三郎日本料理 (已結業)

有次行街經過見係新店，便拉男友去試試。叫了幾款想食嘅壽司，賣相都好新鮮，令人想食。呢碟脆脆蝦卷，擺放喺竹盤上，好吸睛下。香脆嘅蝦配上軟綿綿嘅飯，口感不俗，重點係夠熱先做到呢個效果！佢地唔會一次過嚟曬，會逐樣逐樣黎，感覺等你食完先上另一道，唔會似趕你走咁。平時食日本料理，我必點炸軟殼蟹，呢度夠熱夠脆啖啖肉，不錯。仲有呢度都不乏串燒選擇，可以俾人慢慢飲返杯，又嘆下咁。叫咗少有嘅大葉免治雞肉串，貪佢夠大串，可以大飽口福！露荀豚肉串都不錯，最重要係無渣！p.s. 留意到呢度服務幾好，會好留意每張枱嘅狀態，無茶加茶，食完會主動清碟，無趕客走嘅意思。希望可以繼續維持呢個服務態度下去。

難得過黎佐敦試試新餐廳先~見到飲食網站推薦就抱著貪新鮮嘅心態試試佢個Lunch set~日本菜最緊要係試下壽司嘅質素就可以反映到整體，所以必定試下佢個壽司set~這一次點左梅套餐~連餐及烏冬飲共HK$98~新張有折~實付HK$84~梅套餐嘅壽司包括花之戀、大卷、海膽同拖羅~係幾新鮮嘅~師傅手握嘅力度、調味都夠，基本上唔洗點鼓油。不過烏冬就失色左D～滿滿的黑醬油加豬骨湯……但係…冇味嘅？加左七味粉都唔係好夠味。一次完了。

最近，同媽咪去慶祝一番，由於我地兩個對日本菜情有獨鍾，所以上左網睇下有邊間系未食過，結果比我地搵到三郎！到左三郎，環境尚算大 位子有適當既距離 吾會感覺好逼甘。龍蝦海鮮魚生丼：見到menu好吸引，我地就叫左。當中有原隻龍蝦，肉質實肉，size為適中 食客可以啖啖肉享受龍蝦肉！另外，蟹膏帶有點點甘香的味道。除左依兩款，仲有粒粒分明既鮮味既三文魚及油甘魚、不帶腥味既海膽、咸咸地既三文魚籽、帶少許甜味既皇帝蟹棒同青瓜粒！一次過滿足晒食客既要求！鵝肝壽司：估吾到依度有依款壽司，鵝肝為一片，咬落入口即溶，完完全全感覺到鵝肝既香油系口中，吾會有臭味咖！個人推介佢！左口魚裙邊壽司：由於師傅有燒過少少表面，所以同樣入口即溶，同時好香口！甜蝦壽司：甜蝦同樣新鮮帶甜味。帶子壽司：帶子爽口，食得出新鮮。溫度冰凍的！三文魚壽司：同媽媽作為三文魚腔，所以叫得比較多。三文魚厚度適中，味道同樣地新鮮！炸墨魚咀：餐廳仲有熟食叫，墨魚咀口感煙煙un un，炸得吾會過於油膩！椰子雪葩：驚喜地有我最愛既椰子雪葩，溫度當然夠晒凍！椰子香口，好岩大人同小朋友一齊食！

陪媽咪到佐敦配眼鏡，在附近找了這家三郎日本料理，這裡地方很整潔，單邊一列大窗，蠻舒適的。服務方面也很到位。坐定定再看看餐牌，午餐選擇頗吸引，而價錢也很實惠。雜菜沙律 +$5雜菜很新鮮，夠水份，芝麻醬味道和份量也恰到好處。吉列黑豚肉定食 $88肉厚多汁的黑豚肉，其吉列外層脆而不會過乾，份量頗大，白飯軟軟韌韌，又甜甜的。以這價錢一點也不貴。日式豬軟骨拉麵$55拉麵爽彈又滑，豬軟骨稔香入味，又有木耳絲和半隻鹵水蛋，豬骨湯底既濃滑又鮮味。餐熱檸茶和凍檸茶也不錯。會繼續支持三郎呢！

有朋自遠方來，要我在附近找一間好坐的，選了這間日本料理午餐。中午不是太多人，地點也方便，樓上鋪通常是平一些的。看見午餐的Menu不貴大約100元左右，決定入這間。來一客刺身午餐定食，嘩，點知，勁靚呀，食Lunch都有燈！什麼事？太開心了。賣相怎樣？你話呢？菊花加燈飾，看看這海膽？三文魚腩，和厚厚的帶子，噢！真是喜出望外！ 海膽是很新鮮的。生蝦壽司也很肥美。簡真在短短十分鐘上了天堂。哈哈，不知是不是樓上鋪租平D，百幾蚊好抵食。真是要讚多兩句。好食！

佐敦新開既一間樓上日本餐廳，整體黎講都幾好食。三文魚刺身($45)五件厚身肥美既三文魚刺身，用個靚靚杯裝住，色澤亮麗，食落口就知係新鮮既，證明用好既來貨👍🏻跟住就係四款壽司，蟹籽帶子軍艦($28/2件)，帶子鮮甜，加埋脆身既紫菜，唔錯。劍魚腩壽司($26/2件)，岀面唔算好常見，劍魚厚身有魚味，唔算好腥。火炙左口魚邊壽司($25/2件)，近排愛上左火炙左口魚，呢到得左口魚邊，但係都好食。火炙三文魚皮壽司($22/2件)，超級特別，之前完全未食過，魚皮用左好多醬油去調味，食落有啲似鰻魚壽司。炸墨魚咀($42)正常size既墨魚咀，炸得尚算鬆化，但無配上醬汁，淨係檸檬汁有啲寡。牛油果軟殻蟹卷($68)軟殻蟹炸得脆身，但就唔係好食到蟹肉同蟹味，可能俾沙律醬同牛油果蓋過啦。最後食埋個銀鱈魚西京燒($108)，份量不大，同埋加左醬油再燒，令到個邊黑黑地好似燒焦。味道方面醬油味較濃，鱈魚味就唔係好岀。

今晚去了佐敦與太太買完BB物品後，大家都感到肚餓。我們選擇了這一間白加士街56號凱豪商業中心1樓的三郎日本料理。這間日本料理是新開的，大約開張了一個多月。這間日本料理店子不是很大，但本人覺得很抵食，性價比甚高。我們點了很多壽司，有三文魚壽司($18/兩件)、帶子壽司($26/兩件)、海膽花之戀($32/件)及海膽軍艦($45/兩件)。海膽壽司是我的至愛，尚算新鮮。牛油果軟殼卷($68)，軟殼蟹亦炸得香脆，被牛油果和飯團包著，再加上沙律醬，層次豐富。另一最愛就是花之戀，這個花之戀上面鋪了海膽，而三文魚是厚厚的，加起來層次又升高了。炸物我們點了炸蝦天婦羅，外脆但裡面很嫩滑。金菇肥牛卷，燒得很香。牛扒山葵燒($138)，店長有推介給我們。牛扒燒得外香內嫩，外面塗上山葵汁，加了牛扒鮮味。鏝魚炒飯，上面鋪紫菜，飯亦炒得很址均勻。靖魚燒得很香，新鮮美味。再來一客椰子雪葩做甜品作終結。

今天去完佐敦見客，經過白加士街，同事說帶我去附近的三郎日本料理食晚飯，佢話做左成日，食餐好d享受一下，果度有龍蝦丼食，現在做緊特價，平左好多，一於去試試！餐廳地方整潔，坐住舒適！龍蝦海鮮魚生丼：食材有原隻龍蝦、三文魚、油甘魚、海膽、蟹膏、三文魚子、皇帝蟹棒、青瓜粒。材料豐富，份量亦好大碗，龍蝦大隻到連碗也放不下，肉質彈牙，而且已經去殼，方便進食。其他材料也很新鮮，有海鮮也有魚生，又做緊特價，真係好底食，值得推介！壽司有：三文魚、左口魚邊、帶子、甜蝦、鵝肝。壽司飯軟硬適中，調味恰當。三文魚肥美、帶子甜蝦鮮美、左右魚邊和鵝肝經過炙燒，油香充滿口腔，味道甘香，美味！海鮮炒烏冬：烏冬入味，加上多種海鮮的鮮味和木魚絲，使味道更惹味，好味！

在九龍公園往佐敦走，午餐消費總比留在尖沙咀相宜，這天走到白加士街，接到一張三郎日本料理的傳單，午市套餐價格看似實惠，肚又餓到行雷般，於是就上一樓一試。座位都算很多，可能新開張的關係，人流不算太多，空間好寬敞。牆上有不少大幅掛畫，簡單得來和風味重。雖然說是午市，但午餐既選擇有4頁紙，還可以加錢追加小食吉列黑豚肉定食$88 ，奉桌時被金黃色的豬扒吸引著，擺碟都日系風十足。豬扒質感很好，不肥也不瘦，炸粉非常鬆化，下面有少少油份，咬落口有丁點油光滲出，肉質食落一點都不乾身。三文魚海膽丼飯，刺身既顏色比較淡，鮮味不算重，不過勝在份量都夠多，而且套餐都會跟上味噌湯一份，暖暖胃。追加了兩份小食，先來汁燒免治雞肉棒$12 ，雖然只有一枝，但都拌上沙拉在旁，誠意可加。油甘魚刺身$22 ，這份追加既刺身比丼飯上既更吸引，食落鮮甜爽口。這裡應該開張不久，午餐時間未至於全場滿座，用餐環境比較舒服自在，喜歡在午餐時間休息一下鬆口氣的可以來這邊。

今日陪朋友到佐敦護協買小朋友用品，買完離開時準備搵地方晚飯，巧遇有人派傳單，原來係對面商廈內新開張的三郎日本料理。新開張期內到店鋪晚膳可享85折優惠，我和朋友二話不說即決定去找三郎做朋友。我們的雜錦壽司拼盤，肥美三文魚壽司($18/兩件)、帶子壽司($26/兩件)、海膽花之戀($32/件)和海膽軍艦($45/兩件)。海膽鮮甜，味覺一大享受。牛油果軟殼卷($68)，軟殼蟹非常香脆，被牛油果和飯團包著，再加上沙律醬，層次豐富。牛扒山葵燒($138)，是這裏的推介，牛扒燒得外香內嫩，再配上山葵汁，提升了牛扒鮮味。再來一客椰子雪葩做甜品，用真椰子盛著雪葩，椰子味非常突出。

係佐敦搵到一間質素超好又抵食的日本料理呀一進店，掛滿了日式風氣的畫，感覺簡單舒服鵝肝壽司+左口魚邊壽司+鰻魚壽司第一啖食鵝肝壽司，哇超級好食呀，入口即溶，好creamy而左口魚邊壽司都無得輸，係我最鍾意食既日本魚，口感好滑鰻魚都超正豚肉露荀串露荀好嫩好爽一啲根都無，而且用左薄薄的豚肉包裹住，沒有肥膩感火炙三敦魚腩壽司軟殻蟹手卷塊紫菜係脆卜卜的，軟殻蟹炸得夠乾身，唔會油淋淋，仲好脆添銀鱈魚西京燒肉質超滑，塊皮脆脆地，好味鹽燒雞翼燒茄子同出面一般的燒茄子不同，呢度會幫我起埋肉食落方便好多配上木魚絲，味道更豐富食既時候，記得將醬汁加薑蓉，因為會好味好多

新開張，係商場門口派傳單，阿姐熱情照呼我們上去，胡里胡塗就帶左上去，見到餐牌有一款，龍蝦海鮮魚生丼 由3百幾，優惠價$198 當然即試啦！龍蝦海鮮魚生井$198淨係波士龍蝦一隻都最少值$99，還有鮮味海膽一片與青瓜同吃，爽口甘甘地，濃味蟹膏咸香味，爽口三文魚粒，爽口油甘魚粒，青瓜粒，醃羅白粒，真三文魚子（味道帶少少腥味）如果假只得咸味是不同的，蟹棒2條。$198真的有點大平買必叫。 當然食物配搭不可改，叫者全部都要喜歡食呀！全碗我發現最有問題，是點解有有沙律生菜片，本人覺得不太夾，如果改青瓜絲，紫菜會更夾醋飯，龍蝦肉內有膏驚喜，雖然熟龍蝦，雪藏貨色，但肉質爽口，有進步空間，因為食到少少雪扣分。另外點了未食過海帶枝豆壽司，可惜賣晒……無機會燒鵝肝壽司$40，鵝肝燒到外脆金香，厚度適中，咬下鵝油充份和壽司醋飯一體，原味趁熱食，已經滋味無窮！ 服務員都貼心提醒，即食不用點豉油。細心啊見到餐牌除了酒，還有多款特飲，選了一禁藍天白雲$ 32 配上比卡超真的很吸引女性一定喜歡！以乳酪主幹味，很易入口，比益力多甜少少，很漂亮又大杯抵飲♡開飯提示：可能星期三6點半關係，坐位未爆，大家平日去最好7點前，

老友寫字樓搬過九龍後，中午得常常約吃午餐，因為大家公司都在附近。想起在公司附近，開了一間日式料理，因為新開張不久 一律有八五折。午市套餐也有很多選擇， 價錢也不貴，加上有折扣。今天因為早餐吃得晏 ，所以不能選擇太飽的餐。銀鱈魚套餐: 銀雪魚油脂豐滿，嫩滑😋。味噌湯是用 鰹魚淆成的。還有餐飲，折後$78，真是扺食。

佐敦一帶食肆林立，但日式菜館不多，今晚原本打算來佐敦食著名茶餐，怎知排隊期間發現對面這間新開日菜，一於轉軚試新菜。餐廳裝修充滿東瀛味，地方寬敞舒服，內還有一間包房，最多可坐8人，自成一角，最適合小組聚會。藍天與白雲 (乳酪&藍糖) $32 ~ 色彩分明奪目，味道清新酸甜，酸味獨特, 令人食慾大增。牛油果沙律 $38 ~ 新鮮牛油果粒配上蟹籽及有機蔬菜，再加上惹味芝麻醬，滋味滿分！鹽燒雞翼 2本 $35 ~ 雞翼經燒烤後外層略帶焦香，肉香四溢，鹽香惹味！壽司款式選擇尚算豐富，價錢合理，食材新鮮而份量適中。火炙鰻魚壽司2件 $28 帶子壽司2件 $26 三文魚壽司 2件 $14 海膽軍艦兩件 $40 和牛刺身 細 6片 $88 ~ 美味和牛，入口即溶，嫩滑無比，令人回味！刺身肥美鮮甜，質感輕盈軟綿，份量十足，抵食！甜蝦刺身5隻 $48 三文魚腩刺身5件 $60三郎炒飯鵝肝和牛 $68 ~ 同時有至愛的鵝肝和牛， 炒飯香氣撲鼻，每一口都充滿滋味，必食之選！炸朱古力流心棒 2本 $28 ~ 外脆內軟的朱古力不算太甜，最後以這精緻的甜品結束今晚晚餐，滿足！

佐敦有間日式料理店新開張，接過樓下姐姐傳單，午市套餐有八折，跟同事一起去試下。一排一排的坐位，幾大間，只不過是十二點左右己坐滿半間餐廳，人氣旺盛。牛肉鍋烏冬熱烘烘，店員提醒小心熨手，好細心。先嚐湯底，清徹又清甜。牛肉份量好多，肉質柔軟幾滑，又無多餘脂肪，有牛香，咪以為價錢平質素一定差，絕對錯誤。蔬菜有大白菜和紹莱，份量也不少，可平衡肉和莱的比例。套餐包飲品，估不到檸檬菜有三大片檸檬絕不吝嗇。價錢咁抵，水準又不差，又多了一間飯堂。