串本屋 (已搬遷) 新店位置

以前熊大哥舊舖換咗間串本屋，但好可惜做咗一年後就要搬離大角咀啦。我咁啱係佢地搬之前，試左佢地嘅牛舌心串，同埋招牌燒飯團。牛舌心串就比較厚身，牛肉味都重。大大啖好有口感！！另外燒飯團就燒到有少少窿窿地，口感幾特別，幾香口。做到外脆內軟，入面熱辣辣。另外我地再點左燒鰻魚、燒雞翼、燒豆腐、味道都幾唔錯😉 燒鰻魚就當然係冇得輸，燒汁再加上新鮮既鰻魚，肉質好有彈性。燒雞翼係無骨同埋饟咗明太子，有啲辣但好好夾呀！ ●綜合評分: 1. 湯底: ----- 2.食材: ★★★★☆ 3. 環境: ★★★☆☆ 4. 價錢: ★★★★☆

在一個很夜收工的晚上，唔想食頹飯，想輕鬆食少少可以cheer up一吓既小食，而呢間開左一陣既日式串燒店係可以滿足到呢個要求。座位唔多，店內只有4張bar椅配合2張靠牆而又薄薄既高枱，門口可以加多2張接枱，雖然好細，但店員既態度良好令小店加分。2個人叫左燒飯團、牛舌心串、雞軟骨串、豆腐串、明太子雞翼、雞翼串、燒雪魚乾、燒菠蘿，每串食物質素也很平均，比較留下深刻印象的就係燒菠蘿，超多汁好好味。會再去啊～

去大角咀諗住探朋友個bb，一落車就見到間新開既串燒店，見到啲相好似好好味咁，價錢又唔貴就試下，點知真係好好食喎！鰻魚串燒個汁好好食，食完會唔夠喉想再買。羊架，好多汁，多汁到食到尾都仲有汁漏，好夠淋，唔鞋，好難得，44蚊我覺得物超所值。雞翼串燒，係我食過最鮮味既雞翼，鹹未啱啱好，外脆內多汁，一啲都唔乾身。秋葵串燒，同個汁好夾。燒年糕，如果外面脆少少會更香口。牛舌串燒，好夠淋，我食開都係好難咬得開，所以平時我都好少叫，但今次呢個有驚喜。雞軟骨串，我叫左燒汁，好惹味。最緊要我食完唔會係咁覺得口渴，feel 到係無味精！下次再黎一定會再幫襯