上海豆漿大王

营业中

休息中

大鄉里出城去到屯門區唔知食咩好🤨，同朋友行行吓見到呢一間上海餐廳爆曬人，咁一於就試吓佢啦。店面仲係舊式裝修，簡陋嘅摺檯同摺櫈好似回顧著昔日香港風味🇭🇰。朋友叫咗糖醋排骨菜飯🥬，而我就叫咗上海排骨菜飯。一上枱見到非常之大碟，絕對夠食飽飽喇。排骨🍖炸得金香可口，但食落比較乾身，唔係好Juicy有啲肉乾感❌。但整體調味都唔錯，配上比淡口嘅菜飯就啱啱好，菜飯粒粒分明都唔錯🍚。至於朋友嘅糖醋排骨一樣非常入味，煮到骨肉分離，但肉質都係比較乾身，唔知係唔係排骨本身用料問題。整體上如果普通食一餐午餐都算可以，但如果想搵好食嘅上海菜就唔係特別推薦⚠️。-完

呢間餐廳出名大件夾抵食， 我同朋友都成日黎食， 又近戲院， 好多時睇戲前得個半個鐘食野， 最好就係搵d 可以快食嘅地方， 黎呢度， 當然係會點餈飯+豆漿， 完美絕配。 但我本人就最愛佢地嘅上海雲吞麵配雪菜🥟🍜， 再加埋個小食- 炸上海排骨， 當然唔少得叫埋杯豆漿啦。佢地🥟雲吞皮簿餡靚⭐️⭐️⭐️⭐️⭐️， 重點🥟雲吞餡係白菜加豬肉， 無加左其他香菜或者一啲好似芫荽嗰啲咁， 我本人最怕， 試過一次係尖沙咀食過， 真係怕怕， 有d 野都係傳統d 好。同埋想講佢地係可以選雪菜 or 炸菜的。另外酸辣湯都係好好食👍🏻餈飯爆餡㗎⭐️⭐️⭐️⭐️⭐️

突然好想食餈飯唔想食得咁飽就同老公跑過去食屋企跑過去唔洗2公里😂消一消脂繼續食😂呢度餈飯（$18）即叫即製熱辣辣我覺得多d炸菜會更好食食完之後聽到有人話多炸菜原來可以request下次我就醒目喇油炸鬼都算脆既唔錯吖跑過黎食野流哂汗熱辣辣啦飲返杯凍豆漿（$8/杯）先🤣正老公仲叫左鍋貼（$19 - 3隻）職員話會耐少少因為即製味道都唔錯呢間小店唔好諗住有良好既service好多街坊幫襯但食物味道都ok既食得過😂

這是屯門居民無一不知的平價上海菜。價錢底之餘份量也不錯，味道也能一直保持。一開二粢飯$18，銷量不錯而每天新鮮製作。炸雞翼拼雲吞上海麵，看到圖片令我再次傷感。點菜時清清楚楚指著餐牌和再三提示酸辣酸辣酸辣，最後上了清湯底之餘，侍應還要死不應錯，我們不想爭論，叫他快看看能否拯救下一碗，可以由於吵不久......第二碗繼續清湯，心很累。幸好食物質素有一定水平，否則這肚氣會滯一個晚上。忙於製作食物的老闆也看得甩頭。

叫咗個B餐 可以喺A款同B款各揀1樣咁小編就揀咗#上海雲吞 同 #香炸雞翼上海麵 $37餸同麵嘅份量都好多 認真係大件夾抵食🤣麵仲附送雪菜或者炸菜不過炸雞翼炸得有啲乾 同埋其他味道都麻麻地 味道太淡唔係幾啱食慣重口味嘅小編 不過依個價錢有依個份量嘅嘢食 都唔係話差嘅🤔評分:6/10

呢間喺屯門廿幾年食店，可以喺新墟呢個地方屹立不倒，絕對係有原因，就係好食又抵食。十零蚊有個大大舊粢飯，我覺得味道唔係特別好，但都唔差，勝在份量足，加埋杯豆漿做早餐，夠做。嗰度仲有菜飯同埋酸辣湯，呢兩樣唔係我杯茶，不過老婆食淨，所以我都有試過，ok嘅，我最尾都掃晒落肚。而我最推介嘅係，排骨雲吞面，加雪菜，想惹味啲，落啲豆瓣醬，一流！排骨夠酥香，唔肥唔瘦，正，至於雲吞方面，味道好特別，我唔係好識形容，總之好味，好多人會去嗰度買生雲吞，大家經過真係試試

上海豆漿大王。食品味道很好，種類很親民，可以係價廉物美。環境尚算整潔。選了一個雪菜撈菜飯加拼上海排骨，份量又大又好味！價錢又親民！讚！豬排好正，炸雲吞好味，老字號。

剛剛在呢間鋪食咗個早餐，豆漿加餈飯。先講豆漿，又熱又香，甜度自己落糖決定👌🏻輪到講一講餈飯，真係唔係好啱我心水😅炸菜冇乜味，肉鬆又唔鬆脆，而糯米飯過多，可能餡料比較少關係罷。總結仍然會幫襯，不過餈飯就應該唔會再點

係屯門長大,一定唔會對上海豆漿大王感到陌生,呢間真係由細食到大既小店雖然中間加過好多次價,但份量仍然係咁大份,味道仍然同細個食既差唔多,回憶黎架每次去大多數會叫上海雲吞麵,但可惜既係當晚雲吞賣晒(宵夜時段)唯有叫上海排骨配榨菜上海麵份量多,上海排骨油左少少,但唔會太乾身,三十幾蚊黎講其實都算抵食除左有湯麵/撈麵,仲有菜飯(份量超級多,而且可以加肉鬆!!!)提外話,我好鐘意飲佢地既豆漿,而且熱豆漿係無糖架,想要甜既就要自己落糖喇

跟朋友途經屯門新墟，看見這間應該是上海餐廳，傳來粢飯的飯香，於是入來嘗試，店內大約有二十餘個座位，雖則已經三時多，但店內人流依然非常多人。跟朋友鑽研個餐牌一次又一次，因為食物款式幾多，每款又可以有不同配搭，真係諗到頭都痛埋。於是㨂左臐魚配油豆腐雪菜麵 $37臐魚幾香口 配上清甜油豆腐 麵底都算大份 五香牛肉麵 $31，牛肉賣相不錯 再加上即叫即製粢飯 $16， 埋面有炸菜配上油條，好香口凍豆漿$8 非常抵食，滿足的一餐

酸辣上海排骨麵($37)上海排骨原來係炸豬扒(我想食既應該係糖醋排骨先岩)，豬扒都幾大塊，炸得幾靚。上海麵係幼身個隻，望落似米線，份量都好多，連埋酸辣湯一齊飲，好飽肚。酸辣湯材料有豬紅豬皮豆腐等，非常熱，味道辣＞酸， 能夠刺激食慾。不過”友人”已經話好辣，我就覺得可接受。(個人口味: 3/5) <<順帶一提，正常水準我係會俾3分。低過3分就代表感覺不太良好。上海雲吞拼五香牛肉麵($37)湯底無清湯咁淡，有少少味，但都係偏淡。上海麵就普通。上海雲吞有三粒，係菜肉餡，麻麻地好食，係勝在夠大粒。牛肉有牛肉味，但好硬，口感唔好，唔好食。(個人口味: 3.1/5) <<證明”友人”既標準線應該係3.5。就算講到咁麻麻都竟然有3.1分 →＿→蠔油西生菜($16)正常豆漿($8)正常比較少見尼款手寫單，幾有趣。整體而言，麵店既環境真係差d，但勝在價錢合理，食物又夠大份，性價比都幾高(不過”友人”就覺得味道麻麻)。

價錢便宜，味道好。雙併好足料，獅子頭（炸肉丸）和排骨，炸得好香口，另外通常配上海麵，但我揀咗粉絲，加埋炸菜，入哂味，正到爆。繁忙時間要夾枱，街坊生意，在所難免，但侍應服務算不錯，主動又快手。

呢度附近嘅戲院，出名價錢實惠，買咗飛，見仲有時間，喺附近搵食，見到呢間都幾旺，個格局睇落上菜應該好快，剛好有位，馬上坐低揀嘢食。揀咗炸獅子頭，炸雞翼，配上海麵。味道唔錯，不過講真，冇乜特別十分出色之處。

其實我住附近不過每次經過都冇意欲入去食，今次突然想食鍋貼所以就入去試下啦。叫左鍋貼同上海面。上海面普普通通，不過份量好多，我自己都食唔曬。鍋貼真係好好食！下次會再同fd黎試其他野！

叫左個上海雲呑上海麵加五香牛肉，附送雪菜，可以揀炸菜都得🙈湯底清甜，但我比較喜歡濃味d😂要讚的係好足料雲呑有四大粒，五香牛肉我諗有成7,8塊😂食極都仲有！麵都有好多，所以可以2個人share 1碗絕對無問題👍🏻