東海堂 (景輝大廈)

营业中

休息中

街上好似少見左東海堂，東大街呢間算好大間。今日有餅卡多，諗住入黎呢度換個蛋糕，點知見到周圍都係貓貓產品，即刻就心心眼。好多產品都寫住可以加購，咁我就問店員A：有冇限住每次最多可以換幾多樣？點知店員A好緊張咁話：你用餅卡唔可以換呀。我心諗，我都冇提出要用餅卡換貓產品，只係想知一次可以加購幾多樣野，於是再問多次條問題，個店員先答我話可以換五件。最搞笑係，另一個店員B又勁大聲問呢個店員A：「佢問乜野？」店員A就喺我面前好大聲話我想換貓產品，跟住兩個人又重複話唔可以用餅卡換。我果下真係O左咀，我只係好簡單問可以換幾多樣野，從來冇問可唔可以用餅卡換，但點解兩個店員不斷強調？聽到真係好煩...最後我是但換左個蛋糕就算，想換貓產品嘅興致已經冇晒！本身好欣賞東海堂出品，因為好多款式包裝又靚，但啲店員就好應該要再培訓下，佢地應該要盡力了解顧客需求，而唔係大大聲答非所問，令人難堪。

筲箕灣東海堂裝修後,我都好少喺呢度買麵包｡今日經過,就買定個麵包做早餐啦｡🥖吞拿魚竹輪包個牌標記為新產品,姑且買來試一試｡排隊俾錢等咗好耐,原來而家店員會將你個包放入紙袋,然之後摺一下,再貼上綠色label｡係美觀咗,但店員麻煩咗,顧客又唔耐煩咗😅｡隔咗一晚夜先食,竹輪包住吞拿魚,但竹輪比較硬身,吞拿魚味道又唔係太突出,麵包口感係微煙韌,密度高,微甜｡上邊的黃色醬應該係芝士｡我比較鍾意食口感軟熟的麵包,呢款新產品唔太啱我｡

呢啲季節最岩就係食日本青提🫶🏻又爽又甜，配搭去蛋糕度真係一絕，估佢唔到咁夾。東海堂既麵包蛋糕從來都唔會失望 加埋呢次既限定青提更加欣賞，再配埋批底 轉個頭就清哂啦～～🤭

店舖装修漂亮，也是东海堂铺中少有有饮品卖的铺。买了炭烧红豆㗎啡比自己，好有炭烧味又够浓，配上甜甜的红豆，不但有得饮也有得食，好正。买了青苹果寒天给我太太，这杯饮品感觉清新，佽品内的啫喱是加分，使这杯更有口感，赞。

依款新口味既蛋糕係薰衣草味黎，整體成個蛋糕都有淡淡既薰衣草味 都算易入口，但係層cream我都唔算太鐘意，4個人食岩岩好，唔會食淨！價錢相對都算可接受既價錢黎，但未必再試第二次

筲箕灣東海堂搬左上地面，而且又大間左，仲有即沖飲品，沙冰，特色飲品賣，仲有即焗蛋白蛋撻，酥皮包點賣，早上仲會有熱辣辣即制三文治早餐，真係好方便，而家價錢都平。👍🏻🤣😂由於係屋企附近，每日都會行過，就比佢個甜品櫃吸引住🍰🧁🥧🎂見到有個布甸，行近啲睇原來係布甸燒，真係估唔到東海堂都會有布甸燒賣🍮實在吸引到引唔住要買返個試食，布甸軟綿綿，再配上有少許蛋糕質感，再加上我最好焦糖味，簡直係絕配呀！👍🏻同時買布甸燒時，發現有盒裝蛋糕都好吸引，於是又買埋黎試，黑糖蛋糕唔太甜，有黑糖味，唔錯唔錯！雲石蛋糕好香牛油味，口感豐富，又係唔錯選擇，用黎做早餐，下午茶一流。

上次喺附近搵食的時候，見到佢個裝修圍板黑色一片，喺個圍板上面有啲彩色繽紛的蛋糕，仲以為會開間正的甜品舖啦! 點知係東海堂。新開張都冇做任何優惠，只係得買一件產品加$12蚊，就可以換購任何甜品，呢個優惠其他分店都有做緊喎!榛子千層酥喺個餅櫃的時候，我已經覺得佢好新鮮，買到返屋企雪咗一陣，雖然棒子腍咗，不過個千層酥 好脆，蛋糕亦都好鬆軟，咖啡味都可接受，唔錯。朱古力雲石片裝蛋糕保存期只係得幾日，味道和質感都幾好，個蛋糕係有啲微濕。