串Grill 自助燒烤專門店 (譽發廣場) (已結業)

趁天氣未熱得晒 快啲做啲夏天想做但又做唔到既野先🫢所以今日黎左串grill自助燒烤專門店由於係平日 仲要19:30前離座所以優惠價$208加一 食足兩粒鍾任食黎講 真係好抵呀🤩坐位全部都係大卡位 對住繁華既旺角都幾好景包保同fd坐得cc服服落單方面係掃QR Code落單既岩晒唔想同陌生人講野既我🤣掃QR Code後會發現好多食物種類選擇有肉呀魚呀海鮮之類 什至連雞旦仔都有不過佢同街邊檔唔同既係一大粒成粒長洲大魚旦咁😌而飲品方面都好多選擇 係出去自取既講返食物方面我最鍾意就係牛舌本人又是一個牛舌控👅黎佢係啲厚厚實實 燒完外脆內軟至開心另外燒賣同豆卜 係本人既燒烤必須derrr 所以係唔會輸😋總結黎講 呢度係岩晒懶人既燒烤黎只順落order 食物黎左你放上個爐就會自動360度燒熟咁比你食架喇🤓而且台上都齊晒調味料辣椒粉呀魚露什至柚子醬等等岩晒唔同口味既客人la

朋友話好想bbq 但2丁友我心諗係未玩野，就提議一係韓燒一係串燒，朋友話佢其實係想bb蕉綿花糖，我話咁串Grill 啱你啦。唔洗自己拎住燒，仲好均勻咁轉，唔會燒燶野，睇住佢轉，好自癒。我地5:30 去到，貪佢7:30 離座有優惠$208加一，食足兩小時，仲有一杯haagen-dazs 性價比高。有咩野食，睇menu 都見到好多，基本上我係試唔晒。特別推薦牛舌，雞皮，雞軟骨，棉花糖，雞蛋仔，菠蘿係最值得試。而且佢好多調味粉同醬汁，推薦椒鹽粉，勁正。飲品款式都多，最特別係有豆漿。地點亦非常方便，連朋友都話會回頭。

👧🏻😋👅🍽✨完美黃金時間🔥🍢-串Grill 自助燒烤專門店 🇭🇰 旺角彌敦道558-560號譽發廣場7樓 🇭🇰-🍢同好多放題一樣都分唔同時段收費, 收早去食串燒抵, 星期一至四$208一位🍢全部都係卡位有梳化超舒服😍 抽風系統好好, 食完2個鐘返到去冇咩味🍢一入座店員會解釋清楚QR code落單, last order時間, 轉轉爐玩法, 調味料味道等等🍢落單後廚房好快執到單出黎, 收吉碟都好快手-🫄🏻🫄🏻🫄🏻🫄🏻🫄🏻自助串燒放題星期一至四Happy Hour $208✅ 任食豬牛羊雞海鮮丸菜✅ 肉類有得叫唔同部位, 內臟等等✅ 食熱氣野想gur就飲梳打有Anson Lo OOHA, 想清熱有鴻福堂涼茶-肉類🥩 🐂牛有四款好高質! 牛舌必食好厚身爽口🐂牛肋腩油份足肉味濃又係encore之選🐂反而回本之選M6和牛牛柳同牛西冷我只係叫左一次, 肉味係超濃但我嫌佢地唔夠肥🤣🐖豬五花俾個轉轉爐燒完逼晒油出黎超級香🐓雞捲肉係雞皮包雞髀肉係痴線咁好食, 但又係要慢慢燒, 建議早啲食, 相信你需要encore的😏-丸類🍡🐟魚片頭係細細長長既三角形魚蛋, 皮脆肉彈牙勁正🫘豆卜又係一樣, 基本上燒到金

今日放假帶媽媽去食好野， 佢話想燒嘢食😅😅2⃣️個人， 又唔想麻煩， 又想近近地， 上網search 到串Grill , 係油麻地地鐵站附近， 地點方便，同埋見提到個爐識得自己轉， 放d 食物上去， 就可以等食， 好適合我地d 懶人， 於是決定食d 間.我地食happy hour 時段， 任飲任食120 分鐘，7:30 pm 前離座，重平d,$208位， 價錢合理去到見到個爐雖然細細地， 但都放到接近10 串， 唔太油煙， －d 都唔嘈， 靜靜地， －路燒嘢食， －路聽下音樂同傾下計， so chill 👍👍😍整體野食種類算多元化， 質素唔錯，特別推介：雞旦仔： 幾特別， 好少燒烤有得成， 質感鬆軟鯖魚：啖啖肉菠蘿： 新鮮， 酸酸甜甜，食左好多塊牛舌：厚切切， 腍身， 有咬囗👍炸大腸： 外脆內軟， 正😋😋棉花糖： 小朋友至愛💕飲品選擇多，都接近10 款以上.

串Grill自助燒烤專門店 今日出去旺角行街，行到途經譽發廣場記得之前bookmark咗好耐一直未得閒上去食嘅串燒放題，我無book位就上去睇下有無位，好彩間餐廳仍未full，可以即時入去食！一入到去見到個壁畫已經吸引住我，已經好耐無見「連豬」公仔，店員話賣少見少，見到「連豬」諗起好多野，唉！😪😪😪再望枱上濕紙巾就即刻唔再諗以前d野，塊濕紙巾個包裝勁似安全套，仲要寫住「粉紅色嫩牛 可遇不可求」，哈哈！🤣🤣🤣呢間串燒放題係比你燒120分鐘，個爐好啱懶人燒，會自動轉動，燒一次可以放到13串串燒物，所有串燒物都無加調味料，所以枱上有孜然粉、辣椒粉、海鹽、胡椒粉、燒汁、柚子同魚露比你調味。今日中午嚟食大約有36款食物比你燒，全部都係掃QR Code手機落單，飲品就出去雪櫃拎，大約有十幾款飲品。我最鍾意食嘅串燒物包括有豬肩胛、豬大腸、牛舌、雞皮、雞軟骨、台灣腸、多春魚、棉花糖、雞髀菇、日本甜薯等。特別提一提，燒棉花糖要小心，初初我哋無留意差d燒到溶咗跌落去，最好味係燒到六至八圈就拎開，外脆入面少少溶就最好食，棉花糖唔係周圍放題餐廳都有得燒，記得係必食狂食，當甜品咁食就啱啦，記住中午係無雪糕食！😋

想嚟旺角呢間串燒試好耐啦，今日難得放假，可以食個早飯，唔使同人迫而且食Happy Hour 時段仲平啲添，7：30前離座每位$208，任飲任食120分鐘。 呢度係自助落單，串燒款式都幾多🍡，各款肉類、丸類、蔬菜都有齊。 好快就送上串燒，放上個爐就會自動轉，而且一次過可以擺幾串，啱晒我哋啲懶人，而且佢係咁轉，燒得好均勻。 燒完仲可以自己加唔同嘅調味料，有孜然粉、辣椒粉、胡椒粉、海鹽🧂、蜜糖等🍯，十足好似出面街買嗰啲串燒嗰啲味咁。 牛柳都好稔🐮，牛味濃郁，燒到表面焦香，正！ 炸大腸好味呀，好似喺街食嗰啲咁～ 食完嘢抹個咀，嗱嗱嗱，唔好諗歪嘢呀！🤭 最後食完串燒就有haagendazs雪糕送🍦，有幾隻味可以揀。

想食串燒又怕逐串計好襟計，又唔想自己動手慢慢燒，嚟呢度真係啱哂！串燒放題任點任叫，全程解放雙手，放落自轉燒爐，等串燒自轉，由於火力我地較中火，可以放心唔洗睇火，輕輕鬆鬆邊食邊傾偈！串燒用qr落單，又快又方便，有豬/牛/雞/腸/海鮮/丸/甜/菜/羊，九大類可以選擇，嘢食種類多，食得盡興呀！枱上仲有調味料同調味粉俾你自己調味。牛有M6和牛牛柳、紐西蘭牛西冷、牛舌同美國牛肋腩！四款都係唔洗加錢嘅任點串燒，其中牛舌最正，厚切如骰仔般，一啖一粒，入口軟腍有彈性。豬有三款肉仲有豬大腸，試齊四款，四款都好食👍🏻雞類嘅雞卷肉係我嘅必食推介，外層雞皮燒到油香盡出帶點焦脆，入面嘅雞肉依然juicy，肉汁豐富啖啖肉！丸腸類質素都唔錯，我地都食咗幾轉！另外想講，佢地嘅甜點，有菠蘿/棉花糖同雞蛋仔，菠蘿係新鮮菠蘿，味道酸甜清新，有助解除串燒嘅肉膩感；棉花糖就要係bbq嘅must have item，唔洗多講；雞蛋仔原來拎嚟串燒係咁好食，有啲後悔last call冇叫多幾串🙈外層燒得脆脆地，內裡保持鬆軟，甜甜地，好正！是夜戰績彪炳，大滿足！

上網睇到旺角有間自動旋轉串燒，睇落幾得意，就嚟試吓佢地既120分鐘任食～ 食物分咗豬肉類、牛肉類、羊肉類、雞肉類、丸類、腸類、蔬菜、海鮮等等。飲品係雪櫃自由選擇，有汽水、樽裝檬茶、樽裝檬蜜、烏龍茶等等。佢地會將食物切成小粒，一口一啖既size，俾客人自己放係BBQ爐入面360度旋轉，每面都均勻受熱，燒到金黃色就可以。燒熟咗既串燒可以放喺爐頂上面，保持熱度。呢度既肉類係無調味，所以餐桌上面提供咗孜然粉、辣椒粉、味椒鹽、燒汁同泰式魚露汁配合食物。👦🏻👧🏻串串推介🌟羊肉串：羊肉配孜然粉，好夾，肉質唔乾。台灣腸：燒到脹卜卜身，甜甜辣辣，好食！蝦卷：燒到外層脆皮，入面似蝦餅質地，有彈牙口感。魚肉年糕：魚肉爽口彈牙，包住煙煙韌韌嘅年糕，好得意，呢款食咗幾串😆M6和牛牛柳：肉味香濃，肉質軟淋，encore推介‼️豬五花：燒完油香十足！配埋味椒鹽食，好惹味！雞蛋仔：好快燒完食得！好香雞蛋味，質感鬆軟！棉花糖：烤到外脆內軟！童年回憶！😍📍串Grill 自助燒烤專門店 (譽發廣場) (旺角)旺角彌敦道558-560號譽發廣場7樓

本身自己都好鐘意bbq但好多時要成班人先去到燒烤場跟住要買成堆野搵場 雖然好玩只係搵唔到咁多人時想食又想玩下又唔想自己準備搞一輪-朋友黎過提過下咁我就同男朋友兩個黎大家都幾鐘意因為已經唔少款選擇個爐仲識自動波我地就係咁傾下好好大講特講唔使手忙腳亂😂😂面且野食同環境都幾乾淨衛生望落都覺得心情好野食特別好味道最怕去啲餐廳求求其其食物衛生好重要小朋友必點棉花糖雖然大人細路都岩我就瘋狂落單棉花糖😝味道❤️❤️❤️❤️環境❤️❤️❤️❤️

串grill 位於油麻地一直都想試 俾燒烤爐吸引住 市區BBQ餐廳內每一張枱自設燒烤爐及抽油煙機兩個人坐張枱真係非常寬闊手機落單豬牛羊雞菜丸類 落單後串燒好快就上枱只要將串燒放入卡位內 就會自動轉 燒燶嘅機會十分低 抽油煙機自設燈管 所以一定可以睇得出食物熟既程度 而且坐喺爐前面一啲都唔會熱枱上面可以以個人喜好加入調味有孜然粉 七味粉 柚子醬 泰式汁 燒烤汁個人最鍾意雞翼 單骨 方便食 又快熟台灣腸 又甜又香黑椒味五花肉 點一點泰式汁 外皮脆脆 唔鞋豬腸 燒完又點似 炸豬大腸棉花糖 外面焦焦 甜甜的 甜品雪櫃飲品任飲 種類平均

天氣咁凍，最啱就係BBQ，但係又好難約到一大班人一齊去，所以嚟呢啲桌上BBQ就啱晒啦。佢呢度嘅款式唔係特別多，但係如果lunch hour嚟講都算係咁。而且就有窗邊卡位坐，啱晒同朋友慢慢燒慢慢食。呢種BBQ方便在只要你擺上去，然之後就可以等食，完全唔使煩，最重要係咁樣燒係唔會咁容易燶。不過呢一度嘅肉類全部都冇調味，所以佢會有晒啲調味料俾你自己加。分別會有孜然粉，辣椒粉，胡椒粉，燒汁同埋鹽。佢呢度嘅牛柳都幾好食，加咗啲孜然粉同辣椒粉，隱約食到大陸嘅味道。而有驚喜嘅係連呢度啲豬肉都唔錯，燒到啱啱好，真係比得上啲牛肉㗎。除咗普通腸仔之外，呢度仲有台灣腸，台灣腸就可以點柚嘅柚子醬，因為佢本身已經有好重黑椒味，加埋甜甜哋嘅柚子醬，竟然出奇地夾。除咗一啲肉類之外，佢呢度有得燒棉花糖，用呢一個方式燒嘅棉花糖全部都好完美，粒粒都外脆內軟，唔會燶。另外當然唔少得我最鍾意食嘅燒菠蘿，大大嚿又多汁，酸酸甜甜好好味。呢度仲有樣比較特別嘅嘢就係原味雞蛋仔，我初頭以為一底底，點知嚟到嘅時候係一粒粒，煙煙韌韌都幾得意。

餐廳：串Grill 自助燒烤專門店地區：旺角地址：旺角彌敦道558-560號譽發廣場7樓日期：17/1/2023時間：5:35人數：2人 等位： 0mins 價錢： ＄458見同事介紹尼間串燒好食於是放假去試☺️第一次玩自轉燒烤爐串燒，唔洗反嚟反去咁麻煩又唔會浪費氣力😂，而且自轉方式仲燒得比BBQ靚同均勻，方便又好玩！😝餐廳係放題式係任食任飲，有多款種類串燒，較特別嘅款式都有👍燒賣、雞蛋仔、棉花糖等等⋯食物選擇都算多，用QR code落單，一串串已經串好整齊排列放係木盤，個人推薦豬五花、台灣腸、波蘿、墨魚丸、魚肉年糕😋，睇住佢慢慢自轉都幾治癒☺️，對手唔洗點郁就有得食🤣係爽嘅😆，火力都幾猛幾快熟唔會燶，啱哂平時燒嘢食永遠都燒燶嘅手殘人士。另外仲有不同粉俾你灑上食物調味，一開頭要慢慢摸索，之後先搵到咩配搭先係最啱食嘅味道🙈如果打邊爐同食燒肉食到悶，同朋友仔食串燒飲嘢傾偈都係一個唔錯嘅選擇😚

老公生日第二波，佢話未玩過自助串燒，咁岩俾我見到旺角呢間串Grill有得玩，仲要唔貴。訂左位去到仲好早，職員會先講解飲品係邊，個爐點操作，同埋介紹台上調味料，包括魚露，燒汁，柚子醬，海鹽，辣椒粉，椒鹽同孜然粉，老公即時自助落單，唔洗5分鐘就黎左兩大盤野食啦。食物種類有豬，牛，羊，雞，海鮮，丸類，腸仔，甜點，每一頁都好多選擇呀，牛舌，牛西冷，牛筋條，和牛粒，雞腎，雞肉，雞軟骨，年糕魚蛋，豬肉丸，墨魚丸，魚蛋，腸仔都有芝士腸，香腸，台灣腸等等，海鮮有多春魚，蜆肉，青魚，我地好鍾意雞蛋仔，棉花糖同波蘿，甜薯encore 左幾次，飲品種類品算好多，但都有齊汽水，茶，仲有豆漿。啲野食每次好快黎到，放上爐上自轉，望住佢轉轉下，到7-8成熟就可以搽啲燒汁，老公玩到好開心，啲野食熟左再自己落味粉調味，原先佢驚燒得耐唔夠飽，但兩個鐘食好多野，真係好飽。最尾仲有每人一杯書糕。地點就腳，價錢又唔貴，仲有得玩下燒野食，真係唔錯呀，性價比高之選！

成日見到自助燒烤嘅帖文同相 感覺幾有趣又方便 所以今次就拉埋朋友去試下🤭 🍀串Grill自助燒烤任食餐野食全部都係掃QR Code落單 種類都算幾多🙌🏽 有豬🐷 羊🐑 牛🐮 雞🐔 腸 海鮮🐟 肉丸🧆 菜 🥬 同埋甜品類別🍮 咁我地就每樣都點左啲 一串肉類有4粒肉 而其他類別多數都係一串2件 所以點野食嘅時候可以大約預到份量😛肉類黎講 最鐘意食嘅係M6和牛牛柳🐮 肉汁多而且幾淋身 點左幾次黎食🤣 其他肉類都正正常常 可以自己點醬料調味☺️ 另外估吾到仲有棉花糖 菠蘿🍍 雞蛋仔可以點黎食🫣 種類黎講真係幾多元化🤩 埋單都係兩百幾蚊 都算平😙

係香港都好少食自助既串燒 估唔到都幾特別而且即燒即食真係唔同風味首先第一個要讚既係個爐 好給力 燒既時候唔會感覺好熱 但野食又好快熟 用戶體驗非常之好其次就係飲品 除左可樂等既燒烤必須的有既飲品之外 仲有好多健康既選擇野食有我既最愛燒雞翼 店家已經處理過 所以完全唔洗自己郁手直接去燒就ok極快就有得食 燒好之前搽上蜜糖 食既時候加上調味粉 味道同出去食串燒9成相似！另外一樣最好食既就係多春魚 成條燒到脆卜卜一野咬入口 無敵好味最後仲有甜品送 就係哈根達斯雪糕 有唔同味揀 超滿足