上海婆婆 (如心廣場一期)

营业中

休息中

突然想食上海野，咁岩見到呢間，之前唔覺眼。店內座位不多，點心、甜品選擇相對多。婆婆粒粒炒飯 $82配料有蠟腸、蝦仁，再灑上蔥花。米飯粒粒分明，用秘製醬汁炒，但醬汁味道普通。蠟腸好香，整體唔太濃味。雪菜肉絲炒年糕 $82年糕煙韌，有咬口。雖然好多雪菜碎，但味道偏淡，唔夠味，肉絲淋。京蔥牛肉包 $48個包好香甜，煎到有D脆口，牛肉香濃，唔錯，一碟3個。紅糖糍粑 $48外脆內軟，賣相唔錯，紅糖好流心，但偏甜，一碟4條。

✨上海小籠包皮少少偏厚 肉餡鮮味 湯汁豐富 ✨生煎鍋貼上枱熱辣辣 底煎得金黃香脆肉餡鮮味多汁 調味適中 ✨雞絲拌粉皮午餐加錢加配 粉皮口感帶爽 配上雞絲同青瓜絲 拌上麻醬 清爽開胃✨菠蘿黑醋排骨菠蘿黑醋排骨 黑醋醬汁酸甜 菠蘿清甜排骨用左一字排 帶少少筋膜位 幾有咬口 送飯一流 午市套餐份量都唔少 仲會跟左絲苗白飯同例湯 ✨琥珀合桃芥末蝦球琥珀合桃鬆脆蜜甜 蝦球爽脆配搭芥末醬微甜帶少少刺鼻 幾夾✨綠茶芋泥餅外脆內軟 內餡芋泥份量唔算好多 但都幾香 味道唔太甜✨凍豆漿午餐加錢加配 豆味清香 唔太甜總結：食物可以 種類選擇唔少環境都唔錯 服務都可以 價錢可以

上海婆婆終於開到荃灣如心廣場，平時想食上海菜必定係首選餐廳款式選擇多，價值唔貴座位非常寬敞舒服！茶位費：每位$6D野好快上齊晒上海小籠包$45/4隻本身想試蟹粉系列，可惜已經售罄原味有湯汁、肉餡有嚼勁砂鍋雲吞雞小 $102 雞湯好好飲，上海菜肉雲吞肉餡比例多過菜雞肉整體都嫩滑雪菜肉絲炒年糕 $82 份量幾大碟，雪菜唔會過咸椰菜回鍋肉 $85 可揀辣度，唔辣都可以 腩肉部分肥瘦勻稱超惹味綠茶芋泥餅 $28 甜品選擇綠茶芋泥餅，芝麻圍邊夠香口，芋泥餡幾香甜！

一向都好鐘意鍾意食上海菜，如心廣場最近開咗新店，主打多款性價比高嘅上海料理。涼菜、湯羹、海鮮、豆腐、豬牛雞鴨、蔬菜、飯麵拉麵、點心、甜品、飲品，一家大細都啱食～ 招牌菜有上海小籠包，四小粒，外層薄身，餡料飽滿，記得要趁熱食。另外有上海粗炒，份量唔算好多，味道偏淡，麵條軟硬度適中，炒至乾身，唔油膩，搭配肉條同蔬菜，健康又飽肚。餸菜有銀芽炒鱔糊，醬汁濃稠，芽菜爽口，鱔帶咬口且夠掛汁，配飯一流。相對嚟講酸菜福花菜炒牛仔肉味道更濃，炒至入味，牛仔肉軟嫩滑溜，性價比高，值得一試。健康之選有乾煸四季豆，完全無渣，而且feel到幾有鑊氣，配埋肉碎可增添口感。小食有皮蛋豆腐，神奇地有杏仁味，入口滑溜，味道鹹香、三喜烤夫QQ彈彈，作為開胃前菜都唔錯。

今晚突然想食上海野，行過商場見到有間上海婆婆，就入去試吓，都幾驚喜喎👍🏻泡椒魚皮絲 - 前菜都已經好出色，魚皮絲爽口又彈牙，加上有少少辣味，加上少少麻味，真係越食越停唔到，食完更加開胃🤤青瓜伴海蜇 - 海蜇有驚喜，味道啱啱好，唔太咸，食完兩個前菜，胃部已經增加了分泌，準備好食主菜🤣水煮牛肉 - 辣度適中，牛肉鮮嫩，一啖牛，一啖飯，伴食佳品👍🏻 我要介紹埋個豆卜，吸收晒個湯嘅味道，勁正，精華所在😊婆婆粒粒炒飯 - 好足料，有好多臘肉，又有蝦肉，基本上無一啖都可以食到臘肉，增加咗口感。而且炒飯粒粒分明，可以睇得出厨師嘅功力👍🏻成餐飯都好滿意，下次去荃灣行街，如果想食上海嘢，一定要再去上海婆婆👍🏻

放假系附近體育館做完運動，過左去如心商場搵餐廳食晚飯，呢間上海婆婆見新開左一段時間都keep住有人排隊等位，我地都拎飛等左陣先入得，好彩佢上菜速度快。小籠包 $45皮吾會好厚，有肉汁，個人建議凍少少先食，太熱拎起比較易整穿個皮，流哂啲汁無得飲就哂左。紅油抄手 $62抄手有6隻，雲吞皮幾滑，豬肉餡料幾多，比想像中算大粒，配埋小辣既紅油，食落完全吾覺辣。蘿蔔絲餡餅 $382件餡餅黎講價錢貴左少少，入面餡料有蘿蔔絲同火腿碎，外面煎得少少脆。葱爆牛仔肉 $92牛仔肉肉質幾軟嫩，好易咬開，無筋，配大葱食吾錯，而且好夠味。除左大葱，仲有啲菇同筍。宮廷炒飯 $108即系鮑魚雞粒蝦仁炒飯，初初以為系乾炒飯，原來系加個芡落炒飯底，有啲似福建炒飯。有2隻鮑魚，雞粒同蝦仁都多，炒飯份量亦都多，略嫌覺得炒飯比較多油。

平時屋企人都好鐘意食上海菜，最近見如心廣場新開左間上海婆婆，當然要試下啦! 環境方面闊落坐得舒服，今次同朋友平日晚上黎都好爆場，味道同樣有驚喜糖醋魚塊 $85魚塊大大塊肉質嫩滑，糖醋汁酸甜開胃、另外仲加左啲菠蘿、椒，十分惹味京蔥牛肉包 （3個） $48必食之選! 外皮鬆軟，肉餡足料新鮮，嫩滑多肉汁迷你素春卷（4條) $42熱辣辣好香口，外皮香脆，內餡好豐富綠茶芋泥餅 (3件）$28芋泥香而不膩，外皮香脆，作為甜品大滿足川辣麻婆豆腐（辣）$75豆腐份量好多，入口嫩滑，川辣味十分惹味，送飯一流排骨擔擔麵 小辣 $72成塊排骨外焦內嫩，擔擔麵吸汁一流，麵質入口順滑，食既時候辣辣地好香口

蟹粉小籠包🦀蟹粉的鮮美。小籠包皮薄而韌，輕輕咬開後，豐富的湯汁瞬間迸發，蟹肉的鮮甜與豬肉的香嫩融為一體，每一口都是享受😀泡椒魚皮絲🐟泡椒魚皮絲以其獨特的口感令人驚喜。魚皮處理得恰到好處，爽脆而不失柔韌，泡椒的微辣與酸香提升了整體風味☺️砂鍋花膠雲吞雞🐔這道菜將花膠的柔滑與雲吞的鮮香完美結合。砂鍋燉煮的雞湯清而不淡，滋味濃郁，讓人倍感溫暖😄婆婆粒粒炒飯🍚粒粒分明的炒飯，充滿了家的味道。每一粒米飯都吸收了調料的精華，多種的配料，配料均勻分佈，口感豐富😀整體環境坐得好舒服☺️服務態度非常好態度也很親切👍🏻每一道菜都令人驚喜不已，呈現了傳統上海菜 ☺️

食館位於荃灣如心廣場, 交通便利, 環境闊落舒適, 午市套餐小菜配白飯例湯, 麵點套餐可選擇麵食加小食, 相當抵食。四川擔擔麵擔擔麵煙韌彈牙, 口感順滑有嚼勁, 醬料調味恰當, 花生醬和芝麻醬好濃香, 滋味可口。菜肉雲吞麵菜肉雲吞皮薄饀料鮮甜, 湯底鮮味而麵條幼滑, 口感清新。上湯小籠包小籠包湯汁豐富, 皮薄有韌性, 肉饀鮮香, 吃得滋味。京蔥牛肉包包身好軟熟, 牛肉饀料幼滑, 京蔥配料好惹味。松子大黃魚 賣相吸引有份量, 大黃魚外皮炸得香脆, 肉味鮮甜有質感, 加埋鬆化嘅松子和爽口蝦仁, 酸酸甜甜醬汁, 夠曬醒胃又美味, 吃起來完全不會有油膩感。乾煽四季豆 四季豆爽脆鮮甜, 配以豉味蒜香醬料, 惹味又鹹香, 鑊氣好足夠, 送飯最啱口味。

上海婆婆門面光潔亮麗，大店風範小店價錢，門口長期人山人海排長龍，証明消費者眼光都是雪亮的 😂😂😂😂環境不錯，座位略細，多點幾款餸，會有放不下的危險 😂😂😂先來砂鍋花膠雲吞雞 $118雲吞皮滑漏，肉饀夠多，夠大隻；雞件較碎，湯底相對清淡。有原件大花膠，有驚喜！性價比即時提升！椰菜回鍋肉 $85五花腩肉沾滿了濃醬，夠味好食；配上豆干、椰菜，有菜有肉有味道，價錢公道。酸菜炒福花菜 $78福花本身不易上味，要吃到酸菜才有酸味，有點新意的菜式。京蔥牛肉包 $38麵包鬆軟，牛肉饀料味道甚好，價錢合理，值得一試！甜品芋圓蜜豆黑糖冰粉 $28，芋圓軟糯，冰粉爽滑，黑糖香甜，多重口感！簡單之中不失美味，令人滿意！

間荃灣上海婆婆新開左冇耐，咁岩朋友住附附近，就搵佢一齊食飯。✨️午市套餐的選擇都幾多，全部都係特色上海菜。我地叫左2個套餐，跟餐湯同豆漿。中式老火湯係家的味道，好足料。✨️另外仲有可以加小食，有我最愛的水晶肴肉晶瑩剔透，蹄肉鮮帶微咸。油炆小竹筍爽脆入味。✨️主菜有水煮嫩牛肉(小辣),份量好大，牛肉好嫩，水煮湯惹味帶微辣，整體好有層次。仲有好多配料如木耳，青瓜。。。最正係紅薯粉，索晒湯汁。✨️銀芽炒鱔糊呢個之前係其他分店食過，已經好深印象。鱔肉足料好厚肉，個汁的味道調得幾好，好送飯。✨️最後大家意猶未盡，仲點左美極油爆蝦。呢個成為我地最愛。蝦油炸後外殼酥脆，但肉裡的蝦肉依然肉嫩彈牙。美極汁已經包裹係蝦身，大家食不停口。💗餐廳菜式質素唔錯，價錢相宜，值得再訪！

在荃灣逛街，逛到晚飯時間，在如心廣場見到有上海婆婆，很久沒吃上海菜了，就進去過口癮吧！先來個小食泡椒魚皮絲，爽脆，咬口極佳的魚皮，切得很幼細，用油很少不肥膩，我喜歡再多一點辣度，朋友就覺得辣度剛好，吃完很開胃。上海菜我必點銀芽炒鱔糊，鱔糊份量非常足夠，粗幼切得剛剛好，銀芽也炒得爽口，芡汁濃度剛剛好，是我喜歡的傳統上海菜味道，伴飯佳品。還有我最愛的淮揚酸辣湯。辣度是小辣，酸度適中，有馥郁醋香，做到酸辣平衡，喜歡爽口木耳絲、肉絲、蛋花配合成濃稠口感的湯。見到有人點蜜汁火方，賣相好像很不錯，我們也點了一個。以前在其他店吃過，總覺得蜜汁太甜，並蓋過肉味；但這裡的味道很有驚喜，蜜汁有桂花香，一上桌已令人垂涎，方形的包皮的熱度剛剛好又香軟，把材料夾好，咬下蜜汁爆發，又不會掩蓋肉的香味，加上青瓜的清爽，口感層次豐富，大讚！晚飯時間差不多滿座，但上菜的速度很快，服務態度也非常好，每位服務員都笑容可掬，值得一再光顧。

最近喺如心廣場開咗上海婆婆，餐廳裝修得非常之靚，夜晚去到嘅時候都好多人。蟹粉小籠包小籠包非常之飽滿，充滿肉質，每一啖都食到蟹粉嘅鮮甜味。排骨麵麵嘅份量非常之多，湯底又非常之香嘅花生味。排骨夠晒大塊，炸得非常之香脆。炸饅頭饅頭炸得香脆，加埋煉奶一齊食，令人非常回味。肴肉肴肉非常之精美，用料十足，配埋醋一齊食，啱啱能夠平衡到味道。整體嚟講，餐廳嘅食物質素唔錯，選擇又夠多，價錢合理。荃灣楊屋道8號如心廣場一期1樓109-111號舖

上海婆婆在荃灣都開了分店， 環境舒服服務員服務友善！上海小籠包我愛品嚐懷舊上海風味，不得不吃小籠包啦， 上檯時熱騰騰，外皮厚薄適中，咬開後的湯汁滿瀉，蘸一點醋，肉汁味道更上一層樓松子大黃魚魚身好大條， 煎得香噴噴，上面鋪滿酸甜汁更開胃，肉嫩多汁酒釀湯圓滿足的甜蜜，這湯圓帶有陣陣微醺酒香四溢！平日的我們來到剛剛是下午茶時間，更有不少優惠， $4x 起都有得品嚐美食，值得支持上海婆婆荃灣楊屋道8號如心廣場一期1樓109-111號舖

上海婆婆 ， 主打傳統上海菜式， 荃灣 如心廣場新分店 , 佈置簡潔明亮， 以淺色木傢俬為主調 , 配上竹葉和葫蘆吊燈點綴 , 好有中國色彩 , 環境相當舒適。上海小籠包/4隻 $45剛剛蒸氣的小籠包, 還冒著煙 , 外皮薄而柔韌, 包裹著鮮味的肉餡，咬開時會流出豐富的肉汁，味道鮮香 , 搭配醬油、醋和薑絲， 滋味加倍提升。炸一口小饅頭/4個 $25剛剛炸起的小饅頭 , 外皮金黃酥脆， 內裏鬆軟，外脆內軟, 帶淡淡的麵粉香氣, 沾上甜甜的煉奶 , 別有一番風味。砂鍋雲吞雞/小 $102砂鍋雲吞雞的奶黃湯底鮮美濃郁，雞肉鮮嫩， 脹卜卜的雲吞的皮薄餡多，搭配 淋淋甜甜的娃娃菜，讓人喜歡。雞絲拌粉皮 $78滑滑溜溜的粉皮， 伴上鮮香雞絲， 配上 胡麻醬汁，味道可口，清爽開胃，適合炎夏的涼拌菜。排骨湯麵 $65排骨湯麵的湯頭清淡，排骨炸到金黃香脆， 香氣十足， 外脆內軟 ， 與滑溜的麵條， 滋味搭配。黑糖冰粉配芋圓蜜豆 / $28晶瑩剔透的冰粉 , Q彈滑溜 , 顏色悅目的 芋圓, 煙煙靭靭， 口感一流 ， 蜜豆甜而不膩， 啖啖黑糖的甜香，冰冰涼涼， 十分爽。