三田製麵所 (K11購物藝術館)

营业中

休息中

成日都聽到啲朋友話三田製麵所唔錯，但平時經過條隊都排到好長，咁啱嗰日見無乜人排隊，所以就去咗試一試佢🤓濃香豚骨魚介沾麵(中) $84用上自家製極粗麵，口感煙韌又彈牙，亦都好掛湯，湯底方面選用大量豬骨、雞骨同魚介類食材，熬製12小時，味道極為濃郁😈三田特製拉麵(中) $84呢款同沾麵嘅麵條同湯底都大同小異，只係湯底無咁稠身，味道亦相對淡返少少，所以麵條都會無咁掛湯，想食清少少嘅朋友仔都可以考慮吓呢款😉最欣賞係呢度大部份嘅款式都係大中小Sɪᴢᴇ同價，可以因應返自己嘅食量選擇，唔會造成浪費🫰🏻

喺香港其中一間有啲名氣嘅沾麵店，所以一點食物一定係首選沾麵，我覺得豚肉做得出色，唔會好硬同實，面嘅硬度都做得唔錯，但係我認為湯嘅味道可以再濃一點，沾麵其中一個特色就是湯底需要好濃味突出湯底的味道

見呢間拉麵店持續保持人氣，今日終於的起心肝嚟試吓， 晚上7:00左右有條小人龍但勝在夠大間流量快，大概等咗10分鐘就入座，點左每檯必點嘅濃香豚骨魚介辛沾麵，大中小份量劃一$84，特大$94，沾麵追加湯$12，有熱麵供選擇～份量：小 250g中 350g大 450g特大670g湯汁味道鮮甜，味道濃郁，但不膩口，辣味香得嚟又不會太刺激；麵條口感煙韌彈牙，粗度適合掛湯，價錢合理，大小劃一收費，CP值頗高。如配小食同飲品叫套餐性價比更高，一人套餐$121包一碗麵、一款小食及一杯飲品 ，部份項目額外加錢，配搭彈性。亦有二人餐（$288）及四人餐供選擇（$588）。推介配自家製日本唐揚協會金獎炸雞，皮脆肉嫰，非常多汁～另點左期間限定胡椒柚子雞拉麵（中$98/大$108），湯頭清新帶柚子香，胡椒味唔會過搶，用雞胸肉都做到好嫰滑，麵質幼身彈牙，清爽之選。

魚介沾麵湯底突然變辣，同店員和經理反映，得出的答案同態度竟然係「你哋味蕾係咪有問題？」「就算我換其他拉麵都一樣」。朋友勉強食左一碗（除消另一碗），埋單走人Been here a dozen times with no issue. Today’s soup base tasted strangely spicy. When I pointed it out, a whole group of staff talked to us condescendingly like we had problens with our tastebuds and nothing they can do about it. At the end they called the manager out so that I could cancel my order. Not coming back.

同朋友，夜晚嚟到K11，四個人諗緊食咩好，碌下OpenRice見到間食沾面既，諗住試一試😉😉😉入口並唔係喺K11商場內，而係喺外圍嘅，我哋唔太熟路，所以搵咗一陣。我哋四個人都叫咗兩個二人套餐，沾麵有得揀唔同size嘅份量，收費都係一樣，所以同行朋友不論係大食定少胃口嘅，同台食飯都唔會尷尬啦🤭🤭🤭🤭🤭沾面有得選擇，凍同熱，個人覺得味道尚好，份量真係好夠❤️❤️❤️❤️❤️嘅朋友都有叫到櫻花蝦拉麵，櫻花蝦好好多，而且個湯都好香好好味，所以整體來講不論沾麵定拉麵，我哋都覺得好食！小食方面，種類都好足夠，我哋兩個餐大家嘅小食都撈亂咗食，所以人多嘅朋友仔可以考慮吓跟我哋嘅叫法😉😉😉由於太喜歡食吉列炸蠔嘅關係，我哋都點咗個吉列炸蠔小食（係額外叫嘅）

路過尖沙咀k11見到有間沾麵鋪價錢又ok就去試吓，咁午市時間有啲人排隊但係就塞喺門口，去問職員先知原來係要喺出面排隊。唔問都唔出聲，成堆人塞住喺門口都唔理吓。咁之後入到去嗌咗嗰辛辣沾麵食，嗰沾麵完全唔夠熱，淨係暖。而且一啲辣味都冇，只係勝在麵嘅份量夠多。嗰麵就好似求求其其咁塞落嗰碗度，一啲美觀都冇，而且塊叉燒又好騷，難以下咽。最噁心嘅係佢叫我坐喺bar枱，啲bar枱又冇抹過咁，味架下面發晒霉，menu 又好油，近住廚房放晒小風扇嗰度好多塵同昆蟲屍體！午市好忙我都明，但係帶住黑色頭巾嗰個阿叔重要懶懶閒咁，淨係見佢點人做嘢又唔做嘢，啲餐都擺滿晒，我要催好幾次先出到嗰餐比我。真係冇下次

三田製麵所 (K11購物藝術館) (尖沙咀)📍尖沙咀河內道18號K11購物藝術館地下G21-G22號舖開舖開咗好耐依然長期人氣滿滿經常都要排隊食親沾麵都會諗起佢 性價比又幾高半熟蛋拉麵（中) $96呢個拉麵就好經典係醬油魚介湯 湯底入面有洋蔥令到湯底更有層次感跟埋有味玉 整得好糖心叉燒係半肥瘦 有油香拉麵煮得啱啱好 又幾掛湯沾麵（大)＄84沾麵有得揀熱定凍 冬天揀咗熱食大中小一樣價 男仔朋友揀咗大size湯嘅魚介味好濃 唔會太鹹🐟個湯濃稠得啱啱好麵條彈牙可以沾到好多湯🍜 呢個價錢味玉 荀同叉燒 幾抵食

散叫的話濃香豚骨魚介沾麵💰84但我叫咗一人餐💰121 麵+小食+飲品 ❤️‍🔥8/10分（蘋果汁要加💰12）拉麵好食（其實都幾似烏冬），好煙韌，份量剛剛好💕魚介汁唔太鹹，同麵好夾👍🏻豚骨有肉味，幾香🤤蛋真係溏心，要讚，因為唔係間間都真係溏心🥚炸雞唔會太乾，咬落有汁，蘋果汁都ok😚⚜️一人食 要加一 共$146⚜️整體性價比 7/10分對學生黨作為午餐嚟講，有啲奢侈，但係好食嘅，間唔中食一次都ok〰️

可惜湯底只有咸味，仲係超咸咸到一面吃麵一面飲水解喝，完完全全沒有豬骨湯的味道，而辣湯麵都只是 七味粉的味道，咁我叫碗普通拉麵自己再落七味粉加辣油應該更好吧！碗拉麵麵質又硬，個湯唔勾夠熱的程度是的蔥到我食完全碗拉麵的蔥仍然是生的。侍應生服務員態度真真是嚇死人，只有兩個有禮貌同態度正正常常，一個 老少少矮矮的女士；另一個 後生帶眼鏡的都招待好好。其餘待應 傳上湯麵或餃子 時 又唔提食客上食物仲要夾硬在膠板同人客的腋下捐過，其實佢地願意行多兩三步，就唔會有這種情況出現。

Ooo日本過江龍沾麵ooO“三田製麵所”聽了很久, 今天才是第一次試~~ 是一間源自日本東京的拉麵專門店🍜🍜，主打沾麵。今次經過K11 決定試一下沾麵。店內坐位數量以拉麵店而言是很多的， 但因為此麵所都比較受歡迎🪅🪅，所以都要稍稍排一下隊才有位置。OooooO🍜濃厚豚骨魚介沾麵 $84此麵大、中、小 份量都是同價的，客人可按自己食量點選，我點了小分量都夠飽了😜。沾麵配一塊叉燒跟粗粗的麵放一碗，另一碗的沾麵湯就是精華! 湯底用上了大量豚骨、豬骨、蔬菜及魚介，經過12個小時以上猛火熬煮而成✨✨✨，味道濃郁，配上粗身既麵條沾入濃郁既湯入面非常掛湯!OooooO🍜半熟蛋拉麵 中$96湯底味道跟秘製沾麵湯差不多，只是比沾麵的湯底較稀一點成為湯麵的湯底😋😋。湯麵嘅麵就比沾麵嘅麵較為幼細，用嚟配湯麵就更合適。同樣配有叉燒，但多了半熟蛋🥚🍳，食拉麵就係想食佢既半熟蛋。選了中Size 的，男士都夠飽。

這間麵店平時行街成日經過，今次又來到尖沙咀行街，行街前當然要醫醫肚!麵店主要食沾麵，亦有一些期間限定!這裡亦有一人餐可以揀，套餐包括有麵一碗、小食一款及飲品!濃香豚骨魚介沾麵、來到這間餐廳當然要食沾麵，麵底可以揀要大中小size，我揀選了中size，而麵底亦可以揀凍或熱，這麼凍的天氣當然要吃熱的！沾麵分開了兩碗，一碗是湯，一碗是麵和配料！沾麵湯底非常濃郁，入面還有紫菜和豚肉!而麵餅較粗，非常掛湯，麵底口感煙煙韌韌，再加上沾湯，口感和味蕾都非常豐富!隨沾麵仲附有叉燒、溏心蛋和筍，十分美味呢!自家製煎餃子，餃子共有3隻，外皮煎到脆口，點上豉油和醋一齊食，味道不錯!明太子撈麵，這款是期間限定的撈麵，估唔到非常大碗!這碗撈麵有炸蒜、蔥粒、紫菜、牛油、豚肉粒和明太子!將所有材料拌勻後，撈麵食落好有口感，煙煙韌韌，而且有明太子的魚籽粒，口感好豐富，而且帶有少少辣，香口又惹味!

之前喺銅鑼灣試過好幾次呢間人氣沾麵店，每次食完都感覺滿足☺️朋友介紹話原來佢地嘅拉麵都唔錯喎，今日就趁時間尚早未洗排隊，去咗佢地尖沙咀分店試下😺🍜半熟蛋拉麵 ($96/中) 上枱時湯底熱辣辣♨️濃郁惹味而不膩，魚介味突出🐟連同爽口彈牙嘅粗身拉麵一齊食非常配合👍🏻過咗10分鐘後熱湯依然保持到溫度，有驚喜😃叉燒偏瘦少肥，口感鬆軟，味道甘甜有肉味👏🏻另有軟滑嫩口嘅溏心蛋🥚大量荀片，魚蛋片🍥蔥粒同生洋蔥粒🧅配料豐富又滋味😋🍲濃香豚骨魚介沾麵 ($84/大450g) 沾麵可以揀小/中/大，都係同一價錢😀湯底比拉麵湯更濃郁，質感非常結身，食得出有豬骨🐷同魚介🐟嘅味道，充滿層次感💜湯料方面有肉質結實嘅粒狀瘦叉燒同紫菜，配搭唔錯😊麵條我地揀咗店員都大力推薦嘅冷麵，粗身麵質煙韌有嚼勁，掛湯效果亦唔錯，惹味得黎唔會過鹹❤️另外沾麵上亦同樣放有瘦叉燒片，荀片同溏心蛋🥚作配料，一d都唔馬虎🫶🏻食到最後，店員細心幫我地喺沾麵湯汁度加咗d鰹魚湯🫕湯汁立即變成碗好有日本風味嘅香濃熱湯😻為呢餐豐富嘅晚餐畫上完美嘅句號🙆🏻‍♀️除咗沾麵同拉麵，仲有好多小食同飯類可以選擇💁🏻‍♀️下次會想試埋佢地香港限定🇭🇰嘅黑胡椒風味同唐辛之風

濃香豚骨魚介沾麵💰84湯底都濃郁，但香味方面，唔太豚又唔太魚。面質偏硬一啲，唔係煙韌果種，偏實一啲。叉燒薄薄，得一片。唔難食，但唔會吸引想食第二次，試過就算。

聽講🇯🇵三田出名係沾麵，不過較為喜歡🍜拉麵有湯底，所以選擇咗半熟蛋拉麵，呢度可以選擇中或大份量，👧女生就中size 都足夠。……………….🔅半熟蛋拉麵 (中) $96湯底熱辣辣🔥，味道濃郁，飲得出用🐷豬骨熬製之餘，魚介🐠味道亦明顯，比起單純嘅豬骨湯底較有層次，亦無咁油膩，不過就略為鹹咗d😅。配上粗身嘅麵條，令每注麵都可以做到掛湯效果🍜。叉燒🥓同半熟蛋🥚味道就正常發揮👌………………

三田製麵所.濃厚豚骨魚介沾麵食剩指數 : 0/100湯底好濃郁麵可以揀冷或熱冷既口感會彈牙啲熱麵就軟身啲我今次就揀左冷粗身既太麵好掛汁味道都唔錯有魚介香味又唔會好咸有一塊叉燒、半隻蛋蛋溏心做得唔錯叉燒唔硬不過未到入口即化.半熟蛋拉麵食剩指數 : 10/100湯底同沾麵類似但係稠度唔一樣湯底抵讚既位係出奇地熱食左10幾分鐘仲好熱麵體用返幼麵口感都算彈牙配料同上一碗差不多未到十分驚喜但有一定水準.日本唐揚協會 金獎炸雞食剩指數 : 0/100炸雞係一人套餐跟餐小食果然係得獎炸雞好嫩滑粉唔會厚仲幾juicy