影片
港铁太子站 B2 出口, 港铁旺角站 B3 出口, 港铁旺角东站 D 出口; 商场近戏院扶手电梯旁
继续阅读
电话号码
37515589
附加资料
上州一头和牛 Jyoushu Ittou Wagyu 日の料理餐厅，主打食物是和牛烧肉、涮涮锅、吞拿鱼（拖罗）。和牛选用来自日本关东群马县的和牛－上州和牛，其通过严格的国际HACCP卫生标准。一头和牛以整头牛购买，可分割及享用和牛的不同及稀有部位。
营业时间
星期一至日
12:00 - 22:00
公众假期
12:00 - 22:00
以上资料只供参考，请与餐厅确认详情
相关文章
清酒煮蚬一入口便一口沙，叫了的饮品迟迟未到，唯有用面豉汤漱口！其中一人的汤因为张白色拍子簿单跌左入去，直到埋单都没补回来，真差劲！虽说食牛，但其他的餐点及服务亦很重要！不会再光顾，失望极了！
继续阅读
餐厅有各个牛嘅部位可以选择，可以拣用烧肉、寿喜烧或者涮涮锅嘅方式享用，除咗和牛拼盘之外，仲可以单点一个部位🥰🥩日本上州A5日本和牛胸腹拼盘 (320g) $698依个牛胸腹拼盘可以食到9个部位，包括：牛肋肉、牛五花、牛外腹、牛侧腹、牛中腹、牛下腹、内裙肉、腰脊心、腹胁肉🤩每个部位都有3-4块，份量啱啱好，一次过试到每款肉嘅味道之余又唔会过饱👍整体嚟讲油脂都偏重，不过牛味亦都十分重肉质嫩滑，入口即溶😋比较推介腰脊心同埋内裙肉，牛味好浓带有少少咬口🥳🌟 Lamlam脷指数 😋😋😋😋 (4/5)🐮日本上州A5 和牛上后腿肉 (100g) $188后腿肉肉味比较突出，油脂较少，牛味偏清香，食落唔会干👍🌟 Lamlam脷指数 😋😋😋😋 (4/5)🌟整体评价: 餐厅座位好阔落，估唔到food court都有咁好味嘅烧肉食，好多稀有嘅部位都可以系依到揾到🥰🌟 Encore指数 ⭐️⭐️⭐️⭐️ (4/5)
继续阅读
其实我地一向都比较少食烧肉，因为市面上好多烧肉都唔系用网底，我地对于烧肉用网烧有一份执著，见到呢间烧肉店用网烧，二话不说，冲啊🏃🏻♂️🏃🏻♂️🏃🏻♂️A5极上和牛拼盘 $598内后腿肉食落口肉质有啲靭，但肉味好浓，始终系属于赤肉级，食落一啲都唔油😛颈脊肉质极度松软，食落带有少少油香，肉味相对较香浓，烧完都有肉汁，而且佢呢款肉有做轻微嘅调味腌制👍🏻👍🏻牛臀肉盖呢款食落口已经油脂爆发，味道香浓，但肉味就会相对地淡啲啲喇和牛肩甲属于赤肉同霜降嘅中间，味道都几平均，油香同牛味都食到，两者都唔会好浓，肉质食落就爽爽地嘅😆牛小排我仲以为佢比咗几嚿拖罗我地😂 呢款最重油脂，属入口即溶级别，油脂香气四溢，充斥住成个口腔，佢呢款吸哂啲烧烤味，所以食落浓味，但唔系牛味😂，有无人明我讲咩😂 啱哂钟意满口油脂香嘅朋友仔😌牛舌 $78我地叫嘅系厚切版本，口感一流，我地烧到啱啱好🤣，爽口又软松👍🏻👍🏻香煎和牛饺子 $68/5只饺子煎至香脆，皮薄，馅料偏少🤨 咬落有肉汁，馅料嘅和牛唔算好重牛味同唔算好油😗总括嚟讲，呢个价钱食到呢种质素嘅和牛，真系超高CP值呀！👍🏻👍🏻
继续阅读
旺角本身就唔算多嚟，次次出亲嚟大多数都喺有嘢想买，而位处旺角东站上盖嘅「新世纪广场」就更少，因为觉得有少少吊脚，不过，依家有东铁延线，收工过嚟真喺方便咗。故此，相约位老死出嚟一聚，试试日式烧肉，佢同我都话好耐未食过日式烧肉，选址就晌「食代馆」里面嘅「上州」，因见其风评不俗，价位又唔太高。虽然话晌「食代馆」美食广场内，但其实都喺独立一个铺位经营，所以，装修都几「骨子」，更摆放咗好多瓷器、清酒，更具和风感。L形两边座位，设有唔少卡位，非常阔落好坐，虽然抽风系统用上抽式，但效果佳，食完唔会一身油烟味。睇到门面嘅菜式推介，不其然以为佢哋只卖日式烧肉，其实仲有寿喜烧，晌美食广场内有呢一类中高档餐厅都算少有。而点解佢哋店名叫「一头和牛」呢？餐牌面页就有解释，因为佢哋严选A5上州和牛为主食材，仲要喺一整头牛咁买番嚟，再分割唔同部位。睇番主餐牌，又其实唔止得烧肉、寿喜烧嘅，仲有沙律、小食、烧物、刺身、寿司、丼饭……等等。而烧肉、寿喜烧可以单点，亦有套餐供应，更可追加食材。饮品方面，除蜜饮、汽水、梳打特饮之外，更有啤酒、清酒以供选择。你想悭少少呢，亦有得俾你拣，就喺晚餐，A-K共10款，有唔同嘅丼饭或刺丼，定价$68-$288，包味噌汤，另可以优惠价加配饮品，正所谓丰俭由人。更标明外卖自取免收加一，当然，喺想做多啲外卖生意，此外，出面就喺美食广场，可以买咗晌出面食，一样舒舒服服，唔使拎到返屋企先叹。我哋嘅攻略就喺点一份烧肉拼盘，再加一份晚餐垫肚，可以用一个加配饮品嘅优惠，再点份小食。正所谓工欲善其事，必先利其器，落好单，就送上围裙、烧肉夹及蘸汁（烧肉汁同酸汁）。热情果菠萝梳打 +$18（跟晚餐加配）今晚食嘅嘢都喺味浓，又加上喺烧肉，点都要揾杯冰凉嘅冻饮衬一衬，梳打类中首选喺呢个特饮，贪佢热情果酸酸咪咪够清爽，又可以清新一下口腔，里面仲有啲菠萝肉食吓，喺嫌得几片少咗啲啫，哈哈。荔枝西柚梳打 $32（散点价）老死就拣另一款口味，以荔枝糖浆做嘅梳打，加入西柚果肉，同样好清爽，配烧肉就啱晒。香煎和牛饺子 $68未食烧肉前，先嗌份小食过吓口瘾，猪肉馅做嘅饺子就食得多，和牛㖞！真喺第一次食，呢个喺店长推介我哋试，一来用上和牛，二来自家每日包制，保证新鲜。的确，煎得外皮很香脆，亦好薄身，咬落去，好爆汁，仲有一份油香感，啲肉亦搓得松化，喺跟平常嘅饺子有啲分别。特上烧肉拼盘 $328今日嘅主角卒之登场，餐牌就标示有320g，包括5款肉：日本A5上州和牛、澳洲M7腰脊心、美国顶级牛小排、美国安格斯西冷及牛舌，每款有4-5件，摆盘非常靓，啲肉嘅色泽又好，每款肉亦附有名牌，唔怕唔知边款打边款。仲附有一粒「牛油」（牛脂）俾你起锅减少黐底。美国顶级牛小排牛小排油花睇都睇到唔会好多，主要都喺食佢哋嘅肉味，烧过之后，焫香两面就已经OK，入口非常软腍，甚具肉香，又富肉汁，果然喺够顶级呀。澳洲M7腰脊心试完美国嘢，跟住试试澳洲货色，腰脊心就真喺唔多识咩部位，不过，外观一样咁靓。食落去，跟牛小排有啲相似，肉味重，沾上酸汁真喺令人回味。美国安格斯西冷西冷就唔使多介绍，大家食扒时经会食到，西冷薄切少少，口感一流。而入口非常嫩滑，既有肉香，又有油香，改用枱上备有嘅即磨黑椒嚟调和，风味更好。日本上州A5和牛肩胛重中之重，粉嫩嘅上州和牛华丽登场，睇样就知啲油花有几重，并且平均分布。食落唔会话一口油，却充满脂香，确喺有少少入口即化嘅感觉，一人两片，唔太多，啱啱好。牛舌本身都几钟意食牛舌，不时西餐有烩牛脷嘅菜式，都会选上，因为口感、味道都好独特。厚切嘅牛舌，口感十足，柔韧带点弹牙，味道则有种牛舌独有嘅膻香，呢个一定沾烧肉汁啦。西班牙黑豚叉烧乌冬 $88食咗咁多烧肉，所以，再晌晚餐度拣咗一款乌冬，一来有个主食垫吓肚，二来食啲湿湿哋嘅嘢，又有啖汤饮，感觉个人无咁干。随餐附送味噌汤，我就无试，由老死包办，佢就话几唔错，好有面豉香，浓淡恰到好处。讲番个乌冬，真喺几好食，啲乌冬口感好滑溜，食到「𐽌𐽌声」；最钟意喺啲叉烧，用上西班牙黑豚心理上都赢咗先，入口松化而少脂肪，啱我多啲，且有好多片，仲伴有唔少配菜；论到个汤头，奶白嘅汤头嗒落喺鱼汤，颇鲜香，无欺场。枱旁有壶茶，初时以为只喺热水，原来喺玄米茶，整体招呼几好，不时清走已食完嘅碗碟，侍应都好有礼。好难得同老死舒舒服服食餐日式烧肉，大家讲到将来，都喺吃喝玩乐咁啦，哈哈！
继续阅读
最近很流行吃日本的sukiyaki，而一般高级餐厅的寿喜烧会用A5 和牛，今次第一次黎，先试下美国牛set $488，都好唔错，性价比十分高，下次可以再试高级的和牛。店家先奉上我喜欢的玄米茶。清酒煮蚬($68)新鲜，煮得刚好，带微香的酒味。套餐有牛油果柚子沙律，很有份量。极上三色和牛寿司有惊喜，盐烧黑松露和牛，汁烧葱花和牛，原味姜蓉生和牛，牛味香浓，每一款都在口溶化，很幸福。美国安格斯西冷320g 有十片，份量十足。店员细心介绍有两种食法，可以先试关西风sukiyaki，先刷牛脂肪，再放牛肉，先烧一边。再加少少汁，翻转，再拖几下吸收汁。然后放入已发匀的日本鸡蛋蛋浆，蘸上蛋浆令牛肉质感更嫩滑。野菜拼盘新鲜又丰富。第二个食法就系涮涮锅shabu shabu，带甜味的锅好食到停唔到口，想加个白饭添。最后，食埋吸收晒汤汁的精华的稻庭手打乌冬，完美的结束。
继续阅读