上海點匠滬點小廚

营业中

休息中

本身見到社交媒體網站有推薦呢間，又見佢啲菜式好吸引，加上媽媽又有提過想食上海菜同小籠包，所以就提前打電話去問下需唔需要訂位，有個嬸嬸聽左，答一句無訂位（語氣已經不太好），咁我諗住問多句會唔會有落場時間個啲 ，我都未問到就比佢cut左我線，未食態度服務都咁差，再加上見有留言都係有提到員工服務差，明顯唔想做生意咁，我知野食好食係重點，但服務態度真係都會好影響，感受十分不好

見到社交媒體介紹呢間上海菜，影出嚟又幾吸引，於是特登摸車出城試吓，呢度地點都算偏，雖然近地鐵站，但食客應該俾之前幾條街嘅食店吸引左，所以晚飯時間都唔多人。點左小菜加包點：孜然羊肉、小籠包、胡椒包、雞湯燉雲吞、糖醋排骨、擔擔麵，食物味道不錯，肉有些來不及影相，已通知煞清，只是糖醋骨切太細，大塊啲先似樣，少見的胡椒包，似炸銀絲卷夾叉燒，原本期望同台灣胡椒包差不多，有些落差，但味道唔太差。價錢平民，所以座位較平民，清潔度一般，最扣分是訂座服務，之前一日打咗三次電話，一係冇人聽，一係噏完一輪就收線，完全無奈。

位於上海菜小店 走平民路線😋食物好多種類選擇 實在花多眼亂上海包點、冷盤、拉麵、炒粉麵飯、小菜、甜品都有酸菜魚 水煮魚都有😍下午茶麵餐$40幾蚊起叫麵餐追加上湯小籠包只需$20 就有4隻😋即叫即蒸 粒粒大大粒 幾多湯汁黑胡椒大餅會一開四 方便share 內裡餡料十足羊肚菌螺頭雲吞雞燉湯 可以叫一盅或一壺都得喜歡食辣可以叫農家小炒肉🥩有豬肉或牛肉可以選擇蔥油涼拌黑毛肚面頭有唔少蒜同雙色辣椒🌶️唔食辣亦可以走辣啊醬燒豬手蔥花家常薄餅農家隔水蒸雞

叫左酸菜魚米線，生煎包同燻魚，首先茶完全吾熱，米線完全冇湯，出尼既時間米線已發脹，生煎包個底完全吾脆同燻魚完全吾入味。食食下聽到微波爐叮一聲，好肯定佢地吾係即整係番熱既。食物差，員工更差，兩個人三樣野近二百蚊，三個員工基本禮貌都冇，同以前食物很大分別，點菜時仲同我講點咁小咋，不知所謂，以後都吾會再去。

食過好多次，記得以前幾好食。今次再嚟食，首先發現個Menu有啲古怪，同以前唔同咗，有水煮魚、水煮牛、酸菜魚。食物質素嚴重下降…. 食咗春卷、雪菜肉絲麵、熏魚…. 非常失望。 不會再來了。

今日忽然想食小籠包點，見很多網友推介這間的小籠包便打算入去試試。 我見一下小籠包單點48蚊，但如果連午餐追加的話只要22蚊，我便叫了他的午餐然後追加一籠小籠包。 這店的午餐set只有麵類例如擔擔麵和一些小菜的set， 我便叫了他們的招牌擔擔麵（小辣 ）追加一籠小籠包 ， 見這店有提供熱雪梨水，我便加五蚊要了一杯試試。食物很快便上桌，但係一吃擔擔麵便心知不妙， 我懷疑這店用的麻醬不是花生醬所開成的麻醬，而是用芝麻醬所開成， 還加了醋來溝稀佢， 導致擔擔麵湯底帶酸，我還特定跟店員確定他們的擔擔麵是否帶酸，她說是的。 我還真未吃過帶酸的擔擔麵呢。 擔擔麵上放了少許肉沫和丁點花生。除了我不喜歡的帶酸味道 ，這店的湯底亦很油膩， 食起來像喝一層油呢， 味道方面不鹹但亦沒有帶辣味， 虧我還是叫小辣， 我跟店員要了辣椒醬但他們 只提供豆瓣醬， 加咗落麵度亦沒有太大改善。小籠包方面， 小籠包的皮很薄，內帶有肉汁，味道亦帶有鲜味 ，味道ok，而且$22有4粒，價錢很平。加了五蚊的雪梨水雖然有丁點雪梨味，但係和喝開水差不多， 反而他們提供的蕎麥茶非常好味好飲。這店的服務一般，中午時分餐廳冇坐滿，所以我可以

見佢舖頭靚靚仔仔入去座，每人叫一碗麵，碗碗麵都係糊口一pat pat ，根本成碗麵只能食配菜，芽菜、雲耳都可以。牛肉就la 得好勁。湯底都係好一般湯底，近10年食過最差的麵。做上海野點可能做到咁? 開得舖頭出來就做好些喇！小籠包就過得去的，有肉有湯！

Sloppy dumplings with thin skin and all the soup is gone when picking up by the chopsticks 😶‍🌫️ .Fried dumpling is slightly better but there’s no soup inside at all 🫨.🤪 they use the thinly sliced pork for hotpot to do the dish, it’s quite over cooked .. and the rice cake is super gluey and tasted like plastic .🫨thought the red bean fired dumpling is order-to-made but it comes flat and not fluffy nor airy … reheat-to-order?? .🫡among all the dishes, only the fried noodle tastes barely average .💦su

開店初期經常幫襯，因為食物水準好好。 今日再食，水準跌咗起碼唔似一個水平, 唔知係咪換咗廚師原因。 生煎湯包基本上冇湯汁， 口感乾爭爭；小籠包啲皮好差，一夾即穿；鹹肉蛋白炒飯食完以為係食緊菜飯，完全冇鑊氣。 其他嘅餸就叫做還可以，但係最招牌最基本嗰幾樣咁搞法真係唔收貨。 同行一齊食嘅都有相同感想， 所以並唔係只係我個人主觀感覺。 當然唔可以同最初開店水準比較，係連一般上海菜嘅基本標準都達唔到， 認真失望 見近排嘅食評都係比較差， 睇嚟店家要想辦法改善先得喇。

係附近做開嘢，見呢間幾多好評就入咗嚟食先叫咗籠小籠包同熱豆漿小籠包夠新鮮，有汁，係皮厚左少少熱豆漿好飲，好香豆味，甜度適中但凍會抵飲好多，因為冷熱同價，但份量爭double 熱豆漿用茶杯裝凍豆漿做大啤酒杯裝，無法理解同價錢，點解份量爭咁遠酸辣湯雲吞 雲吞有6粒，份量算多但一食…… 皮好厚餡勁少外面一粒菜肉雲吞嘅餡 等如呢間嘅double 餡調味同口感都唔掂, 個皮又淥到過晒龍到個湯, 一飲 勁水, 料又少, 好淡口以前食開唯一酸辣湯嘅我同呢間比, 唯一係天, 佢係地呢間仲要收茶錢$3

我係上海人，從來未食過咁難食嘅上海菜。食物一啲都不新鮮，完全冇味道根本是一間超難食的食府。尤其是碟醉雞，雞母雞味，又冇酒味唔知想點。另外仲叫咗碟酸菜魚，完全係唔入流。服務員態度一般，還講粗口。真係明白到點解會冇生意。

5月15日揾食肥華約咗靚媽，收工後到此店，食佢嘅下午茶粉麵餐，因之前食過真係好食又掋食，肥華又係例牌式點上海酸辣湯麵，上海粗炒下午茶餐各一份跟冷熱荳漿各一杯，另加兩隻小籠包和一客例牌回鍋肉，今次食呢個酸辣麵，個麵底保持水準，但個湯底嘅配料就有商確餘地，因此店今日係用筍蝦做配料，呢樣嘢個種味唔係個個接受，起碼靚媽就頂佢唔順，話覺得有朕壓味，食咗壹啖就唔再食呢碗麵，而肥華係一個鍾意食筍蝦之人，就將成碗麵食晒，而其他食物都係正常此店水準，肥華在此奉勸各位，如對筍蝦味道抗拒人仕，到此店食酸辣湯類食品，就問下店員個湯底有冇落筍蝦，至好點此類食品

偶然發現呢間高質上海菜😍💛價錢親民，小籠包大大件又夠熱，認真皮薄饀靚😋🤩🍜擔擔面有得揀小辣🙆🏻‍♀️湯底係好濃嘅花生味，有油香得嚟唔會太肥膩！睇埋張單，就覺得真係抵到爛🙀🙌🏻個人覺得好食過overpriced嘅名店呢😛舖頭樓面都算乾淨，服務都好好，絕對冇得輸！

一個人係佐敦工作完，都差唔多晚飯時間，路經見到有間上海菜，見到餐牌價錢適中，又唔使等位，所以試一試。餐廳光線光猛，地方整潔，洗手間設於後巷，清潔程度一般，每枱有一壺熱麥茶，麥茶味道濃郁，好香麥味，每位茶位$ 3招牌牛肋湯麵，湯底味道適中唔太鹹普通湯麵味道，兩件牛肋條炆得淋冇癡牙，上海幼麵正常唔會煮得太淋，$ 52招牌小籠包（一籠4隻），小籠包上枱熱辣辣，有肉汁，但餡料豬肉鬆軟，口感欠奉，有醋提供醋汁內有薑絲，但有4隻小籠包，依個價錢都算合理$38

今日收工約咗女朋友喺佐敦食飯，但有少少唔舒服所以想食得清淡少少。喺openrice 揀咗好耐，見到上海點匠滬點小廚好似都okay，所以唔諗咁多，快啲去到坐低快啲食。想清淡就選擇唔太多，揀咗小籠包，豬肉水餃麵同一個四季豆。小籠包入面啲湯汁keep到，皮唔會好厚，但又唔會一夾就爛，食落都唔錯。至於水餃麵就不過不失，豬肉餡有少少一patpat，無乜咬口，麵質偏淋。最後四季豆就炒得唔錯，幾香口同唔會食到成口都係油。餐廳大致上都唔差，可惜狀態唔好試唔到其他嘢。等好番之後一定會番嚟試埋其他嘢。