上海一品香菜館 (已結業)

自從某次在某京川滬小店，點了酸辣湯與友人共享，而又挑戰成功後，小的似乎又對此念念不忘似的，每逢惠顧提供京川滬菜的店子，也總會點上這款。這回在中午時份來到這裡，瑟縮在佐敦道與德成街交界的她，是一間舊式的小店，雖然很想吃客飯，但酸辣湯已在來之前已想吃了，於是點了酸辣湯餛飩。酸辣湯內主要材料有豆腐木耳蛋絲筍絲冬菇絲等等，有些會加上豬紅及豬肚的，帶點稠杰，應該是好像碗仔翅般，加上了粟粉/生粉/馬蹄粉調製而成吧？先說說餛飩，外皮薄薄的很滑溜，內餡是菜肉，感覺上是菜較肉為多，是在下喜歡的比例，一碗內有八顆，絕對夠飽肚。再談酸辣湯，雖然小的只能嚐BB辣程度，但這裡的辣度似乎更微，而酸味呢?在下是名符其實的呷醋王(笑)，所以酸味對於小的來說，是蕩然無存，只好拿起檯子上的醋罈，起勁的往碗來倒下去了。

之前食過小籠包，無好印象(因為肉質糯軟不鮮，皮厚易破)。近日路經附近，小籠包癮發作，不屑吃中國外資偽精品小籠包。便給多一次機會此小店。誰知此店像已易手，更衰的是中國外資連改名裝修也懶，冒充上海菜而舊也不如:-無客飯，可能只賣午市，但傳統上海菜館全日供應客飯一餸一湯兩碗飯。可能我身在旅遊區，它不屑似我們類窮鬼生意，迫人點小菜付茶錢加一。- 擔擔麵: 湯淡如水，無甚麻香- 小籠包 ：肉屑如泥，無肉香，仍是皮厚蒸完一舊舊榻皮。醋是廉價醋精開水承惠百四。一肚氣。再來怨自己鐘情舊小店，給外表騙了。寧願試隔離西餐算了。

今日嚟開Jordan，咁啱經過呢到，見舖面比較舊式，諗住應該會有D水準就入嚟試下喇！小籠包D皮厚度適中，如果多D肉汁就好喇！個湯好足料，但個人覺得酸多少少會更好味牛肉好有牛味，麵嘅texture 亦都好好比較失望，味道係可以嘅，但份量同價錢唔成正比，亦都同menu 上嘅相爭太遠

行完寶寧街，朋友仔話要食上海野。諗黎諗去，突然醒起曾經食過哩間不講門面，只講食物質素既上海小館。一入去，當然冇某連鎖店咁光鮮，但乾淨企理。食上海野，本人必叫就係小籠包同上海粗炒。唔食過，點算食過上海野哩。再加一個雞絲粉皮，一個經濟既麻婆豆腐客飯。真係食到可以打包走。小籠包十隻，大大隻，多多汁，好味。粉皮爽滑，麻醬適中粗炒ok,加埋豆瓣醬，完美最後經濟客飯，豆腐唔算太滑，但有豆味。辣味相當合適撈飯。不過，要計茶錢同加一。少少錢，值得俾既。好一個久違了既上海野晚飯！可以一試。

30年前的味道。食物現做，環境乾淨，小籠包好吃，酸辣湯好味。份量剛剛好，員工友善。在吃的時候，大概15:00，看到師傅正在用心地在包小籠包，小店就是這樣，東西先場做; 豪華的話不要去，尋找味道的話就要去一下。位置其實很方便，佐敦站出3分鐘。

佐敦都有幾間舖食上海菜小籠包炒年糕上海雲吞可能間間都有葱油排骨麵我都覺得算係特色菜不過就唔係間間都有得食喇先前都黎過幾次呢度食飯同其他舖頭比較呢度餐牌上面個價錢比較平不過要收加一同茶芥葱油排骨麵其實排骨係指炸豬扒材料除左豬扒同葱之外仲有冬菇同筍都幾足料同湯燴過嘅麵會係比較淋呢間舖頭做嘅湯底比較稀不過味道幾好雲吞麵雲呑冇乜餡有幾隻啲皮都穿左小籠包最後叫多左個小籠包小籠包即叫即蒸不過個竹籠好似唔太乾淨皮唔算厚不過可以薄啲湯汁唔太油膩味道不錯

偶爾入到呢間傳統上海舖，想食個簡單晚飯。價錢係佐敦算係平價，味道不過不失。擔擔麵，麵底係可以既，但湯底太淡，無花生，無肉碎，唔合格。回鍋肉菜飯，正常味道，咸同油膩麵唔係個人特別喜好既食物。不過連湯，連兩碗白飯，都係抵食既。紅油炒手，一上枱有啲嚇親。雲呑好細粒，皮係滑同薄既，但肉既份量太少。醬汁無辣味。小籠包還好，肉汁香，但皮略嚴厚左少少。一個人平均七十蚊，都可以既，但俾錢時發現，無咩服務，要俾茶芥同加一服務費，又實在有少少唔抵。

中午，走过一品香，突然有兴趣试试上海菜古祖的味道。回锅肉用现在的标准来看，非常之油。但真系好入味。獅子頭不過不失啦！麻婆豆腐，我个人比较喜歡辣些少。炒鱔糊，老上海菜的味道。賽螃蟹，有點失色。蛋白炒老了。最后来个豆沙锅饼，不会太甜，劃上完美句号！

一家同行成十人，唸緊佐敦有咩好食又可以圓枱（方便傾計架嘛）。記得之前係一品香同媽咪兩個人食晏，叫咗個酸辣窩粑，好好食，個窩粑係新鮮炸出來架，食嘅時候，淋個汁上面，仲有之之聲。但因為得兩個人食晏，所以叫唔到好多嘢食，呢間餐廳又俾我放入我個dining pocket, 下次一大班人再來過。😏（利申：雖然裝潢係舊式咗啲，但本人係好鐘意呢款舊式上海菜館，麻麻地連鎖式個種上海菜館，啲食物上到枱已經唔熱同比較細碟）講返今次晚飯，早咗2個鐘訂定枱，大班人book 定好啲，無位嘅話，小妹就會俾長輩們訓話😫7:00準時到達，舖頭已經坐滿九成人。好彩訂咗，抹一額汗😁 Safe~~~~一坐低，叫咗幾款頭盤（以下）同酸辣湯。小籠包 - ok, 夠熱，有足夠湯汁，一籠有十個（傳統店就是量足）五香牛𦟌 - 量足，味道不錯窩貼 - 1客4個，煎得好好，肉汁都足夠酸辣湯 - 足料，酸辣平均，不會搶喉另外，主菜毛菜元蹄 - 十分好，個皮扣到好淋，食落唔會覺得好油。仲有份量好足，要有起碼7個人先好order甜酸黃花魚 - 炸得唔會太乾，但魚略細條，但整體不錯什錦窩粑 - 最令我期待，但有少少失望，碗窩粑係就係好似上次咁熱

同四個同事打算試下，叫左上海粗炒、回鍋肉、薑蔥牛肉、小籠包、鍋貼、豆沙鍋餅。首先，每碟份量很小，回鍋肉就椰菜多肉就只有幾片。薑蔥牛肉又是蔥多牛肉只有兩三片。但就賣$70一碟！小籠包不合格，皮厚沒有汁肉都是老的！鍋貼更差，不是即製，皮超級硬及厚。沒有下一次，很失望，每人消費$90仲要唔飽！

因為只想食少少野，誤打誤撞走左入黎，啲服務員阿叔好親切，可惜啲食物……我只係叫左個紅油抄手($35)，通常食親覺得麻麻地都係個汁唔係我想要的，或者唔夠正宗，但都唔會難食，一定會食到有餡喺裏面，呢度呢個特別啦，我只見到成塊皮包住提子乾份量嘅餡，食落去係好似食梗塊皮，完全係食唔到有其他野，只不過個汁味道唔錯，真係浪費左個汁，當然我只食左一半就走。最特別仲要收茶位$5，同埋收加一，因為個格局環境係估唔到佢會咁！講真相信其他食物都會有好食，但係未必全部囉，亦肯定會有好多特別唔好食嘅，一碟紅油抄手都可以搞成咁！！

係香港, 食到上海菜嘅地方有好多, 但係要數最正宗嘅, 呢度可以係數一數二。鍋貼煎得香脆, 餡料亦非常豐盛, 一咬落去, 肉汁就必然會慘出。 為左唔好浪費左呢啲肉汁, 大家最好就用隻湯匙'兜'住喇醉雞: 肉質非常鮮嫩, 有花雕酒味之餘又唔會太重酒味, 凍食之下倍感滋味!! 一定要試!食上海野除左鍋貼之外, 一定要食小籠包。大大籠蒸得透徹嘅小籠包, 塊皮都幾薄, 而餡料非常之充足, 一個人食幾隻都唔會覺得多

不合格的 小籠包和擔擔麵成人經過佐敦見到這一間老店今日終於一試， 就叫左半籠小籠包 同擔擔麵。 擔擔麵外表還可以，一食發覺淡而無味， 湯也好淡，冇我鍾意花生， 完全不合格。小籠包 來到已有二隻穿左無汁， 有兩隻一夾就穿， 只有一隻成功搬上匙 到。 小籠包汁都夠味 ， 但 最失敗係有兩隻有骨， 都唔知係豬頭骨定其他骨。總結 上海鋪頭最出名 擔擔麵同小籠包都整得唔好，我對其他餸都完全無信心!埋單有茶錢$5 同加一， 要$83!

七八十年代是上海菜的興盛年代,名字大多也是叫做三六九或一品香,記得由長沙灣至深水青山道一段便起碼有大大小小七八家上海菜館.吃的是上海粗炒酸辣湯銀絲卷生煎包等飽肚較為平民的食物,但飽肚食物賣不了幾個錢,生意難做下舊式小店已愈來愈少.現還以一品香作名字的店全港也只剩下幾家.打開餐牌選擇著實不多,問了炒飯可轉做上海粗炒後免傷腦筋倒不如來個套餐吧!上海粗炒----想不到這個套餐的份量也不少!醬油味道濃配料有齊椰菜絲肉絲冬菇絲,唯一美中不足是麵條略硬身.回鍋肉----在上海館子點叫客飯的話回鍋肉永遠是首選,切薄片的腩肉吃起來有彈性不乾柴,軟稔的椰菜吸了辣豆辦醬的油份用來拌飯吃是最佳組合.賽螃蟹----蛋白炒得頗滑身,較特別的是有幾粒甚少會吃到的蠶豆在內,混合陳醋來吃味道不錯.小籠包----$39一籠十隻即叫即包,皮不算特別的薄但收口位不會搓成死實的一團,內裡肉質鬆化湯汁份量適中,很有舊式小店的老味道.酸辣湯----酸比辣的味道重一點,足料之餘份量更加是驚人!每人喝了四碗還剩下小半鍋.近年上海菜已轉型走精緻或以貴價食材入饌.最常見的是在賽螃蟹內加入帶子又或在小籠包內加入黑松露. 舊有的味道仿似已

家常便飯，隨便點了二人餐，再加小籠包。賽螃蟹——不過不失回鍋肉——正常偏咸上海粗炒——菜太多，麵質太＂林＂無咬口，不夠鑊氣淡然無味，唯一可取是不太油。酸辣湯——不夠酸不夠辣，失望小籠包——即叫即蒸，尚可，個人認為太大粒，細拉一點更好味道一般，價錢不高，可以一試，不過試過大概不會再來了。