上海飯店 (已結業)

今日爸爸媽媽生日, 所以出街食飯........為左慳錢, 冇去到酒樓, 因為呢間野真係幾抵食...叫左個上海四寶, 有一大碗酸辣湯(幾好飲), 10隻上海雲吞(好好味, 特別推介, 全家都話正!), 10個小籠包( 呢樣我好鍾意食!), 一碟上海粗炒(又係全家都話好食!), 仲有4杯豆漿, 共70蚊! 之後叫左一碟楊州炒飯(一般啦, 好似係22蚊!), 咖哩牛腩客飯(呢個幾好喎, 好似係24蚊!), 兩個飯都送飲品(可以叫多兩碗酸辣湯ga!), 最後叫多個銀絲卷(9蚊, 一般, 最衰係冇奶俾你點!).......4個人食到飽飽埋單125蚊唔使加一, 好抵食!

咁近屋企一直都想試下琴晚終於掟起心肝叫左個八寶辣醬套飯($24)份量多一個餐有一盒飯,一盒食送,同一個酸辣湯但全部味道都只係一般八寶辣醬即係炒雜錦有豬皮,肉片,豬肚,青椒,木耳等等好在唔太油但肉片超韌全部無食酸辣湯好稀又無乜料全部只係勝在即點即煮夠新鮮o者咁近屋企關係或者會俾多次機會去