上州一頭和牛 (已搬遷) 新店位置

呢晚約左好朋友睇戲，睇完就喺商場food court見到呢間日式燒肉好吸引店員熱情友善而且餐單上既價錢亦相當合理，所以就決定喺度開餐我地每人要左一份定食套餐，然後要左一份“特上燒肉拼盤”HKd$328+10%一齊share先有套餐內既味噌湯暖暖胃然後我地既定食都隨之送到我要左“香蔥吞拿魚蓉丼”HKd$98+10%一碗既份量都唔少，吞拿魚蓉佈滿壽司飯上，正！！！朋友亦表示佢既“滑蛋吉列豬扒丼”HKd$78+10%味道唔錯呢晚既重點當然係呢份燒肉拼盤啦呢款拼盤有齊日本同澳洲和牛，仲有牛小排、西冷同牛舌非常豐富入口即溶既和牛固然一讚，然而厚切既牛舌亦深得我心點上定食套餐仲可以用優惠價加配特飲我同朋友都各點一款果味特飲，兩款都冰凍清新！總括黎講，我地都好滿意，真係值得一試啊

-上州一頭和牛-@旺角Moko.本身諗住去咩種類餐廳都有的Food Court覓食，點知見到竟然有間主打和牛的餐廳，見Menu都幾吸引，就試試。.我地點左燒肉套裝，除此之外餐廳仲有火鍋、壽司和丼飯等唔同選擇。.特上燒肉拼盤套餐 ($468)套餐除左燒肉外，仲有野菜拼盤，清酒煮蜆，泡菜，飯同味噌湯.淨係見MENU的字完全估唔到個套餐係咁豐富，2個人食都覺得好夠飽肚。今次我地驚唔夠食仲點左鹿兒島五花腩﹑日式炒野菜同埋豆腐胡麻沙律，下次的話，就咁點套餐都已經夠晒了。.特上燒肉拼盤，肉類有5種，唔同地方唔同部位都可以食到，認真值得一試。.牛舌厚切已經加分，第一片燒得唔夠耐中間未熟，有點難咬開，之後燒得耐少少，肉質彈牙口感一流，牛舌味濃郁，諗起都想食。.美國安格斯西冷，肉質軟嫩，輕輕燒幾下就得。西冷有稍為調味，更帶出本身牛肉的鮮味。.A5日本和牛片肩胛，肉的顏色同油脂分佈超靚，因為油脂較多，真係入口即溶，好軟嫩。和牛片比較多油脂，真係每人2-3片就夠晒。.野菜拼盤有粟米﹑秋葵﹑日本甘薯﹑脆肉瓜﹑南瓜和菇，中和返燒肉的油膩感。.清酒煮蜆原來同燒肉好夾，清爽的清酒湯底加入了蔥花同檸檬，味道十分清新，

呢晚放工同朋友食dinner,揀左呢間想食下sukiyaki😆叫左美國安格斯西冷壽喜燒二人餐 $488成個餐包沙律、壽司三件、牛、野菜拼盤、雞蛋、稻庭手打烏冬首先黎左牛油果柚子沙律，好大份🤣🤣柚子醋酸酸地，好開胃！牛油果好靚，口感好順滑！壽司有和牛同吞拿魚揀，陣間都會食牛所以揀左吞拿魚。特選三色吞拿魚壽司每件都新鮮，toro 仲好肥美！唯一可惜係二人餐三件壽司分唔勻🤣西冷牛！ 好大份而且肉質靚，鐘意佢油脂唔多，食落無咁罪惡😆雖然油脂少，但壽喜燒煮完唔會‘鞋’👍野菜拼盤有好多菜！煎一煎完就加湯加菜一齊煮👍每款菜都好鍾意，特別係南瓜，煮完好淋😚雞蛋打落隻碗打勻，用黎點牛肉食，點完雞蛋會更滑😋稻庭手打烏冬好煙靭！係真手打出黎嘅烏冬先做到嘅效果😆😆日式炸雞 $58太肚餓另外仲加左炸雞！日式嘅炸雞粉醬都好薄👍而且保持到肉質嫩滑😋

前一排因為疫情太勁，暫停左晚市堂食🥲結果我呢個牛精就冇得食燒和牛。。。。。而家終於有返晚市喇🤩🤩即刻同老公標去食返餐和牛先因為出開旺角，我地就揀左呢間係太子MOKO新世紀裡面既燒和牛坐低左之後擰開個MENU已經覺得好好味😋係咪因為我太耐冇得食和牛呀？😂我地叫左1個極上和牛拼盆，係單點黎既，因為仲想食其他野。。。當然佢地係有2人套餐俾你ORDER，除左有個和牛拼盆之外，仲有配白飯，湯，小食，野菜拼盆同前菜，係會抵D。。。當然和牛既級數就視乎返睇你揀咩價錢啦😋除左個和牛拼盆之外，仲叫多左個香蔥吞拿魚蓉丼😎先黎左個丼，入口超美味，吞拿魚蓉入口即溶每一啖飯都有吞拿魚包圍住，真係好好味👍🏻👍🏻超快已經食晒成碗飯，然後就到個和牛拼盆喇🤩我地叫左$598個盆單點，所有和牛都係日本既😎份量都足夠2人，因為太多既話真係會油口架真係超滿足，佢地除左和牛之外，仲有涮涮鍋，一樣有套餐價錢真係值既，性價比高呀👍🏻👍🏻👍🏻正呀

We went to Moko after work tonight to buy some stuff and planned to have dinner before that. We decided to try Jyoushu Ittou Wagyu in the end. It was located at Food Opera, inside the food court at Moko, Mongkok East MTR.Sauce and seasoning were placed at the side of every table and there is USB port for us to charge handphone if needed as well. They served Japanese BBQ grill and dinner set. For their dinner set, it came with miso soup or topped up for drinks. Iced citron honey and iced ginger h

這天晚上約了朋友到旺角吃晚餐，我們決定吃food court。因為大家都想不到吃甚麼，與其逐間餐廳睇menu，不如去一個food court，極速瀏覽不同國家的菜式再作決定。最後選定「上州一頭和牛」，它是一間燒肉壽喜燒專門店。想不到在food court也有這樣高級的餐廳。店面：裡面的裝飾很日本風，燈光柔和：門口張貼的晚餐menu:餐單印刷精美，上面有各種食物的圖片：最後我們決定點特上燒肉拼盤$498裡面包括很多肉，有日本A5上州和牛、澳洲M7腰脊心、美國頂級牛小排、美國安格斯西冷和牛舌。另外還配野菜拼盤、清酒煮蜆、自家製泡菜、白飯、味噌湯。看這個陣勢，好味得來一定夠食！正！！自家製泡菜：味道清新，不算太辣。以前不喜歡泡菜，因為味道很明顯是醃製的，而且有點酸。這裡的泡菜完全沒有這個問題，嘗起來反而很新鮮。份量很足，絕對足夠兩個人吃。清酒煮蜆：酒味不算太濃，怕酒味的人可以放心吃。蜆肉很肥美，咬下去feel到大大啖醬汁咇出來。各種牛肉：為了讓食客容易分辨，每種牛肉旁邊都有一個木牌寫上它們的名字。肉質鮮美，加上特製醬汁無得頂！野菜拼盤：有南瓜、冬菇、筍等蔬菜。幸好有菜，否則全是肉很有內疚感。

上星期三拎左半日假同朋友去旺角行街，我地左睇右揀咁行到入夜。本來打算去港島區食晚飯，但由於有啲夜既關係，我地就喺附近覓食 😋原本諗住喺MOKO 既food court 快食，但行到入面竟然見到裝潢精緻既日本燒肉餐廳，於是就決定入去試下。餐廳除左提供高質燒肉同埋壽喜燒之外，亦都有不同款式既丼飯同小食。值得一提既係，如果食客買外賣去店外既food court進食，可以免加一 👍🏼我同朋友最後點左一set 特上燒肉拼盤同埋兩杯飲品，不久店員就為我地送上燒肉所需既用具，例如燒肉鉗、圍裙同埋濕紙巾等等。特上燒肉拼盤套餐 $498特上燒肉拼盤套餐包括美國頂級牛小排、日本上州A5和牛肩胛、澳洲M7牛腰脊心、美國安格斯西冷、牛舌、野菜拼盤、清酒煮蜆、自家製泡菜、白飯同味噌湯，真係份量十足。餐廳既自家製泡菜同平時食開既韓式泡菜有明顯既分別，自家製泡菜味道更濃郁，微辣且帶點酸，口感爽脆。特上燒肉拼盤當中，我地最中意日本上州A5和牛肩胛，因為佢充滿油花而且肉質鮮嫩。由表面既紋理可以見到佢油脂分佈均勻，稍稍燒過之後入口即化。另外，厚切牛舌都好有驚喜，食落有嚼頭又彈牙，口感一流。野菜拼盤賣相非常精緻，內有香菇🍄

自從要帶小孩以後，真係好少外出晚飯，再加上疫情時好時壞，外出用餐好像變的步步驚心，抗疫3年，我最愛的日本都不知道何月何日才可安全踏足，望梅止渴趁疫情減褪，堂食復蘇，我第一時間book 咗呢間上州一頭和牛回味日本旅遊時大吃大喝的美食回憶。事前都好擔心恢復堂食後人潮湧湧，所以提前訂位，免得要等位，我們點了M7澳洲和牛拼盤2人套餐，另配野菜拼盤、清酒煮蜆，自家製泡菜，白飯及味噌湯，套餐都幾抵食，送黎既和牛拼盤份量都幾夠，配飯一流，個人覺得比較日本和牛口感一d 都唔輸蝕，和牛分別有牛肩脊、內裙肉、腰脊心、肩胛、腹脅肉，每款肉旁邊附有木牌仔介紹，一邊燒起碼知道自己食到邊款部位，賣相非常吸引，每款肉色澤明亮，花紋均勻，口感煙韌，尤其肩胛肉質嫩滑，牛味濃郁，每款牛片切成大大片特別開胃，呢晚真係有去咗日本既感覺，應該係疫情間給我一口牛味在心頭。除了和牛外，套餐還有一道鮮味的清酒煮蜆，呢道菜有驚喜呀！蜆肉大大隻，而且味道清甜，最令人深刻既係令隻蜆都食唔到沙粒，肥美彈牙，證明廚師花咗好多背後的烹煮工夫呀！

🤎 一開始以為MOKO食代館入面得food court ，原來仲有餐廳👍🏼🤎 上州一頭和牛 主打燒肉和刺身，我同🐼決定今次試左燒肉先😆🤎 二人燒肉套餐主要有四款。當中兩款係用上A5和牛，另外還有M7澳洲和牛 同特上燒肉拼盤。🤎 餐廳以一整頭牛購買，再分割出和牛的不同及稀有部位😋🤎 我哋揀左M7澳洲和牛二人套餐 $598♡ 前菜有泡菜，味噌湯，清酒煮蜆💟♡ 燒肉方面都有五款，分別係 肩肉，頸脊，腹脅肉，腰脊心，內裙肉🥩🤎 我最愛和牛腹脅肉，牛味濃郁，入口軟熟點上特製嘅牛肉熬出來的醬汁，輕鬆KO一碗白飯！🤎 除咗肉之外仲有野菜拼盤🌽粟米上面加左牛油🧈，好食！仲有菇，南瓜等🤎 飲品方面嗌咗巨風提子梳打，真係有幾粒提子係入邊🤣🤎 環境方面都坐得幾舒服，抽氣系統唔錯，唔會聞到好大浸肉味🤎 $589 二人餐幾抵！性價比高🥰

平時行moko好少入food court, 今日經過見到原來入面開左間和牛燒肉店。餐廳食物選擇都多，中價同貴價既牛肉都有得食，唔想燒肉既都有d幾抵食既丼，！我地叫左一個M7澳洲和牛拼盤，另外加左份牛舌，菠菜沙律同豚肉生薑燒飯~M7澳洲和牛拼盤好吸引！有各個唔同部位，份量都幾多，有內裙肉，牛頸脊，腰脊心，牛肩肉同牛腹，都係平時比較少食到既部位！澳洲和牛油脂唔算好多，有肉味，當中牛頸脊同牛肩口感最軟最滑，如果想單點既話會推介呢2款。另外牛舌都好好食，勁厚切！豚肉生薑燒飯就正常發揮，$78連湯同野飲都好抵食，肉既份量都好多，想簡單食個lunch/dinner要好岩！

意想不到Moko food court 內的盡頭有間燒肉餐廳 - 上州一頭和⽜。本來想食壽喜燒，可惜剛賣完。因為餐廳選用香港比較少見A5上州和⽜，分割稀有部位推出燒肉同壽喜燒之外，餘下部位就弄其他牛肉料理，都幾特別。最後選了特上燒肉拼盤 $468有日本A5上州和牛，澳洲M7腰脊心，美國頂級牛小排，美國安格斯西冷，牛舌荔枝西柚梳打 $32微甜帶酸，感覺清爽自家製泡菜，開胃小食清酒煮蜆蜆肉相當大隻飽滿，鮮味十足主菜終於來了列明不同部位，鮮紅色的牛肉，賣相好新鮮野菜拼盤爐預熱5分鐘，然後掃脂肪在網上蔬菜可以一開始就放旁邊，中間燒牛肉。另外抽風系統不錯，身上很少油煙味。牛舌肉味較輕，少油花，質感爽口牛小排肉質較結實，也多汁西冷薄身多汁，香口腰脊心也是較薄身易熟A5 和牛肩胛肉，肉厚，油花分佈平均，肉味相當濃郁，滿口散發油脂香。

😀😀😀👍🏻肉比想像中得，每部位4塊起，好夠食，飽到飯都食唔落😂😂鯖魚外脆內嫩，會爆汁，又夠大條，正，同 本身夠曬味，唔洗點汁👍🏻👍🏻🌈湯好咸，但好足料，好多 蘿蔔 片😀😀😀😌👍🏻👀🍴野飲唔重薑味，似超淡版既 番薯糖水😆😂😂🥄🎄枱面有一壺麥茶任飲😀👍🏻

位於旺角的• 上州一頭和牛🔸•是一間主打極上燒肉和壽喜燒的專門店❣️餐廳選用上州A5和牛為主要食材🥩，誇張地從日本農場直接進口一整隻牛，再分割出不同的部位。大家可以大飽口福，吃到和牛的全味啦😂。 餐廳雖然設於Food Court內，但自成一格，與其他店舖的用餐感覺截然不同。店家除了提供燒肉和壽喜燒外，亦有丼飯、小食等供應。而且外賣到Food Court食可免加一😳，所以吸引不少人光顧呀。 「 特上燒肉拼盤🔥 $468/2人」 燒肉和壽喜燒分別設有多款二人套餐，我和媽媽決定試試特上燒肉拼盤套餐。套餐有: 日本A5上州和牛、澳洲M7腰脊肉、美國頂級牛小排、美國安格斯西冷、牛舌、野菜拼盤、清酒煮蜆、自家製泡菜、白飯和味噌湯，份量豐富😆。燒肉拼盤之中，我們最愛日本A5上州和牛，脂肪含量高，肉質超軟腍，而澳洲M7腰脊肉和厚片牛舌也不錯。但其他幾款肉都頗靭，而且部份位置味道頗重，適合重口味人士呀。由於店員建議開中小火去燒肉，我建議早點把蔬菜放在爐上燒，會熟得比較快哦~ 「 日式炸雞🍗 $58」 除了套餐外，我另外單點一份炸雞。六件雞塊味道略鹹，沾上沙律醬會較好哦~ ▫▫▫▫▫ 📍#旺角 MOKO新世

同朋友行完街，近近地喺商場搵野食，朋友話想食燒肉，喺food court 兜咗個圈，見呢間「上州一頭和牛」門面幾好加上價錢合理，一於試一試。我地單點M7和牛拼盤、美國頂級牛小排，無飯不歡嘅我叫咗和牛炒飯，一杯巨峰提子梳打。餐廳為每一位食客提供一次性圍裙，以防啲油彈污穢衫褲，抵讚。侍應擺低燒汁同特掣醋汁後，好快就嚟和牛炒飯，估唔到炒到飯粒分明，調味適中，牛粒唔會柴，好少見朋友食咁多飯，依個炒飯掂呀。好快就嚟和牛拼盤同牛小排，拼盤擺盤都係一貫做法用木牌標示每種肉類名稱，5款不同部位的和牛，每款5件，大小差不多，鍾意食牛叫依個拼盤真係多重享受。牛小排有成7件，賣相正常。而我自己覺得最好食係牛頸脊，有適量油花，肉質鮮嫩爽滑，肉味濃郁。朋友就話牛小排有驚喜，食落肉質嫩滑同腍，滿口佈滿牛脂味，超香，勁好味。食野真係好講個人口味，好在大家都滿意無揀錯餐廳嚟食。整體性價比高，呢個價錢食到和牛燒肉，無投訴啦，已經約好朋友下次試A5日本和牛，期待。

平時在商場行街常常經過這家燒肉餐廳，今晚在Moko睇戲，看完蜘蛛俠肚子餓，下定決心去試一試。菠菜胡蔴沙律叫了那麼多肉食，自然想叫份沙律🥗令脾胃平衡一下。菠菜青綠，沒有未瀝乾的水，汁料味濃，灑上芝蔴和惹味胡蔴汁，開胃消滯，乃高質之作。牛油果柚子沙律擺盤漂亮，沙律菜相當爽脆，牛油果🥑成熟度恰好，黑醋醬料酸酸甜甜，幾開胃清新。蕃茄仔爆汁，質感實淨，柚子酸甜不澀，份量亦不少，二人分享也足夠。兩者比較，更喜歡前者的內外兼備，後者相對略顯平凡。吞拿魚壽司山葵鮮磨有誠意，吞拿厚切，赤身顏色靚，味甜魚味芬芳。蔥吞拿魚蓉小卷賣相可愛，砌成花狀有心思，紫菜脆，魚蓉入口細膩，沒丁點魚腥。吃燒肉前，店員率先遞上酸汁和燒肉汁作佐料，酸汁放在桌已有陣陣使人狂吞口水的酸味。特上燒肉拼盤我是按著自己想吃的次序去逐樣品嚐的。牛舌軟糯帶爽口，色澤均勻，賣相要好。美國安格斯西冷，肉質均勻，新鮮可口。美國頂級牛小排肉味濃縮，牛味滿滿。澳洲M7腰脊心質地細嫩，鬆軟有致，又能保留幾分嚼勁，吃得一口牛脂，有些少筋。日本A5上州和牛無得彈，紅白交替，紋理鮮明，肥美重牛香，建議細啖慢慢食，入口即化。我們要的320克拼盤，兩個開心分享原