世紀茶餐廳 (已結業)

為食猴子係一個活於貧窮線以下的基層打工仔，昨天吃貴了，今天就要吃得便宜一點。所以今次的任務係要「有平食平」。行過世紀茶餐廳，HK$ 28一個雙拼公仔麵連熱飲，合budget，即刻食。猴子點了餃子貢丸公仔麵，餃子有三隻，貢丸有兩粒。咬了一口餃子，「淋謝謝」沒一點口感。平時在家包餃子都會加上木耳等爽口材料，不過這裡的餃子只用了少少菜加少少少少肉，所以吃起上來沒味沒口感。至於貢丸，就是貢丸，一粒正常貢丸的味道都可以在這粒貢丸中找到。話說回來，用HK$ 28這個價錢來吃一餐還想有甚麼要求，況且湯底冇乜味精同鹼水味，食完唔會口乾，值得一讚。食飽飽後才發現原來穿校服有九折優惠。唉，慳少咗HK$ 2.8，睇怕要買定套校服放在公司以備不時之需。

茶餐廳在競爭激列的環境下，到底要怎樣做才可生存下去？答案 : 原來祗要有坐位、有嘢放落口而勉強食得下、不太昂貴  ( 其他不重要 )便可能一直蒙混下去世紀茶餐廳: 1.常餐：叉燒火腿湯意粉.......叉燒同火腿嘅份量好少，但意粉就好多法蘭腸+炒蛋...普通45元唔可以話貴，但可以有更好的選擇吧！2.餃子貢丸清湯麵餃子-味淡+少材料+皮唔滑+湯淡其實一個普通的常餐，要整得難食並非易事但如果廚師缺乏heart去處理，又的確可以好難食

下午茶時間已經冇乜客，成班樓面喺度玩，喺度打黎打去，對住塊鏡梳頭，傾下幾時收工，就係當啲客透明。叫左碗四寶河，嗰幾粒丸都唔知要淥幾耐，碗野芽菜多過河粉，冇下次。評分：

又到早餐時間，喺北角經過這間世紀茶餐廳，比他的石磨腸粉早餐吸引着，一於入去試吓呢朋友叫了沙嗲牛肉公仔麵配火腿炒蛋多士沙嗲牛肉麵味道不錯不過不失最主要我想介紹下這個石磨腸粉，石磨腸粉套餐分兩個價錢，一款是＄37腸粉王，集齊所有配料，另一個是$31，可以任選一種配料，選擇有肉片，肉碎，牛肉，叉燒，豬膶。我原本想叫叉燒腸，可是沒有叉燒，所以一時想不到就叫了腸粉王石磨腸粉都算正宗， ＄37價錢真的很貴，但是鬼叫我喜歡食，腸粉夠薄，份量都算多，配以甜豉油汁，味道不算正宗，但是也不差。這個套餐配皮蛋瘦肉粥，個粥就真的是不好食但個腸粉值得一試

呢間新咗唔知有無年半，上手都麻麻地，今次換咗招牌，即管試吓。清清地，諗住穩穩陣陣，叫咗個魚皮餃河粉。$28。一舉手有人應，餐廳服務算咁上下。但。。。碗魚皮餃河真係唔得。魚皮餃咬落去，裡面有d細細白色軟骨物體？唔sure咩黎，咬唔爛，好難食，一路食一路lur, 到我包返一舊舊雲吞比佢。至於個湯底，有d橙紅色嘅油？浮面，又唔係辣，唔知咩黎，感覺好油。離開食肆半小時，個肚有少少「攪」嘅感覺，相信係碗麵太油。希望日後會有進步。

晚市指定套餐只係54蚊。仲包湯 有中西選擇同飲品添見到香茅豬扒伴台灣肉燥老水蛋添個中湯用豬骨仲食到肉塊，紅蘿蔔煲到腍曬超正個飯勁大碗 肉燥加飯一齊食眷光 但白飯量大多 應該有2大碗飯量 我食唔曬有點浪費了，下次或細食最好order 小飯啦。隻蛋似薑醋蛋 因我食到甜醋味 蛋白經多翻翻煮收縮左 口感食落蛋白比較實同硬身豬扒好大一塊大過塊面 但就品覺有什麼香茅味 巴西豬有點邊位脂肪 食入口好香滑架加杯熱檸茶就係我xmas night dinner

十一月下旬·轉冷多士吃得多，華田多真係第一次聽同吃。這個早上，來了附近工作，順便找早餐吃。沒有什麼頭緒，遊走在幾間茶餐廳間。看到這裡的早餐餐牌，給其中一項早餐項目吸引了我：「華田多」。以為佢淨係灑阿華田粉？佢又唔係喎。應該係加入煉奶做了個華田醬，甜甜的而中間還吃到脆脆的阿華田粉，加上烘得微脆的多士，掂喎！最喜歡敢創新又推陳出新的茶記，這樣才有意思嘛。齋啡淡淡的，勝在唔苦，也不錯。埋單$22，值得一試的。

一行八人食lunch, 本來已經決定食隔離吉列....已經分開坐有位, 突然有人叫... 不如試下隔離海南雞飯啦.... 跟住就一行八人起身轉場試隔離新餐廳 -- 世紀...一入到餐廳, 有人話係同舊的一樣, 轉咗名, 重新裝修過, 連伙記都一樣.... 野食有少少改變.... 之前叫味皇呀~~當個個都叫海南雞飯的時候...我選擇食快餐...... 沙嗲牛通, 多士, 腸, 蛋先講個多士, 少量蒜容牛油多士。厚度中等, 好脆, 唔算好油, 合格。 腸呢.... 唔記得係乜腸.... 睇相啦, 總之好似唔係普通廚師腸, 對腸無咩研究, 可以接受, 腸衣都有d咬口, 就這樣吧。蛋...應該係一隻, 除非唔係。主角出場, 沙嗲牛通! 通粉係用... 直的通粉, 唔太記得成份, 但佢好似似通心米線的樣, 食落都似, 無咩麥味, 我都係鐘意傳統通粉。呢個通粉, 食落有點硬, 但好滑, 好易吞。沙嗲味都可以, 牛肉, 好新鮮, 無咩肉鬆粉, 好有咬口, 食到牛肉的味道.... 食到尾, 真係好有咬口..... overall 成個餐都唔錯, 用料好新鮮....但杯野飲就... 因為同枱有朋友又係叫

今日心血來潮約了好友食lunch,大家太耐無見,約她吃午餐,北角餐廳選擇好多。每次來都改頭換面。今日天氣太炎熱,我們都想食湯麵比較易入口。我叫左潮洲魚皮鲛幼麫，魚皮鮫好新鮮，很彈牙，很好吃。魚皮鮫數量都有六粒，份量充足，加上少少香港椒醬，真是香港特色，午餐奉上凍檸茶，真的佷經濟。店員很禮貌，都很主動介紹經濟客飯。門面很整齊清潔，由於剛是食飯時間，所以食客坐得比較迫一點，如下次再有約，會會再次光顧，支持小店經營。