上海珍珍排骨麵 (已結業)

28/09/17, 今日午餐好想食湯麵，醒起屯門這間開左超過十年的上海麵老店，好想去食，因為多年無幫趁了。這店大約有10 張枱，地方都尚算企理，一向都係做街坊生意，唔算特別旺，招牌美食就係排骨，當然一定要食啦。我叫了紫菜付皮+排骨兩餸上海麵 + 熱咖啡 $48, 價錢都ok嘅。麵黎到，熱辣辣，賣相好靚，紫菜付皮好好食，但稍為被湯浸淋左一邊，就無咁脆口，這店自家制的，出面無得食架。排骨炸得好脆又軟熟，好入味，好好食無得頂，黎到一定要食，但麵就一般，還可以。如果佢將d餸另外上就perfect了連杯咖啡都好ok架~ 好食的一餐午餐。

朋友話市中心有間上海面吾錯就話叫我試下 今日大約8點鐘到都爆晒人應該吾會差，今次我就試食排骨腐皮紫菜卷上海面，餃子，白菜和豆漿 ，每人大約$60左右，價錢都合理味道就一般。上海面只有一款，如粗就只得烏冬選擇，面質偏淋身，餸份量朋友話比舊時少左，排骨係湯入面淋晒一般，紫菜卷散晒，但味道係吾錯。餃子比較硬身，味道好一般。白菜係完全連咸味少少都冇，只可講佢洗得夠乾淨。豆漿味道吾錯有豆香，有少少渣但都可以接受，始終係話自家制。

屯門華都商場一帶有不少街坊老店，而老公常說，這家上海珍珍排骨麵是他的童年回憶。因着這份情意結，老公總是對這家推崇備至。平心而論，以前的珍珍排骨麵確是帶點特色，但近幾年水準大不如前，每次老公說要來吃麵，我總是十萬個不願意。這天路過珍珍排骨麵，知道珍珍的分店已在元朗開業，未知這總店水準有否提昇？一貫的港式麵店格局，感覺不會侷促，衛生情況卻是個問題。雙拼、三拼同價，平均價錢在$42-$45之間，份量頗多的定價還算合理，這種街坊麵店再貴一點就會乏人問津的了。菜肉雲吞北菇腐皮卷麵($45)菜肉雲吞外皮滑溜且不會太厚身，內餡豐滿實淨，卻不太嚐得出肉香，一碗有四、五隻之多，質素平平，但尚算「抵食夾大件」。腐皮春卷已是買少見少，炸至微微脆身，要即食以免放涼掉。魚肉彈牙得來口感不太自然，魚味欠奉，但實屬少有，不失為一個選擇。北菇反而有驚喜，用上乾貨北菇，菇味更濃更香，肥厚的北菇醃得入味，健康之選。菜肉雲吞豬扒麵($45)豬扒靭而難嚼，略顯乾身，醃得不算入味，水準平庸之作。這家的上海白麵彈牙欠粉香，很一般的來貨，湯底就是純粹味精湯而已，淡薄得要下點辣粉來調味。聽說以前的珍珍有不少區內的捧場客，但對我這等没

係門面見到好多雜誌介紹，咁多年都未食過就諗住試下啦，點知中伏。。。叫左佢招牌上海排骨麵，唉~個排骨炸到好乾食落係好“鞋“，另外皮肉分開曬一啲都唔可以話係好食。至於個麵，就正正常常，都算偏硬。而個湯底係味精湯味，仲要好淡。價錢好似都要40蚊左右，飲品另外加6蚊（熱飲）。。。真係食第二間好過。。。

呢間上海麵餐廳都經營左好多年了！質素都仲keep到下午茶時段，叫左個套餐食，雞翼上海麵，包一杯熱飲 $40雞翼醃得好入味不過油炸就油膩左少少上海麵都幾煙韌，湯底就清左d，落少少辣椒乾，個味辣辣地，即刻惹味好多可惜招牌的排骨麵無套餐，要散叫就貴好多

生招牌嘅上海排骨面，完全不外如是，炸到好乾。無咩口感。隨時茶餐廳d豬扒都好過佢，湯底似福字面個隻湯。仲要收$39.俾錢個陣又話唔收毫子。但找錢就找兩個5毫俾我。我永遠都唔會再食呢間。

星期日又與上公眾假期嘅屯門，簡直係人山人海呀!中午時份更難搵地方開餐，原本想食Delifrance點知已經關門大吉行行吓行到去呢個舊式小小嘅商場，見到呢間有上海麵食就入去試試先!入到去都有坐滿8成，點咗個餐唔使3分鐘即刻上枱，快到不得了!點咗份豬排上海湯麵常餐湯底方面尚算清甜，唔會太多油，榨菜唔會太咸夾麵一齊食都ok~麵質軟硬度適中，唔似再番煮，食落仲有淡淡嘅麵粉香味!至於成個麵嘅重點豬排，上枱時仲見到剛炸起時仲有啲油係面'滋滋'跳，用咗連骨既部份，size 有我3/4隻手掌咗咁上下，仲要兩塊添雖然係炸，但食落口唔算油膩，有用基本醃料醃過令豬排有啲味道，食得出豬排本身既肉香而且咬開時啲肉仍然一絲絲(因為有啲餐廳會用大量鬆肉粉令佢滑啲，但嗱到啲肉味無晒)，呢點加返好多分呢!叫咗杯凍奶茶跟餐加兩蚊份量非常足，以今時今日嚟講真係叫抵食，保留到份舊式街坊餐廳嘅味道。

我一般對食都冇乜要求，唔難食就OK啦，可惜呢間令我極度失望。事緣我今日叫咗一份煎餃子，咬開一半，見到餃子裏既豬肉仲係紅色，我好驚，所以叫個侍應過黎，點知阿姐覆我一句「啲飼料唔同者！」我甘大個人，只係聽過豬肉唔熟先見紅色，都未聽過有飼料餵到隻豬係煮極都唔熟咁嘅樣，我都好驚你隻豬係咪基因改造，呢間下次請我都唔敢黎食, 而食物味道及賣相都只是一般, 作為顧客的我, 可以用同一價錢在另一店家, 食到全熟而不用我害怕生肉問題的餃子。

本身諗住隨便食就算，點知食落都有驚喜！排骨好好味，面質都唔錯，落左七味粉辣辣地好惹味！不過都真係幾辣小店黎講，咁既水準真係唔錯相反，附近屯市食肆看似高級，但又貴又唔係好好食，冇特別，更加食唔到個種人情味但上海珍珍就有！

呢間由我在屯門返工初期有去過,因為同事話愈來愈貴又不是特別好吃,之後冇來過了，今日只有一個人吃午餐，決定再來這裡，我看到價錢有些小想走 ,吃一個麵餐要38元？，以前豆漿不用加錢，而家要加2元,成個麵食餐要40元,這裡服務－如以往咁差，叫店員來寫野好似冇反應，差不多叫咗3次才有店員行來 ，我點雞翼上海麵，要豆漿，雞翼麵來到之後，我見到明顯地翻炸，雞翼好似老過我的皮,雞肉好鞋,我只吃了2隻吃不下去,到了個麵，個湯有些小怪味,清湯竟然有咖哩味,個麵又是不好吃,好似煮不熟,豆漿完全冇味 淡而冇味 ,這間相比其他餐廳冇咁旺 ，奇怪在咁多年竟然冇執 ，這間肯定不會再來，咁差餐廳竟然可以開分店,40元有大把選擇，亦比這間好味多的是

只可說是這家珍珍排骨麵不幸，由於本人午間經已吃了荃灣山西刀削麵的美味拉麵，所以顯得此店不怎特別。 酥炸排骨雞球麵雞球並非球狀，幸好雞不太鞋不太乾，有輕輕南乳氣味。條狀雞柳，說不排上滑，也不鞋，只是普通的南乳雞肉條；說到排骨，可能因為我見此店是排骨著名，當然期望甚高，希望會是史上最爽脆的排骨/豬扒。但結果，當然沒有那麽理想，只是皮鬆，不厚粉，排骨也不是特別滑過人，嫩過人。如果是外脆內嫩，或肥肉比例稍為高一點，應該會更香更美味。雞翼$21 五隻，賣雞翼的食店中，這兒已叫划算。雞翼外皮煎香了，外脆內嫰，熱燙燙，必然美味。紅豆奶茶反而，特飲更趣緻，你以為泰式，台式店，九龍城街市才有紅豆奶茶？此店也有！奶茶味濃，配以紅豆，紅豆不太甜，不太梅爛，爽爽的一顆顆，飲管飲又得，用羹盛亦得。即使冰不少，仍然不減這杯特飲的滋味。 服務態度不算友善，提提大家，進店後盡量快點下單，否則會有店員前來給壓力，勸告閣下點餐下單。

中午時間經過, 唔係太餓, 但需要開餐, 見呢間嘢開咗咁多年都冇幫襯過, 做得咁多年仍健在, 唔會衰得去邊掛!唔係太餓, 叫咗碗淨菜肉雲吞, $31 乜都唔包, 都唔係平! 上枱有8隻雲吞, 份量唔少, 拿起匙埋咀角, 好重味精水, 算啦! 本來都冇乜期望, 食飽就算啦!! 通常我對一般飯餐不太講究, 反正唔難食就OK, 但係食咗一兩隻, 感覺有啲唔知係麵粉之類嘅東西, 冇乜味, 有啲咬口, 係咩嚟呢? 感覺唔多好, 於是咬開雲吞, 見到大部份白色和少許緑色菜, 再研究一下, 嗰啲唔係麵粉, 唔係一般豬肉, 係全肥豬肉!!!! 好勉強食多兩隻, 無論口感, 味覺同心理上都不能再接受, 越食越漏 .... 甚至想嘔, 剩低半碗放棄了!! 我係接受食肥豬肉嘅, 東波肉, 扣肉我都唔會抗拒!! 但係用呢啲爽口嘅全肥豬肉包雲吞, 真係接受唔到, 爽口肥豬肉係唔會入味, 雲吞入面一啲瘦肉都冇, 食落口感覺真係太差!!!亞姐過嚟問我係咪唔要收碗, 我問佢"你哋啲雲呑用全肥豬肉ga?" 佢諗都唔駛諗就答我 "係呀!"我: "一粒豬肉碎都冇喎!" 佢冇出聲!!要賺錢唔係賺咁盡, 你都收得我 $31,

記得第一次幫襯的時候還是中學生，當時正在練習正確用筷子的手勢，吃碗麵就用了一個小時，印象中麵爽，排骨又香。第二次幫襯已經是五年後，一個星期六的下午，到西環探朋友，友人帶我去一間出名的排骨麵館，一進店，發現裝潢很眼熟，吃一口麵，口感十分熟悉，應該是這麵店的分店吧。第三次幫襯，是今年年頭，一個人在屯門市中心閒逛，突然想起有這間店，便再次光顧。隔了多年，味道還是一樣好，此後每隔一段時間就會想幫襯一下。最常點，亦是最好味道的是排骨紫菜腐皮麵，圓身的上海麵夠硬身，彈牙，炸紫菜腐皮比看起來不油，香脆，上海排骨肉多厚身入味，圖中的雲吞是最近一次有點到，味道不太好，可以不試。美中不足是麵一般比較少，吃完很快會肚餓。

剛剛吃完 現家寫食評=]第一次來吃 （講真佢個位置真係唔覺眼 唔係買果汁真係唔發現有間上海麵）叫了菜膽雲吞排骨面 三拼幾好食 足料碗面有3個餸 每個餸4件 真係足料最好吃排骨好入味又唔會好硬 厚身唔會好溥最麻麻係云吞 一夾就散

下午茶時間 , 雖然店內人流少 , 但是阿姐好似好多嘢做 , 走來走去 , 掃地, 抹枱...所以落單和收錢都要等準時候舉手 我叫左份西多士餐 , d糖漿希到好水一様 , 個糖漿蓋很穢 , 件西多士似油炸麵包 , 特別邊位和頂部 , 食到一口都油 , 油到想嘔 . 最唔低喺 , 西多士+熱飲要$21 , 鄰近ge食店只喺$18 .