東方小祇園 (已結業)

東方小祇園百年老店在荃灣開業，常路過要排隊，今早同朋友係附近飲完茶，中午時分經過小店剛開門得小貓一兩人，雖然啱啱飲完茶食到好飽， 都買番盒小盒齋老味返屋企做下午茶。小盒$53～大盒 $73， 因第一次惠顧怕中伏，都係買細盒試下先，齋我都係最鍾意食酸齋、齋鴨腎、齋义燒，故點咗嚟 3款，其實見仲有齋豉油、齋咖哩。買到返屋企齋仲微暖，雖然未肚餓都忍唔住打開嚟食，每款食咗一件，真係好有驚喜好好食酸齋的麵筋軟硬適中，唔會死酸死甜，甜酸適中，食完一口甜酸味在口中唔會渴喉，唔會有過量糖精味令口腔唔舒服～Good齋义燒亦唔會太硬有彈性，有义燒的蜜汁味，彈口好食齋鴨腎煙煙韌韌，甜甜咸咸好有口感，唔會死實總括 3款齋都好好食，味道適中，軟硬口感得宜，唔會太多糖精味精，食完唔會口渴，真係好味回味，果然名不虛傳百年老字號，下次可以過灣仔惠顧總店的素菜

好味酸齋東方小祇園哩個名聽左好耐，好似好耐之前系灣仔堂食過，今日行過沙嘴到，見到哩間新外賣點，就買一種最中意的酸齋試下。酸齋顏色比較吸引，鮮紅色，13蚊一份用傳統牛油紙包，夠環保,都幾大份咖。入口酸味幾開胃，但有小小刺喉嚨，口感比天x好，裡面吾會乾硬。有機會下次會試下其他。優點- 吾系好似其他大部分齋鋪，一定要大中小盒，哩度可以一種種賣，可以經濟D- 剛剛有一個坐輪椅的客人，店員馬上跑到路邊問客人要乜，好體貼。

東方小衹園既齋鹵味堅係比坊間的好食，第一次食到既面筋係同其他舖唔同，比較幼滑彈牙唔油，小齋$53已經有埋素鷄、素鵝8款齋填到滿實，尤其咖哩齋好香咖哩味，鼓油齋落了豆鼓及青椒碎好香，酸齋都好香唔太酸，每一款都好好食，用心製作! 不過其他腐皮卷及壽包就麻麻地！

佢的一篇食評，就比我比左個劣，　真係講聲「唔好意思」行經沙咀道，巧遇新開齋舖，係正沙咀道麥當勞樓下就身先士卒試食用$18小試牛刀，食左佢哋嘅素點心$18 for 3 （單件$7-8 ）1）蘿蔔糕 🥕蘿蔔糕啲粉太多，好漿口🥶一啲蘿蔔味都冇，更加唔好提有無蘿蔔絲，咩配料都好少，應該係無咁濟雖然話件糕係煎蘿蔔糕， 但少少脆口都無，仲有啲位係煎燶左，燶左都係唔脆，成個口感就係食1 pat 漿🤡2） 芋角 芋角 好啲，微暖， 外皮都算香酥， 但係中間芋泥唔飽滿， 芋味芋香都無嘜， 零零落落食都少少蘿蔔粒一兩粒3） 春卷都係好失望， 除左個春卷外皮夠脆之外中間空虛過空虛公子， 又係無咩料，無內涵😛以為揀咗啲安全牌😜點知都係中伏下次經過都應該唔會買😵‍💫不過如果你食開齋，佢都有啲特別嘅齋賣嘅例如： 薑母酥角，椰絲酥，杏蓉酥，甘露酥，冬蓉酥等（可能我見識少，未見過🤣）香港🇭🇰第一齋？ 咩第一☝️先？https://www.instagram.com/p/Cdf5MNFPjBV/?utm_source=ig_web_copy_link