燒得好香 食材好新鮮 啖啖肉😋😋自家製玉子燒🥚 $48真係食得出 係即叫即整 唔係買啲已經整好既玉子再加熱 個份量好足 所以2個人食就要食多幾舊啦極上鮪魚丼 $268 🍣就甘睇好似貴左啲 但物超所值 CP值爆高💯 有3款鮪魚加1個鮪魚碎 其實淨係鮪魚碎都可以食曬碗飯 個極上鮪魚真係人口即溶 滿滿油脂係口入 好似去日本食甘新鮮

今日收工去左旺角東 新世紀廣場既 丸十あぶり牧場 食晚餐。 一入去侍應就好熱情咁招呼我地去四人卡位進餐。餐廳坐位都好寬闊，環境有格調，坐得好舒適！我地就叫左4樣小食，2樣主食。首先上菜既係3串串燒第一個係和牛肉串 $48和牛既肉質好冧，而且肉味好濃，燒得剛剛好唔會太熟，而且和牛都唔洗$50串，真係抵食！第二個係日本黑豚肉 $30呢個係3串串燒中最好味既！唔單止好多肉汁，唔會太肥，燒到入口即溶既感覺，值得一試。第三個就係雪花牛舌 $38燒得恰到好處既牛舌，再加上黑椒同鹽既調味料，令人想食多兩串！唔洗好耐兩個主食就到喇，第一個就係特上海鮮丼 $168入面既刺身都好豪華，有海膽，油甘魚，吞拿魚，大蝦，三文魚籽同帆立貝！材料絕對唔馬虎，材料同飯比例剛剛好，唔會食哂刺身仲好多飯餘低。第二個就係鹽燒豚腩丼伴（玉子）$108上面幾大塊既豚腩燒得好好味！仲正過頭先既日本黑豚肉，我地再加少少餐廳提供既燒汁，令到成個飯再得到昇華！最後壓軸出場就係牛肉他他米餅（2件）$58好味既主角果然係最後先出場架！新鮮既他他牛肉粒，配係脆卜卜既米餅上面，成個組合出乎意外咁夾，濃郁既肉味加埋香口既脆米，成個味出哂泥又唔流

己亥年黎到近尾聲，d收爐feel出哂黎。年廿八洗邋遢，今日偏偏無喺屋企大掃除，而係約咗frd frd去旺角新世紀食收爐飯。佢話想食日本野，然後我哋就揀咗呢間丸十牧場。入面間隔好闊絡，裝潢極具東洋氣息。最緊要係坐得十夠舒服，啱哂我同阿frd喺度邊食邊吹水。我哋點咗好多野食呀！最想推薦俾大家嘅係「自家製明太子玉子燒」！呢個玉子燒超級好食！甜甜蜜蜜嘅玉子，再配上少少咸，又少少辣嘅明太子，簡直無得彈！熱鬧鬧，軟綿綿既玉子然後，仲有我自己最鍾意食嘅鰻魚飯，饅魚飯汁夠，而且塊饅魚真係好厚好大塊，可以做到一口饅魚一口飯。豚肉生姜燒，豚肉份量夠，伴飯好香。份量真係好足。大家share 。串燒，首先散叫了，雞之饗宴手羽翅、雞腿肉，雞胸肉，雞軟骨及雞皮。好好味既雞肉。燒得香口，而且調味一流。和牛串燒及日本豚肉，牛串香味正，牛味濃，只係少少鹽味已經超正。豚肉肥瘦分明。炸餃子，餃子只係38蚊5隻。汁好正，吾係一般餃子汁，是小小辣又好開胃。食到肚滿腸肥，希望鼠年，豐衣足食，賺到盤滿砵滿！

今日黎到新世紀廣場打算食燒肉， 試咗呢間丸十牧場餐廳， 本身店員安排我哋坐卡位但係見到有爐端燒，於是我哋就揀咗食爐端燒嘅set，坐喺bar枱嗰度。我哋叫咗個二人餐， 前菜有好多款，不過我淨係食中華沙律同醃牛蒡食物上的好快，先嚟咗沙律同埋刺身先。 沙律仲有蝦同蟹柳，而且非常大碗， 中和左食燒肉嘅罪惡感刺身好厚切而且好新鮮之後就上燒肉，擺得非常之靚而且仲有分類介紹肉嘅部位。 初時我哋以為坐喺爐端燒嘅位置會有人幫手燒肉……點知原來係要自己燒… 好驚會毀咗啲肉…雞肉好結實而且冇雪味 ， 個人覺得雞肉棒幾好食值得一試， 和牛食落有淡淡嘅牛油味，有牛肉嘅香！我哋怕生所以燒到全熟先食，即使燒到全熟都唔會好靱食唔飽最後仲有個鰻魚飯打底！ 呢個鰻魚飯我覺得都幾好高質！鰻魚燒得好香，而且入口即溶！醬汁調教得剛剛好，原本以為跟餐唔會好大碗，但係一啲都唔細碗，似係正常size！最後食唔哂…

是晚喺新世紀覓食 揀下揀下最後揀咗呢間和食店有燒肉有普通和食但因為病病地嘅關係 燒肉都係留返下次先食啦😗間舖都幾大 不過閒日夜晚7點半都已經full晒高啲嘅卡位就係專食燒肉嘅 其他就俾普通和食嘅有二人餐亦都有散嗌 最後筆者係散嗌嘅～喺介紹野食之前 想特登介紹下佢杯茶好香好濃嘅綠茶 同平時一般日本餐廳飲到嘅好大分別連茶都相當有誠意 即刻大加分🤩✨極上牛柳三文治 $158一直都想試呢啲厚牛三文治好耐 見到呢到有終於可以試下喇牛柳厚就幾厚嘅 不過啲肉色睇落就有啲啞色咁麵包夠熱夠脆 類似千島醬嘅汁就略嫌有啲太多 基本上唔係太食到牛肉嘅鮮味不過整體其實係好夾好食嘅 只係肉味唔夠濃✨自家製明太子玉子燒 $58一客有6件熱辣辣嘅玉子燒甜甜地好好味 明太子嘅量都非常充料👍🏽✨角切刺身丼 $128大概有四款魚生左右 魚生量都幾多同埋非常新鮮角切魚生俾大家嘅印象都係用啲唔靚嘅或者頭頭尾尾嘅位 但呢個刺身丼嘅角切刺身係好靚好新鮮嘅性價比相當高!!!!✨燒牛舌丼 $118牛舌丼總共有九塊牛舌 啱晒筆者呢啲牛舌迷🤤當中好抵讚嘅係啲飯相當靚 粒粒分明軟硬度適中再加上熱辣辣 真係加小小燒肉汁已經可以食晒成碗飯牛舌亦

嚟到旺角東附近，見到有唔少人推介呢間餐廳又想食肉就嚟咗試吓，兩個人叫咗一個飯三個小食都好夠食牛肉粒，清新嘅牛油果醬同炸得脆脆嘅飯嘅配搭都幾好，一口氣食到唔同口感，一開始食幾happy但係食食下覺得牛肉粒有少少韌，飯粒又有少少硬，咬得有少少辛苦🙈🙈🙈玉子燒啲蛋煎得啱啱好，口感十分綿密，有種入口就化嘅feel,鐘意明太子嘅朋友can try try 又叫咗我無法resist 既炸魷魚圈香脆可口嘅魷魚圈+蛋黃醬+菜絲一齊食=每次見到「每日限定」都忍唔住叫🙈第一印象-一座肉山但食落肉一般，個蛋黃忌廉汁亦唔係特別驚艷，唔推介$188食呢個，寧願叫多一兩個小食好過

約咗一個好耐冇見嘅朋友食飯，大家都想食好，我地起openrice選左好耐，見依間都好多人講所以最後決定試吓依家燒肉同日本嘢食通常都一齊品嘗，今次都唔例外，今次來左間有樣好特別嘢食「極上牛柳三文治」係門口我哋一早已經揀咗，睇食評人哋介紹得好吸引，諗住來見識下，點知好可惜，7:30已經無曬😭但因為已經坐低，咁只好試下其他和牛燒肉同定食好多款唔知揀咩好，只好叫左個二人餐，唔駛諗咁多😆因為和牛都貴，所以只係叫左個最平套餐！有沙律、刺身、燒肉、仲有個迷你鰻魚飯，兩個人食份量真係好足夠！柚子汁沙律好清爽開胃，刺身勁厚切，一啖一片勁滿足😋而燒肉就有五款肉一款腸，每款兩份仲要係和牛，雖然望落唔多，但仲有碗迷你鰻魚飯餸燒肉真係好滿足啦！

日本超甜薯 ($38)肉質細緻柔滑軟糯，味道香甜，入口番薯味重，味道留在口中久久不散 。 雪花牛舌 ($38)肉質柔軟、爽口彈牙，滿有油脂芳香。雞心 ($28)口感脆嫩有彈性，香口鮮嫩。銀鱈魚西京燒 ($168)質感柔軟滑嫩，油潤鮮香，豐腴甜美。日出富士丼 ($188)(半熟玉子慢烤西冷丼)將牛肉堆砌成小山丘，賣相吸引。西冷色澤粉嫩，肉質柔軟，牛味濃郁，分量亦相當多，蘸點蜜糖芥末汁才吃，Creamy惹味但不嗆。輕輕一割，半熟玉子吹彈可破，蛋黃緩緩流出，令人心動。蛋白的口感滑溜細緻，蛋黃味道香濃。