影片
东方小祇园百年老店在荃湾开业，常路过要排队，今早同朋友系附近饮完茶，中午时分经过小店刚开门得小猫一两人，虽然啱啱饮完茶食到好饱， 都买番盒小盒斋老味返屋企做下午茶。小盒$53～大盒 $73， 因第一次惠顾怕中伏，都系买细盒试下先，斋我都系最钟意食酸斋、斋鸭肾、斋义烧，故点咗嚟 3款，其实见仲有斋豉油、斋咖哩。买到返屋企斋仲微暖，虽然未肚饿都忍唔住打开嚟食，每款食咗一件，真系好有惊喜好好食酸斋的面筋软硬适中，唔会死酸死甜，甜酸适中，食完一口甜酸味在口中唔会渴喉，唔会有过量糖精味令口腔唔舒服～Good斋义烧亦唔会太硬有弹性，有义烧的蜜汁味，弹口好食斋鸭肾烟烟韧韧，甜甜咸咸好有口感，唔会死实总括 3款斋都好好食，味道适中，软硬口感得宜，唔会太多糖精味精，食完唔会口渴，真系好味回味，果然名不虚传百年老字号，下次可以过湾仔惠顾总店的素菜
继续阅读
好味酸斋东方小祇园哩个名听左好耐，好似好耐之前系湾仔堂食过，今日行过沙嘴到，见到哩间新外卖点，就买一种最中意的酸斋试下。酸斋颜色比较吸引，鲜红色，13蚊一份用传统牛油纸包，够环保,都几大份咖。入口酸味几开胃，但有小小刺喉咙，口感比天x好，里面吾会干硬。有机会下次会试下其他。优点- 吾系好似其他大部分斋铺，一定要大中小盒，哩度可以一种种卖，可以经济D- 刚刚有一个坐轮椅的客人，店员马上跑到路边问客人要乜，好体贴。
继续阅读
东方小衹园既斋卤味坚系比坊间的好食，第一次食到既面筋系同其他舖唔同，比较幼滑弹牙唔油，小斋$53已经有埋素鸡、素鹅8款斋填到满实，尤其咖哩斋好香咖哩味，鼓油斋落了豆鼓及青椒碎好香，酸斋都好香唔太酸，每一款都好好食，用心制作! 不过其他腐皮卷及寿包就麻麻地！
继续阅读
佢的一篇食评，就比我比左个劣， 真系讲声「唔好意思」行经沙咀道，巧遇新开斋舖，系正沙咀道麦当劳楼下就身先士卒试食用$18小试牛刀，食左佢哋嘅素点心$18 for 3 （单件$7-8 ）1）萝卜糕 🥕萝卜糕啲粉太多，好浆口🥶一啲萝卜味都冇，更加唔好提有无萝卜丝，咩配料都好少，应该系无咁济虽然话件糕系煎萝卜糕， 但少少脆口都无，仲有啲位系煎㶶左，㶶左都系唔脆，成个口感就系食1 pat 浆🤡2） 芋角 芋角 好啲，微暖， 外皮都算香酥， 但系中间芋泥唔饱满， 芋味芋香都无唛， 零零落落食都少少萝卜粒一两粒3） 春卷都系好失望， 除左个春卷外皮够脆之外中间空虚过空虚公子， 又系无咩料，无内涵😛以为拣咗啲安全牌😜点知都系中伏下次经过都应该唔会买😵💫不过如果你食开斋，佢都有啲特别嘅斋卖嘅例如： 姜母酥角，椰丝酥，杏蓉酥，甘露酥，冬蓉酥等（可能我见识少，未见过🤣）香港🇭🇰第一斋？ 咩第一☝️先？https://www.instagram.com/p/Cdf5MNFPjBV/?utm_source=ig_web_copy_link
继续阅读