東海堂 (已結業)

為舊同事慶祝生日, 晚飯於world trade的 rice paper, 自擕東海堂芒果流心去食 ($148, HSBC有8折)。已經係我第3次食芒果流心, 東海堂不嬲都出名芒果產品, 有保證。話明係芒果流心就梗係中間有芒果肉+芒果汁流出啦, 不過由於我地係喺餐廳食, 餐廳會幫我地切&分個cake, 所以係唔可以感受到切開時的見到d流心”巴巴聲”湧出嚟的情況..哈哈。個cake好味、唔會滯、芒果好味。p.s. 順帶一提, 以前年代買蛋糕叫人寫名 (字) 係唔洗$的, 不過依家好多都要另加$。美心要$10 (依家連candle、紙碟都要$)、東海堂要$30。坦白講, 果d寫名 (字) 的”糖牌”都唔會食咖啦, 不過就叫靚d咁解, 所以我就無加$, 換嚟係一張mini Happy Birthday紙仔比你插喺個cake度囉。

這個就是她們想要多年的芒果流心蛋糕. 她們一早已經在東海堂訂了, 小小的芒果蛋糕, 看來沒有什麼特別. 我當時聽出是流沙蛋糕. 是否同一般酒樓的一樣, 有些奶皇之類的東西在心, 一切出來會醬流成河.拿了蛋糕, 給了店方待用完餐才食. 蛋糕一出, 小妮子已經笑容滿面, 因為這就是她在上兩次生日局都說為何找不到的流沙蛋糕. 今次大家有準備, 所以辦得到.細細聲的唱了生日歌, 吹了蠟燭. 由壽星女切開蛋糕. 跟著由我們的糕餅師父阿班進行分餅儀式. 最難的功夫便是要保持裡面個汁不要流出來. 裡面的, 絕對不是我剛才所說的流沙奶皇, 而是流出來的芒果醬汁. 外面是芒果, 內裡是芒果, 而且今次挑中好芒果 (因為不酸). 果然是一個好特別既蛋糕. 開心的, 我亦食了兩件. 蛋糕, 餅店肯花點心思, 總能令人驚喜的....這亦是好既Marketing 手法.

看到報紙的廣告介紹新產品，有用北海道甚麼做的芝士漢堡，好奇的心悠然而起，想買一個試試，怎料去到已賣清，第二天晨早八時許再去，也一樣賣清，店員說每天祇得幾個，不知是何策略，賣報紙推廣，但每天祇賣幾個？沒有芝士漢堡，隨便買了一個叫千島汁雞肉包，用膠袋獨立包裝，不環保，包面有些麵包糠作裝飾用，包身頗軟熟，味道也不錯，酸酸的千島汁很開胃，而雞肉是切得很碎，有煙雞肉和普通雞肉，有香味，但很「鞋」，因切得太碎的關係吧，若是大啖大啖的吃，應不覺得是問題。也許下次再早些來買吧！

又有人生日喇...我好耐都未食過栗子既生日蛋糕喇...lunch時間一到,我就去左拎蛋糕喇.... 鮮果之都-栗子心 ( $306 ) : 我訂左兩磅重...其實我唔係好中意食東海堂,但生日既仁兄中意...所以就係度訂.....個蛋糕都好足磅..都幾重...個蛋糕面鋪滿生果 << 有 蜜瓜, 哈密瓜, 士多啤梨同芒果 >>嘩 !! d芒果酸到不堪...個朱古力牌就甜到漏...( 生日既仁兄食左 )...ｄ栗子心就真係小得可憐，ｄ栗子蓉好似張paper禁薄．唔甜，唔覺食緊栗子蛋糕．．．今次冇HSBC信用卡，　所以冇折．．．．如果有信用卡會有　９折．．

好耐未食過東海堂既包,經過入去睇下,見到有一款新包未試過,咁岩又係我喜歡既芝士做餡,所以試試,呢個係輕芝士包,個包高身,用忌廉芝士做餡,個包幾軟,但係芝士偏向下面,包底較厚身,口感唔錯,但係略嫌忌廉芝士少左d,比delifracne同埋panash既忌廉芝士包遜色。

呢輪心情麻麻所以日日都想食呢個Tiramisu。唔平，包裝也不好（因為買一個冇盒送次次都要手拎又驚溶）但冇辦法，好味，好中意食，做得比日式更日式。食完後開心番，抵o架！

承接昨年的聲勢，今年想必陸續有同事因為薪金而跳槽，正常社會現象！於是在2007 年裡短短的四十多天，我巳經吃了四件散水餅，以這店的凍餅最為落本。我挑了件「紅豆綠茶凍餅」，好味道的紅豆和綠茶奶凍，係世間絕配！

唔知邊個送左張月餅比我阿媽.換左番來食左舊.一般, 蓮蓉唔夠滑.勝在唔太油.

今日去美食博覽以20蚊買左一個綠豆同地瓜味的冰燒月餅~~~ 其實一路都想試,想知道這款月餅同冰皮的有什麼不同!~ 味道真係無咩特別,綠豆唔好食~ 地瓜都幾好~ 可能之前無食過地瓜味的月餅!!~ 而最大問題係個皮太厚~ 厚過冰皮好多~ 所以都係食番冰皮好d~

阿媽好鐘意綠茶味既野食, 係Citysuper同埋Needs內既綠茶蛋糕成$32.5個, 冇買, 又試過買Backenheim 既綠茶蛋糕, $7個, 阿媽覺得綠茶味太淡, 我鐘意淡淡然既味道, 所以覺得冇問題. 阿媽後咧係lee道買左$10蚊留下一袋綠茶麵包, 麵包有芝麻, 食落好香口, 綠茶味都濃, 都好抵~