三郎。燒肉

营业中

休息中

今日有舊老細請食午飯，梗係要食好少少，佢帶咗我去一間新開嘅燒肉店，我心諗，唔係晏晝幢幢食燒肉吓嘛。哩間三郎燒肉響H Zentre，真係孤陋寡聞，定係好少行去嗰頭，真係唔知SOGO隔離有座咁嘅商廈。舊老細訂枱訂12點半，入到去有四五枱，啲位幾闊，坐得幾舒服喎。我哋叫咗一個鰻魚飯SET($298)同一個燒肉SET($498)。侍應話鰻魚SET要等一陣，等左幾分鐘就先嚟咗個燒肉SET。個SET跟咗蒸蛋, 白飯, 湯同甜品，但主角當然係啲燒肉。肉眼，牛肋條肉，橫膈膜同腹腩肉都係日本和牛，肉嘅質素都OK啦，肉眼，牛肋條肉同腹腩肉油份平均，入口軟淋，橫膈膜就肉味夠重，燒到五成就啱啱好，外脆內嫩。個鰻魚飯SET係好食嘅，一食就知唔係嗰啲packing嘢，係新鮮劏嘅，燒得幾香。不過我嫌佢唔夠鰻魚汁，如果多啲鰻魚汁再入味啲就更好食。個蒸蛋正，夠滑。不過…等得耐咗啲，等到差唔多燒哂啲牛肉先來。坐坐吓就坐到兩點，見佢都七八成滿座。我舊老細哩啲要求對食要求極高嘅人，都讚ok的話，係有潛力返轉頭食多次嘅。

朋友生日，點名要食燒肉。啱啱睇到雜誌推介呢間新嘅餐廳就過咗嚟。晚市嚟到呢度佢有四個套餐，最貴嘅係$1280，平則就$588一人都有交易。分別係多咗刺身拼盤，燒海鮮，同埋肉嘅份量都有唔同。我哋比較過menu嘅價錢，最後都係散叫。基本上食唔同嘅部位既牛價錢都好平，大概$100一款。五款牛拼盤都係$5xx朋友和我叫了以下食物：1. 5點刺身拼盤（$398）姨姨個價錢真係超級抵食，有帶子，牡丹蝦，時令魚，拖羅，油甘魚。新鮮好味抵食2. 日式燒酒煮東風螺 （$108）強烈推介這個東風螺，10分新鮮大隻，啖啖肉，好想少少辣加埋日式清酒一路食啖啖肉既螺飲埋的湯10分好味。3. 燒魚乾 （$58）感覺似買來的魚乾加了醬酒，可不吃4. 12款牛 （$1488）冇諗過份量有咁多，好抵食感覺好似有一磅肉，但我哋得兩個人，我食到第五六塊牛既時候就覺得太飽同油膩。份量係多既，至於味道，食唔出係日本牛，因為日本牛比較霖身同埋多油分。個人認為牛味ok, 軟熟到一般，沒有入口即溶嘅感覺，屬中價牛。另外，因為佢全部都沒有醃料，所以吃三四塊已經覺得好油膩。可加入不同醃味肉供選擇，和配醬亦可多一點選擇及細心點，配上一小塊檸