上海點匠滬點小廚

营业中

休息中

三人行食晚餐叫左擔擔面（走辣)高力豆沙宋嫂魚羹上海小籠包成餐飯得小籠包叫中上……呢個價錢黎講係幾好咬開有汁皮唔算厚，但其他都好唔掂，擔擔面走左辣之後勁無味面又黐牙！！！高力豆沙個皮勁厚紅豆餡好少又冇咩味！！！宋數魚羹勁少魚同完全冇羹嘅感覺係湯黎….稀到好似水咁樣…樓面服務好差下…叫落單都等勁耐….收錢又要等….又寫漏單….埋單加茶介$279但食唔飽無下次！！！唔明點解咁多人話好食食其他小菜仲好啦！

來到佐敦突然很想吃上海菜來到這小店先吃小籠包 $38/4隻基本的東西都有皮夠薄 樣子漲卜卜肉汁滿滿 最緊要熱烘烘😆吃下感覺新鮮即製回鍋肉炒年糕 $88等待餸菜來時聽到廚房炒餸的聲音已經有點期待原來真的很有鑊氣啊😋香噴噴 不會太辣肉片份量充足三鮮煨麵 $68材料充足 有很多蝦🦐又有火腿及菇湯底我覺得不錯都算清甜雖然可以再杰身D但現在麵仍然掛到湯所以都係合格有餘的😌另外每人收$3茶位提供的茶絕不馬虎是濃香的玄米茶🫖佐敦這個價位這個份量算是性價比不錯👍🏻

今日叫左五樣食物，包括涼拌土豆絲，可以，味道比較淡，另一碟系醉雞，洒味唔夠濃，上海酸辣湯(鍋），不錯，另一樣糸蟹粉小籠包（4隻），湯有點腥，皮有點厚，最後一碟系賽螃蟹，不錯

🥣🥢🥄佐敦出色經濟上海菜▫️有熱菜提供，好香，好似係麥茶☑️ 黑松露小龍包 （4隻） - $52一咬爆湯，除咗外皮頂上面有啲黑松露醬，餡料內都有好多黑松露，黑松露味幾濃郁，所以都值得叫。☑️糖醋魚塊 - $88都幾大碟，沒有三色椒做配料，成碟只有魚塊同菠蘿，所以魚塊份量好多，外皮炸得香脆而魚肉保持嫩滑。酸甜汁調得恰到好處，魚塊黏汁，酸甜開胃。☑️香煎韭菜雲吞（6隻）-$48個皮好薄，個底煎得好脆，餡料飽滿，韭菜味香濃，好食。☑️排骨擔擔麵 -$68湯底值得一讚，少少辣刺激味蕾，花生醬味濃郁，更有香蔥、芝麻調味，肉碎份量如果可以多d就好。面條軟硬剛好，配湯食好好味。至於排骨都亦煎得頗香，已經切好咗一件件，方便入口，肉質鬆軟。🆗香煎牛肉包（3件）-$38係牛肉餡嘅生煎包，煎得幾靚，咬落外皮香脆而包係軟熟，唯餡料較少。

今日喺佐敦區工作，想簡簡單單食個下午茶，其實都幾多選擇㗎，因為近期都開咗好多新嘅餐廳，呢一間望落好新，但係其實佢唔係新開嘅，印象中都開咗㗎好幾年，不過之後重新裝修過一次，所以感覺呢都好新淨。佢呢度最抵食係午市客飯套餐 58~68 元，同埋下午茶套餐 48 元，不過要提一提大家，星期六日或者公眾假期有機會冇套餐，價錢呢就會貴一截，大家要留意住啦。今日咁啱係下午茶時間，所以簡簡單單落咗兩個下午茶套餐，一個係最鍾意食嘅上海粗炒，加埋豆瓣醬非常之惹味，但油份高咗啲，同埋麵身有啲斷開，感覺一般般啦。另外叫咗一個排骨菜飯，餐牌強調係五彩健康菜飯，排骨都幾乾身爽口，但係我覺得煎就好過咋，因為係健康菜飯吖嘛，咁樣先配合番個主題。

今日諗住是但食啲嘢，就走咗入去呢間餐廳，都幾多人，但質素實在麻麻。🔸上海生煎湯包(💰42/4隻)(4/10)佢個包底係煎得脆嘅，但個包未煎嘅地方口感好淋，另外佢嘅豬肉亦唔夠新鮮，有啲梅。湯汁係有嘅，但唔鮮味。脆底同有湯汁佢係做到，但其他嘢食落感覺不好。👎🏻🔸糖醋排骨(💰98)(4/10)排骨陣味好古怪，有好重嘅薑味。諗諗吓佢應該係用平時上海排骨擔擔麵嗰塊”豬扒”切件，再撈糖醋汁。但糖醋”排骨”嘅”排骨”應該唔係用呢款”排骨”😩同埋佢啲排骨仲好多肥肉😞🔸上海炒年糕(💰68)(7/10)最對版嘅一道菜，正常水準。每人仲要收💰3茶芥，不過佢嘅杯黃色嘅茶實在唔好飲😞仲有啲漂白水味。個杯仲有啲污糟野添。Overall評分: 4.5/10

個仔一路都很喜歡食上海點心。爸爸在報紙上見到呢間上海小館。昨天下午放假便和家人一起到此店試下。餐牌有麵食套餐，可以無限追加小食或者點心。相當吸引。一行三人，叫了兩個麵食套餐。擔擔面+牛肋面。兩個面嘅味道唔錯，大大碗、有驚喜，好食😋小食追加了：四喜烤麩、小籠包6只、煎牛肉包4只。小籠包汁多皮薄，牛肉包香口。😋另外叫了鮮肉煎鍋貼、生煎包。香脆熱辣辣。😋叫咗咁多嘢食，埋單二百幾蚊。食物質素唔錯、服務態度有禮、價錢親民抵食、仲可以OpenRice訂位。值得推介。👍👍

上次已經嚟過一次 食咗啦好抵嘅午市套餐 今次帶埋朋友再嚟食 諗住叫啲唔同嘅嘢 食左雪菜肉絲炒年糕😍同埋雞絲煨麵🍜仲有一定要encore絕對唔可以少嘅一小籠包🥢 小籠包依然係最好食嘅💕真係100分！夠晒熱💯 同埋D湯都好出色😍個人都係鍾意上次食嘅招牌牛肋麵多啲😝 雖然炒年糕我都係好鍾意 不過佢哋嘅麵條比較有特色 如果有得揀就會揀食麵🍜環境都係一樣咁乾淨企理 出面都依然係好多人等😂 不過大家都好手秩序唔駛等好耐就有位啦🥰

╹上海點匠滬點小廚 - 佐敦 Jordan╹#tori佐敦ʅCP值超高嘅上海菜😍可能比起連鎖式上海菜餐廳做得更出色🥺❤️真係好鍾意食生煎包擔擔麵！🍞🍜ʅ🍜招牌擔擔麵 ($48) (9/10分)湯底非常濃郁～芝麻味幾香 如果花生味重啲就更加好食🤣🍞上海生煎湯包 ($42/4隻) (9/10分)店員話要等大概20分鐘～超好食 包嘅底部煎得十分脆口麵包嘅厚度適中 食兩件都唔會好飽☺️咬第一啖就爆出熱辣辣嘅湯汁！！❤️🌶️紅油抄手 ($42/6隻) (8/10分)好多蔥蒜！😍辣油可以更麻🤣皮薄而餡肉夠紮實☺️🥟招牌四季鍋貼 ($42/4隻) (8/10分)經典嘅皮薄餡靚鍋貼！我諗同生煎包嘅做法大同小異 分別就係餃子皮同白麵包😆ʅvewdie回頭率：🐽🐽🐽🐽🐽(5/5)ʅ📍上海點匠滬點小廚佐敦上海街62號地下1號舖ʅ#hkig #hkiger #hkigshop #hkigfood #hkfoodie #hkfood #hkfoodblogger #hkgirl #hkcafe #hkiger #hkcafe #foodie #打卡 #假日好去處 #香港美食 #香港美食地圖 #咖啡 #cafehk #佐敦

去完M+之後行咗一段路搵嘢食😂 終於見到呢間望落幾乾淨企理就入咗去 平日午市有套餐😍 加少少錢就可以食到小食 仲有野飲添 可以揀豆漿😊第一樣最重要嘅係小籠包真係幾好食👍🏻 皮薄得嚟都有好多湯😝 另外招牌牛肋麵 除咗牛肉之外仲有煎蛋蘿蔔同木耳 健康之餘仲加返少少顏色點綴😍 個湯清清地之餘 麵都好煙韌 我下次都一定會再叫湯麵嚟食😋另外酸辣湯都係傳統味道 夠濃夠香👍🏻 烤麩都好入味 超級開胃😍整體嚟講好中意個環境同食物 會再返嚟幫襯！

今日去咗晚飯，本人上海菜都有啲要求鋪頭裝修乾淨企理👍第一道: 涼拌土豆絲 $38普通，味道唔夠，兩星第二道: 上海酸辣湯 $28料就唔係夠，味道一般，只能比兩星第三道： 小籠包 $38哩個唔錯，有湯水，肉都幾好，3星半第四道: 京葱牛柳絲撈麵$68唔知點解完全冇味，可能冇落鹽，個麵都幾油下。0星雖然價錢都平民，但係個麵68既話，我覺得茶仔好多平過佢都好食過佢。希望可以係味道方便改進下如果淨係食小籠包都係一個幾好既選擇。員工服務幾好👍 加油喇

早前試過此店嘅湯麵下午茶餐及生煎包和小籠包，覺得平，靚，正，所以10月20日當靚媽向揾食肥華提出今日想食上海食品，肥華就心有所屬就到此店食晚餐，而今次專誠而來目標食品就係肥華光顧上海菜館至愛之一嘅，回鍋肉客飯而此店呢個肥華至愛亦做得甚高水準，論味道係冇得彈，但個價錢有商確餘地通常回煱肉客飯餐，在一般上海菜館都係$48至$58呢個價錢，但此店就收$68如將白飯改為菜飯再要加多$8用$76食個回煱肉客飯，肥華都有啲赤赤哋，至於今餐所點嘅其他食品都係美味之選，價錢合理冇令肥華和靚媽失望👍👍👍😋😋😋

今日介紹嘅餐廳位於佐敦上海街，餐廳為京滬上海小店，有別於傳統中式酒樓嘅裝修，餐廳啡灰白色作為主調，裝潢簡單。午市時段餐廳嘅人流絡繹不絕，就算係兩三點左右依然維持著八成滿。餐廳定價比一般上海店平，5:30之前亦無需要加一收費，如果平日的話更加唔需要茶芥。餐廳有唔同類型嘅推介小食，其中以上海生煎湯包做得最出色，比同類型連鎖店做得更加好。🌟招牌小籠包$38食上海嘢一定要叫嘅點心係小籠包，一籠有四個，一口大小，皮薄多湯汁，我哋亦都encore左一碟。第二碟嘅皮做得比第一點更加薄身。除咗招牌小籠包之外，餐廳亦提供黑松露小籠包同埋蟹粉小籠包。🌟上海生煎湯包$42上海嘅美食不得不提生煎包，由於即叫即煎製作需時，店員亦都提醒需要等候約20分鐘左右。如果大家想試的話，記得一坐低就叫咗先。上枱嘅時候生煎包非常之熱，外層煎得非常之香脆，就連生煎包嘅底都係脆口嘅。一般生煎包上枱之前已經索晒湯汁，基本上食落去嘅時候已經飲唔到湯，而呢間可以做到底層亦都有湯汁，推薦大家去食。🌟雞絲粉皮🌟高力豆沙除咗兩樣推薦嘅食物之外，我哋亦都叫咗其他嘢食，不過就普通正常水準。如果大家想食甜品的話，可以試吓流沙心太軟，食完之後睇返網

好耐無食上海嘢.今日去一間CP值高.滬點不錯嘅上海食店.佢哋營業時間：11:30至22:30.我哋係11:15到達.間舖都未開始營業.我哋係門外拍攝🎬門外招牌及餐牌介紹.11:30店家開始營運.我哋都係第一個枱顧客.呢度啲裝修好優雅舒適.我哋都揀咗卡位坐低.我哋把餐具全部洗乾淨.侍應姐姐送來一個熱水壺.把熱水壼茶倒出杯中.喺金黃色嘅茶.飲落口原來喺玄米茶.好順及回咁香.茶位每位$3元.但係我哋埋單無收到.呢度無加1服務費.超讚👍👏今日點餐如下： 1. 招牌牛肋麵 （餐）X1 $48元 2. 鷄絲粉皮（餐）X1 $13元 3. 招牌小籠包（餐2隻）X1 $13元 4. 生煎牛肉包（餐2隻）X1 $13元 5. 上海春卷（餐2條）X1 $13元 6. 葱花家常簿餅（餐4塊）X1 $13元 7. 涷豆漿（餐）X1 免費CP值高嘅上海滬點美食註：溫馨提示：所有追加滬點.一定要點選午市客飯套餐或拉麵套餐.然後可以用無限追加！星期六/日 公眾假期除外📌上海點匠滬點小廚 (佐敦)佐敦上海街62號地下1號舖

同屋企人喺佐敦附近搵嘢食，一向鍾意食上海菜嘅我，行過呢間餐廳，當然想試吓新嘢啦。正想入餐廳，有人喺入邊出嚟，竟然係住喺屋企樓上嗰位先生，佢極力推介，於是要等位都想試吓。餐廳面積都幾細，不過牆上面用咗中國節氣做主題嘅食物圖畫做裝飾，都幾特別。啲嘢食價錢唔好貴，好耐冇食過咁正嘅回鍋肉👍🏼👍🏼😋，小籠包同鍋貼都好食😋，醉雞一般，招牌牛肋湯麵我覺得啲肉太甜，食咗一舊之後就冇再掂😂。值得一提喺餐廳供應嘅係蕎麥茶。😊