世一冰室

营业中

休息中

又嚟食世一冰室，雞就係一定要叫上次叫咗湯飯， 今次就叫其他好食嘅餐廳就真係座無虛席，等咗一陣先有位今日大家都好肚餓，所以就叫足一隻雞未有雞食住，就先嚟一個羅宋湯，係好有驚喜，好好味，好濃世一金牌炸雞雖然叫全隻雞，但佢都分開兩邊一嚟到香噴噴，就好想一手拎上手嚟食。不過要留意，真係、真係、真係好熱、好熱、好熱，要冷靜一下攤一攤先呢隻雞外皮炸得金黃香脆，一咬就會微微脆響，雞肉好入味帶微微的淮鹽香，雖然另外再配有啲淮鹽，但係已經唔需要再點，好夠味內裡肉質保持多汁嫩滑，我覺得好食過上次，雞胸都滑，脆皮嫩肉，好鍾意呢種炸雞，唔會有厚厚嘅炸皮，雞皮都覺得係香口惹味。炸雞仲配兩個配菜，可以揀意粉飯薯菜沙律。 因為我哋另外仲有一個肉醬意粉，所以就揀咗沙律同埋炸薯角今次係芝士肉醬焗意粉，肉醬味道濃郁帶點香甜，芝士勁厚又拉絲，每啖都好滿足。貪得意叫咗一份小食吉列豬扒，外皮炸得夠脆，肉質保持嫩滑落單時問了一下，竟然真喺有浸菜，仲要魚湯浸菜只係19蚊抵食食咗咁多肉，加一個菜心，成個人都覺得舒服咗好多價錢唔係貴，有一種大快朵頤的感覺環境方面，餐廳光線明亮，座位舒適，侍應態度友善，落單迅速，整體用餐體驗舒服愉快。

今日去長沙灣試左呢間特色茶餐廳 - 世一冰室。坐低無耐就送左兩個羅宋湯俾我哋飲，好足料。半隻世一金牌炸雞配茄汁意粉 （$78）呢份炸雞絕對係世一冰室嘅名物，見到差不多枱枱都有order嚟食。雞係用左新鮮三黃雞，食得出比出面炸雞嘅雞味係濃得多，而呢度炸雞做法亦都似酒樓啲炸子雞，所以唔會食到好厚嘅炸粉外皮，而係炸到薄脆嘅雞皮，同時雞肉仲可以保留肉汁，就算唔係脾位肉質都好嫩滑。另外，呢份炸雞係跟埋泰式辣醬同淮鹽一齊上枱，夾埋嚟食味道更有層次。土魷蒸肉餅配白飯 （$56）肉餅即叫即蒸，上枱見到超大塊直頭大過隻碟，肉餅本身夠厚實，但食落又唔會覺得蒸得過火，主角土魷就舖到成塊肉餅面都有，加埋個豉油撈飯食剛剛好 。魚湯時蔬 （$19）今次揀左食菜芯，浸喺鮮魚湯入面咁食可以平衡番呢餐其他餸嘅油膩。紅豆冰 跟餐（$9）蜂蜜百香果 跟餐（$9）呢度跟餐叫特飲都只係加$9，都幾抵，紅豆冰唔算太甜，紅豆份量多，而且煮得夠淋，另外蜂蜜百香果亦夠清新，甜甜酸酸，非常開胃。

今日嚟到長沙灣一間冰室，位於元州邨附近，放假起身去食，下午茶時段非常抵食。冰室空間大，設有卡位，不會太迫，環境舒適。卡邦尼意粉意粉掛滿濃郁蛋黃醬，煙肉焦香脆口，芝士碎增添鹹香。醬汁稠滑不膩，麵條彈牙有嚼勁，整體風味傳統到位，每一口都滿足！絕對是經典之選。咖喱吉列魚柳飯金黃炸衣薄脆不油，魚肉雪白嫩滑無腥。咖喱溫潤辛香，濃稠恰到好處，米飯飽吸醬汁，每一口都好滿足！生炸雞髀+雜果沙律/脆薯皇雞皮金黃酥脆，肉質鮮嫩多汁！醃料入味鹹香，炸功了得不過火，骨邊帶微紅卻熟透，咬開肉汁迸發，邪惡卻滿足！凍央奶茶+鴛鴦雙拼！咖啡味同奶茶味比例啱啱好，口感絲滑，茶香濃滑帶微澀，煉奶甜度剛好，冰涼透心。係冰室先有嘅風味！

之前見網上有人推介過呢間嘅炸雞，所以今次我嚟到世一冰室，專門試咗佢哋嘅金牌炸雞同埋鮮茄焗豬扒飯！🌟 世一金牌炸雞 金牌炸雞真係名不虛傳！我選擇咗一隻雞，呢度選用嘅係三黃雞，可以揀半隻或者一隻，如果揀一隻嘅話佢會同你分開開半隻半隻咁上！佢外皮金黃酥脆，咬下去時發出咔嚓聲，內裏肉質鮮嫩多汁，完全冇油膩感，特別喜歡食佢嘅雞皮，非常之香口又脆，而且佢嘅肉汁好多，一啲都唔會鞋，配菜薯條亦非常好食，外脆內軟，鹽味適中，絕對係一個完美嘅搭配。每一口都令人感到滿足！ 🍅 世一鮮茄焗豬扒飯 除咗炸雞之外，呢道鮮茄焗豬扒飯色澤誘人，豬扒焗得恰到好處，肉質柔嫩，醬汁濃郁，帶有淡淡嘅番茄香氣。飯粒吸收咗醬汁，食落去香氣四溢，令人忍不住多食幾口！番茄嘅酸甜味讓整體口感更加平衡，完美嘅搭配！🍚店舖仲有埋湯餸，喺羅宋湯，裏面有滿滿既食材，一啲都唔馬虎。我哋都叫咗佢嘅檸檬利賓納同埋紅豆冰，整體都好唔錯👍#世一冰室#長沙灣

從網上得知佢嘅炸雞出名，所以我一家三口特意來試炸雞應該採用三黃雞，所以皮下脂肪較多 (食得炸雞就唔好計較咁多)。而且用類似炸子雞嘅做法，所以雞皮比較薄，唔會有好厚嘅炸粉。一絲撕開雞髀發現雞內好多肉汁，連雞胸都嫩滑。我每次試一間新茶餐廳一定試佢嘅奶茶。世一嘅奶茶做到茶味奶味平衡，飲落口夠滑有一定厚度，係一杯好奶茶。我跟老婆都分別點了蠔仔肉碎湯飯、蕃茄牛肉湯飯。飯和湯都係分開上值得一讚。蠔仔肉碎湯飯有少少胡椒闢腥，而且蠔仔都多。番茄牛肉湯飯正常發揮，但世一比牛肉絕不吝嗇，牛肉量都多。最後一提，整體服務質素幾好，特別係靚靚老闆娘 (當時餐廳全場爆滿，只剩門口位，雖然比較熱但係我哋都接受。用餐期間老闆娘特意提議可以幫我哋轉餐廳內嘅空位。)其實我想講，只要餐廳做好食物、環境、服務，我作為顧客一定會經常幫襯，唔會嘥時間精力北上。

前排喺社交平台都好多人講呢個燒雞，今次終於嚟試下係咪真係咁正！脆皮燒雞有得揀半隻/全隻，可以自選小食同餐飲，呢個價錢非常抵食！一上枱賣相已經好吸引，而且仲係熱辣辣，塊皮燒得好香口，肉嫩好juicy，配咗淮鹽同泰式辣醬，個人鍾意點泰式辣醬多啲～不過就咁食味道已經好夠，幾入味，雜菜沙律淋咗胡麻醬，薯菜都炸得唔錯，幾香口，成個餐食完好飽好滿足！呢個味道同價錢嚟講，性價比好高，推薦！💰價錢參考：- 世一金牌炸雞 全隻跟配 薯菜、雜菜沙律 、紅豆冰、阿華田$158

今晚落街同朋友撐枱腳，食冰室。叫左豉汁蒸倉魚，魚肉滑到夾起嚟要小心唔好散，豉汁調得啱啱好，鹹香夠但唔搶魚本身嘅鮮甜，蒸得火候好足，魚肉入晒味之余仲保持住汁水，連骨邊嘅肉都唔舍得浪費！跟住個瑞士汁雞脾都好有水準，雞脾炸得外皮脆脆地，咬落唔會腍痴痴，入面嘅肉嫩到出汁！瑞士汁夠濃郁，甜甜地帶少少鹹香，掛汁掛得好均勻，食完雞脾仲想舐多兩下唇，連手指都要吮埋！主食揀咗炒蛋芝士吞拿魚三明治，三明治個炒蛋滑到好似雲咁，芝士融到牽絲，吞拿魚夠鮮唔會腥，夾埋麵包烘得微微脆，一口落去多重口感，作為輕食或者正餐都好適合。黑椒厚西冷牛扒配帆立貝，厚切西冷咬落好有肉汁，黑椒汁辣得夠過癮，唔會太鹹，牛扒外層有少少焦香，入面肉質粉嫩；旁邊嘅帆立貝夠大隻，煎得金香，咬落彈牙鮮甜，同牛扒配埋一齊，口感同味道都好夾！飲品方面，菠蘿青檸蜜蘇打真係解暑神器！菠蘿味好香，青檸帶少少酸，加埋蜂蜜嘅甜同蘇打的氣泡，入口清爽到痹，食完牛扒嚟返一口，解膩又開胃。熱檸檬水就夠暖身，檸檬切得夠厚，浸出嚟嘅味夠濃，唔會淡寡寡，飲完喉咙好舒服。

Fafafoodblog為食花太郎 世一冰室 🍴魚湯時蔬19 蚊魚湯幾香魚味 菜心都足料🍴鹹蛋肉餅配白飯56 蚊咸蛋好香 肉餅 肥瘦適中 加d葱花連埋豉油撈飯正🍴梅菜䱽魚70蚊梅菜好足料 倉魚剛熟 魚肉彈牙 撈飯正🍴世一金牌炸雞半隻配意粉78 蚊炸雞好香脆 雞肉夠香滑 正#茶餐廳 #冰室 #肉餅 #咸蛋 #炸脾 #炸雞 #梅菜 #倉魚 Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#世一冰室長沙灣順寧道253 號地鋪~~~~~~~~~#fafafoodblog #為食花太郎 #fafafoodblog長沙灣====================

Sai Yat Cafe in Cheung Sha Wan is renowned for its deep-fried chicken. Today we passed by around tea time and popped in for a late lunch. As a "cafe", they not only offer classic cha chaan teng dishes but also sizzling steaks and pasta.Baked Rice w/ Pork Chop & TomatoesTopped with stretchy cheese. Huge thick piece of pork chop even we ordered from the tea menu. Appetizing tomato sauce. Club Sandwich Vibrant presentation. Scrumptious sandwich with luncheon meat, ham, cheese, fried eggs, tomatoes,

難得放假昨晚早D帶左小編爸去覓食之前睇IG見過有人介紹世一個炸雞好食就去試吓世一炸雞(一只) $152原來仲包埋湯、兩款伴菜+ 2杯飲品羅宋湯好足料係由細飲大嘅經典熟悉味道酸得黎帶點微胡椒辣好醒胃伴菜有幾款選擇：飯、意粉、薯角、雜菜沙律小編就點左後者兩款估唔到個薯角真係超好食就算擺凍左都仲好外脆內軟又厚身雜菜好新鮮爽脆配有麻醬好食重點來嚕~~一只炸雞會分半隻半隻上炸得金香 皮脆雞肉食落仲鎖到肉汁好嫩滑仲要係黃油雞 超正雞本身調味已好入味 另配上泰式甜酸醬及淮鹽較惹味原本以為一只雞應該唔係好夠食 所以再叫左一個日式咖哩吉列魚柳蛋包飯點知半隻已好飽小編爸發揮小宇宙再食晒成碟飯佢話好好食所以我都試左幾啖日式咖喱嘅甘甜吉列魚柳好大塊 炸粉唔多 肉厚炸得好鬆脆好味蛋都仲有蛋汁唔老有D海苔絲灑面其實賣相都好吸引餐飲叫左凍鴛鴦 佢個茶底沖得好好茶味好香醇 好飲呀!!整體坐得舒服、食物性價比高、仲好貼心有埋即棄手套比你食炸雞用呢間可以再來~~大滿足!

朋友約我去長沙灣午膳，話去世一冰室茶餐廳食世一金牌炸雞，係佢地的招牌名物！它位於順寧道街253-263號地舖，港鐵長沙灣站C1出口，行出來就到！ 餐廳裝修簡約，地方寬敞，枱椅擺放整齊，坐得舒適！ 餐牌食物款式都不少，除咗世一金牌炸雞外； 有每日午餐、常餐、咖喱、蒸魚系列、蛋包飯等等，真的包羅萬有！🥣羅宋湯餐湯係羅宋湯，但絕不馬虎！湯料十足，還有紅菜頭，健康又美味！🐔世一金牌炸雞配薯菜和茄汁意粉好貼心地半邊上，仲用咗雞造型竹器上，賣相一流！ 熱辣辣的，香氣四溢！外表炸得酥脆，肉質鮮嫩又多汁！薯條粗切，外脆內軟，充滿鹹香味道！ 茄汁意粉都好好味；配合一同食就不會太油膩！🐷煎豬扒蛋包飯- 照燒汁大大塊的豬扒，煎得剛好，肉汁豐盈！滑嫩的炒蛋包住米飯，吸收了濃郁帶有甜味的照燒汁，增添味道層次，口感一流！🐟香脆吉列魚柳這個小食不錯！ 炸得外脆內嫩多汁，魚柳都很鮮味，配上千島醬同吃，十分美味可口！🥖鹹牛肉炒蛋潛艇鹹牛肉炒蛋麵飽是茶記特色美食！ 這個潛艇夠大件，餡料十足！ 鹹牛肉的鹹香和滑蛋最夾，吃得大滿足！🍹蜂蜜百香果清爽的百香果味道，帶來清新的口感，蜂蜜的甜味與百香果味好夾，十分解渴和解膩！🥤港式

世一冰室（位於長沙灣）以「燒雞」或「炸雞」聞名，今日剛剛在長沙灣開完會就專程去會一會他們的招牌脆皮雞🤪🤪半隻燒雞售價約$78，一隻$152….跟朋友商量完後就決定叫一隻原來上枱是半隻半隻咁上的🤣🤣燒雞皮極致香脆、肉質鮮嫩多汁，且不會過鹹👍👍配菜可選薯角，沙律🥗，飯或意粉等…$78性價比高！另外個蒲燒鰻魚蛋包飯也不錯錯！原條蒲燒鰻魚，鋪滿蛋包飯，肉質軟滑，蒲燒汁鹹甜適中，蛋包滑嫩！可以揀燒汁或者咖喱汁！

呢間餐廳的牛扒滑蛋配烘底三文治同豬扒滑蛋配烘底三文治真係好值得試！兩款肉都好嫩，牛扒味道濃，豬扒又有啲甜味，配埋滑蛋，口感超豐富。這啲三文治外面烘得香脆，裡面又有滑蛋同肉，真係一口接一口，停唔到。仲有，菠蘿油麵包係呢度一大亮點。菠蘿包加牛油簡直係經典啦令香味最大化，回味無窮，早餐或者下午茶都啱。吞拿魚炒蛋芝士三文治就係另一種風味，鮮美的吞拿魚配上滑蛋同融化的芝士，真係好豐富，特別適合鍾意海鮮的人。飲品方面，香滑熱奶茶口感超順滑，奶香濃，搭配任何餐點都啱。而檸檬茶就清新又提神，特別係熱天飲一口，瞬間感覺涼快！總之，呢間餐廳嘅菜單選擇多，每一道菜都好用心。無論你想享受豐盛嘅早餐，定係輕鬆嘅下午茶，呢度都可以搵到啱你嘅選擇。強烈推薦比鍾意港式早餐或者三文治嘅朋友！

估唔到長沙灣有間正冰室，食物多元化，焗飯、茶餐、小炒，樣樣都好高水準。其中當然唔少得近期爆紅嘅「世一金牌炸雞」炸子雞經高溫油炸，上枱大大隻熱辣辣，外皮金黃酥脆，內裡肉質鮮嫩多汁，一入口香味四溢，雞味濃郁。滑蛋口感滑嫩，帶有蛋的香氣，鰻魚原條上，肉質肥美，口感軟嫩，淋上蒲燒醬汁，送飯一流。沙嗲牛肉包帶有花生香氣，少少微辣，牛肉切得厚薄適中，肉質鮮嫩，沙嗲醬味道濃郁，非常惹味。公仔麵用瑞士汁撈勻，甜甜地又夠香濃，豬扒夠晒厚切，口感鬆軟彈牙，再加上一隻煎蛋，滿滿蛋汁，撈麵好正。

最近去咗**世一冰室**，原因係見到網上有好多foodie推介，話佢哋嘅炸燒雞超好食，仲大讚隻雞肉好juicy、多汁、香口，搞到我好期待呀！😋 餐牌上面其他嘢款式都好多好吸引，但因為目的係為咗試炸燒雞，所以決定下次先試其他嘢。結果呢次嘅燒雞體驗，真係令人失望到無話可說……😞---🍗 **炸燒雞嘅失望** 本來以為可以食到一隻外皮香脆、內部多汁嘅燒雞，但實際上隻雞根本同網上foodie講嘅完全唔同。啲肉唔但唔juicy，仲乾到好似柴咁，食落嚡到咬到攰！😫 最慘係啲肉仲有翻炸嘅感覺，完全冇新鮮雞嘅香味，我睇住隻雞都覺得心淡，食到一半已經完全無興趣再食落去。網上推薦嘅「超好食燒雞」，喺我嘅經驗嚟講，真係無可能再俾第二次機會！🙅‍♂️---🍳 **餐牌吸引點 & 未來嘅希望** 雖然炸燒雞完全係一個大挫敗，但佢哋嘅餐牌款式真係幾吸引，尤其係鐵板類嘅餐點，睇落好似幾有水準。雖然炸燒雞徹底失望，但我對佢哋嘅鐵板餐仲係有少少期待，可能下次會試下呢個方向，睇吓佢哋其他出品會唔會好返啲。🤔---💭 **總結** 世一冰室嘅炸燒雞真係唔值得試，肉質乾柴，完全唔符合「juicy」呢個形容詞，甚至懷疑係