串燒屋 (已結業)

女店員態度實屬趕客，落單唔記得寫枱號唔收，上菜撞到你唔好意思都冇聲，想行去近廚房個食物櫃睇下有咩野食又被呼喝唔係我可以去既地方，無言。。。諗起都唔想再去。除此之外男店員態度好好多，炸物質素不錯。…查看更多

過年前聚會諗住搵啲特別嘅嘢食下 見到屋企附近有間燒烤店 用全自動轉轉燒烤爐 好似幾得意 又唔係度度都有 咁一於訂枱試下啦食放題飲品係非常之重要 尤其是啲比較口乾嘅串燒 呢間夠曬特別 除咗一般嘅罐裝飲品 仲有好多應該係老闆自己煲嘅涼茶 最好味係玄米茶 蝶豆花檸檬 紫貝天葵檸檬 同埋檸檬薏米 仲有啲一大樽嘅火麻仁不過我係揀咗飲啤酒㗎 首先嚟咗一碟總共有十塊嘅三文魚魚生 非常之普通嘅質素 叫做有嘢餸好過冇咁樣 不過都食得出佢係新鮮同乾淨 最精彩係所有炸物 總共有廿幾款 非常熱氣非常多 最有深刻印象係炸生蠔 同酒樓小菜有得揮 非常好味 大概成張紙都叫咗一轉 所有都炸得非常乾身 到主角出場 集觀眾人嘅選擇 最好味嘅分別係 燒牛舌 麻辣鴨舌 羊肉粒 秋葵 薑蓉雞肉 菠蘿都唔錯細細粒可以食多幾件你點都估唔到 所有肉類蔬菜類 都唔夠件蒜蓉包好食 老闆非常之有心思 一條手指大細嘅蒜蓉包 竟然四個面都搽咗蒜蓉牛油 非常有心思最後三條友夾埋食咗六七十吋 仲有幾轉炸物 非常飽以下係兩個扣分位 (1)雪櫃裏面其實有啫喱棉花糖 都幾好食 另外一個雪糕雪櫃入面 放咗幾十杯不知名品牌雪糕 唔食由自可 非常難食 從來未見過雪糕可以用難食嚟形容 唔單止我呢杯豆腐未係咁 朋友食芒果味 一樣難頂 建議大家唔好嘥 燒多串棉花糖好過(2) 我坐喺門口位 頭先上面張相雪櫃上面有把大風扇 全程一直呎住我頸尾 相當之唔舒服 後段我直頭要帶番頂帽 要注意 其實佢係用電燒烤爐 並唔係炭爐 根本冇好大陣味道 其實你去得燒烤店食嘢 你都預咗成身 燒烤味另外 其實唔關我事不過想提一提 因為呢件事非常奇怪 喺D經營環境咁惡劣嘅時候 我大約由七點坐到九點半 明明中間有成十幾個位空臺 間中一直有 walk in 客人 埋嚟問有冇位 但係老闆一直以全部預約滿為藉口拒絕其他客人入嚟 初時我哋都以為佢真係全場預約爆滿 所以拒絕其他客人 但係發覺由7點至九點半 由頭到尾都 坐得四枱人 分佈店舖四個角落 中間兩張長枱 起碼可以坐多十二人 但係老闆一直拒絕其他客入嚟 呢個行為非常奇怪 令到我懷疑係咪有啲其他嘢 冇理由年尾流流星期五晚唔做生意 呢一點非常之令人可疑…查看更多

諗住嚟九龍城食串燒質素應該有返咁上下，見到今日無咩人去，又唔洗等位，就走入去試下。以放題方式任食兩個半小時，有串燒，小食，飲品加甜品都係任食既。地方坐得都算舒服又有電視睇，但係串燒同小食選擇比較少，兩張紙睇晒唔覺得放題會係得咁少選擇。。。。。至於食物真係好一般，唔明點解會收咁貴，食完第一輪點嘅嘢都已經冇咩胃口唔想再食落去，真係有的失望😞，唯一覺得唔錯嘅係，飲品方面有自製飲品。唔會再嚟呢度食第二次，除非佢質素有上升💪🏻…查看更多

當HKA贏左ISG既時候 我已經知道 今晚唔再嘉豐 唔再黃明記 其實係九龍城唔一定要食泰國菜🇹🇭係位於太子匯附近 有間專打燒烤既小店🤪距係漆黑中裡 閃閃發光 抬頭仰望你會發現入面只有2位員工係度做嘢 但客人卻源源不絕😂其實都幾齊全 我個人本身中意食 雞腎 鴨舌頭👅 羊肉 牛肉 最中意食蝦🦐 大大隻 又多汁 超惹味😭第一次食呢類餐廳 唔洗自己燒架 距自動燒架大概等15分鐘就食🉐️啦💪💪好多唔同選擇既調味料 我個人最like海鮮醬 幾細心 幾精緻 完美無瑕食幾多叫幾多 真心高質😃唔建議叫呢D燒 因為好浪費時間😭😭兩個人食左60串 真係唔多 食足兩個鐘都唔夠😍埋單都係208蚊一位 係九龍城來講 少🈶️又高質既燒烤鋪頭 如果係九龍城泰國菜食厭左 不如考慮下呢間☺️…查看更多

去九龍城食飯，其實都唔一定去食泰國野既，今次就去試一試近排新興既自動串燒既串燒店雖然講唔上大行其道，但係話哂都新過吓，唔食反一次點對得住自已餐廳係用放題形式，一個價錢食到飽飽果隻:):)點餐紙有串燒同炸物選擇:):)仲有一個餐牌係吧頭，唔好忽略左距，会有更多既網燒同烤焗野，直接同店員落order就可以了:):)我覺得餐廳環境同佈置都幾雅緻，坐位寬敞，坐得幾舒服:)任飲任食黎講，依度既飲品都算係一大賣點，好多自家制既飲品，真係未見過一間放題店会有甘多自家制飲品，可能驚你食得燒同炸野多会熱氣:):)幾貼心每位客人都会送一客三文魚，質素一般啦:):)都唔難食既:):)依度啲炸物幾好，全部明顯即炸既，上枱全部脆卜卜:):):)依個係吧頭餐牌既網燒蠔，但係一燒就縮得好快同埋個帶子位唔連殼，唔知係咪廚師貼心地幫手界開左呢:):)燒牛肉ok，燒肉啲肉味仲幾香:):)仲有一樣野就係發覺自已除左鐵板燒有燒過多春魚之外，燒野食又真係好難攞支燒考叉甘燒所以自動轉轉燒多春魚對我自已黎講都幾新鮮…查看更多

我最鐘意食串燒放假 走左去食 放題式 自助串燒每位$188 1700-1900 時段老實講 味道真係一般 不過選擇夠多 豬牛羊魚蝦瓜菜 多款選擇肉質唔夠新鮮$188呢個價位 已經無咩要求飲品方面 安排夠窩心有檸檬薏米水、山楂洛神花茶、蝶豆花檸蜜、玄米茶、玫瑰花烏龍茶、菊花蜜全部獨立包裝 保鮮又衛生抵讚當然食串燒 飲下啤酒、汽水就更滋味以上全部任飲雖然係咁 但有驚喜之作1. 炸物味道佳 熱騰騰 脆卜卜2. 送新鮮原隻 生蠔 扇貝 鮮味十足 食左無肚痾 絕對係安心推介👍…查看更多

之前去過，覺得嘢食麻麻，服務又一般!但喺見佢出新嘢就再去試下，估唔到一試有驚喜!牛肉唔再喺之前嘅重香料味，牛肉有返肉味，口感唔錯，仲出多咗隻黑椒西冷，真喺勁好食!另外麻辣雞翼同新出咗嘅麻辣鴨舌,麻辣雞腎味道一流，勁夠辣又香，鐘意食辣嘅朋友絕對要試下!海鮮方面亦有驚喜，以為同之前一樣，只得赤海蝦，多春魚同帆立貝，原來新出咗烤半殻蠔，蒜蓉金針菇烤帆立貝，蒜蓉粉絲金針菇烤蜆，因為時間有限，只喺試到烤蜆，食完完全想再食，值得一試!另外亦試咗新出嘅秘製肉醬烤茄子，燒緊嘅時候已經好香，食落覺得唔錯!!今日再去食，真心覺得有改善，服務態度好好多，入店後，店員會細介紹，亦會幫忙烤茄子同幫我哋夾地個錫紙盒，方便我哋去食!食物好食好多，款式又多，值得再去…查看更多

今日行經九龍城， 見到串燒屋喺九龍城有分店就入嚟試下， 其實二百零蚊都唔抱有甚麼期望， 但原來二百零蚊有很多東西吃， 聽店員說近來還有新品串燒任吃環境：環境企理，坐得好舒服，又有抽風，食完唔會成身燒烤味食品： 味道很好還有很多特色的味道選擇，有炸物，糖水，自家製飲品。串燒：有牛舌，叉燒，鴨舌，刺身級海蝦，多春魚，甜薯，菠蘿等又送三文魚又有生蠔送原來近來仲有做任食原條燒茄子，金菇粉線帆立貝，正正正自家製飲品好有心思，抵讚…查看更多

今日試下食串燒放題，一入去就有三文魚🍣刺身，飲品選擇又多，仲要包啤酒都係任飲可以任食肉類串燒，丸類、蔬菜款式多，喺炎熱天氣有冷氣咁BBQ真係好正，串燒放上去就會自己轉住燒，夠晒方便，非常適合我地呢D懶人😂店內提供牛肉、豬肉、海鮮，多春魚、熟帆立貝等等等⋯⋯多到數唔晒，食物又好食，另外仲有多款炸物，真心推介榴槤流心波波😋雞軟骨😋此外還有廚師推介，燒蠔，燒蜆真係會再去，下次叫多幾個fd一齊，人多仲送即開生蠔架！…查看更多

其實我本身懷着期待嘅心情去食呢一餐串燒，諗都諗到串燒喎咪等於BBQ，難食極都有個限度啦。點知我今次就可以品嚐到人生第一次食串燒可以咁難食，果d 腌料錯哂！用鹽燒唔得咩？？？腌到d 味咁奇怪係為乜？我其實係咪食緊暗黑料理？仲要比二百幾蚊先食到，早知去其他地方食飲食都唔使呢個價。成件事錯晒，淨係做服務都還OK，如果係去呢度食嘢我就一定唔會介紹人黎，同埋自己都唔會有下次。非常失望完全唔值二百幾蚊！！！！！！…查看更多

超好味既串燒，約左朋友一行八人去食九龍城串燒屋，地點好方便，一到就有位，填好單就上三文魚，店員又好禮貌。有前菜有雪糕，等食都好多野選擇我地八個人去所以仲有生蠔送，個個都好肥美，我地超鍾意食生蠔。個牛肋條，蜜汁豬柳，大隻海蝦都好正。三十幾款野食，仲有炸物，200幾算多野食連飲品都好正，店員話自家製，選擇多有檸檬薏米水檸蜜菊花蜜，涼茶，洛神花，好過飲汽水。六七分鐘就食得，又自動燒，好食又好玩。其實店員唔笑就無禮貌我又唔覺，我又唔係睇佢賣笑，不過佢地不時都有提醒特地肉熟，幾細心，抵讚！店內抽氣好，食完都唔會成身燒烤味，…查看更多

終於有機會黎食，難得book到位，店舖的位子並不是多，眼看只有2張大枱可以容納6至8個，其餘都是2至4人座。另外，d食物質素真係普普通通，種類唔係太多，蝦也有點霉霉的，但簡單的棉花糖是令我開心既，醬汁方面，我覺得有少少偏甜，以我既重口味，應該有椒鹽類的就更好，但以價錢來講，質量都係ok既。另外，喺好多篇食評入邊講到既服務態度，我反而覺得態度幾好，又有禮貌（唔知係唔係態度差嗰d已經無做，或者調咗入㕑房）食物如果太大，可能會影響到轉唔到，大家要分類放喔！…查看更多

昨天經過店鋪看見食物質素不錯，打算一試。今天本人一家進入食店打算享用晚餐，一進入店鋪，店員已不打算理會我們。跟著跟店員說我們四人請問的有位嗎？ 店員帶我們到空著的位置坐下，跟我們說知不知道本店除了以上三個時間外其他時不能入座，然後說今次就算。然後整個晚餐時間態度都十分不友善，還說我們會弄壞他的燒烤爐。普通的自動燒烤會弄壞的嗎？整間店的店員都不知所謂，態度惡劣。整個晚餐時間都感受到不友善的眼神和態度。請我也不會再去。…查看更多

又再一次幫襯，三文魚刺身好正。入坐後侍應會介紹枱面上既調味料，介紹得非常清晰。燒烤爐全自動旋轉，好方便，放落去過一陣就食得，唔怕燒到燶晒。最緊要仲有好多醬汁可以揀，有辣有唔辣，自家製調味料好好咪。店舖及所有用具非常清潔及乾淨，雖然店舖細細，但座位舒適，唔會覺得好擠迫。推介食物：美國穀飼牛肋條，美國穀飼牛肉眼，刺身級赤海蝦，北海道熟帆立貝，台灣黑椒一口腸，飲品有汽水、啤酒任飲，還有涼茶供應。食飽飽仲有生果、雪糕可以食，絕對會再去幫襯，值得推介。記得一定要預先訂位。…查看更多

見到開左有一段時間又幾得意，自助燒，就黎試下5點半去到，就問有無book到位如果無就只可以食到7點咁我地無book諗住7點都ok就入左但係到走既時間 發現重有位座唔係比人book晒咁點解要人地7點前走先講返d食物泰式花生醬幾好食👍🏼串燒同炸野都不錯至於服務有位女員工黑口黑面連個爐既溫度都唔比d客較出去拎飲品望到實令人十分不自在🙄到我地食完有book左枱既客差幾分鐘時間想係店內坐一下 都話唔比要人地搭正時間入如果一間舖新開張態度都咁樣野食有幾好都無用我真係唔會有下次…查看更多