東京淺草炸雞專門店 (已結業)

我認為一個真正嘅食家唔係間餐廳唔好食就唔再去食而係不停咁去食 睇吓可以難食到咩地步耶呢間一開張又係新屎坑 好多人去唔使一個星期即刻靜到拍烏蠅都好合理間野主要係買炸雞嘅但啲炸雞唔好食 無味 炸粉好硬 以賣炸雞專門店嚟講直頭唔合格咁佢有啲炸雞定食 即係有飯果啲 嘩 係乾到傻啲汁好似逐滴同你計錢同埋其實諗得出炸雞同飯擺堆一齊都癲啦將兩樣乾爭爭嘅野擺堆一齊點吞呀仲有呀乜你以為佢有好多款揀咩其實全部都係同一個人嚟咋材料永遠都係沙律 飯 雞配唔同嘅醬然後就會整好多乜乜定食呀乜乜沙律呀乜乜套餐呀 但全部都係同一堆配塔打開個menu就好好笑架喇 乜又係你呀陳生？同埋個沙律入面點解會有飯呀？答我啦 答啦嘛 仲唔答？其實我真係食過好多次每一次個心仔都卜卜跳好希望可以好食小小但係每一次都係同上一次一樣冇驚喜呢排間餐廳加多左好多嘢食有啲係好安全牌嘅滑蛋乜乜飯啦又有啲係蛋包咖喱飯 咁實冇死嘅 味道都OK好咗好多但我今次都係要俾負評佢因為我叫咗個蛋包飯 即係幻想中滑嘟嘟好綿果款點知佢俾個煎蛋我！！！嬲呃人我仲專登叫多個煎荷包蛋食而加一個女仔有兩粒蛋成何體統不過我都係會再食因為我想知我放棄唔食先 定佢執笠先

在小西灣商場內，近來開了很多新店，包括這一間專賣日式炸雞的鋪頭。當我走過的時候，發現有優惠價，可以＄39惠顧一客炸雞當飯，這個價錢能夠食到日本野，我覺得很滿足！由於我在當日下午兩時多到達餐廳，沒有人排隊，直接進入去坐便可以了！餐牌的價格大約有50至＄80左右，另外一個餐牌是優惠餐牌，只有一款飯是有優惠，我便選擇了這一款！飯是用日本米，味道很好。而炸雞是即炸的，亦都不會炸得太乾，很好吃。性價比高如果日後有更多優惠變更好了！

小西灣店新開去試，第一次食這間。點了一個芝士炸雞set，相片是黃醬放在炸雞上，旁邊有個紅醬。但出來郤是紅的蕃咖醬與芝士醬混在一起放在炸雞上，難食到爆，好似食緊pizza又po晒上個炸雞面到，想避開唔食都好難。可能是我個人口味有問題吧，這樣組合也可推出市面........算，當我點錯野，賣單時同職員講，相中是只有芝士醬，蕃咖醬放在一旁而已，加上個餐名也只是說芝士炸雞而不是蕃咖芝士炸雞，為何實物係咁？聽完佢冇反應，我問他有聽到嗎？他回答「喔」，我都O咀，心諗，今時今日一些model answer 都冇？一路收錢一路看著收銀柜回答我說反映嫁喇。冇禮貌早知一食知道出事就即時退掉啦

最近小西灣開左幾間新食店，作為小西灣之友緊係要落去試下佢地。呢間炸雞店剛開時好多人排隊，見今日人少啲就入左去食。家人叫左個滑蛋炸雞飯($55)，睇落去蛋比較乾身，係熟蛋唔係滑蛋，家人話味道都ok。Menu上面寫話有3件雞，出到黎有6粒切開左嘅雞喺面，咁睇黎本身啲雞都幾大舊。等左陣終於出我個set，我叫左限定柚子胡椒雞髀肉合盛定食($62)。佢係2件原味雞+2件柚子胡椒雞。啲雞好熱，熱到辣親個嘴，所以我絕對相信佢係新鮮嘅炸雞。飯比較濕爛，好黏身，好似食緊泥膠咁。但炸雞就真心好食，我就咁咩都唔點食左柚子胡椒味先，佢唔會太咸，而且都食到柚子嘅果香味，真係好欣賞。而原味雞就食到本身嘅雞味，2種炸雞都唔會好油，亦炸得好透好脆，真係覺得自己好似食緊去日本旅行時啲炸雞咁。炸雞set係會跟3種味道嘅醬，由於柚子胡椒雞本身已有調味，就咁食都夠味，如果真係想點醬可點時令滋味醬，佢係一種甜甜地嘅醬汁，可以match返個柚子味。食原味雞時我就點另外2種醬，有少少咸香襯返個雞味。整體黎講炸雞係真係好好食，但個飯真係唔得，同埋可能新開樓面有少少混亂，價錢都合理，會返轉頭再食。

最近家附近開了不少的餐廳呢～除了韓國菜、台灣菜外，還開了一家專吃炸雞的！大概是因為新開張再加上推出了開業優惠特別價格的關係，晚市時間還滿多人。既然是炸雞店嘛～餐牌上的當然全部也是炸雞，而且是不同口味的喲！當中最「誇張」的一款是有20件炸雞像小山丘的，這個大概要最少兩個人才可以吃光光吧?!我妹點了 - 鐵板七味山椒炸雞定食 ($55) 這個吃起來還頗辣的 媽媽點的則是 - 鐵板南蠻他他醬炸雞定食 ($55) 因為是他他醬的關係吧？會有點膩就是。兩款也是定食，除了跟白飯外～還有麵豉湯。我自己點的則是 - 滑蛋炸雞丼 ($45)說的 “滑蛋” 跟我想像的有些出入～不是很滑而且偏鹹了點。這款的炸雞會沒有前者定食的那樣脆口，但雞肉倒是很嫩滑的喔！飯量相對地也比較多！

小西灣其實也頗缺乏炸雞專門店，彈丸之地，與豪大大雞扒和繼光香香雞也無緣，因此這家日式炸雞過江龍或許可以在小西灣殺出一條血路KARAYAMA地理位置良好，就在小西灣街市巴士總站的旁邊，因此人流應該不成問題。而由於剛剛新開張的緣故，人頭湧湧，所以我也沒有選擇堂食，寧願外賣它的炸雞好像是必定配白飯為一套售賣，並不像豪大大一般可以散叫作小食。因此圖中下方，就是一個特別設計過的發泡膠盛着的白飯，而白飯毫無特別，也不太像日本珍珠米般圓潤飽滿。不過，炸雞確實不錯，6件都大小均一，約莫高爾夫球大小，炸漿非常薄，雞肉仍有肉汁同彈性，味粉適中，不算太重口味，不俗。整體來說，如果價錢略為調低，應該不愁沒生意，目前看KARAYAMA的價錢定價在$50～$70，以小西灣來說算高價位，要看附近居民對炸雞的接受程度如何了

話說小西灣新開左Karayam，咁緊係第一時間去試食啦。而且有朋友話呢間係黃大仙都有舖頭，既然係連鎖舖頭，應該各方面都會有質素保證啦。咁我地都好期待去食炸雞。一睇個menu大部份都係炸雞配飯。感覺啖啖肉好似邪惡。最後我就叫左個鐵板南蛮他他醬炸雞定食定食有一碗湯，白飯，同炸雞炸雞比平時食到既大件好多，基本上係兩三啖先得哂一舊。因為佢相對大舊所以佢保留左肉汁。而且佢都算係新鮮炸，所以都做到外脆內嫩。味道上，佢就大概保持返雞既原味，而上面既他他醬就同沙律醬一樣無咩味道。個菜既份量就少左少少，食到中期已經食哂。食炸野始終係口乾少少。如果仲要配一個無味無汁既白飯，成件事就變得都十分之乾。加上菜份量唔夠，好快連少少濕口既野都無。而且炸雞本身就無咩味道，配啱飯又無咩味道。咁就變左成餐都係無味道。所以味噌湯變左係唯一有味道又可以濕下口既餸菜。但係湯既味道就只係一般。總結黎講，成個配搭出左少少問題。如果炸雞單獨當小食食係正既，但係正餐咁食就又乾又無味啦。