丫·咖啡

营业中

休息中

見到近排好多KOL分享天水圍有隱世Cafe諗住去朝聖下，點知。。。大中伏原來咖啡店只有戶外位置同埋少量風扇而家香港嘅天氣 完全唔適合過去chill由西鐵站步行到蝦尾新村已經出晒汗買完杯咖啡都已經熱到頂唔順同行小朋友塊面都已經熱到紅卜卜🥵Cold brew味道正常 但係唔知點解點解會加冰😂啲冰融咗之後 更加溝淡咗杯咖啡另外叫咗巴斯克蛋糕 同埋煙燻腸牛角酥牛角酥食落似係叫貨返黎再加熱上邊嘅蜜糖芥末醬係乾到一嚿嚿不值得試

元朗蝦尾新村入面開咗一棟式咖啡店☕️啱晒假期去遠離繁囂或者帶埋寵物放電😎呢度有好多室外嘅位置，一樓係佢哋烘焙炒豆嘅私人工場，供應自家咖啡、手工 Sour Dough、吐司同可麗露等。▪牛油生吐司($38)🍞🧈麵包超軟熟，搽埋牛油，新鮮熱辣勁好食▪巴斯克芝士蛋糕($50)🍰芝士味濃郁，口感結實，帶有一點燒焦味道。▪可麗露($38)🍮外脆內嫩，甜度剛好，入面有啲似焦糖布甸。同咖啡一齊食真係絕配。▪Cold brew ($48)☕️三款咖啡都用上Fruity咖啡豆，飲落比較酸。你杯嘅冰塊中就和左酸味。不過咖啡豆同口味可以同咖啡師夾返🤣▪Dirty ($42)🧊濃郁咖啡配埋牛奶漸層效果，口感滑順。▪雪糕咖啡 ($55)🍦雪糕夾雜勁多杏仁碎，到埋杯咖啡落去，苦甜結合，有濃郁雪糕嘅雲呢拿味，啱晒怕苦嘅人！

ā kafé 係由村屋建成嘅三層高建築 🏡一樓係專門炒豆嘅空間 唔對外開放而二樓將會用作舉辦拉花 Workshop 等活動場地咖啡店只佔地面位置裝潢以磚紅色為主 設計簡約格調空曠嘅戶外空間對寵物友善 🐕想喺城市角落搵個安靜嘅空間 慢慢坐傾吓偈或者主人想帶狗狗 Chill chill係不錯嘅選擇Artisan Sourdough 限定口味 ($45) 內有鹹香橄欖 🫒酸種麵包採用天然酵母自家製作烘焙師不建議加熱簡單配上法國 AOP 牛油 保留原始風味外皮焦脆 內裡彈性十足 🥖巴斯克芝士蛋糕 ($50) 口感紮實酸味突出感覺加入咗頗多乳酪味道不俗 如果有流心更好Iced Matcha Latte ($48) 雖選用著名八女抹茶味道清香但濃度低 無拂打均勻所以杯底有沉澱Iced Latte 偏 Nutty 味道濃郁 ($42)個人感覺整體 Baked goods 比飲品突出店內空間不大 只有少量高腳櫈主要都係露天座位天氣熱可能會有啲辛苦店主話嚟緊會陸續加返太陽傘同風機另外要注意外面係草地 少不免有小昆蟲出沒喺露營櫈度睇書係幾寫意不過五分鐘俾 🦟 咬咗七啖（唔小心影到我周圍𢯎惹蚊人士搞唔掂 即