上壽司 (已結業)

2個女仔, 點咗約12碟壽司, 加上天婦羅, 烏冬& 雞軟骨餃子, 最好味係雞軟骨餃子; d壽司不算特別, 味道一般, 較欣賞的是芒果配三文魚。大部份壽司的價錢為$20-35, 但size較細小。

我地一行六個人, 壽星仔話想食日本野, 因為落雨濕濕就費事走黎走去, 就沖左入去喇...入到去好好, 佢話比張卡位我地, 咁ok 啦...then 叫野食...d 人叫極都無反應, 明見到都無反應架wo... 算...點左d野食...黎九萬世都唔黎...d 野食又勁小款...又唔新鮮....唔得囉....我地六條友都食唔飽...錯晒啦

係尖沙咀行左好耐,又累又炎熱,行左去好時沙爹,我又唔想食,因為好想食凍野,好啦..去板前..黎遠一望,心知不妙!點解門口冇人等位..原來嗰晚係距地周年晚餐!!立即好失望...我唸一唸..美麗華商場,好似有一間壽司店...去到又係冇人等位.唔通距地又聚餐..原來唔係,呢間係真係冇人等位o既...但,是但啦!真係好累了.跟住就同門口個員工講,2位!!!!距問都唔問就比左張order枱我地...咁我地就話要轉迴轉枱..個四眼長頭髮女仔就話:咁你地要出去輪過?(明明迴轉枱嗰度..係有大量位...)我地咪行番出去囉..又比我聽到...門口個待應話:距地要迴轉枱,好阿,轉阿轉阿...轉轉轉轉轉咪轉飽距地..好, 入正題..講食物...三文魚$9k甜蝦$15:爛尾同唔甜,所以又係叫左一碟!海蝦$12:反而意外好味..海膽$25k.只叫左一碟蟹膏甜蝦軍艦$20:不知所謂..冇味..有2樣野,一定唔可以叫..軟殼蟹手卷同蟹子沙律因為2樣o既共通點都係小都喊....沙律o既份量少到完全接受唔度(我唸2個人黎講,每人一啖就冇架啦!真係2啖咁多,有吹水!)...跟住我地話唔要比番距..可能係咁o既關係,員工有

記得兩個幾月前同朋友貪新鮮去呢個野到食過~感覺超唔拈~ d 壽司唔知想點咁~1. 印象中比較貴既壽司多左d 好似睇得唔食得既莊飾係到~無聊=.=2. d 人又唔知做咩~成日走埋來都加茶~如果話呢d 係良好服務~我覺得多餘~只係比人感覺好煩~3. 係食方面最唔拈係~ d 飯好得酸~軟殼蟹超少!! 雖然平~但係回轉吧上面個d 來來去去都係令人睇到唔想食既野~睇望左兩眼~都係算吧啦噚晚去~ < 比上次滿意左> ~另一原因因為有人請~呵呵~心情少不免都好左~1. 9 點幾去到~唔洗等位~Reception 個女仔幾靚仲幾有禮貌~我地今晚一行4 人坐卡位~幾舒服2. 間野回轉吧中間有個好多既魚江~我唸係特色瓜~不過噚晚去~個魚江爆左~裡面無魚~大殺風景..3. 重點~今日同樣叫左軟殼蟹手卷食~好味~ d 飯冇再好似上次咁酸~眼見回轉吧個邊好似同上次有d 唔同~感覺上好似多左好多野食咁~有d 好靚~不過原來個d 只係可以係回轉吧到拎= ="4. 今次叫左個3 文魚頭燒~同d 串燒食~好好味~叫左好多野食~都唔洗點等就有~ d 壽司都無咩多左~有d 特別少少既壽司因為個樣靚好好味~

一千個唔掂, 係一千個唔掂, d飯:料比例錯晒, d壽司飯亦料理得好差, 帶左d在特價壽司先會找到的酸味.好明顯係用錯左醋. d料亦唔夠新鮮, 但絕對係板前價錢, 係直情食完令人好唔開心o個隻.我對d無誠意, 對壽司本身無要求的店非常反感, 千萬唔好去, 包後悔, 幾好mood都衰晒~

想食壽司,行過見有間新開,本來諗住食兩碟過口癮, 點知成為了正餐例牌salmon, 好有肉味, 真係幾掂, 一d都唔欺場~之後不知不覺越食越多, 最後猶豫食唔食和牛,因為都要$35/件,很大既爭扎,最後都食左,有牛+油味,不過就有根~不斷都有人加茶, 加得太密~唔知係咪因為新開,我覺得味道真係幾好,唔係網友們誚到咁差,個人食開板前(10粒＊),覺得呢間都有7粒＊丫~不過有一樣野真係....軟殼蟹卷內的軟殼蟹真的少得很可憐, 早知就直接點軟殼蟹~唔知做耐左, 係咪仍然可以KEEP到水準?創業難, 守業更難~

本人曾光顧某幾間迴轉壽司(板前, 壽司亭, 蜂, 一壽司, 元綠,和花亭, 元氣, 北海道,明將,目黑, 羽,東京, 金太郎)其中比較好食: 和花亭, 板前其中比較難食目黑, 元綠, 羽, 壽司亭不過今日都唔講呢幾間難食都唔講,食到要趕住走除了銅鑼灣壽屍亭(屈晨屎上面), 可以令我和女朋友有這感覺外, 佢都可以話第二間 "上壽司"好難食唔肚痛都感恩27/5 晚去的, 無需要等位餐廳以錄色為主, 有out 爆的元錄色彩似西餐廳多d 中間有江水, 有魚的,可即食, 但最好唔好試, 水好混濁, 好心用多個濾水器啦食左好幾樣1. 帶子2. 三文魚3. 親子三文魚(唔係好記得個名)4. 黑蟹子5. 海膽6. 三文魚頭燒廢話小說, 點解難食原因1. 沒有一塊紙菜新蘚唔林, 我用盡力先咬得開2. 三文魚子超難食唔新蘚再加一D如豬肉的三文魚碎3. 海膽如一堆黃色淡4. 帶子已經比較好一些5. 三文魚頭燒原本想除消, 好彩無, 全晚比較好食, 但超多骨, 冒生命危險去食6. 最嚴重問題, 班所謂師傅, 除了一個好小小, 其他個個

死症: 壽司飯過酸, 掩蓋魚生味道其它: 活帶子冇鮮味, 三文魚好un, 鵝肝唔熱, 神戶牛肉咬唔開未食飽就走人, 過去山林道食雞蛋仔醫肚

尋晚同女朋友去行美麗華佢不嬲都鐘意食日本野架啦有間好似新迴轉咪同佢試下個場都幾大d位好闊落環境都唔錯一坐低佢就狂叫左佢鐘意既油甘魚刺身我就要慢慢揀款式都幾多下有幾樣都真係唔錯芒果鵝肝牛肉烏冬(唔記得全名係咩)仲有我平時叫得最多既三文魚依到d三文魚都ok大件總括來講價錢唔算太貴d野食都不俗係refill茶慢左d 唔知係咪個埸大呢最緊要係女朋友食得開心覺得好食不過可能佢係咪都覺我日本野就係好食架啦

星期四晚要返舊公司找回些文件,跟住就諗住喺附近找一間餐\廳食晚飯,見到這間店新開無耐,就諗住試下,叫咗唔係好多嘢,都係一些大路的食物,好似三文魚壽司,芒果三文魚壽司咁。食食吓有幾隻烏蠅飛黎飛去,已經覺得好似唔係好乾淨咁,但因為d嘢食黎得好快(嗰晚只係得幾台人),所以就快快食埋就走。<br />第二日下午開始就喺公司肚疴,足足疴咗六次,又嘔咗一次,跟住開始發冷,放工即刻睇醫生,行去睇醫生嗰時差d暈倒,可能又疴又嘔。然後醫生話我是急性腸胃炎,燒到39度,醫生問我這兩天有有吃過生冷或日本菜,佢\話應該係那些食物不乾淨。我足足疴三日,宜家其實都仲疴緊,d燒又唔退,我如果仲嘔就要入院,我聽日仲要考試,真係多得呢間嘢唔少。<br />它的裝修好普通,服務還可以,但衛生一定唔得,食日本嘢,d 嘢唔乾淨真分分鐘死人架

迴轉壽司店越開越多，人客也越來越多。不想排長龍，早前見有雜誌介紹過這新店便來試試。一晚約七點到達時已滿座，但只有兩三人在等，店員說應該約五分鐘便有位，禮貌不錯。最後坐在門口位，未知實際環境如何。點了海鮮沙律，刺身比預期多，但沙律很酸；軟殼蟹手卷炸得過了火，紫菜也不脆。從迴轉帶上取的壽司，新鮮度算ok，味道一般，但飯鬆得一夾就散。不禁望一望師傅們，啊~ 都很年青，有一兩個特別照顧鄰座的女孩們，似乎是朋友來的。失望之下，兩人只吃了數碟便離開，找別的再吃算了。手機拍的照片很模糊，見諒-http://home-and-garden.webshots.com/album/558422936vXArRp

是日見佢有午餐, 好似之前沒有的, 款式又多, 咪試下囉.點了壽司定食, 有吞拿魚, 帶子, 三文魚, 甜蝦, 黑色蟹籽軍艦等六件壽司加二件加州卷. ok, 唔特別, 算新鮮. 還附冷麵, 蒸旦, 很豐富. 質量一般, 勝在量多.另外, 這裡的酸薑, 味道怪怪的. 我一向係酸薑狂, 但都吃了一點便罷了.

其實本來以為係呢度既食店會特別好味而且特別貴,但係今次體驗又唔係喎!呢度的壽司唔算特別貴,味道都有好多唔同款,反而我最鍾意食最平一款--粟米沙律壽司,9蚊有兩件,味道清清地,好fresh,又唔會有太多沙律醬,仲有少少蟹籽添!至於去親食壽司我都會試既三文魚壽司,呢度略嫌薄左些少,同埋唔覺得好新鮮,只係一般貨色!又試左個吉列蝦卷,嘩!好味道呢!尤其個餡,即係個吉列蝦,一點都唔油,但係又脆口,有味道,很好!個壽司外層又有芝麻,頗有特色!反而刺身好似唔太抵咁,35蚊都只係得幾塊...我見到佢有一款叫黑蟹籽壽司,唔知係咩,唔敢試,大家如果有興趣,可以一試!

尋日我生日...<br />去到美麗華果面打算食\"新羅寶\"<br />上到去先知裝修中<br />再行過諾士佛睇下有咩食<br />結果走左黎\"上壽司\"到食我既生日晚餐\<br />咁就入左去啦...<br />結果食完之後我好開心<br />佢\地d壽司其實同板前同豐既價錢差唔多<br />大約都係15-35 不等...<br />入到去環境幾舒服<br />帶位果個姐姐都幾有禮貌<br />我同男朋友叫左個鵝肝壽司<br />舊鵝肝真係好新鮮!!好味~<br />仲有一隻牡丹蝦個頭係炸既<br />個身就係壽司,真係出奇好味道..<br />幾滿意...<br />叫左個\"天富羅\"湯烏冬<br />出奇地...有2隻炸蝦喎<br />真係估唔到...又唔係貴都係$35 咋<br

最近生日, 朋友話請食飯. 我最鍾意就係食日本野, 但上面d食評講到咁差, 初初都有d擔心去唔去食, 不過既然有人請, 冇所謂啦.我地尋晚7點幾去到坐低, 唔洗等位, 入面唔係太多人. 不過環境幾舒服. 我地坐order檯, 因為大家都一袋二袋, 想坐得舒服d. 我地點左十幾碟, 之前見到雜誌有介紹芒果鵝肝果個壽司, 我又鍾意食芒果, 佢又鍾意食鵝肝, 最想試就係呢樣, 我地都不約而同覺得個幾好味^^ 另外有個係d半生熟o既牛肉包住舊壽司o既都幾好咪, 不過唔記得左個名係咩. 一碟有三件. 我地睇menu揀d平時少見o既野, 咩三文魚果d就真係冇揀了, 諗住食d特別d o既野, 所以我地睇圖同埋睇名黎揀. ^^ 我地仲嗌左兩個手卷, 軟殼蟹同甘魚腩, 我個frd個軟殼蟹仲係熱o既, 好似好好味咁...壽司方面我地叫黑魚子軍艦, (同普通橙色o既差唔多味, 不過細粒d, 幾得意) 炸蝦壽司, 有個小貝x 軍艦(唔記得左個名, 不過係一粒粒小帶子咁), 仲有個蝦膏+蝦, 不過試呢d新野我只係點左好少o既豉油同wasabi, 因為唔想蓋過左個原味, 試唔清, d蝦膏幾好味架呢^^ 如果有