世外桃源海鮮酒家

营业中

休息中

有朋自廣州來, 當然要帶佢哋去d 平時少去嘅地方啦! 咁啱又有朋友介紹呢個"世外桃源". 一班朋友點可以唔開懷暢飲一番呢?無咩idea, 朋友就叫咗佢哋介紹, 菜式如下:椒鹽鮮魷 : 鮮魷好鮮甜唔韌, 而又唔厚粉漿, 好味!豉油王中蝦 : 新鮮嘅中蝦, 爽甜. 不過就鹹咗d.清蒸鮑魚 : 清甜新鮮, 好味!牛油龍蝦 : 龍蝦多肉又新鮮, 唔似出面嗰d 偷太多肉得d 殼. 不過龍蝦無咩牛油味, 但係洋蔥就吸晒, 正.椒鹽瀨尿蝦 : 個人覺得佢個椒鹽做得一般, 不過都係新鮮, ok既.清蒸魚 : 其實唔知係咩斑, 不過都成3斤ka, 蒸到啱啱好. 只係自己比較鍾意食d 斤幾嘅斑, 因為會滑d ma. kekeke.辣酒煮花螺 : 首先唔食得辣嘅我, 食一隻就收手. 其次係連帶有d 朋友食到小辣都嗌辣. 再o黎係呢度嘅煮法同出面一般嘅方法唔同, 好稠 !海鮮炒飯 : 幾乾身唔太油, ok.清炒菜芯 : 菜芯略為老咗d.豉椒炒蟶子 : 蟶子鮮甜都幾好味, 但係唔多豉椒味!P.S. 佢哋嘅服務都唔錯! 第一, 朋友食食吓嘅時侯有隻蜜蜂飛咗落杯汽水度. 佢哋即刻幫朋友換過第二杯. 第二, 我哋只係

唸住襯假期同 d 朋友去南丫島行山順道食海鮮 , 本來整個旅程都好 perfect , 就係衰左o係呢餐晚飯 , 將成件事蒙上污點.... 事緣 , 我地一行 8 人 ( 6 大 2 小) 由榕樹灣行到去索罟灣 , 已經 5 點多 , 好累好肚餓 , 但又未食過呢度 d 海鮮酒家 , 咪唸住睇下邊間好食 , 見到呢間野好似好抵咁 , 咪幫襯下啦 ... 點知就中計 , 我地叫左個 6 人餐 $ 738 : 黑椒焗海蝦 - 無特別 , 但 d 蝦唔新鮮 , 有 d 梅辣酒花螺 - 無辣味 , 已經 d 螺唔熟牛油焗龍蝦 - 簡直浪費左隻蝦 , 仲話什麼招牌菜 , 無牛油味 , 隻蝦又無肉 , 得 d 腳紫羅炒雞片 - 都唔識形容乜味 , 唔酸唔甜 , 好難食炒菜 - 無味 , 仲要炒到又老晒 , 見到都唔想食蒜蓉蒸扇貝 - 好細粒 , 仲要自己落鼓油調味 .干燒伊面 - 無論 " 色,香,味" 都欠奉蒸魚 - 都唔知比條乜魚我地 , 但好"鞋" , 好難食其實難食都算 , 最慘係 d 侍應態度惡劣 , 叫都無反應 , 叫我地入去時好好架 , 入到去就 2 個樣 , 埋單收錢時仲悔氣

由於去榕樹灣的人實在太多, 條龍尾去到長洲0個邊, 所以我地先去索罟灣先(條龍短好多)。去到目的地後,由於天虹太多人, 所以經推銷後, 我地黎左呢度食我地的午餐。一行四人, 叫了一個四人餐, 包括: 1. 蒸海蝦-得半碟, 自己去街市買半斤游水蝦都係廿幾蚊, 都好食過佢多多聲, 佢0的肉唔夠爽!2. 椒鹽鮮魷-好味, 真係好味3. 豉椒炒蟶子-一般4. 蒸海上鮮- 阿爸話係盲曹, 好孩5. 炒唐生菜-一般6. 揚洲炒飯-一般真係好一般, 好似食團餐咁, 但係....唔值得因為食海鮮而去南丫島囉, 因為好多地方都好食過佢。

本身都無打算係南丫島食海鮮架，但諗下諗下又覺得黎到又唔食好似差D野未做咁!!咁就祗好去睇下食邊間好啦!! HKD 298 - 二人龍蝦餐包汽水or啤酒兩罐.. ok啦!!牛油洋蔥炒龍蝦 x 1隻 - ok啦....細細隻...有d肉食啦....白灼海蝦 - 都有成15隻o家...普通基圍蝦咁上下大啦....蒜蓉蒸元貝 x 2粒 - 細到唔知點形容好.....好似粒果汁像皮軟糖咁大粒!! 哈哈哈~~ 我相信普通o既酒家都唔敢放佢上枱比客食....失禮死!!炸三文魚頭 - ok啦... 炸魚頭o羅....無咩特別....楊洲炒飯 - 油o左d....(但做酒樓侍應居然唔明咩叫"扣底"....真奇怪)金銀蛋"然"菜 - 最好味.....低唔低食我真係唔識講..... 可能係香港叫低啦!!至於好唔好食呢~~~只可以叫一般啦.....唔難食o羅~~~

10人套餐(包10''s beer or soft drink) $1200+10%1) 椒鹽鮮魷~ 夠鮮味，唔硬有肉汁，尚算夠多，ok2) 避風塘炒虾~ 虾一般，味道ok；炸蒜蓉是買現成品，麻麻地。3) 牛油炒龍虾~ 細、炒得幾亁，無肉汁，洋蔥幾香牛油味，都唔算油膩4) 炒生菜~ ok，唔油膩，唔太咸，尚算夠多5) 生炒骨~ 好味，多肉有肉汁，尚算夠多，味道不錯6) 炒蜆~ 無食過…唔清楚7) 蒸魚~ ok，媽媽話是"星鱸"喎… 8) 海鮮炒飯~ ok，可能我中意食軟飯，而且唔油，但媽媽話唔夠亁身，急涷海鮮配料無鮮味… 9) 水果盤~ $$ free $$ 可能我家人大食，佢地一定要食宵夜，我就尚算夠食… servise OK~ 可能我唔苛求啦，唔算好好，但咁價錢，算合格囉…

當日叫左1.蒜蓉蒸聖子 - 全部都唔熟, 要拎去番蒸 !!!2.老虎斑兩食 - 呢個算ok~3.椒鹽賴尿蝦 - 又係唔夠熟, 而且煮得差, 完全浪費左d賴尿蝦 !!!4.白灼東風螺 - 呢個冇得衰既..5.生炒骨 - 又係水準以下之作總結就係唔想食到一肚氣就唔好去食啦 !

我們本是此店的長期客戶，第一次光顧應是十多年前的事，當時的確超好味，也不算貴，於是以後便約定定期來這裡吃一頓豐富的，迎接新的開始。今年如是到訪，共７人，但很可惜應是最後的一次，因為質素及收費實在不能接受。1）蒸海魚：我不知道是甚麼品種，貌似䱽魚，由於較小，我們要了兩條，共約為一斤多。蒸得稍為過熟。但最過的是價錢.... 此道菜收費$800多。2) 姜蔥蟹伊面底：只得一隻花蟹，中型偏小，味道一般，而伊面就水浸的。此道菜收費$480。3) 豉椒炒聖子：份量已經很少，但最大問題是，太腥了。4) 椒鹽鮮魷：份量少，沒有魷鬚，鮮魷肉質夠彈牙的，只是炸皮往往脫離了肉身。5) 牛油龍蝦：沒有牛油味，炒得不夠香口入味乾身。以前的是超好吃，現在的是超失水準。6) 炸蠔：order 了６隻。好味，也是是次我認為最好味的一道菜，可能是，這是我們第一次點的，沒法跟以往比較。7) 蒜蓉蒸貴妃蚌：人頭數目。味道是ok的。 8) 辣酒煮花螺：ok9) 炒菜：一般，都是太多水了。還開了瓶紅酒，但只是平價貨。最後埋單$2700+, 實在太不合理，於是請他們再review 賬單，而我們也是熟客，也請他們給個好折扣。最後回

! 今日同男朋友去南丫島行，行到索罟灣，諗住食lunch，睇勻晒咁多間，諗住間間差唔多，都唔知點解揀左呢間去食...入到去，揀左個二人套餐，俾佢推銷左個牛油焗龍蝦，但我男友又想食瀨尿蝦，我又想食元貝，咁就轉左食瀨尿蝦同元貝，個套餐要298蚊...第一道: 椒鹽瀨尿蝦痴線架, 得個一隻，size 超細，都唔知點分，仲要係唔知擺左幾耐ge...凍ge...d 肉超散呀...應該係一隻死左好耐ge 瀨尿蝦...完全無鮮味...超唔掂...仲話招牌菜...第二道: 椒鹽魷魚旺角個d 除左熱d 之外，同呢間差唔多...旺角仲香口d...份量都係好少...旺角10蚊份都多個佢...第三道: 蒜蓉蒸元貝得兩雙，我地揭開d 粉絲同蒜蓉至發現一個比一毫子大少少ge 元貝，仲要係"媒"同散ge...又係唔熱ge...之後等左好耐，以為佢地會上埋個飯同d 菜，點知佢地成班友係度開飯，到我地差不多食晒d 餸，直到我地叫個侍應問佢我地d 菜同飯幾時黎，佢地至有人入去炒俾我地呀...太過份啦...第四同五道:清炒菜芯及炒飯出面茶餐廳d 炒飯同油菜仲好食過佢地...又係唔熱ge...我話俾d 蠔油我地...佢話d

我自己已經有好多年無去過lAMMA iSLAND啦! 是次係同tAI pEI的朋友到訪! 同之前d 人一樣啦~ 天虹tOO expensive啦! 所以到訪"世外桃源"~ 而且我都好欣賞佢地好誠懇的服務態度, 重點係同外籍人士都可以溝通到囉!!!!!!! 勁~~~~ 有hEART呀!!當日係星期六~ 我地一行十一人, 點左八樣海鮮~ 第 1 : 白灼海蝦 , 好新鮮, 又大隻, 又多膏 , 又甜~~第 2 : 牛油龍蝦 , 雖然唔係原隻原貌上 (賣相唔得), 勝在出晒味, 而且唔係好油!!第 3 : 白灼墨魚 , 好新鮮, 又甜~~ 唔知道仲可以點形容.. 第 4 : 炸子雞 , 雖然唔係海鮮, 但技術一流~ 雖然已經好飽.. .. 但都差唔多清晒!!第 5 : 粉絲蒜蓉蒸象拔丰 , 無得頂呀! 係西貢食得多, 但都係呢度好食好多好多~~第 6 : 清蒸花櫻斑 , 有得讚, 無得彈.. .. 全隻cLEAR aGAIN~~第 7 : 豉椒聖子 , 好新鮮, 又甜~~ 但唔太夠火喉~第 8 : 椒鹽賴尿蝦 , 最最最最正的一個~~~~~~~~ 呢度仲有一個好~~

已忘了上次來南丫島是多久以前的事, 起碼有4、5年沒來過. 印象中未試過在南丫島吃海鮮, 反而亞婆豆腐花卻記憶猶新。 今趟故地重遊, 亞婆豆腐花依然滑不溜口, 讚! 有許久都沒去遠郊走動(查實也不是很遠, 距離中環只不過是半小時船程而已) 就來個海鮮午餐吧!為就近回程, 我們的目標是位於索罟灣一帶的酒家. 論人多及位置, 一定是天虹。 不過看來價錢也蠁貴的, 於是退而求其次來到這間免加一有海景的酒家. $198套餐有幾款選擇, 雖說可隨便調配, 但當我們想轉瀨尿蝦竟要加一百的說, 當然是No啦!來海鮮酒家點套餐已預了不會有精彩菜式, 始終是一分錢一分貨。 首先是白灼蝦, 雖然有蝦羔, 但不夠甜, 應該是未夠新鮮的緣故, 因為此道菜全憑材料全無技巧可言。 跟著來的是咕嚕肉, 味道不夠酸, 不過炸漿夠薄, 肉質不錯, 加上用上新鮮菠蘿, 可見是有誠意之作。 整個套餐最好味的是豉椒炒蟶子, 鮮甜爽口又帶點微辣, 好惹味, 可惜當時炒飯尚未來, 等到炒飯來時已不夠新鮮熱辣, 食味打了少許折扣。 套餐其餘還有炒飯及炒菜, 味道正常, 未有任何突出之處。埋單$198, 以吃海鮮來說不算貴. 笑臉是

朋友組織星期日行山團兼去索罟灣食餐海鮮, 呢間朋友食過話好, 今次佢發辨, 都係黎返呢間食。點知落大雨, 行山取消左, 得返6個為食貓入去開飯!去到先黎揀靚海鮮, 佢地家庭式經營, 個個都好 nice, 我地指明要游水海魚, 唔要養魚, 呀大家姐就介紹我地要左條靚瓜子斑, 都差不多斤幾兩斤重架。之後又秤左海蝦, 龍蝦, 賴尿蝦, 貴妃蚌同埋兩桶XXL size 既桶蠔。另外叫左個例牌既椒鹽鮮魷。海蝦就咁白焯, ok啦, 大家姐都好老實, 休漁期, 都係得養殖蝦, 呢個白焯蝦就零難度, 新鮮+焯到 just right 就得~再黎上招牌牛油焗龍蝦(2隻), d配料洋蔥牛油味好香, 同時龍蝦殼炸鬼好香脆, 我連殼都食埋, 朋友都笑我"點解你隻碟無乜殼既?" 呢碟最後係照哂鏡, 因為連d洋蔥都食哂, 好味!!跟住條瓜子斑就上枱喇, 大家姐都話佢既肉質比較爽口, 幾特別, 一試之下果然係, 雖然食落唔太滑, 但我就覺得幾好, 個 texture 好有質感, 同時魚味濃郁, 呢點係養殖魚一定無可能有。佢地係蒸到岩岩好, 魚肉係爽而不鞋, 連魚汁真係可以連吞白飯三大碗架!!兩桶桶蠔就兩種煮法,

本來諗住去天記,點知原來假期係要Book枱,唔Book就無枱架喇,咁寫有求其揾間啦,咁呢間仲有枱剩,咁我都知少人幫襯就一定係唔得,咁我都要同大家分享係點唔得.叫咗個6人餐:海蝦- 6人餐得個9隻,少得可憐,幸好蝦肉還新鮮,爽口有鮮味,但有人只分到一只.咖喱炸魷魚- 魷魚d肉都彈牙,但味道就真係子普通,唔夠香口.椒鹽賴尿蝦- 又細隻,椒鹽同蒜蓉唔夠,無辣味,仲要濕濕地,唔夠乾身.咕嚕肉/生炒骨- 最唔掂,d肉硬(炸過龍).粉絲蒸扇貝- 勁細隻,好似未發育咁,剩係食到粉絲,都食唔到扇貝蒸魚- 都唔知係咩魚,d肉好鞋(蒸過龍),海鮮店蒸魚都唔掂,真係唔好學人開海鮮店.蒜蓉白菜仔- 唔掂,不提也吧.楊州炒飯- 真係一人份碗,同咸咗d.最氣憤係話特價餐唔可以look卡,所以我無比小費.

29/9..八大兩細去食佢個八人餐...第一味..蝦...得個十一隻..都唔知夠邊個分..最激氣係人地枱食二人餐既份量同我地一樣..當然要問清楚佢啦...都好..最後比多碟我地..但.凍之餘同埋係唔好食既..第二味..咖喱炸魷魚..不過不失..唔叫好食又唔叫唔好食囉...第三味..咕嚕肉..同出面味道一樣.不過都係同二人餐既份量一樣..我地開始認為..其實叫兩個二人餐重抵食...第四味..蒸魚..ok啦..都夠份量...第五味..炒青菜...d菜一來細碟..二來好碎..三來好黑..菜頭加菜尾..唔知係咪人地食淨架添..第六味..炒聖子..份量同味道都ok第七味..薑葱炒蟹..蟹肉入口即溶...可見幾唔新鮮呀..第八味..炒飯..每人兩三啖..八人餐一人份量..又濕又唔好食...呢間野最掂係d汽水..因為唔係佢做既...同埋我地叫好彩..因為我地叫個餐d餸都齊料..其餘好多枱既朋友都係食左兩三味走人...按碟數埋單咋..唔單止我地嘈佢地..係好多枱都係咁...我地原本開開心心入黎行一陣..食海鮮咁..但都比呢間野破壞晒個心情..想再有下一次幫襯都難呀..!!

同女朋友行南丫島,由榕樹灣,行去睇電力發電風車,好靚影左好多靚相,去到索罟灣差不多6點半,天虹已經好多人同埋記得佢地天虹以外o既酒家有好多二人餐,行到呢4睇睇啦,見無乜人食都知未必好食,但見佢都有唔少2人餐,又有人熱情招待,又話比冷氣房我地,於是就落搭啦,上到去2樓,有個阿伯招呼我地,可能係高層人仕啦,所以比較有禮物d,食海鮮當然要食龍蝦啦,叫個龍蝦二人餐都係298,ok啦,有蝦,牛油焗龍蝦,椒鹽鮮魷,菜,同炒飯,兩罐野飲無理由有蝦又食龍蝦呀,我問下佢,佢話無問題,轉啦,出聲就得,所以轉左聖子,落完單先醒起唔記得問龍蝦o既份量,海鮮酒家最鍾意出古惑呀嘛,佢話有8兩,我問係咪好細,想額外再order多d,比個阿伯ban左,佢話夠兩個人食呀啦,隔兩分鐘,碟龍蝦就到啦,好多洋蔥,個阿伯又走黎吩咐要食埋洋蔥喎,咁快黎到我都驚有古怪,食落都好彈牙,應該唔係雪藏,都ok啦,跟住叫野飲啦,我女朋友想飲lemon coke ight,我話普通酒家點會有呀,通常得coke,spirt,fanta,cream soda呢d,跟住都問下佢啦,佢話得,拍心口話話乜就講,可能佢過士多買啦跟住鮮魷普通啦,同天虹比

我們一行六人叫了個八人餐... 諗住豪食!! 點知...牛油龍蝦- 味道不過不失..但作為八人餐..份量好似少d... 佢o地切到細細件扮多..其實就得個一斤鬆d..炒聖子- 真係火都來咪... 無味不得之..重要係霉.. 無得傾..叫佢換過.. (平生第一次因為唔好食而叫人換過佢) ..椒鹽蝦- 不錯椒鹽鮮魷- 又濕又無味又... 總之就難食!!蒸魚- 唔算好難食... 差過普通酒樓少少.. (已經無心機食)生炒排骨- ok.. 不過表面唔夠脆.. 水準都係差過普通酒樓少少...炒飯- 不知所謂!!! 又係又濕又無味兼無火口!!! 遠低於茶餐廳水準!!炒菜- 無食... 無胃口... 但聽講係都幾難食下...我好後悔來e度食飯... 為我愉快的假期蒙上污點!!!