上海真美豆漿大王

营业中

休息中

店舖環境上海野小店，舖位都幾大，幾多位，好多大枱，岩晒一家人黎食，晚市都算多人。新裝修，環境乾淨，椅無椅背坐得耐冇d唔舒服。食物飯，面，小食都有，種類都幾多，實有樣野岩食今次試左佢個擔擔面，辣度略嫌唔夠，大概係譚仔十小辣咁，花生醬味濃，整體都算唔錯，值得一試個炸雞扒就略嫌太多油，可以用吸油紙吸一吸先上碟，雞扒係翻炸既，入面僅僅夠熟，仲有少少粉紅，但外面就幾香脆，都算夠味，一舊起兩舊止就岩岩好價錢唔算好貴，將軍澳黎講，呢類型既舖五隻手指數得晒，總體黎講，都值得一試

一向都挺喜歡傳統的上海麵食，粥品油條，豆漿粢飯，但是要在香港找正宗真的不太熟悉。平時較少機會嚐到咸豆漿，大多粥麵店都只供應甜豆漿，所以對咸豆漿的味道非常陌生。來到傳統的上海粥品店，餐牌上還有其他食物，粥粉麵飯包點等都有，而且價錢平民。二話不說已經被那咸豆漿吸引著，點了咸豆漿再額外加蛋，起初以為純粹味道就像豆漿加鹽。很快就來了一碗熱滾滾、豐富的咸豆漿。上網看看平日的咸豆漿通常如何製作，才知道原來殊不簡單調味有醬油、鹽、糖、數種配料預先要烹煮過，怪不得那麼惹味，有蔥花、榨菜粒、蝦米、切成片的油條，另外加了雞蛋，蛋汁打進豆漿裡，再拌勻一下，豆漿帶點蛋黃蛋白，很足料，而且味道不會太濃味，吃完後整個人也暖和了。

#上海排骨粉絲 將軍澳係滿佈商場嘅地方，地舖唔多，而且租金都比較昂貴，要食到平價食物真係唔容易，呢間上海真味屹立不倒好多年，朝早要食粢飯豆漿真係只有幫襯佢，以前都會去佢鋪頭食嘢，因為經營多年，鋪頭地方比較污糟，近期裝修完，真係乾淨晒。佢依舊仲係好多榨菜，榨菜豬肉配粉絲係最好。上海排骨即係豬扒啦，出邊啲上海店排骨係有層野包住炸，可能係厚厚生粉吧，但我唔鍾意，我就係鍾意呢一隻似「台灣鹽酥豬扒」嘅質感，好味道。希望佢永遠屹立下去😆

今晚沒有什麼胃口，吃飯/意粉的話，份量又太多~ 想了一想，便去了寶琳的上海豆漿大王吧! 這間餐廳價錢便宜，可以吃得飽飽的，是窮人恩物!!同行的朋友叫了一碗熱豆漿 ($8)，豆味很重，真材實料!我叫了一碗熱豆漿加蛋($12)，放入的是生雞蛋，靠豆漿的熱力將雞蛋變成半生熟，另外有些少砂糖，味道很合適，不過過甜。另外，我叫了一份餈飯($17)，因為覺得太咸，所以特意要求走乍菜~ 不過今日的飯稍為朝和硬了些~ 同行的朋友則叫了一份鹵水蛋豆腐麵，份量足夠，豆腐很新鮮，很滿足!

依間上海豆漿大王真係正，需然有點貴😂但香港來講無嘜幾間店可以食到餈飯😋好有上海味道。餈飯好足料👍🏽淨水餃都有6隻架😋皮簿料多需然有點貴，但都不錯值得一試😋

酸辣湯食左好多年酸夠辣夠，確實比好多上海店都做得好！餸料也夠豐富豬皮豬紅豆腐雲耳絲旬條，一樣不缺似乎最近店子翻新了枱櫈都換新了俾人少少新鮮感價錢也悄悄加了不過也不過份始終多年以來，也有一班熟客星期日晚上客似雲來希望將來也可留住這舊滋味

難得可以食到上海地道嘅麵、豆漿、粢飯，對餐廳的環境、衛生要求就唔可以咁高啦。 呢度嘅豆漿有濃濃的純正黄豆味，甜豆漿唔會太甜。 鹹豆漿我真係食唔慣，唔係佢整得唔好。有炸排骨麵、雞翼麵， d炸豬扒、炸雞翼呀都係用萬年油, 黑蚊蚊, 好重油味，有d乾。。。所以都係食粢飯安全d。粢飯可以自己加錢加料 , 都係油炸鬼、炸菜、肉鬆嗰啲。另外有煎釀豆腐，我諗啲豆腐都係自己製嘅，都幾重豆味，不過魚肉就超薄。粢飯、豆漿下次可以再食，不過我會揀外賣。

平時食開真美都係食佢既粢飯同豆腐，本身諗住試隔離個間新開車仔麵，點知佢賣晒啲湯底😭近近地就食番豆漿大王～👉🏿✨上海排骨飯 Hkd 33 💸📌開頭期望既係上海滷水個種既排骨，不過黎到居然係炸👀本身個飯係有跟埋啲酸菜肉絲，佢既酸菜係比較偏甜，岩番南方人口味😍如果好似我咁中意既甜既口味，就非常接受到！佢既排骨都好大塊，同埋食落其實有啲似豬排🤣除左熱氣左啲都ok~但唔知係佢啲油問題定腌得唔好，個皮做唔到酥脆效果，反而仲有啲林左..而排骨個名都有啲酸酸地咁，唔知係本身味道定點😅👉🏿✨脆香雞排飯 Hkd 33 💸📌呢個啲雞勁小，而且雞皮都係唔脆的..入面舊雞偏乾柴冇汁，大家想試飯類好似食番排骨保險啲👾

N年前 我在葵芳果頭讀書就近就有 呢間豆漿大王估唔會依家在將軍澳 我都可以找回估唔到依家仲係呢個menu當然價錢已唔同la今次 order了脆香雞扒麵+招牌粢飯+凍豆漿 共$49同樣都係take. away由於天氣太熱 boss都叫我入面等一看之下 依家d裝修唔同左坐得舒服左 冷氣開大左行到返公司個雞扒 有 4 件同以前味道一樣都係咁有 酒味不過今次 就乾身左d有點硬至於個麵 太淋la可能我expect 好似上海粗炒個質地咁 會煙軔但呢個係一咬就爛而個湯底 就有d炸菜 同 d肉絲至於個粢飯都係即叫即做 好熱辣辣咬開有肉鬆 油條 同炸菜d料唔會太多 或 太少啱啱好 而且好好味ar好似返回 那些年咁

由細到大都好喜歡食上海菜，不過依家香港d傳統上海菜館都所餘無幾。見呢間小店都幾多人幫襯，店名又有上海二字，就抱不訪一試既心態入內。叫左一碗酸辣湯，一客小籠包，煎餃同鹵水蛋豆腐。正宗既酸辣湯材料會有豆腐、木耳、香菇、胡蘿蔔、竹荀和豬肉，所有材料都切成絲。呢度只有豆腐粒，木耳絲及肉絲，肉絲好似柴咁，慶幸佢俾得少，唔係食到牙都痛，辣度ok, 酸度則不足。小籠包，皮厚肉無味，點小籠包既薑絲居然只有2條，醋又似溝左水，好唔掂！煎餃同食急凍水餃無分別，餡料無特別，無肉汁，就算煎左一邊既皮都腍既。鹵水蛋豆腐，蛋同豆腐一d都唔入味，兩樣野都唔似係放過入鹵水到煮。走時環顧四周，發現大部份食客都只係食豆漿同粢飯。可想而知，其實呢度根本唔係食上海野既地方！

這間不起眼的上海菜店非常多人光顧，大部分都是附近的住客。這裡的上海菜不太正宗，但性價比極高。豆漿$8每次必點，熱豆漿大大碗超抵，不會太甜。餈飯$17也是每次必點，餈飯餡料豐富，有酸菜油炸鬼等，但近年加價得很厲害。上海淨雲吞$31味道普通，咬下去時有點散。酸辣油豆腐麵$35酸辣油豆腐的味道比一般豆腐及豆卜更多層次，酸酸辣辣令人開胃。上海排骨麵$33排骨大塊，炸得好吃，但略嫌太多油。炸饅頭$14就是一般炸饅頭的味道，是不會難吃的菜式。煎餃子$20忘了拍照，水準普通合格啦。

小弟今日好得閒就去行下街，見前幾日仲裝修緊嘅豆漿大王已經裝修完，就諗住入去食下啦，點知裏面超多烏蠅。小弟就買咗個粢飯拎走算。價錢就17蚊。賣相同大小都算合理。味道方面，小弟就認為個粢飯干咗D同硬，但裏面嘅肉鬆同油炸鬼幫佢加咗分，肉鬆味道啱啱好搭配埋油炸鬼脆脆地嘅口感，都幾過癮😍。裏面仲有榨菜，不過味道偏淡。總體黎講，味道係啱啱好嘅，肉鬆嘅味補全咗榨菜嘅不足。口感都係硬咗D🤔。個人就比6/10分係將軍澳區都算唔差😋。

日日食大家樂， 麥當勞，都有悶嘅一日， 所以今日走咗去食粢飯豆漿做早餐，呢間鋪頭裝修簡單，但聽講買嘅黐飯同豆漿就十分出色。星期六早上八點半到餐廳，冇乜人，唔駛等位可以直接入座，一坐低侍應就送上餐牌，除咗粢飯豆漿仲有一啲麵食，但我哋都係覺得粢飯豆漿最具代表性，所以就點着次飯配豆漿，好似25蚊。豆漿豆味濃郁，好好飲，飲一杯好似唔夠喉，仲想再飲。粢飯入面包左油炸鬼肉鬆同榨菜，係好好食，但係就覺得入邊啲料少咗啲，食唔係好到榨菜 ，有少少失望。見到加錢可以增加榨菜， 肉鬆同油炸鬼嘅份量，不過要加錢先有正常份量既料就覺得有啲失望。

而家吃上海嘢唔係度度有，回味上海粗炒，煎豆腐，豆腐花豆漿等等，剛剛同朋友路過新都城二期地下暗角處有間叫上海真美豆漿大王，好多人吃，揾到位後menu好多款式叫左一碗酸辣雲吞麵和一碗上海餃子泡飯重有例牌煎豆腐再加凍豆漿，碗麵同泡飯份量夠，又入味，辣度適中，而豆腐夠口感，滑而不太軟。

難得無嘢做既星期六，就入寶琳搵好耐無見既同學仔。佢自從生咗我契仔之後，大家就少見咗好多。就返佢唔洗咁辛苦就入寶琳搵佢啦，同埋我又掛住豆漿大王既熱豆漿。每日逄下午兩點，都會有下午茶供應，以前同同學你喺葵芳返學時，成日去食佢個下午茶，又抵又好味。炸銀絲卷配熱豆漿－話明豆漿大王，當然係豆漿最架勢，熱豆漿面頭一層好似腐竹咁，香濃既豆味，真係同平時出面既豆漿有唔同。炸銀絲卷香脆內裡軟綿綿，配上既煉奶如果可以再大碟少少就好啦。呢個下午茶只係$23，簡單既下午茶輕食！