上海婆婆 (已結業)

小時候的記憶猶在，上海炒年糕，醃篤鮮、桂花酒釀圓子、紅燒肉、蔥油拌麵，這些都是一份鄉愁，上海菜濃油赤醬，喜歡！這家雖比不了上海的底到期，但也有幾分相似，他們家的魚頭湯倒是不錯，蔥油拌麵也可一試！

事隔好多年，我們一家人突然想起上海婆婆，當年在市廣場至少排一至兩個鐘，等到變婆婆的人氣餐廳。直到現在搬到vcity，人氣大減，食物質素也未能當年上海婆婆的名字。上海炒飯，味道不差，有點乾，每一兩湯匙，少少鹹。小籠包，湯汁好喝，肉質嫩口，吃上海餐必點。黃金四季豆，鹹蛋醬跟四季豆有點分離，，兩者配合不來，但每一餐營養要均衡，要蔬菜一定要吃。上海粗炒，麵條發太漲，有點爛，不彈牙，有點鹹，不喜歡浪費食物的我也勉強不了自己。高力豆沙，期望太高，比起當年的體質減少了，媽媽香蕉有點壞，發黑了。最後切蛋糕，服務員懶於把桌子清一下，吃蛋糕的盤子也是濕度高的，要自己用紙巾刷好才敢使用。整體來說真的不合格，可能是當年上海婆婆太好吃，令我們失望更大，真的希望餐廳能正視食物質素，重拾人氣

好耐冇食過上海野， 通常食上海野都會嚟上海婆婆，因為坐得比較舒服。今日三個人食食咗7樣野。今次婆婆擔擔麵好似水準爭啲，花生醬太多，搞到成個湯好結。椰菜回鍋肉，肉多過菜，冇偷工減料。小籠包蒸得耐得滯，變咗食落去好鞋口。最好食係黃金四季豆，咸蛋味香濃，但四季豆略嫌有啲筋未除得乾淨。成餐飯食完好口渴，相信d菜都落左幾多味精，飲左好多杯茶先走🤭🤭

上年的十一假期，對我們一家人來說，是一個特別的日子！既然在當時的一個月前，我已見過男朋友家長！於是，我建議帶埋男朋友見家長食餐午飯！起初！媽咪建議位於屯門市廣場3樓的 <名苑>！但是！我恐怕要等位一個鐘，有見及此！問媽咪有無興趣去 <上海婆婆> 食上海菜？！她認為無所謂！我們一家就他時間，他建議食12:00，餐廳開早上 11:00，我跟男朋友先行在 11:30 到達等位！其實，當時店內只坐了一半食客！由於，我們想要求坐店子較入位置的6人大卡位，卻是這部份要 12:00 才開！所以，我們焗住要等到 12:00 才可安排入座。因此，我們等齊爸爸媽媽約 12:00 入座，我們被安排到店子盡頭近廚房位置的6人大卡位，媽咪也很滿意店方安排！大家也選出心水美食！依上桌次序：秘製蜜汁火方 $102蜜汁火方是一片薄身饅頭夾，夾住香脆的炸片，配上以桂花糖烹調的金華火腿及清爽的青瓜，口感豐富，食得一口滿足！上海小籠包 $36一客4件，以青蘿蔔薄片墊底，夾起來也不會穿，外皮已是合格！肉汁鮮味不太油，豬肉餡鮮美！蘸上鎮江醋，別有一番風味！生煎鍋貼 $36 x2由於一客3件，點

今晚去屯門吃團年飯，選了上海婆婆， 5時半左右到，不用等位，大約6:30左右開始多人，需要等位。坐卡位位置算舒適，小籠包算是幾好吃，其他食物就相對有點失色，最主要是與餐牌的圖片相差太遠，大集團式經營，算是差不多了。還有一點小插曲，店舖內的裝飾櫃桶，是有勾的，我經過的時候把褲子勾破了！！只能說有小朋友的要小心。

好耐無食上海婆婆，退步左好多，炒飯份量係大概一年前嘅2/3。加單叫左份生煎包，咬左一半發現係生肉，個女經理唔好意思都無講，就想拎走，真係想食，諗住算，叫佢再煎過，再煎過等左20分鐘都未有。結果取消左。不知所謂。唔記得影相留底，去食環投訴。

今日同屋企人食飯 就決定近近地搵間餐廳食算係vcity 行行下見到有上海婆婆諗住連鎖店一定差極有限~ 加上唔洗等位同埋之前係出面其他分店食過都唔差咖咁我地就入左去啦點知野食黎到之後先發現連鎖店真係唔係差極有限我地嗌左幾樣野食~酸辣湯得個酸字 一啲辣味都無粉皮勁厚而且痴到一舊舊~個年榚好乾同埋有啲仲硬硬地~唯一覺得可以接受既係依兩個~但都係可以接受~ 未食到好好食既程度唯一可取既係依到既staff 服務幾好同埋都會成日幫你加水咁但食物方便真係唔係好得~ 性價比極低我諗都唔會有下一次了

由於比較愛好上海菜 今次出街食會到上海菜的餐廳 相信很多人口味一樣 因為這類餐廳比較普遍 而且款式較多 今次是上海婆婆生煎包 中規中矩 因為容易吃膩 軟硬適中 亦保有配香濃味的肉汁十分惹味 老實說 與上海正宗的生煎包比較 味道算是不錯的選擇 偶然吃一下也不錯另外叫素菜叉子 甜甜的菜肉粒 再放入熱騰騰既叉子內 配埋一齊一起吃 特別好味 膽膽面既麵條軟硬適中 口感細滑 主要配料有辣椒油 芝麻醬 川冬菜 碎花生 蒜末、豌豆尖同蔥花等 有一陣好香既香麻辣 花生味 夾上每條面都帶住香辣汁 可惜我顧住食 冇影低

朋友仔去屯門玩，然後一起吃晚飯，Vcity都幾多選擇，好耐無去過婆婆，今次就幫襯佢喇。自從呢間裝修過，牆上大掛畫沒了，有點快餐店感覺。時間早可即入坐，大家唔係好肚餓，柯打咗一個主食，另加多三個小食。蟹粉小籠包小籠包一貫的皮薄多汁，豬肉加入蟹肉添了鮮香，好味，百吃不厭蒜泥雲白肉白切三層肉加上涼拌粉皮，撈埋蒜蓉和碟內的醬油醋，肉和粉皮沾上蒜香和調味，口腔充滿複雜的味道質感，大家愛吃是必叫小食之一，食咗幾箸才想到要影相油炆荀也是其中一款必叫小食，口感爽脆而醬汁夠入味老乾媽肉碎炒年糕老乾媽其實是一個醬料品牌，遠在歐洲的超市亞洲食品區，也有機會找到它的一麟半爪。上桌顏色賣相吸引，除了年糕告和肉碎，還有數顆綠色毛豆。這個年糕已經吃過好幾次，不知今次是什麼其他原因，大家都覺得非常辣，埋沒了原有的香辣。

今日星期日同屋企人一起吃早餐。环境好舒适。服务员态度很不错👍点点了比较多菜。最喜歡是灌汤小笼包，小笼包的汤汁浓稠，是慢火熬的可以一试，还有就是黄金四季豆都非常野味！👅🤗

講到最愛的上海菜，不得不提上海婆婆。在屯門就已經有一間滿足我口福！四季豆同小籠包係必叫之選！小籠包皮薄，餡料又多，當第一啖咬下去，那些灌湯的濃湯便湧出來。就算吃得多，也不會厭倦。因為真的太好吃了😋四季豆配合了肉碎才配搭，令這個四季豆更適合任何人士喜愛，有菜有肉👍🏻十分健康的組合！

明明今日係放假，但都要返公司上三個鐘training，我既假期呀😤😤所以落左堂之後，成班同事都一致要食好少少，就岀左vcity食上海婆婆去到已經兩點幾，有下午茶食，不過午市都繼續有得叫，直到四點。五個人，叫左三個午餐一個下午茶餐午餐叫左口水雞，跟一碗例湯，一個白飯 ($62)仲有擔擔麵同酸辣麵，各配四隻小籠包，我地另外加左$12要左個油炆竹筍😋下午茶就點左上海炒年糕，跟杯豆漿口水雞麻麻辣辣甘，凍食好惹味好快已經俾同事掃哂，好彩都食到舊😂個筍好香麻油味，不過不失啦。但食完比較口渴擔擔麵麻醬幾香，微辣。不過啲麵成餅野痴埋一齊😑酸辣麵可以話係一啲辣都食唔到😂 唔知係咪唔記得落辣油不過好彩我唔係好食辣，所以反而覺得甘仲好，但就唔似酸辣湯，似係碗仔翅囉🙈上海炒年糕雖然係下午茶，但份量都唔會特別細份。味道就正正常常啦大家其實揀呢間都係為左食小籠包所以叫左兩籠皮都算薄，有肉汁，算正常整體食物都幾好，話哂大集團，其實都算抵食，又免加一。係個酸辣湯失色左啲，同啲麵痴埋哂一堆。服務都唔錯，店員幾主動同有禮。係有次叫個店員加水，佢全枱只係加左一杯就走左，唯有叫第二個幫我地”全枱都加水”啦😑😑

因為朋友買咗團購券七月尾到期，所以比較急忙沒有訂位，諗住walk-in，最後等叫位等咗一個鐘頭20分鐘，真係等到個人都有啲燥入到去坐低都冇五分鐘，侍應就問落單未。佢哋應該都好趕時間，但係點解佢哋咁趕時間 我都要等位等個幾鐘，難明。蜜汁火方~桂花味嘅甜汁配金華火腿，好夾醃篤鮮係必叫，個湯鮮唔鮮好睇用料同煲幾耐，這個有7分(10分滿分)煨麵控嘅朋友話呢個麵唔夠林啊3夠入味，但尚算足料，所以有6.5分如果唔駛等咁耐位就好，希望下次可以安排得好啲。

去V city搵食，回顧一下上海的味道。想食鱔糊又想食年糕，這道料理就絕對適合你和我啦！上海婆婆一直是我從小到大都愛食的餐廳之一。招牌料理有鎮江肴肉，炒鱔糊，炒年糕，擔擔麵，豆沙鍋餅和高力豆沙。今次小編想食其中兩道料理，所以點了鱔糊炒年糕，依然好入味，年糕軟熟，每啖都可以食晒兩樣，配上入晒味的芽菜，整個組合十分滿足到小編。上海婆婆馳名甜品之一，豆沙鍋餅上面鋪滿椰子碎，中意食甜的食家一定岩胃口。廚師仲好有心機切開多份，方便人一口一小塊甘食，想得十分周到。每次光顧必食之一，高力豆沙個名只是以為只有豆沙，其實還有香蕉蓉，以及外面有滿滿的糖砂。每口都是甜到入心❤小編超愛吃❤

聽說上海婆婆的菜不錯,今天和太太,媽媽便來試試,這裏位於V CITY方便易找,晚上8點不用等位,內裏頗大,枱與枱之間不會太近,亦有卡位令人坐得舒服,三人點了:雞絲粉皮$65充滿麻醬,其實點這個和食腸粉一樣,都是為了麻醬,粉皮幾滑,有青瓜絲可更清新,雞絲不多,但也幾大碟,冷盤也可以吃到最後干煸四季豆$68絕不欺場,很大碟,味道很吸引醬燒茄子$65除了茄子還有少少冬菇絲,味道有點像魚香茄子,只是沒有那種鹹香味,伴飯一流糖醋雞方$78即是炸雞塊,有糖醋汁,我覺得不用糖醋汁也可以,肉質很嫩滑不會太乾身,值得一試小籠包$36先後點了兩次,一籠有四個,皮薄餡靚,皮薄得每次一夾便穿了,味道很好,湯汁夠味生煎鍋貼$36忘記拍照,一碟三個,不過不失,皮只煎底部,所以香脆,面比較煙韌,有兩種不同口感,肉質和小籠包是一樣的酒釀丸子$30味道很清新,不算很濃,不錯迷你雷沙糖丸$36有八粒,味道不錯,作為甜品可以一試整體來說中上,味道好吃之外,我還很欣賞這裏的菜頗大碟,香港人識飲識食,除了好味之外還要抵食,此外,連茶的味道也不錯,不是茶餐廳那種有色水一樣,還點了兩碗白飯,三位茶連加一共吃了$478