上海香港麵家

营业中

休息中

係銅鑼灣附近搵落比較上少上海菜咁岩係渣甸街有一間地道小店環境就係一般傳統麵店既格局行入去有一股來至蒸籠既熱氣撲上面TLDR: 餐牌既選擇好多 價錢亦都唔貴係銅鑼灣黎講係非常抵食鐘意上海菜既朋友望到應該都興奮😆燻魚麵有驚喜！醬油味好濃 魚亦都煮得非常入味！食既時候要少心細骨麵煮得岩岩好 係彈牙 最怕煮得過淋口感會好差份量好足 一碗麵其實都夠飽😆小籠包 當然係食上海菜唔可以唔試下間舖頭既手藝皮唔算太厚 咬落都係有湯汁出黎！

今晚食dinner前同friend行陣街，個friend突然提起銅鑼灣有間老字號餐廳係賣粢飯🤩 我係勁勁勁耐冇食過粢飯，對上個次都係小學😂 聽講港島區都唔多地方仲有賣粢飯，所以就一齊share咗一個粢飯😏原來個粢飯咁大個，未拆開個袋都見到啲肉鬆同油炸鬼😯 個粢飯暖笠笠，新鮮滾熱辣整好😍 一打開就餓狼上身咁食，可能真係太肚餓同埋太耐冇食粢飯，好懷念🥰 我覺得好好味😋😋😋 同埋原來有分咸同甜粢飯🤭覺得好大個，食完即刻飽飽地，我地食下場都唔係食咗好多🤣 好抵食！下次我可以當正餐+豆漿或者堂食試埋其他野😬總括而言，好味飽肚抵食懷舊🤣🤣🤣

疫情期間少左出街食，最近開始去揾返平時最愛嘅食店幫襯！開完會快閃銅鑼灣，突然想食豆漿栥飯！仲有最最最想食擔擔麵，於是拉埋同事一齊去食。未到12點嘅平日都係坐滿人，疫情期間座位上唔覺有咩唔同，自己 儘量坐遠少少吧！豆漿配栥飯簡直係絕配，即食真係最好味！試過外賣走，搭多幾個站返公司已經冇咁好食！豆漿夠凍夠甜有豆漿味，栥飯大大條油炸鬼，肉鬆，炸菜真係完美嘅配搭。每一啖都有餡！正！呢度嘅擔擔麵係我至愛！湯頭好濃，小辣拉麵幼滑仲有小小炸菜，配埋煎窩貼又係超夾！不過 煎窩貼有成4隻都幾飽，最好同人share 咁就完美！最後如果食得哂，一定要點豆腐花！真係超級滑架！

次次都亂咁咁收人錢，求其講個數就當係 ，唔係睇返餐牌都唔知。當我遊客咩！如果唔係夜左冇地方食嘢求其搵都唔會幫襯。啲嘢食水準極差又貴！大家樂都好食過佢。以後唔會再幫襯！

腐乳通菜:腐乳一灘水咁，同圖片上嘅份量不符，只係得一半份量，完全冇味，不過菜夠脆，菜:冇揀冇洗，仲有爛嘅黑色潺菜豆漿:水多，較稀，豆味唔濃酸辣麵:麵超硬，感覺食材比較劣質炸銀絲:個包入面好粉，底下張紙都照剪俾客，差啲紙當包皮食埋條伯父叫嘢食前同叫嘢後兩個樣，態度超差仲有，肺炎時期要隔枱食，佢哋就博大霧，係咁塞人入嚟，張張枱都有人，請問點報官？

今日做完facial走左去食上海菜， 自從舊年7，8月開始都冇黎食過啦。 因為太肚餓所以唔記得影相， 但每次都係必叫醉雞菜飯， lee 到既醉雞都幾入味， 而且都有7，8件雞件2碗菜飯1碗排骨湯都係56蚊，係抵食之選。 如果話好好食就未必， 但性價比係高。除左醉雞菜飯，我地仲叫左清漿(熱無糖豆漿)， 排骨麵，生煎包，2個通菜。清漿係豆味濃。排骨麵， 我最愛係個上海麵， 排骨我就麻麻地。生煎包今日失水準， 個底唔夠脆。 而個通菜係冇咩特別， 純係想食d菜。2個人叫咁多個餸都食晒， 就可以知道我地幾咁餓

時間有限，想係銅鑼灣附近快食完就走，經過見到呢間都多人食，而且好耐冇食過粢飯，想試吓呢間好唔好食。一坐下就立即叫一個粢飯加一杯凍豆漿，識食一定係叫呢個配搭吧！坐了一會兒，觀察到大多數人都係叫這兩款，豆漿可選凍或熱的。不要看它的size細細的，食完包你話飽！飯團壓得紮實，肉鬆、炸菜和油炸鬼樣樣齊！唯一係如果飯可再薄身點就更好，但現在已經近乎完美😙一路食，當然要一路飲兩啖豆漿吧！個人覺得配凍是最好喝的，要養生的朋友就另計喔～如果趕時間，可以外賣拎走的，深受打工仔歡迎👏🏻

$56有兩碗菜飯，醉雞一碟和黃豆排骨湯待應話菜飯套餐是跟兩碗飯，我食唔晒，打包幾嚿雞和一碗飯，作今晚晚餐我睇openrice, 真係有碗飯喎菜飯水準高，正宗上海味道，回味以前粉嶺中心的上海菜店雞質素高，酒味濃原來黃豆湯好味，第一次飲黃豆湯和同事share 小籠包，皮薄，肉多 多汁

以前在銅鑼灣開工及每次出到來到銅鑼灣經常及差不多每次都會來光顧呢間上海香港麵家食店的粢飯、蔥油餅及豆漿，數數手指原來已經光顧了這間食店差不多已經有22年了，呢間食店的粢飯比其他食店好味及彈口而豆漿夠味道不會太過淡，不過蔥油餅有時就會比較乾身，而粗炒及牛肉湯麵都唔差，22年後的這天這店的裝修及擺設都係無變過，雖然店員一早已經不認得但每次到來見到啲裝修及擺設都會有懷念過去的感覺，可能近期的情況這次到來小咗好多客人覺得有點怪怪地，因為以前到來每次感覺都係好多人又好逼！

醺魚好味，有水準好耐無食過咁好味的醺魚 。自從粉嶺中心的上海菜執了多年後，找到一間有質素的醺魚上海麵軟硬適中湯底無味精，加少少醋更可口這間最出名是"痴"飯。但我一人食太滯咸豆漿好特別

唔係上海人，可能唔識欣賞粢飯、豆漿！香港有唔少粢飯豆漿，但只有呢一間係真真正正嘅上海味！咸漿呢家嘢，唔係個個識整！整到亦未必係個回事！多少已移民嘅親友，返香港旅遊定必回這間食………………最少一次！其他如上海粗炒、菜飯等等，都非常正宗！正！！！

我諗佢要研究下咩叫黐飯，首先油條係諗裏面嘅榨菜同埋肉鬆少得可憐，仲要$25，今時今日咁嘅態度係唔得㗎，認真D啦回水回水回水回水回水回水回水回水難食難食難食難食難食

平時多數都係買個黐飯外賣加支豆漿就急急腳走，今日見有時間，就入去坐低食啦，原來除咗黐飯豆漿之外，仲有好多野食，有飯有麵有小籠包，但我都係order返黐飯同一碗熱豆漿先黐飯大份又足料，豆漿都好香，不過我自己唔太鐘意甜，下次我會叫走甜之後再order多個小籠包，包入面湯汁唔算多，不過都好大份，5粒大大粒，值得一試食到勁飽，都只需70大元，讚呀👍🏻

心血來潮想食下上海嘢，但又唔算太餓，加上晚飯又唔想食到咁飽頂住個胃，所以今次就小小地咁淨係叫左個咸豆漿同粢飯😋😋😋我唔係好肯定個咸豆漿算唔算正宗，佢飲落其實有小小似豆腐花，個油炸鬼我就鐘意食再脆小小，佢浸到林晒冇咩口感，不過最驚奇嘅係我不嬲都唔食炸菜，但佢咁嘅配搭我又接受到個炸菜嘅存左，仲覺得好開胃😮😮真係人生第一次有呢種感覺🤣🤣個粢飯其實之前黎都食過幾次，味道都唔錯，我覺得係呢間餐廳必叫，因為有一半人黎到都會食架！

久違了的滬式早點，咸豆漿是在豆漿內放進榨菜及油條再倒進豉油，以小的認知，這個應該不是正宗的，因為沒蝦皮嘛😂粢飯就是糯米飯包著油條肉鬆榨菜，這裡的很咸呢😑，下次還是找機會吃其他店的出品好了。