上海真美豆漿大王

营业中

休息中

一間傳統嘅上海小店，員工都非常親切，今次係食晚飯，叫咗酸辣雲吞，酸辣湯真係冇得頂，係雲吞一般呢隻，下次會選擇餃子，酸辣湯餃子，大大件豆腐，大大件豬紅，加埋酸辣湯，美味另外叫咗個招牌肉碎拌面，簡直出色，個滷水汁甜甜鹹鹹加埋啲肉碎，好味，最出色係個面，錄得啱啱好煙韌煙韌叫咗杯豆漿，豆味非常重，真係可以叫多啲外賣返屋企飲最可惜就係個粢飯，真係估唔到一般到呢，其實已經好好嗰條油炸鬼啱啱揸出嚟，可能返咋，炸到好乾，佢仲要一斬三，條油炸鬼一條手指仔咁細條，好彩加咗啲肉鬆同埋啲榨菜，都好啲，粢飯唔算好多，但係啲餡實在太少，呢樣真係要改善下

疫情嚴重，根本冇心機出去食野，午餐都係求其食碗酸辣湯算了😖不過你睇，佢又幾足料喎，我不嬲係酸辣湯的愛好者，食過好多大型連鎖店，一係似碗仔翅咁杰🙄唔夠酸，唔夠辣，一係無料既，水汪汪咁😓呢間就唔同呢😍😍😍足料同辣度都足夠，我自己再加左少少醋，但真心推介！我唔食痴飯都夠飽，夠酸又夠辣😋😋正

突然好想食煎餃同粢飯 成日見到這間小店都好多人排隊 就試下啦 叫了粢飯 凍豆漿 蒸餃 炸雞排上海麵加豆腐 粢飯裡面油炸鬼好脆口 食落甜甜地 加肉鬆等一齊食好好味 推介 煎餃皮薄香脆 炸雞排上海麵都幾足料 加多樣餸$7豆腐 好大件 抵食 整體最愛都係粢飯 會再去幫襯

今日一早就行完山⛰️跟住來將軍澳新都城3期地下呢間真美豆漿大王食早餐😋叫左：餈飯✨好熱好新鮮係即做的，𥚃面的油條仲係好脆口👍😋凍豆漿✨也是每日自家製的上海雲吞麵配餐肉煎蛋一份✨呢個普通通通，個麵比較林，雲吞皮也較厚😔再加$5熱豆漿加蛋😋

等待時間：早上星期六去唔洗等直入室內環境：傳統小店格局坐得唔會舒服服務質素：好快手今日媽咪帶左我去佢上山後必食上海店，呢間野我初中宜加係到，大大話話坐底做左十年啦，係信心保證。我地就叫左秘滷肉碎拌麵，兩杯熱豆漿，當然要夾埋油炸鬼，再加多個蒸銀絲卷。我要俾like個拌麵，好香口同開胃，好好食，out of my expectations!其他美食亦完全僨大到上海風味，豆漿相信係自己制，所以偏淡，不甜。快d去試啦！

假日想吃早餐，多數會來到這裡。小時家在紅磡，父母親經常帶我吃咸豆漿、油條，麵條default一定是上海麵，更多吃的是油豆腐粉絲湯。慶幸將軍澳區還有這種舊式小店，保留昔日嚐過的風味。因為吃了很多年，基本上餐牌上的所有菜式都吃過。個人喜好是五香牛肉麵（即牛𦟌）、五香肉骨麵（豬軟骨）、酸辣雲吞湯和甜豆漿。每碗麵都有炸菜肉絲，所以除非你真的不想吃其他餸，否則不用特意點炸菜肉絲啊！煎豆腐上面只沾了極少的魚肉，吃到白胡椒味，重點放回厚重的濃豆香，未必人人喜歡，但卻是我杯茶

食早餐呢度嘅早餐都算平有個正常份量嘅粉麵再加餐蛋豆漿比平時平多少少粉麵正常，無少到早餐就無左酸辣一類太刺激食物有啲雪菜/餃子/排骨等等嘅粉麵餐蛋都正常餐肉有煎過，算有心機蛋可選煎/炒蛋，多個選擇👍一個醒晨早餐就係咁簡單

很久沒來新都城三期地下的《豆漿大王》，趁週末就去食餐飯話說該店在三期入伙之時，一起營業至此時。店內裝修保留當年風味，食物質素應該也保留當年的風味基本上上海的粉面飯，都在該店可以吃得到，而且價錢相當街坊化秘滷肉醉拌麵 $34，上海麵麵質十分鬆軟，配上滷水肉粒和蔥花，特別顯得有口感。加上碗底有少少辣油，吃起上來都特別有風味的。醬爆肉碎豆卜麵 $30，鬆軟的上海麵與鹹鹹的肉碎結合，特別有口感。豆卜的份量剛剛好，可以吸收左湯底的味道煎餃子 $21，韭菜豬肉餡料是新鮮的，鄙薄餡靚，剪得金黃色的剛剛好惜略覺油膩。凍豆漿 $8，豆香都幾濃，總叫作為健康的一餐，劃上句號

心善則美乃形容內在美，由內靚到外亦有另一種，就是健康上的美。剛入鋪頭，已被橙黃色的碗碟和韭菜豬肉餡料所吸引，牆上的各類型健康報導亦吸引著我，仔細一看，“女性多吃豆類製品有助減低肺炎風險“、“日吃豆腐可降低心血管病“等各大標題亦令我看得著迷。醬爆肉碎豆卜麵．HK$30咸咸的肉碎與上海麵結合起來，有不錯的口感，加上適量的炸菜，為細小的豆廿卜和湯底帶起不一樣的味道。相信除了一般的水餃或雲吞都，不妨試試這個麵吧。秘滷肉碎拌麵．HK$34同樣是肉碎，卻換成拌麵的食法。這個秘滷，除了滷汁亦帶有輕微的辣味，輕輕一撈，這股味道確實令人忍不住快快品嚐。煎餃子．HK$21四隻煎餃的餡料就是剛入鋪面所見的韭菜豬肉餡料，名符其實的皮薄餡靚，煎過的餃子皮不帶油膩感，反之言是香脆的口感，非試不可。凍豆漿．HK$8眼見每一枱不是凍熱豆漿，就是豆腐花。在悶焗的太陽下，來一杯凍豆漿就最能達到透心涼的效果。

記得小時候在新都城剛開的時侯，這間豆漿大王已經開業，至今多年歷史。我經常回憶童年美味，今日終於黎一試。一入去，這些老店服務態度不會有，入來都是注重食物質素，我想吃個傳統餈飯及飲杯豆漿。 熱豆漿 $8 完全沒有豆味，怎麼可能豆漿鋪賣豆漿沒有豆味。重點豆漿一點都不香滑。熱鹹豆漿$16 這款豆漿真係買小見小，賣相以為好好w食，點知都係得個咸字。 餈飯$17 份量小，料吾夠多，而且餡料太咸了，完全相像跟現實是不同。酸辣淨雲吞$34 這個稍為正常一點，但是湯是鮮橙色，這令人懷疑找粉劑沖出來，重點是吃完後，一直都口乾，太多味精了 。滷水蛋拼豆腐$32 這個一上碟都嘩了，份量太小了，一份價值$32的小食，怎樣可能沒那有賣相，味道也不行？ 豆腐是凍的，凍也不是問題，賣相一看就知道，放了很久。童年回憶都沒有了，太失望。雖然價錢親民，但絕對不值得入來。

記得小時候在觀塘市政大廈熟食市場有間食上海麵 / 飯的小店，可惜已經關門大吉多年。我經常想尋回當年的美味，所以對這類舖頭特別情有獨鍾~呢間位於新都城三期地舖的小店，沒什麼裝修，這晚人流不算多，不需排隊。食物我點了炸雞翼上海麵，男友的是炸排骨飯，另外再多一份紅油炒手。雞翼是全翼兩隻，在雞鎚和中翼門cut 開，容易進食。雞翼醃得有點甜味~ 粉唔係厚~不錯!不過麵就偏淋了一點，唔太彈牙。 湯麵內附有少少炸菜肉絲~ 餸麵不俗。炸排骨飯賣相就真係麻麻，不過排骨都算唔錯既~炸得唔算好乾，不過就薄咗少少。另外亦有附雪菜肉絲，令個飯唔洗乾啃。最後的紅油炒手，唔太辣，大大粒，正正常常~總結黎講，食物正正常常，最好味係雞翼。價錢就非常便宜，一個飯 / 麵$35已經可以食飽飽!! 在香港這類小店已經買少見少，下次來將軍澳又諗唔到食咩都會支持支持~

話說搬左黎寶琳一排，呢邊多數野食都係商場嘅連鎖店，而且價錢唔太平，於是今日試試行去商場外圍，地下外邊睇睇有咩街坊食店。見到呢間上海食店好似比較街坊，於是就入去買外賣。同埋一見到上海食店就想試佢個戈粢飯一入到去，都冇咩服務架喇，街坊店都冇話expect佢態度好好，所以我嘅評價主要會打番食物。首先主角粢飯，料唔夠多，食第三啖飯先開始咬到啲料呢個係我比較在意嘅！因為粢飯就要靠啲料先有味，如果頭兩啖+尾兩啖都只食到飯，就會好dry.而相都見到飯嘅比例比料係多好但入面嘅料就正正常常咁

平時很少行這條街的, 因為每次黎到, 都係會行商場的, 甚少行它的地鋪。不過早排見電視台介紹咸豆漿及粢飯, 而且只淨一些傳統小店肯做了, 尤其係咸豆漿!所以我想去試, 但電視節目介紹的店子都在紅磡一帶。想來想去, 將軍澳區只有這一間了。早餐時段, 粢飯不跟餐, 但我前粢飯而來, 無所謂啦。熱甜豆漿來了, 滿滿的濃厚豆味, 不錯呀。粢飯如果係要求即製的, 好似要加幾蚊。我也不想等, 不要即製, 現成好了。粢飯原整一條上檯, 感覺有點難入囗, 難咬, 唯有叫店員一開二, 剪開它才慢慢吃。粢飯裡面有很多榨菜, 又有油炸鬼, 雖然不算香脆, 但好好味。已經非常滿足了。好開心, 而且價錢絕對相宜, 抵食呀!

這店在新都城商場三期外圍，位置不太顯著，店舖外貌也不出眾，但食物卻不差😍店內都算大，以長長的枱為多，可以坐好多人。食物種類也頗多，有麵類，包點類，小食等等。頗為特別的是豆漿湯丸加蛋，不過每次去食都食到好飽，無點呢🙈餈飯糯米夠煙韌，夠熱騰騰，餡料有油條、榨菜、肉鬆、菜脯等等，有質感也夠美味。咸豆漿有些蝦皮、榨菜絲、青蔥、油條，很香，咸豆漿沒有甜漿的那種滑滑的質感，但卻有口感，很特別。食后感: 這種舊式上海料理店越來越少，再加上價錢很平民化，要好好珍惜。

假期訓醒後，一個人到家附近找早餐吃。我十分喜愛光顧小店，而且這些上海小店真是很少有，所以有空都會來支持一下上海菜的早餐當然是要點粢飯和熱豆漿粢飯 - 上菜是粢飯還是暖暖的，內有肉鬆，炸菜和油炸鬼，配料絕不馬虎，每一口都能吃下所有配料，再加上煙韌的糯米飯，多重口感熱豆漿 - 是用碗上的，豆漿夠熱和香滑，豆味重，店員會加砂糖係底，所以食前要攪拌，但都不會太甜！滑滑的豆漿每人感覺很養生！小店價錢便宜，食物高質，真的是一個幾選擇！