串燒食堂

好耐冇食串燒啦，而且又唔想下下北上，就近揀咗北角呢間串燒店💕一坐低覺得勁迫💀最嬲係冇位影相😠近到會聽到隔離桌講乜🙃-🌟鹽燒雞心串 $16簡單鹽燒已經好夠味，雞心爽口唔韌，但係好細串🥲-🌟脆脆豬大腸 $30佢又唔係炸，但係做得幾脆，完全冇異味，唔錯👍🏻🌟燒雞泡魚乾 $48燒到微焦香口，點沙律醬食超邪惡，好食🤤-🌟鳳梨烏龍茶 $13罐裝飲品，味道正常，覺得甜咗啲。 -🌟汁燒金菇牛肉什菌飯 $69中間排住6件肥牛金菇卷，旁邊圍住啲洋蔥絲同紅蘿蔔絲，份量多😝同朋友各自share咗一碗之後都仲有剩，味道大概係日式醬油風味，中規中矩啦-所有串燒類味道正常，但係全部都細細串，價錢叫做勉強可以接受，埋單嘅時候發現有加一，咁就覺得有啲貴啦😅唔知同區會唔會有更加好嘅選擇呢🙂‍↔️？…查看更多

串燒食堂：高質串燒與貼心服務的完美結合位於北角和富道的串燒食堂，是一間充滿人情味的小店，無論是食物質素還是服務態度，都令人一試難忘。這裡的串燒不但選料新鮮，烤製技術更是一絕，每一口都充滿炭火香氣，令人回味無窮。店內的招牌之一是雞皮串燒，外層烤至金黃酥脆，內裡卻保持濕潤，配上特製醬汁，鹹香適中，絕對是必試之選。另外，羊肉串也令人驚艷，羊肉鮮嫩無膻味，微辣的調味更提升了肉質的鮮味，這些特色串燒在其他地方都難以找到。除了出色的食物，這裡的服務也值得一讚。店員親切友善，既會主動推薦人氣菜式，亦會細心留意客人的需要，令人感到賓至如歸。最重要的是，這裡的價格相當合理，無論是朋友聚餐還是輕鬆小酌，都非常適合。總括來說，串燒食堂是一家高質又有溫度的串燒專門店，無論是味道還是氣氛都令人滿意，絕對值得再訪！…查看更多

我諗呢個係呢間餐廳嘅第一篇負評！得個冷烏冬係啱，其他全部俾錯！🤬 仲要打電話去舖頭10次 10次都冇人聽。明明寫凌晨12點先收舖，點解夜晚十點半打去已經冇人接電話？…查看更多

已經嗌過好多次呢間嘅外賣串燒，每次都冇令人失望。真係樣樣都好食。最推薦嘅係熊本雪花一口牛同香煎鵝肝配多士一口牛肉質鬆軟，有入口即溶嘅感覺，而且調味做得好好，大推。鵝肝配多士足料好味。鵝肝大舊又好香，配埋多士真係一流👍🏻。另外我仲嗌咗厚切牛舌芯 $44爽脆雞軟骨串 $16土匪雞中翼 $29蒜香台灣一口腸 $18蜜糖墨魚丸 $22濃濃芝心丸 $22梅鹽燒五花腩 $35蜜糖玉子燒 $30全部都好滿意不過價錢嚟講，都算幾貴，份量唔多。但如果嗰日我想食好味嘅串燒，揀呢間一定冇錯。…查看更多

今集劇情講到一個滂沱大雨⛈嘅晚上🌃，加班加到一個點，我一個人沉溺孤單的氣氛。感覺到疲倦帶點餓意，找到間晚市不會早於晚上十時關門嘅串燒店🍡，二話不說立即落單衝過去🚗.發現是小店一間，網上落單仲有折扣優惠，果然快手，唔駛點等，望落都係現烤，賣相都吸引，性價比極高🍡———————————————————————————.🍡雞皮、雞心、雞腎、雞翼🐔💬又夜又餓又凍，熱🔥辣辣一定好食😋，點咗四款雞串，各款都恰到好處，輕灑上淮鹽🧂，絕對係兒時的味道😋.🍡鵪鶉蛋、汁燒豆腐、厚切牛舌💬另外點咗飽肚少少🤏嘅三款，烤得香口內裡仍嫩，簡簡單單就是滿足😌…查看更多

打去話星期五六日要7點前食先有得book位，book7點後就無，但比我發現6點幾打去就可以問幾點有位，咁即係唔係7點後無得book啦，老細仲要聲大大話有生意唔做咩😑訂個外賣自取，跟住顯示個預計時間去拎，去到仲要等多半個鐘先有得拎，無下次，我明多我一個唔多少我一個唔少，係谷氣呻下啫😞…查看更多

喺附近staycation 食朋友推薦嘅串燒 真係冇介紹錯👍👍我地叫左✨鹽燒雞髀菇 $14✨芥末雞骨腸 $15✨燒原隻魷魚筒 $118✨孜然羊肉串 $36 x2✨熊本雪花一口牛 $38✨爽脆雞軟骨串 $13 x2✨味椒鹽雞腎串 $17✨汁燒牛柳串 $38✨豚肉荔枝卷 $26✨厚切牛舌芯 $38✨鹽燒廣島蠔（2隻）$54✨椒鹽鴨舌串 $25✨川式香燒原條大茄子 $48🍺醇滑嘉士伯 $16🍺青島 $12全部野都好好食 調味好唔錯 特別覺得燒茄子 魷魚筒 雪花一口牛好食😋😋😋 推介要食👍👍👍 有機會我都想再幫襯 間舖好細間 黎食之前記得要bk 位💰晚餐人均～$300味道❤️❤️❤️❤️❤️價錢❤️❤️❤️服務❤️❤️❤️環境❤️❤️❤️…查看更多

串燒款式多，味道不錯，而且價錢大眾化，值得推介！店舖內有不少飲品選擇，酒類飲品也有不同品種的韓國果酒及日本清酒，以配合不同串燒食品，而且服務親切有禮，是一間不錯的串燒店。…查看更多

細細間串燒店 d枱都真係幾細坐得幾迫下不過感覺幾親民既 而且老闆(?)都幾nice嗌左2枝酒 我地唔識揀.老闆問我地鍾意咩口味慢慢介紹食物方面我地4個人嗌左：厚切牛舌芯($36)**熊本雪花一口牛($38)**豚肉車厘茄串($26)孜然羊肉串($32)蒜蓉聖子蒜蓉扇貝**燒菠蘿($18)**車打芝士翠肉瓜(18)**川式香燒原條大茄子($45)椒鹽鴨舌串($24)燒芝士年糕($33)日本珍珠米飯($16)胡麻冷稻庭烏冬($45)9成既野食都唔錯 打左**個d特別推薦我地個晚full house 上菜速度正常都keep住有得食 冇話要等好耐好岩幾個人黎食野飲下酒傾下計~…查看更多

今日心思思想食日本菜+串燒， 於是就去北角和富道的串燒食堂買外賣。今日叫左厚切牛舌芯，爽脆雞軟骨串，味椒鹽雞腎串，日式义燒烏冬，汁燒金菇牛肉什菌飯，韓式泡菜豚肉飯，韓式泡菜牛肉辣芝士湯麵。厚切牛舌芯必食推薦，牛舌又軟又林，咬落去好多肉汁， 真係回味無窮爽脆雞軟骨串，雞軟骨卜卜趣，好味。味椒鹽雞腎串，雞腎椒鹽味重，雞腎味濃，掂。日式义燒烏冬，份量多，义燒煮得又林，岩哂小朋友。汁燒金菇牛肉什菌飯，最吸睛係金菇牛肉，金菇爽口，有菇味， 牛肉亦又林又軟有肉汁。韓式泡菜豚肉飯，豚肉肥瘦適中，爽滑。韓式泡菜牛肉辣芝士湯麵， 呢個湯又係極品， 個湯又黎做泡飯， 無得輸。…查看更多

外賣 4條串（見圖）。標價高過堂食 起碼20%, 例如一支羊架外賣 $70！離晒譜。size 又特別細，兩啖食完。4樣嘢加埋 $135。你們認為合理嗎？呢間店亦太狼喇卦！又不是高級食材，羊架沒肉味，是雪藏羊肉，肉質亦不嫩。點樣值$70？！其他串燒味道無特別，跟一般串燒無異。無下次，亦絕不會推介給人。…查看更多

住左北角廿幾年，真係無咩點留意和富有咩食。行行下誤打誤撞，見到有一夜干，好想食，之後入左去。點知落單話無，話下幾失望。所以就叫左例牌會食開既野，比如燒茄子同魷魚。魷魚第一道黎，就係幾有驚喜，好大隻，因為平日既店都又削又干，呢間48蚊可以原隻，味道仲要唔差。燒牛舌同燒菠蘿不過不失啦，無咩特別。加上秋冬菠蘿都係生生地，只係我介意一咬，成舊焦糖甩左出黎，之後搞到無得甜甜酸酸。（我建議可以留錢叫多碟蠔哈哈）燒蠔過癮過燒牛舌，起碼搭多幾條粉絲塞下肚。然後到左燒茄子，真係幾惹味，加上刀痕就得幾好，可以好快將茄子一分為二夾起方便同朋友一齊share...食完都飽飽地。賣單二人加埋三百幾，so far so good!…查看更多

呢間嘢真係幾好食嘅尤其是呢度附近都冇乜串燒嘅地方喺疫情期間都可以做到全院滿座仲要排隊真係唔係好多地方做得到最近因為疫情好返少少都夠膽去啲餐廳仔逼爆人嘅地方始終全間餐廳冇人戴口罩都係一種隱憂啲枱真係好細好迫連啲櫈都係總之你坐埋去就知道these seats ain't designed for comfort其實手袋都冇地方擺想要慳地方不如學某啲餐廳整啲勾同籃我嫌佢醬汁同味粉種類唔夠多不過佢嘅燒茄子真係好好味同埋我呢世女都未食過串燒雞子有少少幸福嘅感覺真係唔錯幾好味佢嘅燒餃子有特色四方形等佢燒得勻循啲唔知係咪自己包㗎呢疫情再好返啲定會回頭幫襯…查看更多

呢間喺北角既串燒舖細細間而且位置好唔顯眼唔係住呢頭都未必會發現因為位置真係好少 建議大家要book定位去鵝肝多士(2份)鵝肝超大舊而且夠曬香唔會得個油字冇香味👍🏼下面塊多士就算索左d油都依然好脆另外我地叫左好多款串燒牛舌味道濃郁而且一d都唔韌豬腩肉加埋梅醬食落會冇咁膩而且多d層次比起就咁鹽燒好食仲有次次食串燒都會叫既雞軟骨脆卜卜 好正👍🏼覺得間舖價錢合理而且食物質素唔錯選擇都算幾多 佢仲有好多飯麵但我地今次冇食值得再encore…查看更多

串燒食堂位於和富道，屬於一條後街，不是太起眼，但此條街已經有很多食店進駐，曾經有最出名的是阿鴻小吃，但已遷出此店經常滿座，建議最好預先留電話訂位小店座位不多，但上菜速度屬正常串燒有非常多的選擇，以豬、牛、羊、海鮮、蔬菜、小食等分類另外一個重點是飲料非常便宜，啤酒大約只是$16一罐，啤酒真是串燒的最佳拍檔清酒選擇也很多，價錢由二百多元至四百多元不等，任君選擇那天晚上我們點了清酒煮蜆，燒羊架，燒牛舌，燒粟米，雞翼更是串燒不可少的選擇食物大多符合水準，當然飲了很多啤酒但最美中不足的是我們點了時令烤魚，是馬友，等候的時間比其他食物長，上枱時見到外皮焦香，但咬下去時發現肉質又點霉，亦不夠入味，但價錢則需要$138，下次當然不會再點了😅…查看更多