三田製麵所 (金朝陽中心二期 - Midtown)

营业中

休息中

一人套餐 ($121)濃香豚骨魚介沾麵金獎炸雞三田特制拉麵 ($84)芝士年糕 ($38)鋪頭嘅沾麵真係好出色，湯底好濃稠味道亦都好足夠，有好重嘅豬骨味，就咁飲落去都已經好正🤤🤤(不過唔係鍾意重口味嘅就唔好咁做🤣)湯底嘅溫度唔係話好熱嘅個一種，而係一上枱就啱啱好嘅，如果過左陣凍左嘅話亦都可以叫店員整返熱佢(呢個服務好好😍)而沾麵嘅麵質都幾煙靭，亦都係好掛湯嘅，即使係冇湯但啲麵都唔會話一pat咁黐埋一舊，好容易就夾到🤓而比較起嚟，拉麵就算係清淡啲嗰一種，要讚嘅就係佢嘅叉燒，咬落口好淋，脂肪嘅比例都好好唔會太過肥膩。如果叉燒可以再厚多少少就會更加好🤩🤩另外再叫多咗一份芝士年糕🫢一上枱面就記住要即刻食，因為即刻就會感受到半融嘅芝士係中間流出嚟，加上年糕嘅口感真係好豐富，值得推介俾大家試吓😚👍🏻評分：9/10

今次嚟到日本過江龍的三田製麵所，喺日本這間餐廳非常多分店。亦獲得不少好評。今次嚟到香港銅鑼灣分店食，今次係嚟食晚餐去到餐廳已經排長龍非常多人，但係我今次自己一個人嚟比較快有位置坐，餐廳整體環境不錯比較寬敞唔會太逼。呢間餐廳主打係沾麵，我就普普通通叫一個沾面，我鍾意啲面系凍嘅所以就叫咗凍面沾麵湯嘅部分非常濃郁，比較有少少鹹。唔建議直接飲用。建議點湯來吃，點樣湯嘅面味道啱啱好容易落口而且湯點完亦都可以免費添加！炸雞方面做得非常好，落粉嘅分量啱啱好唔會太厚完全啱我口味非常推薦總括而言呢間餐廳非常值得去試👍👍

好鍾意食沾麵嘅我一直都係三田嘅忠粉，仲記得當年香港店第一日開業排咗成個鐘先有得食。雖然而家想食拉麵有好多選擇，但三田多年來水準穩定，所以久唔久都會去食。最愛佢招牌濃厚豚骨魚介沾麵，次次都係食佢。而且麵有得揀size，大盛都唔使加錢，有成足足450g咁多，一定食得飽（圖中前面係中350g，後面係大450g）湯底用豬骨、雞骨同大量蔬菜熬煮12小時，再加入特製魚介高湯造出濃厚湯底。湯底夠濃郁但唔會太鹹，加埋魚介粉令魚乾鮮味更突出自家製粗麵條口感煙韌もちもち，就咁食帶微微小麥香，掛湯效果出色叉燒唔係用腩肉比較瘦，怕肥嘅我食得開心味道清淡蘸沾汁食就啱晒除咗原味沾麵，炸雞都係必食！自家製唐揚炸雞單點一份有五件，新鮮炸起表面酥脆，內裡多汁總括嚟講食物質素高，份量多而且價錢抵食。餐廳環境企理乾淨，座位唔會太逼坐得舒服。

好耐冇食沾麵呀，放工想食個快晚餐，經過銅鑼灣登龍街的三田製麵所，記得佢地既拉麵、沾麵質素唔錯，好多人食幾受歡迎，門口一路keep住好多人排隊。<三田特製拉麵> $94拉麵配料有豚肉﹑筍乾﹑洋蔥粒﹑蔥粒，豚肉切成薄片，軟身質地軟腍，味道唔會好鹹，脂肪比例剛好，主要賣點喺湯底運用咗大量既雞骨、豬骨、蔬菜、仲有魚介等落去熬製。整體以豬骨味為主，麵中既生洋蔥粒喺精華所在，湯底飲落唔會膩。<辛辣濃香豚骨魚介沾麵> $88沾麵大中小份都可喺同價，亦可以選擇冷麵或熱麵～我一向鍾意冷麵，比較彈牙啊嘛。麵質比拉麵更為粗身，夾起麵條，沾上豚骨魚介濃湯，咬落去口感煙韌+掛汁。香濃魚介味，胡椒味重，沾麵同樣配上叉燒、半熟溏心蛋及荀乾蒽粒，辛辣惹味唔會好辣，夏日大熱天時食更為開胃。

自家品質麵食口味林林種種同一般的店賣相、口感、食法有所而吸引，不論日本拉麵/沾麵套餐或單點充滿咬口的麵食加上熬煮湯及麵食份量以海鮮豬骨用料足本主打，份量由特大及大中細，濃稠搭配不僅美味可以同時滿足不同胃口的人講求濃厚濃郁風味與温度保持一碗「辛辣沾麵/大」麵條粗身有彈性，熱呼呼掛湯惹味突出較為厚重出味，整體湯汁不覺油膩感味道富層次「半熟蛋拉麵」一碗材料豐富有齊配料，油潤麵條香味帶出油脂香不硬不軟出色質感味道不單寡

我地叫左沾麵同期間限定既黑胡椒柚子拉麵滿分：5⭐️沾麵 ⭐️⭐️⭐️⭐️湯底夠濃 唔會過咸 面質有口感 以沾麵黎講其實比得上日本既質素限定黑胡椒柚子拉麵 ⭐️⭐️湯底雞湯味係濃郁既但係就完全食唔出黑胡椒同柚子味依個真係扣左好多分咁樣同食一般既雞肉濃湯拉麵冇咩分別小食：餃子⭐️⭐️⭐️⭐️正常發揮 夠熱 juicy 外皮都夠脆招牌炸雞 ⭐️⭐️⭐️炸雞唔會好厚炸粉 但係比較油左d 但係最大問題係個服務真係有好大改善既空間👎🏻自問都係有禮貌既 咁岩坐正風口位想轉位 而當時唔full既 個waiter就西晒面 語氣好差話咁等下而當我地問另一個waiter佢就好好禮貌 幫我地轉到黎食物既時候 就咁放落黎 同茶餐廳冇分別 連講係咩野食都冇 就轉頭走左。。。 或許可能我地麻煩到佢所以咁 原來唔係 當有其他客黎時 個態度都係咁 連後面個枱都有啲怨言😥 其實有收加一服務費 但係真係完全唔覺得我地有受到咩服務咁。。。 食到一肚氣 真心野食係唔差既 價錢都合理 但係服務態度咁樣 真係大打折扣 唔想俾錢食野買難服😮‍💨

好耐無食三田製麵所，心掛掛今晚心血來潮，又無約人，自己今晚就去一去食，嘆一嘆，因為幾掛住個沾麵配冷麵😋濃厚豚骨魚介沾麵都係如常地好食，沾麵麵身好彈牙同爽口，做埋冷麵更加一流，更加彈牙同爽口，另外d筍好好食，蛋亦都好流心果款既流心蛋。今晚特別肚餓，所以都叫左大size，食到飽晒。另外升級左做套餐，食下日式唐揚炸雞，同飲下日本生啤，爽呀好滿足！不過全部野加埋要差不多$200落樓😵‍💫 不過難得一次食就唔計較咁多啦！

今天來銅鑼灣路過這家專賣日本沾麵的店就決定進來試一下。我點的是他的招牌魚介口味的。湯比一般的拉麵濃稠這樣可以更好的吸附在麵條上。麵很有口感很好吃 另外有半個溏心蛋和叉燒和筍乾。總體來說很好吃！

放左工又未夠鐘數上堂係銅鑼灣覓下食入到舖見到依家做緊一人set 大約一百頭 有沾麵/拉麵 （視乎選要再加錢）+小食+野飲 （要加一）今期做緊柚子胡椒雞白湯拉麵 （要加十蚊）湯到飲啖湯先！個湯幾濃 唔係行清既路線 舖頭冷氣偏凍 所以其實個麵上到枱既時候面頭已經有層油膜凍住左食落個麵有少少一般 可能因為期望有啲太高麵質覺得有少少似港式日本拉麵個種下次可能都叫番沾麵好啲小食揀左黑胡椒雞翼 幾好食飲品揀左烏龍茶 罐裝 有少少失望 我以為至少係杯裝加冰個種

今晚又到左一月一度嘅月經飯，簡簡單單搵間拉麵食下，成日經過見到呢間舖頭個名幾特別，今日終於試吓。佢呢度唔係用普通嘅豬骨湯底，而係用魚介湯底，所以睇落去冇咁清，俾人嘅感覺好似杰身啲，但係又好香，唔會死咸。而佢啲麵都真係好彈牙，女仔嚟講嗌個中size已經好夠。而我自己就加咗半熟蛋，但都好好味，真係好流心，個蛋黃仲甜甜地添。而佢塊叉燒都好大塊，亦都好夠林，幾好食。我叫咗個一人餐，除咗個麵同埋嘢飲之外，仲可以揀一個小食，我就揀咗佢嘅唐辛子炸雞翼，佢啲雞翼都唔錯，唔會炸到乾爭爭，亦都唔會太厚粉，整體嚟講喺香口嘅。呢個價錢以食拉麵嚟講係正常價錢，質素亦都對得住價錢。

三田製麵所為日本沾麵專門店，全港暫時只有銅鑼灣同尖沙咀分店。週末下午兩點左右黎到登龍街店舖，稍等了5分鐘左右就入得。同街有大量食肆，所以唔使點等位。內裏為簡潔日式裝修，枱與枱之間有足夠距離，但略嫌二人座位枱偏細，未必擺到兩碗拉麵以外的食物😮‍💨🥴至於拉麵質素🍜🍜🍜點咗辛辣豚骨魚介沾麵（大）$88大、中、小的份量都為同一價錢，特大除外。可以根據食量選擇相應份量，都幾貼心👍🏻味道唔錯，濃厚得黎唔會太重口味，配料豐富，質素也幾好。辣湯亦都相當惹味，辣度剛剛好，值得推介～

銅鑼灣人氣日式沾麵🍜濃香豚骨魚介沾麵🍜$84豚骨魚介湯係必選💞湯底非常濃厚而且唔油膩🥰額外再加上一匙羹魚介粉魚介嘅咸鮮味爆發🐟沾麵可選凍麵/熱麵😄半熟蛋拉麵🍜 中 $96食拉麵點可以唔食糖心蛋呢？😘呢款糖心蛋非常柔軟外層有淡淡嘅醬油味拉麵湯底，亦都係豚骨魚介湯但係相對比較稀一啲，味道濃啲拉麵麵質彈牙👍@tonkotsu8_hk @mitaseimenjo_hk 三田製麵所(銅鑼灣) 銅鑼灣登龍街1-29號金朝陽中心2期Midtown地舖

呢排見到好多朋友出國，個個都飛左去日本玩，日日食刺身同拉麵，係呢D衝擊下，去唔到日本嘅我，唯有同朋友一齊去食返d日本野調節下心情啦～😋 辛辣濃香豚骨魚介沾麵(大) $88湯底唔算係好辣，係好少好少既辛味，係十分濃郁既湯頭！今次我地揀左凍麵，麵質會硬身少少，但係一樣都係好彈牙，而且麵條十分掛汁，好滋味架呢！塊叉燒都幾厚同大塊，肉質一d都唔乾，整體十分唔錯 ～‼️好食指數 9/10‼️推介指數 9/10😋半熟蛋拉麵店(大) $106同樣有半熟蛋、竹筍同叉燒做配菜，半熟蛋流心而且味道出色，竹筍亦都同當爽口，湯底同樣好濃郁，幼身拉麵質地都十分彈牙，味道出色！‼️好食指數 8/10‼️推介指數 8/10😋 蟹肉忌廉餅 $42好重嘅蟹肉味道，炸得相當脆口，呢個小食正呀！‼️好食指數9/10‼️推介指數9/10😋 煎餃子 $38驚唔夠飽就叫多道餃子食，煎到脆邊，內裹肉汁滿滿，好味道～‼️好食指數 8/10‼️推介指數 8/10🍽️ 三田製麵所(銅鑼灣)📌 銅鑼灣登龍街1-29號金朝陽中心2期Midtown地舖☎️ 2567 8066⏰ 星期一至日11:00 - 22:00

今晚同朋友傾開食拉麵，諗起三田製麵嘅拉麵同沾麵🤗就決定入去食下，因為佢時不時都有期間限定嘅拉麵😆餐廳無論裝修設計同拉麵嘅味道都超地道😍睇下餐牌入面有唔同種類嘅拉麵同小食😋🌸半熟蛋拉麵拉麵個湯底熱辣辣又香濃，湯底帶香香嘅魚介味🤤拉麵係幼身嘅更可以吸到湯汁😍糖心蛋係拉麵必點項目🥰超正。仲有叉燒都好入味同腍😋🌸濃香豚骨魚介沾麵一送到黎已經有香香嘅魚介味，仲要熱辣辣😍佢個湯底嘅濃度比拉麵更濃😋入面仲有豚角煮🤓沾麵係粗身，輕輕一放，麵條已經掛上湯汁🤩

總括嚟講：服務好！嘢食都好。夜晚去到銅鑼灣搵嘢食，唔知點解，平時經過三田製麵所都冇諗過入去，但呢日就入嚟快快趣食個麵。坐底就即刻揀沾麵，同職員講要煮好熱嘅麵俾我哋，比較淺經驗嘅個位職員答：我哋有一定standard嘅溫度。跟著我再講，唔該你，我要熱啲嘅湯。跟著有位senior啲嘅職員再嚟問我：係咪要熱啲嘅麵。我話係，要好熱嘅湯及麵都要熱，湯要熱到滾。跟著佢就話會同師傅講。張單見佢mark咗「Hot」。啲湯及麵嚟到後過然係熱辣辣，麵都係熱。職員埋嚟問：夠熱嗎？如果食到咁上下凍咗我再幫你俾師傅整熱。非常好服務。我哋好快食完後，個職員問我哋加唔加湯，我話我哋極速食完，已唔洗加湯，下次嚟食先再加湯啦。叫咗兩份沾麵。啲肉好食，蛋都好味。熱到出煙嘅蟹肉薯餅章魚丸抵食，以後一定會再去。