上海姥姥 (已結業)

這區經領展翻新後，引入一些連鎖店，價錢也升呢不少。我一向對什麼人情味小店沒有情意結， 有些殘舊「僵屍店」 實在早應該被這個時代淘汰。 我對連鎖店亦沒有偏見， 只要環境服務食物做得好， 覺得物有所值便可以。可惜他們好似沒有做過marketing 同分折，一個午餐在這區要消費百蚊或以上是十分離地。如這間店，一開始亦如是，但生意十分冷清。現在變陣改賣平價午餐，就貼地很多。$38 冇加一茶介，有小籠包餃子拉麵加豆漿一杯，平過快餐店。水準叫做不過不失， 小籠包湯汁幾鮮味，皮煙韌但未夠薄。做人做生意一樣要洞悉世情，要面對現實亦要有自知之明。所以市場力量有如無形之手，不是任人 隨便叫價 ，如今性價比超高就找到了生存空間。

Shanghai Lao Lao is a quality Chinese restaurant. The fast paced atmosphere of Shanghai Lao Lao and a dash of modern are one of the few elements why the restaurant is more than satisfactory. Not only is the pricing reasonable but the food is served in sufficient amounts. Truly the best combination there is. At the same time, it’s geographical location is highly favourable especially to tourists.If you’re a tourist looking for a place to eat that serves Chinese cuisine, Shanghai Lao Lao is the on

星期六睇完戲啱啱係食晚飯嘅時候，煩惱就係食乜好，照舊係商場兜一兜，終於比上海姥姥個晚市套餐吸引我入去食😋有湯或飲品加主菜、白飯和甜品，由$89蚊起，而且仲免加一和免茶芥，真係幾掋食。我地選擇杞子雞湯，湯入面有雞件，湯好夠味，但感覺係味精湯😅主菜就選擇四季豆炒牛肉和黑醋骨四季豆好嫩，牛肉好腍，炒得好野味😋黑醋骨有好濃嘅黑醋味，黑醋未必人人接受，排骨肉有D實，本人唔多欣賞😅甜品酒釀丸子係免費，酒香淳，但丸子份量比較少。我地加$18蚊轉左一個雷沙湯圓，外皮軟內裹麻蓉好香，直得推介比大家

上海婆婆就食得多啦，今次就去了上海姥姥食一餐晚飯。不知為何原因上海姥姥門口排了很多人，但都是好食的原因？ ？又或者是晚餐通常都是大排長龍？ ？幸好等了幾分鐘就會有位可以入去，我見到其他一家大細要四張枱~六張枱的繼續在門口等...............我叫了一個晚市套餐作為我的晚餐，這個套餐是$89，有湯或者飲品，另外有主菜，白飯，和甜品。主菜我叫了糖醋魚塊，份量都算多的，還有青椒洋蔥等等配菜，味道甜甜酸酸的都幾醒胃。可以選擇湯或者飲品，而我就選擇了湯。我覺得湯就比較遜色，雖然見到有雞件在湯裏面，但是飲下去雞味不太重。至於白飯就好正常，正常一碗白飯啦。甜品是酒釀丸子，味道都還可以的，還有一些桂花一齊煮，有清清的味道，又有酒的味道。

大集團旗下的餐廳，其實都沒有什麼特別。 我想讚這店內員工好好的服務態度。 .三個月前開始，我才第一次到上海姥姥店。.銀座店中所有店員都好友善，有禮貌，主動服務客人。 座位舒適，不嘈吵。.我通常會去吃 午餐或下午茶 也試過兩三次 晚餐。 都不會失望的，食物質素，味道和份量都好好。 價錢就更合理。.我特別喜歡他們做的小籠包。

人是容易受引誘的動物，被門口招牌半價38蚊吸引了入去， 坐下來看畢餐牌最後點了48蚊餐再加飲品。入座流程舒服，1人光顧仍受到禮貌對待，沒有塞你埋角落頭再冷落你加零招呼。這一點感覺備受關心!!先嚟青瓜，爽脆凍，敗在唔夠味道，只見蒜頭食不到蒜香味。擔擔麵賣相好份量足，麵條韌度啱啱好，麻醬湯味，湯底微暖，如果熱啲更美好。48蚊只有以上兩樣食品，天氣乾燥加多杯滋潤飲品，變成完美的午餐。離開會提你記得攞齊嘢!!大集團會提呢句，買小見小。服務環境配套有五星， 味道要多下功夫。

因為想去銀座睇傢私 所以就順便系邊食Lunch🍽平日一點半左右 等左5mins左右 安排我地坐吧枱見到餐牌有set lunch📃幾抵😋就叫左一個set lunch同两個小食✌🏻首先系主食☝🏻 擔擔麵我系一個好鐘意食擔擔麵既女仔💁🏻‍♀️除左系國泰貴賓室食過最好食後 系其他餐廳好少食得翻個個味道 呢到既擔擔麵算系幾好食😋😋 好鐘意食啲肉碎😹😹 跟住系套餐嘅小食☝🏻雞絲粉皮加咗好多麻醬 mix埋好難會做到唔好食🧐🧐細細碟過下口癮 不過好肥haha 套餐飲品+$5凍豆漿甜甜地幾好飲豆味就無話特別突出 唔會做到過甜已經都幾大杯其他小食酸辣湯雲吞男朋友幾鐘意食同飲個湯整體食物質素都幾高 會再翻黎

今日係星期日， 有個朋友臨時約我喺銀座睇戲， 睇到晚上八點幾，就搵下附近有啲咩食。忽然醒起銀座有間食上海野好似開左好耐但都未有機會食，所以就同朋友去試下。一去到見門口有幾個人等緊位，不過好彩唔使等好耐姐。不過我同朋友都唔係太肚餓所以叫得唔多野食，總共叫左三樣野。 整體上覺得尼間不過不失啦，上海小籠包都幾好味，但個香辣貢菜就麻麻地 冇乜辣味只有咸味 而且麻油味太重。

一見到有水煮魚，即刻叫！黎到成碗辣椒🌶️好夠辣，仲有麻味驚喜係魚下面仲有牙菜同粉皮，推薦！！晚餐幾掋食，89蚊，叫咗2個有飯，揀咗一個餐有宮寶雞丁，辣得幾黎又好香另一餐叫咗椒鹽豬⋯有D硬…個餐仲有雞湯或者酸辣湯，仲有甜品酒釀丸子，好香桂花味，酒味都好多，係個丸子唔夠甜，不過整體都ok。另外加咗錢試個豆沙鍋餅，新鮮即炸，豆沙又夠多，都價得加錢叫黎試下仲叫咗d小食，考麩，芥末雲耳，海折食到飽飽，又唔算貴，3個人都係每人150唔洗。

本來以為依一類嘅連鎖店都偏貴而且量少，結果岀乎以料之外，上海姥姥嘅菜令我覺得物超所值，甚至覺得好食過佢位親戚 雖然我地叫嘅多數都係小菜，但係我地都食得好飽8點半左右入座，都開始見有更多空位。上菜速度為中上。值得嘉許嘅小食一係四川松花皮蛋！佢嘅量比想像中多好多，精裝版一定夠3～4人嘅一個開胃菜 如果你鐘意食酸辣粉，你一定要試下佢，可以話係重茜味！另一碟小菜係雞絲粉皮如果你唔食花生、麻醬就可以直接飛左佢啦。因為佢真係好多醬唔係特別岀色，不過花生醬幾香滑！因為菜單冇乜菜嘅菜式，同津白決擇下我揀左乾煸四季豆。沒太大岀入，肉碎同醬汁都係同擔擔麵一樣，油量控制得唔錯！如果口痕想食酸酸辣辣嘅小食，上海姥姥的確係不二之選！佢冇岀面啲師傅咁重手，可以話係比較健康，而且只要100元就可試到3-5款精美小菜，不過去到飯麵類就未必係依間享用了。

今晚，一行五人經開天水圍就去左銀座食個晚餐。但銀座冇咩好嘢食，所以隨便揀左上海菜食，本身仲誤以為上海婆婆，但依間叫上海姥姥。不過都覺得唔錯，比起上海婆婆，依間性價比也不錯👍前菜🍴雞絲粉皮😊👍🏿: 麻醬好多，非常香濃。整體/意見:🌟🌟🌟🌟🍴陳醋貓耳朵😊👍🏿:陳醋味香，木耳香。整體/意見:🌟🌟🌟🌟🍴四川松花皮蛋😊👍🏿:醬香整體/意見:🌟🌟🌟🌟🍴酸辣湯雲吞😊👍🏿:雲吞新鮮，而且酸辣味夠😥👎🏿:辣味較淡，不過岩唔鐘意辣嘅人。整體/意見:🌟🌟🌟🌟🍴姥姥家鄉粗炒😊👍🏿:味足，偏甜😥👎🏿:較多油整體/意見:🌟🌟🌟🍴雪菜蝦仁煨麵😥👎🏿:唯一失望菜式，圖文不符之外，味道清淡淡淡........沒有特別。整體/意見:🌟🌟🍴四川小籠包😊👍🏿:不錯，皮薄味道好。整體/意見:🌟🌟🌟🌟🍴四川擔擔麵加豬扒😊👍🏿:擔擔麵夠香濃，麵質適中，豬扒香脆不厚粉，肉質稔身。好好食!!!!!!整體/意見:🌟🌟🌟🌟🌟必食豬扒。🍴乾煸四季豆 😊👍🏿:夠香，味夠，四季豆新鮮。整體/意見:🌟🌟🌟🌟重點係免加一！！埋單455~性價比不錯的！

食物水準不斷下降、店內環境擠迫空氣不流通，最主要的低分是職員對客服務每況愈下。特別是其中一位沒有穿制服的長髮女職員（相信是店內經理），對客人說話總是大大聲，帶點呼喝態度，而且她的對客服務準則不一致，相信一定令到部份客人會感覺不舒服和不受尊重。本人喜歡上海菜，所以一直以來仍然以多種藉口多次回到這店惠顧，但是每次總會自己遇到或眼見其他食客遇到一些不開心事情，其實真的對這店很失望了。

今晚我們喺天水圍做完嘢之後，搵埋喺附近住嘅4姨媽一齊去嘉湖銀座嘅「上海姥姥」食晚飯！我們叫咗招牌小籠包嘅外皮好煙韌薄身，入面嘅湯汁好鮮甜，唔會有好油膩嘅感覺，而且肉質亦好軟滑！酸辣湯嘅材料都算多，而且都幾夠酸，但辣度就差啲啲，所以有啲遜色！黑醋骨嘅肉質好鬆化，配上酸酸甜甜嘅黑醋汁，令到味道更加醒胃！上海炒年糕嘅年糕都幾煙煙韌韌，而且份量十足！黃金蝦仁炒飯炒得都幾乾身同粒粒分明，而且食到有細細粒嘅黃金粒，即鹹蛋黃粒，但就略嫌份量比較少，所以味道比較淡！姥姥生煎包嘅包比較厚身，包嘅底部都算煎得幾香口，入面嘅肉汁都幾多，但肉祇係小小一細「嚿」，呢點係令我們覺得比較失望！糟溜魚片嘅魚片雖然肉質非常嫩滑，但酒嘅份量過多，味道超級濃烈，完全掩蓋咗魚片原有嘅鮮味！姥姥家鄉粗炒嘅麵質相當煙韌彈牙，醬汁嘅味道啱啱好，唔會過鹹，油份亦唔會過多！豆沙鍋餅炸得外層都幾金黃，但唔係好香脆，入面嘅豆沙蓉好香滑濃郁！酒釀丸子一打開就有好清香嘅桂花香味散發出嚟，甜湯底嘅甜度適中，唔會過甜，而丸子質感都幾煙煙韌韌！

非常難得假期與家人一起看早場11:20完場後剛好午飯時間，父親大人就等候我們看完戲才一起午餐步出戲院門口找吃… 除了到酒樓飲茶點心…，又適合兩老吃的，不如帶他們試試“上海姥姥”初開業的時候跟另一半吃過一次，看餐牌都幾吸引，樣樣都想試但當時只得二人…可吃到的菜式不多今次一行五人，可試多幾款母親大人一向喜愛醉雞，吃上海菜必選，但醉雞有酒味的食物就不是我杯茶，通常都不會參與…他們試了一口告知，醉雞…酒味不濃也不夠入味所以…母親大人也不大興趣醉雞沒我份兒，只好先吃小籠包但沒什麼特別，一般而已…沒什麼驚喜，不吃也沒損失！再來是揚州炒飯，這反而不錯雖然落單已叫少油，少鹽，可能已有些鹹肉粒，味道就是剛剛好也算很多配料！排骨手製拉麵拉麵果然是手製？？ 因為麵頭一嚿嚿粉仍未拉開？排骨是一般炸肉排吧，也沒什麼特別比起一些臺式排骨拉麵…真的比下去之後來個菜肉餛飩，個人認為…反而這是全場最出色的蔥油餅不算太油膩，個人不太喜好蔥蒜類食品，所以試了一口便算！最後出場…是最邪惡的排骨炒粗麵，自從要注重健康飲食「三低一高」，當與另一半在外進餐時，特別是中菜落單必叫走油鹽…，與家人一起在外吃飯也儘量少油少鹽…所以，已經

今日去了天水圍覓食，如果不是工作的關係，也很少會涉足這個"遙遠的國度"。由於對區內的餐廳不太熟悉，所以只能根據餐廳的裝修來選擇。 碰巧這間上海菜裝潢特別，頗有特色，我便取票等位了。我和朋友被安排在一個bar 枱的位置，但感覺非常奇怪，因為洗杯的位置就正正設置在我們的眼前，還有一些客人喝剩未洗的一盤杯在我們的旁邊，未點食物也已經有一點食慾不振的感覺，真的不知道為什麼會有這樣的設計。食物質素方面也未算合格。 我們點了醉雞作為頭盤， 但竟然一點酒味也沒有，好像是臨上枱前澆上一點酒便草草了事，完全沒有浸過一樣。雪菜炒年糕完全沒有鑊氣，而且味道極淡， 我和朋友要加入很多辣椒醬，才能免強入口。唯一合格的是小籠包和酸辣湯拉麵，但也只屬合格的程度。 總括而言如果下次再到天水圍工作，我一定會選擇其他餐廳。