上海美味一品香菜館

营业中

休息中

同屋企人嚟咗屋企附近呢間上海菜食晚餐價錢相宜我哋四個人叫咗6/7碟餸有小籠包 銀芽炒鱔糊 鍋貼 奶油津白 酸辣湯 回鍋肉 同雞絲粉皮我覺得小籠包實在係一般 皮厚而且冇乜湯汁反而銀芽炒鱔糊有驚喜 料夠回鍋肉辣得來又夠惹味 送飯一流酸辣湯都幾好飲最好食我覺得係雞絲粉皮出面食到嘅雞絲粉皮通常都會好多麻醬食落會溜但呢一個雞絲粉皮麻醬冇咁多 但又唔會淡口冇味調味及幾特別 好啱我口味我哋四個人食到捧住個肚埋單都係人均消費$100左右 真係好抵

環境正常，望落清潔。但！午市套餐回鍋肥牛一片完整的牛肉都找不到。有的只是肉碎。 $4x 套餐一片完整的牛肉都沒有。 魚香茄子只有大大舊茄子加汁。同行友人點的三鮮上海麵中的雞是凍的。 ............................................................一行6人無人食得飽。 無下次。

因為喺聖誕節同生日月食咗好多西餐，想食返中菜「中和」一下！😂 朋友帶我去咗呢間非常舊式、宜家市面已經好少見到嘅懷舊上海餐館食晚飯。🍚🥢·星期五晚堂食嘅客人唔算多，反而見到不斷有客人嚟買外賣。用緊好舊式嘅餐牌，過膠、半印冊半手寫。🧾🖊 呢度冇乜服務可言，可能始終係較為舊式嘅餐館吧。🤔·2個人叫咗4款菜式。🔸 小籠包（5隻）細細隻，啱啱好可以一口一隻咁食，皮算薄，好多湯汁，好味！·🔸 炒茄子🍆我同朋友都係茄子愛好者，所以專登叫咗個炒茄子嚟食，估唔到會有咁多大大舊嘅茄子！😱 炒得非常香脆，我哋食晒所有茄子，好正呀！！！😍·🔸 炒年糕加咗雞肉粒同菜去炒嘅年糕，年糕口感煙韌，味道清清地，唔錯！·🔸 酸辣湯麵我哋叫咗個少辣嘅酸辣湯麵，酸辣味都夠，但味道就麻麻地... 😰

20幾年前一星期起碼去一次，有無轉手我唔知，野食都仲Keep到，價錢平，裝修仲停留20幾年前一樣，都仲係好多人食好少有3人餐，費事諗$328唔錯下回鍋肉- 成個餐我覺得最好味麻婆豆腐 - 味道唔錯，但唔夠辣，好送飯， 超級大碟扒三素 - 話係上海名菜，之前無食過，還可以既燴蔬菜酸辣湯 - 夠多料，但味太淡，唔夠辣同酸 (無影相)小籠包 - 味道唔錯，但整體失敗，全部未蒸個皮穿晒，個皮穿晒更係無湯啦，皮又厚左少少1公升豆漿 - 我記得以前佢他自家煲，而家買返黎

#炒膳糊 $60 有冇上海菜嘅同好？😍其實SeeFoodGhost都好鍾意食上海菜🤤尤其是膳糊！幾乎每次都要嗌咁濟🤤🤤咁當然今次都要叫膳糊食啦！其實依個係午餐但估唔到份量都幾多 有好多芽菜 好彩我食芽菜 如果唔係可能會見到都唔想食🤣膳當然有唔少 啖啖肉味道唔錯 唔會太鹹但我覺得唔夠濃味😝由於佢係客飯所以會跟兩碗細飯但如果係女仔嘅話一碗就夠哂啦😆評分:7/10#小籠包 $55估唔到$55會有10隻小籠包但可惜嘅係湯汁太少 其實係可以話冇湯汁咁濟☹️而皮又薄又太黏所以好易爛 完全唔好食所以SeeFoodGhost都唔太建議食小籠包🙅🏻評分:0/10

睇呢間野個格局, 應該係老字號黎, 都預左價錢唔會平, 粉麵係最平,小菜就貴過出面小店一截。叫左5個小籠包, 拿起以為好多湯, 點知入面一D湯都無....D肉仲要偏咸, 同埋好多肥肉....失望另叫左個上海粗炒, 唔會太咸太油, 都幾大碟, 有肉絲有椰菜, 還好。

OT到八點，求其食啲野先返屋企啦，行過呢間上海舖，見咁有舊式樣子，入面又坐滿人，諗住都唔會差，點知好失望。啪一聲掉下的茶杯，阿姐好有霸氣，落單態度呼呼喝喝咁，果然好有舊派風味。枱上調味品還算乾淨，有紙巾盒真係幾有驚喜。擔擔麵（$40）不好吃…湯底不熱，沒有花生味，亦沒有鹹菜粒或其他配料，只是一碗啡色湯底的上海麵，上面加的辣椒醬酸酸地，味道怪怪的。鍋貼（$38/5只）鍋貼也不好吃，上枱時微溫，明顯是煎定很久，而且也十分油膩。皮好厚，餡料是豬肉混娃娃菜，沒有鮮味，應該說是沒有味道，加點枱上的辣椒醬，竟然是不辣的，只有鹹味，搞甚麼呀…食物不好味，服務態度有性格，價錢也不便宜，順路一嚐還可以，專程過來就絕對不值了。

今日諗住隨便食，行行下見到間上海舖有人龍，諗住好食，所以決定排隊。等咗大半個鐘，終於等到啦，佢叫我地入去坐圓檯搭檯。一坐低，見到隔離張卡位D人走，諗住轉檯，點知知個女侍應好無禮貌同大聲咁講：「唔！可！以！後面仲有人等緊！」咁我地唯有坐返低。點知之後入黎坐卡位嘅都係得兩個人。然後過了一陣卡位又有人走，咁我地問可唔可以轉，跟住佢就話我地入黎嘅時候無講唔搭檯所以唔可以！吓！真係一頭霧水！入黎嘅時候你真係無講清楚囉！同埋我覺得係你態度問題，如果你好有禮貌咁同我解釋我會接受，而唔係一句「dut」埋黎！

荃灣美食處處，呢一晚又黎荃灣搵食喇。行黎行去都諗唔倒食咩，係中餐同西餐兩者最後揀左一品香上海野行到門口前面有事來人排隊，竟然還有這許多人鍾意食小店。排左大概廿分鐘就有位喇。由於係第一次光顧，一掀個餐牌真係眼花撩亂，完全揀唔落手食咩。呢樣又想食個樣又想食最後二人叫左五隻小籠包，回鍋肉，麻婆豆腐同埋一個菜飯，好似家常小菜咁，有時兩個人撐下檯腳又唔一定要去食大餐廳，小店其實更有味道更溫馨小籠包 - 外皮更像呢包子感覺，湯汁有點咸回鍋肉 - 豆乾咸肉很香，加埋椰菜平衡一下麻婆豆腐 - 不錯吃

看到懷舊上海菜館，真想試一試。點了淨雲吞及薰魚。薰魚乾得像柴魚，幸好味道尚可，之後雲吞的湯是咸到入不了囗，我叫待應加了半碗水，再嚐一口也只有咸味，是一碗鼓油水。D雲吞就咸到吃不下。10隻只吃了2隻，我就支持不住了。去埋單，$102。之前看食評都唔信咁差，現在用$102買了個教訓。

服務-差（職員沒有禮貌）價錢-無意見（唔清晰顯示價錢）食物口味-偏差環境-勁差（食物上的食物沒有蓋上）每個入門口的人都會經過，十分不衛生！我感覺中過一次招，不會再有下次！

工作中去到荃灣，接近兩點泊好車，呢頭好多餐廳，可以唔使捱茶餐廳，一行5人去食上海菜，呢條街除了車房就係食店，呢間店面好傳統嘅白底紅字招牌中菜館，入內先來一個蒸房，入內好窄，細磚地粉黃卡位，裝修已經殘舊，午市只有幾款客飯，連餐牌都無比我哋睇，揀好客飯後問店員小籠包一籠幾多隻！佢先介紹比我！有5/10隻一籠，叫5隻小籠包一人一隻剛剛好！例湯：蔬菜湯夠熱，雖然加咗味精，仲飲到蔬菜原味！上海粗炒（$40）幾失望，啲上海粗麵嘅醬已經糊咗，啲醬酒又唔香，椰菜大塊淋身，豬肉好嚡，小白菜已經乾柴柴咁，加上唔熱，好明顯係炒定嘅，失望！同事遲啲落單，出品賣相即刻唔同晒，分佢一束食，啲麵見到閃亮嘅醬油，熱辣辣架，成碟粗炒好味好多！要睇彩數係唔係即炒！🙄小籠包（$36/5隻）其實其始至終無單據，所以呢個價係我哋用總數減出來！即叫即蒸，仲見蒸房姨姨努力包緊小籠包，但個賣相唔靚，隻隻唔同樣，不規則，夾起無穿，因為啲皮真係幾厚下，我咬開見有一半湯（同事嗰粒只有1/3湯）落啲黑醋入包，一啖食落口，啲湯係鮮甜，加咁醋開胃，豬肉餡幾滑，但個皮真係厚得滯！所以一般！回鍋肉菜飯（$40）同事食，如果跟菜飯就只可一碗，白飯就可

行行下街有少少肚餓諗住食少少野醫下肚，咁岩見到荃灣廣場附近有間外表睇落比較懷舊既上海餐廳，諗住平平地食個下午茶。入到去望一望個menu打左個突，原來一啲都唔平，唔好俾佢鋪面既外表呃左！5個小龍包 $36 價錢唔算平，諗住可能老字號應該會好食，點知平平無其，咬落去冇湯汁，提供既醋亦都比較淡，都幾失望。呢碟海蜇 $60 冇咩特別，同我買即開即食一包包個啲差不多😂😂😂價錢唔合理。同埋服務態度都幾差下，其它兩枱遲過我黎，佢地嗌既小龍包竟然快過我上，仲要我問一問佢地先話整緊，等左差唔多半個鐘。咁既價錢同質素我寧願簡間坐得舒服啲既餐廳好過！

大概兩年前，喺附近睇獸醫而發現呢間外觀懷舊嘅上海菜食店。感覺上應該係呢度䇄立左好一段時間。自從食過第一次，就覺得好有兒時屋企樓下食上海野嘅感覺，非常樸實，味道美味，調味又恰到好處！其實都食過好多次！食到連收銀嘅事頭婆(應該係)都認得我同我老公終於趁今次2016年最後呢一日再去幫趁，寫食評去讚揚佢地！我就係愛上海野嘅濃厚味道！食完之後仲要冇口渴(因為本人如果食到有太多味精的話，隔一陣就會勁口渴)**始終係家族經營，難免有時不夠人手，或點左嘅餸等好耐都未黎，其實客氣提聲佢地，佢地都好有禮貌去回應。有時見到佢地做到踢哂腳，都凳佢地辛苦～

童年的味道對我來說代表幸福，但想找尋真的難矣！！慶幸車媽媽其中一份童年味道到今天還能吃嚐得到！💗這間我由細吃到大，店中美麗的三姊姐跟我也各自看著大家長大，而且擁有外籍面孔的老闆娘煮得一手不錯的上海食品呢！內裡陳設充滿兒時回憶，須不是冠冕堂皇的館子，吃著的卻是滿滿的人情味。點了一客鱔糊客飯會跟例湯一碗，家常味道的青紅蘿蔔湯，喝下清甜不假十分舒服。 鱔糊客飯$56原來跟兩個白飯 ，濃油赤醬本色味道濃甜不苦澀，芽菜爽口，而黃鱔則新鮮彈牙，可惜欠了韮黃否則便完美了。因為不知客飯跟兩個飯，我們還點多客上海粗炒$52，但我真係吃不下了，最終打包回外家做下午茶，不過這粗炒味道不算香濃，都係較家常的味道。