上海姥姥 (德福廣場2期)

营业中

休息中

今日興高采列嚟食下午茶坐低十分鐘無人俾餐牌，當然亦無人落單點左個牛展面加口水雞，面無味，失敗！口水雞會淡而無味？失敗中嘅失敗！乜話，下午茶仲要加一？你好野！盛惠51.70三毫子都要攞番！唔單止永遠black list更要傷心share 俾朋友

是日在商場購物換了優惠卷，所以選了這間合家人口味的餐廳吃。晚市時間，這家餐廳似乎人手緊張，不過服務還是挺周到的。點了個雪菜肉絲炒年糕（$67）用雪菜的咸味為年糕調味，做得不錯，但未有印象深刻。鹹肉菜炒菜（$67）炒得不錯，上海爸爸也說好吃！招牌小籠包（$40）皮薄湯濃！很好吃！生煎鍋貼（$40）好吃，有肉汁，像小籠包。甜品點了酒釀丸子（$28）酒味不濃，而且甜甜的，有吃了很補身的感覺。總結：每碟份量都不多，人多要多點幾個菜才夠吃。

其實都食過幾次㗎喇，食物平平啦。 跟住最近再來多咗午飯套餐，啲食物都好味咗，所以呢一日再來！依舊叫一個麵餐，另外叫一個麵😁酸辣湯拉麵餐，小吃揀咗雞絲粉皮，飲品要熱豆漿😋，而另一個麵就揀擔擔麵😋佢個雞絲粉皮本人都覺得好得㗎😋 要預咗係細細碟㗎，始終係跟餐麻🙂 不過都夠飽㗎 (對我來講), 加埋仲有杯都好味嘅熱豆漿😋到個麵，今次就唔夠好味，所以真心覺得呢度嘅食物味道係幾浮動🤨另外個擔擔麵，唔記得影添！ 不過朋友都話今次唔係好得🙈 每次都係撞彩形式😆但間唔中食吓都可以嘅，因無咁好味時，都算ok. 加上有九折優惠俾某公司，所以我哋間唔中都會黎食晏😅😅

同朋友來吃午飯要了一個黃金蝦仁炒飯同擔擔麵來分享午飯時間上菜都非常快，值得一讚！茶水執拾也很周到！滿意！黃金蝦仁炒飯，以為會是充滿鹹香的一道點知無，失望😞反而擔擔麵幾好味！夠香夠麻但不辣！

自從去過銅鑼灣上海姥姥，念念不忘佢地嘅蔥油餅，於是乎係九龍灣云云餐廳之中，㨂翻上海姥姥幫襯。入到餐廳，個感覺好奇怪，有d枱設計到比較細，又有吧枱，設計前衛，但我食嘅唔係前衛菜，奇怪！都係銅鑼灣舒服。姥姥手製排骨拉麵，雲吞雞湯，招牌小籠包，生煎鍋貼同生煎包，以上每款點咗一客。食完無問題的話，就叫蔥油餅做外賣！點完菜之后再望望四週環境，都係好唔自在，唉.... 下次都係翻銅鑼灣嚕....拉麵分量明顯少咗，拉麵湯底同雲吞雞湯係同一湯底，味道清甜，雲吞雞湯係最失望，湯裡有兩件雞，兩件都係肥雞，雞皮比雞肉多，失望！慶幸雲吞皮薄料足，失望之中有翻d安慰。生煎鍋貼俾我另一個失望，鍋貼底煎得唔夠燶，所以唔夠脆，而且皮厚咗d。最滿意係小籠包，坊間d人，又加醋又話咬開個小籠包頂部又點點點..... 我嫌麻煩，亦都唔中意加任何調味品，原味最正，上海姥姥嘅小籠包絕對鮮味，嘩！辣咀，好熱呀！食果時要留心！蔥油餅... 唉... 為免唔想中伏，算吧！最後總結，要幫襯上海姥姥，都係銅鑼灣店！

餐廳有幾張空枱都叫人門口禁飛等位叫左涼拌海蜇一上枱就覺得佢落小左調味料成碟海蜇白雪雪無味侍應叫極都唔應最後佢叫我自己落枱面既辣椒醬同上籠包醋完全唔岩味 兩隻醋都唔同擔擔麵偏咸 肉碎味道一般麵既份量較少或者德福呢間特別好生意啦…侍應態度麻麻 食附近其他中菜會正常好多要食上海野都有其他選擇 呢間上海姥姥無下次啦P.S. 我見到好多對情侶被安排坐中間長檯 好似speed dating 咁一人坐一邊 格離係唔識既 但又要迫埋一齊 咁坐法真心覺得奇怪

今日同朋友一齊黎到九龍灣既德福廣場，朋友話想食上海野，所以就黎到2期5樓既上海姥姥，黎到既時候，都有少部份人等緊位，要禁飛等位。等左6-7分鐘左右，終於可以入座，睇睇個餐牌，都有好多食物選擇，最後點左一個前菜：水晶肴肉半份，一個主菜：水煮牛肉，一個點心：招牌小籠包。首先，先上既係水晶肴肉，呢味前菜係朋友所點，佢話應該好好食，但我食落之後，就覺得麻麻地，主要係太厚砌，而我朋友食完都話麻麻地，佢話肉太少，而且味道不及佢之前食果d。再上就係水煮牛肉配白飯，我覺得呢個菜味道唔錯，唔會太辣，而牛肉份量都OK，不過有部分牛肉有點筋。最後上既係招牌小籠包，味道算唔錯，而且夠熱。

上海嚕嚕，個名好搞笑。下張檯就到我，但都等左超過十分鐘，如果肯坐吧檯就不用等可以即刻入座。估唔到原來舖面那麼細的呢，坐得不舒服，環境十分嘈吵。又是給張迷你二人檯我，又再次放到滿檯食物，迫迫夾夾，討厭！眼見員工們都非常落力工作，忙到分身不下，跑上跑落，可以體諒的，服務尚算殷勤。糖心燻蛋，我非常喜歡食燻蛋，但這隻有點過咸，連糖心蛋黃的甘甜都被蓋過喇。涼拌海蜇，涼浸浸爽脆，香辣惹味，醒腦醒胃，辣得興奮，煮理得宜。酸辣湯，罐頭湯感強強烈，跟上海婆婆同出一徹。甜甜的濃汁，有著微微的辣味，少少的湯料，筍絲、蝦仁、豆腐、木耳。最頂級好飲又最足料只有上水街舖上海小館，不幸地已榮休了。杞子雞湯，撈麵奉送的例湯，雞味香濃，散發微量杞子甜，意外的味道。蟹粉拌麵，撈麵跟拌麵到底有什麼分別？神州腳語是拌麵嗎？室溫的蟹粉，撈上微暖濕濕的上海麵，感覺似乎高檔，事實食味麻麻，一試無妨。蟹粉小籠包，不燙口只有微溫，要出晒煙、要剛剛燙嘴才是最好食既時候，現在靜蠅蠅平平淡淡地放入口，悶悶的趙兩趙吞落肚。蟹粉湯汁跟肉碎甜美，沒有激昂的感覺地完結。生煎鍋貼，豬肉餡塞得滿滿結實肥嘟嘟，餃底金黃香脆，餃面嚥韌帶黏，微溫入口。湯汁肉

性價比幾高質素保證既上海菜今日突然間好想食上海菜 想起德福二期有間上海奶奶，性價比幾高，于是就揀左呢間食。平日晚上七點三左右兩位係門外拎完飛就即刻有得入去，唔洗等（呢個要點讚）我地叫左招牌小龍包，水煮牛肉面，紅油抄手，醉雞。水煮牛肉面對於食得辣之人就唔太辣，但味道比較濃，面既份量比較少，加左好多芽菜，不過有樣要讚下， 一般餐廳食到既牛肉質素都唔高，呢個水煮牛好入味口感非常好。醉雞用左花雕酒， 非常入味，雞脾肉肉質好好。小龍包一好以往好，湯汁飽滿好味。抄手就有些許油膩，兩個人食略嫌份量多。整體服務良好，送菜速度快但埋單既時間反應就有點慢，叫左兩次埋單先有人理，埋完單比返卡我果陣個服務員咩都無講，有少少扣分。另外有樣野可以讚下，就係杯茶既味道幾好，正好解油解膩！

今日嚟到九龍灣等朋友收工一齊食飯，佢叫我諗食咩，等佢既時候隨便行下，見到上海姥姥好似唔錯，又係實冇死既上海菜，就揀呢間。2個人都好肚餓，快d諗完快d開餐紅油抄手$42-炒手有6粒，有蒜蓉同少少蔥，都幾香，唔係好辣可以接受到。都大粒，不過略嫌皮有啲厚，薄返啲會更好。回味口水雞$68-生煎鍋貼$42-口水雞都幾辣，肉質結實，都唔錯，不過不失。鍋貼啱啱整起，熱辣辣，仲有湯汁，個底夠脆值得一試。香煎素鵝(輕盈)$28-鐘意姥姥有啲前菜係輕盈版，份量少啲價錢平啲但可以試多幾款，啱唒啲2 3個女仔既女仔。輕盈版既素鵝都有6件，煎得好香脆好好食，入面係齋嚟，女仔食都唔怕話好肥。四川擔擔麵$46-湯底夠濃，辣味啱啱好，仲有d肉碎。追加炸排骨$23-叫拉麵既都可以加炸排骨，啱啱炸起，夠熱夠蘇脆，排骨都醃得夠味，好食！炸醬拌麵$54-呢個拌麵有驚喜，估唔到咁好食，炸醬有肉碎、豆乾，調味啱啱好，仲有青瓜絲減少油膩感，好食！拌麵類都會跟一客杞子雞湯，雞湯一啲都唔馬虎，落足料，下次會再叫返呢個！整體嚟講都唔錯！

在德福商場逛了一圈，仍未決定去那間醫肚，朋友又末到，他出名嘴嘴刁，又較重口味，路過上海姥姥，探頭發現面環境很像開放式的工廈，有張長長的檯，昏黃的吊燈，令人很想行入去，感受它的暖和感。朋友到了，他馬上點了醉鷄及紅油抄手，醉鷄份量不少，也夠三人平均享用，花鵰味也滲入鷄肉，充滿濃郁酒香，而紅油抄手也不算太搶喉，更能吃出豬肉的鮮味！隨後，也上了四川擔擔米、糖心燻蛋，水煮牛肉拉麵及生煎包，值得推介是糖心燻蛋，半熟蛋做法令口感增加，而水煮牛肉拉麵裡的牛肉特別幼滑，明顯有淹製過，以水煮做法令層次推高了，整體，食物質素有7O分以上，會去第二次品嚐其他菜式！

第二次食上海姥姥,記得上次好似幾好味食多次先,放工睇完戲8:00左右,唔需要等位,唔太多人,ㄧ坐底即刻有待應上茶。餓呀,唔理甘多叫個炒飯先。。。。menu入面涼菜都幾吸引。雞絲粉皮好想食😏😏不過2條友食唔到甘多,下次起碼4條友仔食就差不多。裝潢係幾精緻既。坐得好舒服。位置不太多yeahhhh重頭戲, 小籠包。不過今次水準係咪麻麻地呢, D肉有D散, ummmmm我期待左好耐架喇><雲吞雞湯, 好咸呀, 救命。入面有一粒雲吞1件雞2條菜, 仲要好細盎。

今日黎開德福食lunch，諗住清清地，食上海野，叫個五香牛肉麵啦。點知成碗野清到好似水咁，d 麵既份量少到小朋友食完都唔會飽。 成碗麵都淡而無味，唯一係d 麵質比較ok。以後都唔會再幫襯。

突然間好想食炒年糕，諗起附近有上海姥姥，就叫朋友陪我過嚟食啦！雖然食落覺得有少少偏鹹，好彩有佢哋嘅熱茶，感覺冇咁肥膩，朋友唔鍾意食，我一個人食晒，好大碟，好飽好飽！

上海姥姥嘅分店我都食過好多間，但九龍灣呢間係我目前最滿意嘅，所以已經第二次來了。每次食上海菜必點嘅一定係小籠包同擔擔麵。九龍灣呢間上海姥姥嘅小籠包，皮薄多汁，而且皮一定唔會穿，加分。食擔擔面，我最重視嘅就係花生味夠唔夠濃，辣味夠唔夠，而且面質會唔會太林。 呢間上海姥姥嘅擔擔麵，我非常滿意。食上海姥姥嘅另一個優點就係，有好多小菜都可以叫輕盈版，而輕盈版價錢都係＄30左右。如果得兩三個人食飯，可以叫多幾個輕盈版嘅小菜，既可以嘗試不同菜式，價錢又相宜。