上海小籠皇

营业中

休息中

呢日黎到新都城呢間上海小籠皇, 唔係朋友講都唔知呢度有間咁出色既上海野! 呢日我地都好想食酸菜魚, 所以就入左黎! 我地叫左一個酸菜魚, 勁大碟 $172, 入面有好多酸菜同魚, 仲有紅薯粉, 真係超正! 佢唔算好辣, 但辣辣地咁好過癮! 我地仲叫左一個小籠皇炒飯, 入面有好多料! 有好多粒蝦同帶子, 真係好好食! 好有獲氣! 食到勁飽! 本身想食埋小籠包但太飽都冇叫到! 下次要黎試試佢!!!!!!!!!!!!!!!!!!!!!!!!!!

今日返工有啲忙，放工唔想煮飯，順便喺新都城商場食埋，晚餐試上海嘢，座位寬敞，環境乾淨，整體食物質素都唔錯, 上菜快，埋單$300 有找， －家三口食， 價錢合理.砂鍋雲吞雞：都幾大鍋 ，入邊有菜、雲吞同埋雞，隻雞啲肉鮮嫩，唔嚡口，雲吞皮薄餡多，粒粒都大大粒， 冇認真數， 但印象中有5-6 粒，娃娃菜新鮮，啲湯好鮮甜， 成鍋清曬， 推介。上海炒粗麵：份量多， 唔算好油，味道適中，粗麵有嚼口，小朋友都啱食，大人加埋啲辣醬更惹味.職員都好好，食完馬上清枱， 用餐舒服.

呢間上海小籠皇係上海菜,  裝修簡潔有D 老上海味道，好耐無食小籠包. 今日一於試下佢. 上海排骨擔擔麵 -  滿滿花生醬和碎花生的麵湯，口感豐富，麵條軟滑,大大去塊厚切排骨,  炸得酥脆, 肉嫩多汁.  份量十足 ＄61  跟餐有豆漿 , 仲可以追加小食，加配左招牌小籠包(4隻) +$30 .  小籠包多汁.皮薄 一口剛剛好.外婆紅燒肉-     火喉剛好. 油脂味香, 入口溶化, 間肥間瘦 , 醬汁香濃，配飯一流。砂鍋雲吞雞（例）：超足料 , 差不多半邊雞.  雞肉鮮嫩,  4大粒雲吞, 個湯先係重點. 好好味 餐廳舒適，店員都好有禮， 上菜速度都快，整體食物味道唔錯呢。 上海小籠皇將軍澳寶琳欣景路８號新都城中心二期１ 樓1009 號鋪. 

♥ 家庭式街坊上海菜！將軍澳寶琳新都城中心 ♥(❁ᴗ͈ˬᴗ͈) ༉‧ ♡*.✧喜歡的話記得like & follow我喔♥這家名「上海小籠皇」的裝潢很有古式上海鋪的感覺，味道大眾化，如果將軍澳寶琳街坊想食上海菜，這間不妨是一個好選擇～① 砂鍋雲吞雞 $168 半隻砂鍋熱辣辣上枱，雲吞帶點鹼水味，餡料滿滿；湯頭濃郁，不禁一啖接一啖，如果口味清淡的人可能會覺得有點鹹；剛好這半隻雞是雞胸肉的部分，所以口感稍顯柴。② 花雕醉雞 $75醉雞的第一口酒味濃郁，雞皮Q彈，肉質嫩滑③ 豆漿 $17豆漿有豆味，甜度適中📍 上海小籠皇將軍澳寶琳欣景路8號新都城中心二期1樓1009號舖.・。.・゜✭・♥・✫・゜・。.#上海小籠皇 #上海菜 #將軍澳 #雲吞雞 #醉雞

我想食辣嘢就搵細佬陪我，不過今次佢竟然見到砂鍋雲吞雞話要試吓，好啦，媽媽都係聽個仔話，但又俾佢掂啱菜式，因為真係好好味，雲吞大大粒，半隻雞煮完湯都好滑，點豆瓣醬一齊食，其實都幾好食，但我覺得最重要係湯底非常濃郁，飲到雞湯同埋金華火腿嘅味道，超級好飲，已經唔夠，我應該飲咗三四碗。之後小朋友話要食炸銀絲卷，新鮮炸起，而佢最著重嘅煉奶亦都好多，以一個小朋友嚟講食完呢條銀絲卷應該都爆曬，所以我就叫咗酸辣土豆絲，土豆絲好乾身酸酸辣辣其實好開胃，不過我覺得如果辣啲就更加好食，總括呢間餐廳屬於街坊小店，質素算唔錯，見到平時有晚餐，食套餐應該更加抵食，下次要試吓先。

跟家人近近地食個晚餐，大家都想食湯麵🍜類別嘅食物，於是乎去了價錢親民的上海小籠皇，品嘗美食囉。上海湯麵，內有冬菇、椰菜同瘦肉條，粗身的麵煙韌有咀嚼感，湯味香濃可口。肉未炒粉絲，炒得夠鑊氣份量足，肉未新鮮又有咬口，粉絲濕潤唔會覺得油膩，味道調得剛好，幾好食啊。上海雲吞雞湯，湯味飲落香濃，內有隻幼清雞髀，鄙薄餡靚的菜肉雲吞4粒肉，很多菜，健康又滋潤。#將軍澳 #將軍澳美食 #上海菜 #寶琳 #雲吞雞#新都城

餐廳裝潢走傳統中式路線，設計簡約，整體乾淨整潔。🐟酸菜魚湯頭酸度適中，帶有微微的麻辣感，刺激食慾。魚片選用鱸魚，肉質滑嫩無腥味，酸菜分量充足，爽脆入味，另外仲有水晶粉，吸收晒湯底精華，煙韌入味。🍛小籠皇海鮮炒飯炒飯鑊氣十足，米粒分明且乾身，醬油調味恰到好處，不會過鹹。海鮮配料包括蝦仁、瑤柱，蟹柳等。值得一提的是，炒飯加入了少量蔬菜粒，增添口感之餘也平衡了油膩感。🌟餐廳菜式水準穩定，環境舒適，價格合理，幾適合家庭或朋友聚餐。

最近試咗上海菜，價錢貼地而且好味，就係上海小籠皇😍。餐廳裝修有古式上海鋪之味道，喜歡吃的上海菜式幾乎一應俱全。🐔砂鍋雲吞雞（例）：這道湯菜味道鮮美。紹菜吸收了火腿、雞肉的精華，雞肉鮮嫩😍，雲吞美味。🍜排骨擔擔麵：有排骨的擔擔麵更合心意了🐷！肉排與麵條分開上，使酥炸排骨仍保留脆爽。擔擔麵濃濃的湯汁與花生肉碎香葱非常配搭，麻香味濃，麵條軟滑。🍞炸銀絲卷：非常喜歡沾滿煉奶的銀絲卷，又甜又香脆。🍡招牌高力豆沙：製作方法比較複雜，不是每間上海餐廳都食到。高力豆沙柔軟如綿，香濃豆沙和微甜的外層令人很滿足❤️❤️。

今日同老公經過將軍澳呢間上海餐廳，見到大排長龍，食完之後都覺得幾好味，下次會再嚟幫襯！！🌸砂鍋雲吞雞，砂鍋熱辣辣上枱，好濃郁嘅雞湯，湯底好鮮甜！雞肉都好嫩滑，一啲都唔嚡口！雲吞皮薄餡靚，暖肚又好味！我幾鍾意食呢！🌸招牌小籠包，小籠包外皮好薄，輕輕一咬就有大量湯汁流出，皮薄餡靚，肉汁滑滿，好味！！🌸青菜煨麵，清淡而又清甜嘅湯底，配埋青菜同埋滑順嘅煨麵，唔錯！餐廳舒適，速度都算快，整體食物味道唔錯呢

店舖很有老香港感覺，地方不大，但尚算舒適，呢度地點便利，菜式可以散叫或可以叫套餐，小炒鑊氣足，最後，我哋叫左個二人餐。雞絲粉皮跟餐嘅小食，都有一人份量，超級足料，粉皮厚薄軟硬適中，仲有好多好多花生醬，非常之夠味，涼菜之選。小籠包跟餐有2隻，即點即蒸，熱辣辣，外皮雖稱不上相當透薄但仍不至過厚，肉餡保留適量湯汁，比上不足比下有餘。松子魚（原條）+$68係我去食中菜最鍾意叫嘅菜式之一，松子魚夠大條，賣相又靚，魚身蘇脆，一啲骨都冇，食落唔會覺得沾咗好多粉，酸酸甜甜魚肉都保持鮮嫩唔會炸到乾曬！甜酸汁的配搭剛好中和炸物的油膩，只能說是一絕。酸辣湯整得唔錯，傳統正路野，但我覺得酸辣湯味道就酸咗少少，不過就好開胃。黃金湯時蔬（津白）香濃的奶油全被津白吸收，每一口都非常多汁入味。最後甜品桂花糕（2件）晶瑩通透，甜度剛好，最啱作為餐後甜品。整體餐廳環境，地方唔算闊落，唔好期望係咩高級餐廳，價錢算平, 食物一般尚可，但服務態度一般，零服務可言，如果可以改善下就更加好，今餐當食個快飯便算。

晚上同屋企人出去食飯，揀了呢間餐廳，我地選擇了兩個晚市優惠套餐，再加配一些餸。⭐️干煸四季豆好香蒜香味，食落辣辣地，而豬肉食落咸咸地，仲有蝦米一齊炒，配埋四季豆一齊食平衡味道。⭐️酸菜炒牛肉配菜飯望落辣椒好大條，但食落酸味多些。牛肉配酸菜一齊食，酸鹹適中，好送飯。呢間餐廳係菜飯感覺健康啲。⭐️糖醋魚塊配菜飯魚塊好嫩滑，酸甜醬汁濃郁卻不膩口，又係超級送飯。⭐️招牌小籠包肉餡鮮嫩多汁，搭配薑絲與醋，正。⭐️鮮肉鍋貼

屋企附近原來有一間食上海野嘅店🥰仲要係超正宗😋餐牌入面有好多唔同嘅傳統上海手工菜😆e家仲有晚市套餐超抵食🙌🏻除左主食仲可以加配小龍包🥰🌸砂鍋雲吞雞，雲吞雞好香，入面嘅雲吞大大粒😋雞件嫩滑👍🏻仲有湯汁香濃🙌🏻🌸上海排骨擔擔麵配小籠包，擔擔麵好香花生味食落唔會膩😌排骨分量好多🤓食落香脆👍🏻小籠包一食就爆湯汁❤️皮薄🥰🌸高力豆沙，食落熱辣辣😋甜而不膩，口感軟綿綿🤤

寶琳隱世美食😍 今晚喺附近探完朋友就去商場搵好嘢食，見到依間都受街坊歡迎，好適合家庭聚會，一於試吓～酸菜魚🐟店員推介！好受歡迎的川菜，主要材料有新鮮的魚片、芽菜、薯粉、酸菜😍湯底酸辣惹味，魚肉鮮嫩，搭配米飯食用更美味，份量非常大 夠二人食～菜肉雲吞湯拉麵🍜湯底好清甜🫶🏻味道鮮美。雲吞內餡有菜肉 好滑嫩，搭配Q彈拉麵，口感非常豐富招牌小籠包🥧必食經典的中式點心😋😋 皮薄餡多，內裡有鮮美的湯汁。每啖都感受到肉汁鮮甜，搭配醋和姜絲，更能提升味道。值得一試！

去寶琳食呢間街坊上海餐廳，朋友話都開咗成七八年，裝修比較平實貼地. 佢成日幫襯話晚市有一人五六十蚊嘅小菜套餐話幾抵食. 不過今晚想試吓廚師推介食水煮魚，咁就決定散叫.⭐️招牌小籠包熱騰騰脹卜卜，皮唔算薄身，不過肉汁飽滿，肉味幾鮮，沾上黑醋同薑絲，味道唔錯. ⭐️北京水餃平時少餃類嘅我覺得呢一款北京水餃味道比小籠包更有驚喜. 感覺無論外皮同肉餡更有嚼勁. 細細個一口一個. ⭐️水煮魚份量都足，魚肉比較驚喜嘅係好鮮嫩唔會腥. 叫小辣個辣度都唔錯啱啱好，都辣得惹味. 配料有芽菜同菇反而冇平時常見嘅粉. 無飯家庭嘅我哋下次都想試吓佢哋啲抵食一人套餐. 同埋鍾意食餃子類嘅話都好多選擇. 仲有其他廚師推介可以試吓㗎.

超級豐富既晚市套餐,晚市成日都好多人食,而且仲要排隊等,早放工就要即刻去食下啦~上海排骨菜飯+鍋貼上海排骨真心正,肉質好滑,而且夠香脆,再加上鍋貼,其實真係好飽~上海排骨擔擔麵擔+招牌小籠包招牌小籠包好有驚喜呀,真係師傅級制作, 皮薄有肉汁,真係不錯,一定要食酸菜魚酸菜魚好出色,配料好夠味, 魚好滑,推薦~~~高力豆沙好耐無食過,即叫即做真係好正豆漿上海店一定要飲啦~好新鮮同香濃~認真欣賞依間店,的確用心制作,而且又好出色,欣賞店負責人的用心,推薦~