上海小籠皇

营业中

休息中

之前试过午市套餐，味道尚可，12蚊可加2只小笼，皮薄汤多，味道不错。这次晚间突然想吃生煎，就去楼下买了外卖，但是非常失望！用的是发面皮，皮很厚，馅很少，完全没有汤汁，只能当做煎过的包子，并不是上海生煎。36蚊3只，质量比祥兴记差了太多，不会再试

餐廳入邊有多位員工大多數都係女員工、其中一位男員工態度極其惡劣、對每一個客人都係咁，有客人問佢攞杯冰佢話我哋冇冰、客人再問佢攞杯水、佢就話我哋冇水、有客人入到去話兩位、男員工說自己搵位啦坐低啦、鍾意坐邊就坐邊、一陣就好似吹你叫嘢食、你唔叫嘢食住佢就慢慢諗啦好差的語氣、跟住又自言自語講粗口鬧客人每一台客人都幾乎俾佢鬧，就是自言自語地講粗口鬧。跟住有輪椅經過佢就叫你唔好坐喺呢個通道話俾你聽呢個係海底隧道唔係比你地坐架、呢條通道專比呢d人過，九唔搭八、跟住輪椅過咗後、又自言自語鬧輪椅嗰個人、食物唔評論太多就是一般般、唔會好食、但唔難食囉、一個字平、但態度令到你係唔會再幫襯

I was quite disappointed with the Sichuan dandan noodles, it was very spicy yet the rancid taste of the peanuts were so strong that it came through and ruined the broth.The rancid taste was so bad that the noodles absorbed it and tasted horrible.The vegetable buns saved the day as they were light and fluffy but tiny in terms of size because they are the same size as a Shanghai Dumpling.I didn't really expect it to be good because the other branch is in Tsuenwan so the food is probably catered fo

最近新都城都開緊好多新餐廳，呢一個鋪位一向以來都比我譽為係風水唔好嘅位置，因為每一間餐廳係呢一度開咗幾個月就會執笠，所以今次見到開咗間上海餐廳，鍾意食上海野嘅我，當然要來試吓佢嘅命運會唔會都係一樣。同朋友下午一點幾嚟到呢度，都幾full，要同人搭台，不過就唔使等位，客人普遍都係年紀比較大嘅人，我哋應該係全場最後生兩位。我哋點左兩個午餐，價錢都OK平民唔太貴，好多款式揀，仲可以自己選擇拼唔同小食同飲品，我點左獅子頭同凍豆漿再另外加＄12加左份小籠包同朋友share。有啲餐廳嘅獅子頭會冇乜味或者肉質奇怪，但係呢一間煮得好正宗，冇呢啲問題，小唐菜都幾多，不過個汁就鹹咗少少。凍豆漿味道正常，OK濃郁。至於小籠包就值得稱讚，雖然小籠包係我夾起身嘅時候都係唔小心整穿咗，不過就算穿咗都仍然有好多湯汁留喺入邊，入口嘅時候暖暖地唔太熱，唔會辣親口，不過得兩粒真係有啲唔夠喉。不過店員態度就唔特別好，而且位置都係有啲迫。最後人均消費＄63。以食物質素來講都係會再幫襯！

食物質素好一般，但這不是重點，因為每人對味道的要求各異，可是服務態度真係唔掂，伙計落單出錯卻話客人不可後加小點，做錯了唔緊要呀，點解你地唔試下諗補救方法，卻將責任推給客人，此乃服務行業之大忌，我對此店舖的評語是「試一次也嫌多」。

一家人星期三晚上去試下新開的上海店好好彩仲有位，過多10分鐘已經要等位我地叫左6樣嘢，都幾好食一來係自動送上的花生雲耳酸青瓜，味道ok la擔擔麵: 幾好食，湯幾濃，但唔覺辣，多肉碎同花生，麵唔會太軟，媽媽幾鐘意食淆肉: 硬左少少，味道做到，口感唔夠jelly狀生煎包: 好食，夠熱夠脆，個底煎得夠耐小籠包: 唔錯，有湯汁，皮正常，餡有豬油香。新鮮蒸好上檯雜箘炒牛肉: 箘幾好食，牛肉就淋左d，不過都算多牛肉, 有鑊氣，聽到廚房個爐洪洪聲，不過油左d，個底有菜仲有個南瓜餅幾好食，係肥野來，出面脆，中間用糯米滋包住南瓜溶(?)，上面有d椰絲。掛住食冇影相…有4件中途都有人主動加茶，其實個茶幾好飲阿姐執檯時見到有隻spoon唔乾淨都有主動幫我地換三個人，六款菜式，三百幾蚊，晚市要加一，新都城來講算係正常中價有新鮮感

第一次食這間上海鋪，因地方細，枱位有限，係絶對要等位。兩個人食，枱面實在太細，好似老麥咁，叫了3樣嘢已經枱面滿哂。（隔離2人枱叫了4樣嘢食，都係放得3樣，等食完1碟收買碟先上最後1碟。）坐位太迫，坐得唔舒服，動作大小小都會撞倒隔離枱（其實枱同枱只係隔左3cm)。一食完就想走。食物方面其實質素唔差，但份量細，價錢中上。2人食3樣嘢2百幾。不會有下次

見新都城開左間新野諗住去婆婆同仔去試下，點知一肚氣，首先一坐低比左壺茶我，我話唔好意思，我想要熱水，個灰色衫好似高級d嘅職員，一副唔願意嘅樣，第一次「摺」我，已經唔多Happy!跟著等到婆婆黎，叫野食（d野都ok),但餐具好污糟，好似冇洗咁⋯跟著戲肉黎喇，我唔覺意倒寫左杯水，個灰色衫名阿叔，一路抹一路「摺」我，仲一路擰頭，好似佢先係客，我係店主咁，嬲到我死，就算你d野幾好食都好，更何況食物只是一般！態度咁差劣，我真係唔會再幫襯囉！今時今日咁嘅服務態度真係唔得囉！

唔衛生！我叫左四川擔擔麵，我未開始食已經見到有條頭髮，我叫左職員換，明明第一碗冇落花生，到第二碗麵無啦啦多左花生係上面，但問題重點都繼續係可以有條頭髮係到，我嚴重覺得其實佢地係冇換過，又或者佢拎左一條頭髮其實仲有第二條係入面！！！好惡劣！！我要求取消擔擔麵，轉做上海粗炒，個經理態度差到冇人有，佢問我地到底頭轉嘜，之後改左張單大大力扔係我地台面，仲要口up up, d態度有冇可以衰到咁，呢間野岩岩開已經可以咁差,我black list唔會再食！！！！我寧願上返去食上x婆婆好過

今天原本想同阿媽試吃呢間在樓下商場開了一陣子的上海食店。由於怕星期日中午人多，所以我們未夠十二點就已經到了。當時店內有三張四至六人枱空著，我們便揀了門口的一張坐下，不用三分鐘便點好東西將單紙交給樓面，其時店內只有兩名女樓面，接我單的女樓面寫下枱號便拿給櫃面入單。但入單的男人（應該是老闆之一）視力有問題（老花）但又不戴眼鏡，原本只有兩張單在他手上卻，弄了半天也未入妥電腦。其後另一名應該又是老闆的男子上班，接手入單，但他又顧及收銀，又要派籌，一直未有繼續入單。其間有新客人到攞籌，他又入店內問其他每枱只坐著一名客人（先到霸位的）到底有幾多位，希望可以給新客搭枱。但其實之前他們的樓面已同樣問了兩次！最後那男子見我不滿的望著他，他便問我是否仍有食物未到，但好明顯我們枱面碗筷乾乾淨浄，何時來過食物？我跟他說單紙交了十分鐘仍未入電腦，他就解釋一大堆，說剛剛上班.....但最後他竟然來說找不到我們的單紙，叫我們重新填寫！簡直離譜！我們亦只好起身走人！

第一次寫食評，事緣非常嬲，服務員極之無禮貌，食物未到，已經覺得食左一肚氣。被編排坐嘅位置本來是兩張二人枱，侍應見我同老公得兩個人，大力扯其中一張枱向另一方向，態度很差，餐具污糟，坐嘅位置好逼，一定無下次被分配到一個邊邊位置，大叔侍應在層架上分配碗同匙羹，那個時刻大概keep左五分鐘，刺耳非常，隔離張枱有位女仕望到都鄧我慘，擰下擰下頭。食物還是可以，但新都城就是如此，任何食市習慣性full,但我認為態度如此，絕無下次！