中國廚房/台灣牛肉麵

营业中

休息中

呢間餐廳都幾特別，有冇得食中國野同埋台灣嘢位置唔算好難搵，不過同地鐵站一段距離環境都幾闊落，整齊開揚，仲有兩層食物選擇都幾多，鍾意食台灣嘢同時食中國野又得今次就試咗兩款台灣牛肉麵另外叫咗幾款小食同埋牛丸牛肉麵可以選擇清湯或者紅燒牛肉麵清湯唔會超級淡，個人唔鍾意食咁濃味就覺得啱啱好牛展都幾淋不過紅燒牛肉麵湯底就比較豐富，味道濃郁啲另外佢有少少酸菜可以俾你加埋喺啲麵度食啲牛丸好彈牙，而且唔會好大粒佢嘅木耳好爽口、有少少辣都幾惹味另外有三款小食，包括油燜筍、腐皮同埋蠔汁烤夫食完麵食都幾開胃另外試咗佢嘅蝦餃同埋炸雲吞真係雲吞超級大舊、咬落好脆蝦餃味道不過不失，不過都幾大粒整體幾好食，鍾意食台灣嘢嘅可以一試環境、服務、食物質素都唔錯P.S店員仲好好人咁送埋綠豆沙做甜品

中國廚房/台灣牛肉麵 (尖沙咀)尖沙咀廣東道122-126號中港中心5-6樓涼菜三選 🥡🥢 $58 有蠔汁烤麩，香辣小雲耳，同滷水豆腐乾！烤麩煙韌有咬口，轉汁唔會過咸！ 雲耳爽口～酸酸辣辣好開胃！豆腐乾軟硬適中～食得出豆味！台灣紅燒牛肉麵 🍜🐮（細 $62，大 $79）牛肉湯底味道香濃而清甜，味道剛好，飲完都冇口渴🙈麵條彈牙～口感不錯～唔會浸湯後而變得軟腍～麵質依然保持煙韌！牛展厚切增加口感～牛筋紋理分佈平均～令牛肉入口軟腍而有咬口！配合配隨麵奉上既咸酸菜～更加惹味！小編叫左小碗有兩塊牛展～如果叫大碗有三塊！餐廳好貼心送咗西瓜🍉比我地做飯後果🙈除咗台灣牛肉麵外，餐廳仲有中菜小炒供應～適逢做冬日子～特別多人一家人聚餐！驟眼望一望見到小炒都幾吸引！下次又試下先😹

今日約朋友行尖沙嘴，覓食醫肚，經過廣東道，發現這間"中國廚房/台灣牛肉麵"，看看Menu，菜式都幾特別，有好多不同地方嘅菜式，最吸引係堂食有8折添，餐廳裝潢也高尚典雅十分舒適。餐廳有明爐燒味乳鴿、湯麵、涼菜小食、湯年糕、炒粉麵飯、粥、點心、甜品、台港特式飲品，好多款式。店員介紹餐廳自家製醬料， 有紅椒、青椒、麻辣、蒜子豉油、蒜片醋(免費供應)，另可購買添。港式絲襪奶茶 $39，夠香又幼滑。加拿大豆香濃豆漿 $23，豆味濃郁。碧玉鴿皇1隻 $38，好抵食，好細心配有手套食用，汁多肉質鮮嫩。清燉牛肉湯牛丸 6粒 $48爆汁嘅牛丸，爽彈口感一流。四川排骨擔擔麵 $72排骨金黃肉嫩，擔擔麵花生醬湯底味濃。台灣紅燒牛肉麵 小 $62湯底牛味香濃，半筋半肉十分入味，牛肉麵夠彈牙。

今晚和朋友相約在TST吃晚飯，去了一間很有特色的店，一次過可以品嚐到兩種風味，第一是中國傳統、第二是台灣特色，裝潢是中國傳統式豪華風，用色金碧輝煌但又不會有種土豪風格，整體感覺良好，坐位也很舒適。頭盤是，香辣小雲耳不太辣，非常開胃、蠔汁烤夫夠入味，烤夫很有口感，蛋白豆腐干吃的到豆的清香，軟硬度恰到好處。湯底非常不錯，有輕輕的藥材味道，麵條是用陽春麵，牛肉是很優質的五香金錢展，半根半肥瘦，美味!。出奇地不是很辣，而是比較偏向花生醬味道，麵條是幼身的，有點像是上海麵，是我喜歡的口感!四川排骨炸的很好，夠熱和充滿肉汁!!試了很有名的，的確是很香滑，值得一試!豆漿就正常水準，不過也不失，目測其他小菜也相當不錯，下次可以試試!

今日陪朋友去尖沙咀攞嘢，梗係喺附近搵嘢食，行行吓比前面一個大招牌閃下閃下吸引到，抬頭望見到《中國廚房台灣牛肉麵》，決定一戰。上到去一睇都幾開揚，環境舒服，枱面仲有齊晒消毒用品，好窩心。望一望餐牌，有多種款式，當中包括點心，小炒，拉麵等，最後都係叫咗我朋友最鍾意嘅麵食～我地分別嗌咗：餐廳最出名嘅 紅燒牛肉麵（細）$62清燉牛肉麵（細）$62涼菜三小伴 $58絲襪奶茶 $39技裝豆漿 $23另外仲送咗例湯～先讚個例湯：今日係章魚蓮藕豬骨湯，啖湯入口好清甜，有超級濃郁的章魚味，唔會過鹹味道啱啱好。清湯牛腩麵：湯頭牛肉味好濃但都食得出清甜，麵條爽口彈牙，有趙口，至於厚切牛展則軟淋入味。紅燒牛腩麵：麵條同樣彈牙入味，牛肉都好惹味，唯一美中不足係飲太多湯會比較口渴好想飲多幾啖水🤣涼菜三小件：茄子蛋白好軟綿入味，豆腐干唔會太乾口感唔錯，鮮腐竹索曬上湯的甜味，清清淡淡幾好～最後飲品方面叫咗兩杯，分別有絲襪奶茶同枝裝豆漿。前者入口香滑，味道濃郁，有奶香茶味，唔甜，超鍾意！後者原來選用咗加拿大大豆，唔會太甜，亦好有大豆嘅香味，正！

• 台灣紅燒牛肉麵🐮•雖然揀左細size，但原來都幾大碗，麵質煮得剛好，煙韌彈牙，牛肉湯底香濃，想再濃郁啲可以加埋附上既酸菜。牛板腱肉入口軟嫩，紋理分佈平均，口感鬆化！餐廳除咗有台式料理之外，亦有中式既小菜，唔想食牛肉麵嘅，嗌兩碟小菜加個飯都冇問題！

廣東道其實都幾多嘢食，前兩日食咗一間好多選擇嘅餐廳，主打台灣牛肉麵，但又有齊平時食嘅各款小炒，更加有海鮮火鍋，環境闊落，都幾適合一班朋友去食。不過當晚我哋得2個人，所以都係叫小炒。台式鍋塌豆腐豆腐本身好滑，用咗台式嘅口味，以為會偏甜，原來唔會嘅，都係咸咸地，至於鍋塌係咩意思我就唔係好知啦🤣不過都幾啱我哋口味。黑松露蘆筍百合炒雞丁加咗黑松露，好特別嘅配搭，增加成個菜嘅鮮味，佢仲有好多小菜都有落黑松露，鍾意黑松露嘅朋友記得試吓。 蟹子粉絲煲呢個煲有好多菜，啱晒想多菜少澱粉嘅我，蟹子都好足，菜同粉絲都好入味，唔錯唔錯。台灣牛肉麵最後點咗個細嘅牛肉麵，估唔到份量都咁足，湯好鮮，牛肉都好入味，好鍾意麵嘅質地，夠煙韌好有咬口，好味。餐廳仲有自家製嘅奶茶同埋豆漿，兩支都幾好飲，豆漿好重豆味，落足料。嗰晚甜品係紅豆沙，我哋梗係食埋先走，好滿意嘅一餐。

📍 台灣牛肉麵 係海港城對面有間中台式夾雜嘅餐廳🙆🏻‍♀️佢哋主打牛肉麵同一啲中式菜式😙早幾日咁啱喺尖沙咀嗰邊做完嘢 就同朋友一齊去食 佢哋餐廳係5樓 一出lift就見到呢個大大嘅牌餐廳入面嘅環境都幾大 裝修好中式我哋就叫咗：麻辣牛肉丁麵 $79食落去辣辣地 如果唔食得辣嘅人可能要諗下先叫 因為辣度你未必接受到 會越食越辣🙈有唔少牛肉丁 而且食落去肉質軟淋😝 面嘅口感係台灣嗰款牛肉麵嘅款 比較粗身少少 口感唔錯！四川排骨擔擔麵 $72擔擔麵都幾香花生醬味 麵條食落去口感偏軟淋仲有唔少菜圃同蔥 增添口感😋 排骨偏瘦 食落去唔會好肥🙆🏻‍♀️碧玉鴿皇 $38一隻細細地嘅鴿燒左黎食 所以佢嘅皮好脆 肉質都唔鞋 雖然咬落去有啲油 但係整體都好味😋絲襪奶茶 $39呢個奶茶好好飲！飲落去口感好滑😍而且唔太甜 又好重奶茶香味🥰枝裝豆漿 $23豆漿飲落去甜甜地 奶味都岀 但係小編私心奶茶多啲🤣另外老闆仲請咗我哋食紅豆沙🙈 紅豆沙食落去有陳皮味 仲有一啲紅豆粒😆 食落有沙沙口感✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎綜合食評📝外觀：★ ★ ★ ★ ☆回頭率：★ ★ ★ ★ ☆抵食指數：★ ★ ★ ★ ☆✏︎✏︎✏︎✏︎✏︎✏︎

👧🏻😋👅🍽✨中國廚房/台灣牛肉麵 (尖沙咀中港中心)-❤️行開附近「廣東捌拾CANTONYAMA」懷舊市集 (幾好行), 走時見到中港中心個門口大大個牌寫住堂食八折, 我又超鍾意食中菜同台灣野, 真係唔試都對唔住自己❤️入到去係高級中菜館setting, 深啡色既實木枱, 卡位, 都幾貴氣; 店員奉上分別中國廚房同台灣牛肉麵既餐牌, 原來係兩間餐廳黎, 點心小菜又有, 台灣野又有, 叫野食就彈性D❤️門口有姜濤poster.... 唔通侍應姐姐係姜糖? 🤔🤣-🍤🍞黑松露蝦多士 $32 / 件✨精緻前菜, 多士面上一大隻蝦, on top再有黑松露醬✨個多士好脆但唔油, 油溫控制相當好; 蝦都有炸過, match返多士既口感✨特別在truffle好能夠吊出蝦鮮味-👶🏻🐦🔥 特價小食 - 乳鴿 $38 / 隻 ✨平靚正! 個面立立令, 風乾做得好好, 好乾身, 薄薄既脆皮下就已經係juicy既鴿肉!✨平時食乳鴿咪有淮鹽既, 唔需要嫁, 因為佢個味已經好夠! 但如果有需要都有sauce bar可免費提供, 試左個蒜子豉油好正-🧆🍲特價小食 - 清燉牛肉湯牛丸 (6粒) $48✨餐牌寫唔根食包退貨

近來，天氣凍好想食中菜鐘意熱辣辣既感覺。門口已經寫住牛肉麵天王。所以覺得係必試。台灣牛肉麵牛肉湯超濃， 湯沒有什麼油，但係好香牛味，兩片牛肉亦十分好食，吾會過硬，而個麵平身都好彈牙。好鐘意佢個湯，牛肉好濃。排骨擔擔麵擔擔麵湯，吾算好辣，花生味重，麵與牛肉麵係吾同，係比較幼既麵。排骨都幾正，一向配擔擔都係咁好食。黑松露手撕雞作為冷盤，手松露的味好出。手撕雞同青瓜絲的味都帶來啖啖黑松露黑松露蝦多士蝦都幾大隻，一向覺得傳統蝦多好食。加左松露又有另一番風味牛丸牛丸真係正，想講這種的係牛丸真係在凍肉店買吾到。真係彈牙，餐牌上寫吾彈牙退錢，又真係幾彈。另外，牛肉味係好重，好香，夾雜肉汁，真係幾深印象。飲品香濃絲襪奶茶加拿大大豆豆漿佢用支裝咁上，再原支雪，所以即使叫凍，都吾會被冰料弄淡。保留原汁原味另外佢出面其實好多醬料，可以自助

尖沙咀廣東道一帶向來不乏美食，都好耐冇去戈條街，因為戈帶消費真系偏高。呢日系一位親戚嘅生日，同佢嘅關係吾錯，都一早有心理準備會洗多啲錢同佢慶祝生日🎉有間餐廳個名好少見，中國廚房/台灣牛肉麵，即系又有中菜食又有台灣牛肉麵食？咁啱最近原來做緊黑松露套餐，包含嘅野都幾多！有湯品、前菜、主菜、主食，2位都系講緊每人$200左右，抵食呀！湯品系花膠竹笙濃雞湯，好滋補嘅味道，吾會比人感覺好人工。蝦多士就食得多，黑松露蝦多士食過未？裏面啲蝦肉好足料，多士口感都好脆卜卜。前菜叫咗巴蜀口水雞，因應香港人嘅口味，市面嘅口水雞多數唔會整得太辣，呢度都係一樣。辣椒其實唔會太多，唔係好食得辣又想試吓嘅都啱食。蝦仁炒蛋系家常便飯，好多家庭或者茶餐廳都會晚飯時段整黎做小菜，炒蛋質感好滑溜，蝦仁就爽口彈牙，加埋黑松露好有創意😊鮮什果咕嚕肉，酸酸甜甜好開胃👍🏼咕嚕肉肉質結實。黑松露野菌肉絲燴伊麵，呢個嘅黑松露味道相對就冇咁明顯，清清哋都幾好食。侍應推介我哋試吓港式絲襪奶茶，奶茶向來係香港人嘅至愛。呢間餐廳其實crossover台灣菜，飲落又真係幾似台灣嘅奶茶味😂🧋牛奶味比茶味濃郁，甜度都恰到好處。

今日食晏同事帶左我去公司附近一間中式餐廳食好野，呢度有兩層，每層都好闊落，景觀開揚，望到九龍公園既景色，坐位都舒服，完全唔迫，枱面有晒濕紙巾同酒精搓手液，感覺好衛生，食物方有中菜同台灣料理，淨係中菜已經有好多選擇，有燒味，點心，小菜，而台灣菜就有牛肉麵同涼拌素菜。台灣涼菜三小伴-我地揀左涼拌茄子，蠔汁烤夫同香菜鮮腐竹。茄子同烤夫都好入味，腐竹就清清地，想濃味啲可以放湯。台灣紅燒牛肉麵（小）- 我地想叫多幾樣野試，所以叫左個細既牛肉麵，食完一啖有啲後悔，因為真係幾好味，濃郁湯底配彈牙麵質，仲有兩舊入晒味既紅燒牛肉，叫細碗唔係好夠喉。千島醬脆炸蘿蔔糕-呢個點心超級有驚喜，我同同事都非常喜歡，出面完全未見過，蘿蔔糕炸到外脆內軟，再洒上輕輕烘過既木魚花同千島醬，高質點心！XO醬菜苗餃-菜苗餃其他地方都有，呢度都整得精緻，同埋加左XO醬，成個點心昇華左！

疫情下，親戚聚會已經減少了很多，有很多「姨媽姑姐」、「三姑六婆」已經好耐無見。難得今個星期約了親戚，作為晚輩的我當然要搵一間有返咁上下體面，高質素的中餐廳來應對他們。終於，我找到一間非連鎖，又有名人加持的中餐館，保證他們一定會非常滿意。說的就是這間位於尖沙咀的「中國廚房 x 台灣牛肉麵」。單聽餐館名稱，以為是一間普通的茶餐廳。但我們一進到「廚房」門口，見到餐館門口張貼了非常多名人過來食飯的相片，他們仔細研究，會心微笑，我就知道他們一定對餐館非常滿意。餐館內裡環境亦都非常舒適，沒有酒樓般的喧鬧，間隔亦都充足。我們坐到窗邊的坐位，可以瀏覽到街外景色。話明是「中國廚房x台灣牛肉麵」，當然就可以兩邊的食物都可以order。中國廚房就主打點心，台灣牛肉麵則是牛肉麵和一些涼盤，任均選擇。✼ 1. 蘿蔔絲海蜇餐館用了海蜇和蘿蔔絲兩款互溝，食落有海蜇的滑溜感，亦帶有蘿蔔絲的乾爽口勁，兩樣同時咀嚼時味道和口感兼容，用來作為前菜醒胃一流。✼ 2. 油燜荀他們另外點了油燜荀，起初我以為是普普通通的小食，但食落卻馬上愛上了。油燜荀味道並不沉悶，非常香醬油味，而且食落極之爽口，會令人食唔停。✼ 3. 台灣清燉牛

跟舊同事相聚，佢搵左間四四正正地方坐傾下現況，位置係尖沙咀近佐敦的#中國麼房·台灣牛肉麵。坐位寛敝坐得很舒適，鋪坐下店員便遞上熱茶我們便慢慢點菜了。🧆涼菜三小伴，有香辣小雲耳，蛋白豆腐乾、香菜鮮腐竹，味道清新適中，做得唔錯唔會過咸，至like 小雲耳爽口又惹味。黑松露手撕雞🐤, 黑松露味香雞嫩，配搭埋爽口嘅青瓜，屬健康小食。淨牛丸，湯清甜，牛丸彈牙牛味重咬落多肉汁。紅燒牛肉麵，湯底飲落香濃，牛肉肉質腍，筋位置柔軟，配合爽口彈牙的麵條，都唔錯啊！金湯排骨麵，唔好睇個湯咁清，飲落清甜，排骨炸得香酥脆口，咬落肉質唔會乾身，麵質同樣爽帶煙韌。除了台灣牛肉麵外，店舖還會供應小炒、火鍋等等之食物，下午還可以嘆番一盅兩件，下次黎嘆下點心先得😚。

🧮見到門口寫住8折！入去食個快lunch啦！呢間野感覺好似平時去旅行食個啲中華餐廳😂好特別既感覺🤭，上到去環境又幾ok寧靜！🐮🍜台灣紅燒牛肉麵（細$62）-牛展厚切口感勁好！💯肉嫰彈牙，如果多啲就好啦🤭！麵底幾多吓偏軟滑，湯底都飲得出牛味帶微微藥材香，不帶辣度。🫔黑松露山珍腐皮卷 （$46）-呢個好食！腐皮卷好脆，黑松露好香，同啲爽口菇好夾！🔅蘿蔔絲海蜇 （$79 ）麻油香調得唔錯，好少見海蜇混埋蘿蔔食🤣。油燘笋 （$49）呢個好有我家鄉既味道😂。🥛加拿大香濃豆漿 （$23）&🧋港式絲襪奶茶 （$39）味道濃醇，都幾有甜度！個樽幾有特色🤓！🍨甜品送左紅豆沙同流沙煎堆！👻-勁😈，煎堆外脆內甜軟糯，流沙咸蛋黃好香！