影片
以上资料只供参考，请与餐厅确认详情
街上好似少见左东海堂，东大街呢间算好大间。今日有饼卡多，谂住入黎呢度换个蛋糕，点知见到周围都系猫猫产品，即刻就心心眼。好多产品都写住可以加购，咁我就问店员A：有冇限住每次最多可以换几多样？点知店员A好紧张咁话：你用饼卡唔可以换呀。我心谂，我都冇提出要用饼卡换猫产品，只系想知一次可以加购几多样野，于是再问多次条问题，个店员先答我话可以换五件。最搞笑系，另一个店员B又劲大声问呢个店员A：「佢问乜野？」店员A就喺我面前好大声话我想换猫产品，跟住两个人又重复话唔可以用饼卡换。我果下真系O左咀，我只系好简单问可以换几多样野，从来冇问可唔可以用饼卡换，但点解两个店员不断强调？听到真系好烦...最后我是但换左个蛋糕就算，想换猫产品嘅兴致已经冇晒！本身好欣赏东海堂出品，因为好多款式包装又靓，但啲店员就好应该要再培训下，佢地应该要尽力了解顾客需求，而唔系大大声答非所问，令人难堪。
继续阅读
筲箕湾东海堂装修后,我都好少喺呢度买面包｡今日经过,就买定个面包做早餐啦｡🥖吞拿鱼竹轮包个牌标记为新产品,姑且买来试一试｡排队俾钱等咗好耐,原来而家店员会将你个包放入纸袋,然之后折一下,再贴上绿色label｡系美观咗,但店员麻烦咗,顾客又唔耐烦咗😅｡隔咗一晚夜先食,竹轮包住吞拿鱼,但竹轮比较硬身,吞拿鱼味道又唔系太突出,面包口感系微烟韧,密度高,微甜｡上边的黄色酱应该系芝士｡我比较钟意食口感软熟的面包,呢款新产品唔太啱我｡
继续阅读
呢啲季节最岩就系食日本青提🫶🏻又爽又甜，配搭去蛋糕度真系一绝，估佢唔到咁夹。东海堂既面包蛋糕从来都唔会失望 加埋呢次既限定青提更加欣赏，再配埋批底 转个头就清哂啦～～🤭
继续阅读
店舖装修漂亮，也是东海堂铺中少有有饮品卖的铺。买了炭烧红豆㗎啡比自己，好有炭烧味又够浓，配上甜甜的红豆，不但有得饮也有得食，好正。买了青苹果寒天给我太太，这杯饮品感觉清新，佽品内的啫喱是加分，使这杯更有口感，赞。
继续阅读
依款新口味既蛋糕系薰衣草味黎，整体成个蛋糕都有淡淡既薰衣草味 都算易入口，但系层cream我都唔算太钟意，4个人食岩岩好，唔会食净！价钱相对都算可接受既价钱黎，但未必再试第二次
继续阅读